| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
ஸுமேதோ⁴ பு³த்³தோ⁴
Sumedho buddho
தஸ்ஸ அபரபா⁴கே³ திங்ஸ கப்பஸஹஸ்ஸானி அதிக்கமித்வா ஸுமேதோ⁴ ச ஸுஜாதோ சாதி ஏகஸ்மிங் கப்பே த்³வே பு³த்³தா⁴ நிப்³ப³த்திங்ஸு. ஸுமேத⁴ஸ்ஸாபி தயோ ஸாவகஸன்னிபாதா. பட²மஸன்னிபாதே ஸுத³ஸ்ஸனநக³ரே கோடிஸதங் கீ²ணாஸவா அஹேஸுங், து³தியே நவுதிகோடியோ, ததியே அஸீதிகோடியோ. ததா³ போ³தி⁴ஸத்தோ உத்தரோ நாம மாணவோ ஹுத்வா நித³ஹித்வா ட²பிதங்யேவ அஸீதிகோடித⁴னங் விஸ்ஸஜ்ஜெத்வா பு³த்³த⁴ப்பமுக²ஸ்ஸ பி⁴க்கு²ஸங்க⁴ஸ்ஸ மஹாதா³னங் த³த்வா த⁴ம்மங் ஸுத்வா ஸரணேஸு பதிட்டா²ய நிக்க²மித்வா பப்³ப³ஜி. ஸோபி நங் ‘‘அனாக³தே பு³த்³தோ⁴ ப⁴விஸ்ஸதீ’’தி ப்³யாகாஸி. ஸுமேத⁴ஸ்ஸ ப⁴க³வதோ ஸுத³ஸ்ஸனங் நாம நக³ரங் அஹோஸி, ஸுத³த்தோ நாம ராஜா பிதா, மாதாபி ஸுத³த்தா நாம தே³வீ, ஸரணோ ச ஸப்³ப³காமோ ச த்³வே அக்³க³ஸாவகா, ஸாக³ரோ நாமுபட்டா²கோ, ராமா ச ஸுராமா ச த்³வே அக்³க³ஸாவிகா, மஹானீபருக்கோ² போ³தி⁴, ஸரீரங் அட்டா²ஸீதிஹத்து²ப்³பே³த⁴ங் அஹோஸி, ஆயு நவுதி வஸ்ஸஸஹஸ்ஸந்தி.
Tassa aparabhāge tiṃsa kappasahassāni atikkamitvā sumedho ca sujāto cāti ekasmiṃ kappe dve buddhā nibbattiṃsu. Sumedhassāpi tayo sāvakasannipātā. Paṭhamasannipāte sudassananagare koṭisataṃ khīṇāsavā ahesuṃ, dutiye navutikoṭiyo, tatiye asītikoṭiyo. Tadā bodhisatto uttaro nāma māṇavo hutvā nidahitvā ṭhapitaṃyeva asītikoṭidhanaṃ vissajjetvā buddhappamukhassa bhikkhusaṅghassa mahādānaṃ datvā dhammaṃ sutvā saraṇesu patiṭṭhāya nikkhamitvā pabbaji. Sopi naṃ ‘‘anāgate buddho bhavissatī’’ti byākāsi. Sumedhassa bhagavato sudassanaṃ nāma nagaraṃ ahosi, sudatto nāma rājā pitā, mātāpi sudattā nāma devī, saraṇo ca sabbakāmo ca dve aggasāvakā, sāgaro nāmupaṭṭhāko, rāmā ca surāmā ca dve aggasāvikā, mahānīparukkho bodhi, sarīraṃ aṭṭhāsītihatthubbedhaṃ ahosi, āyu navuti vassasahassanti.
‘‘பது³முத்தரஸ்ஸ அபரேன, ஸுமேதோ⁴ நாம நாயகோ;
‘‘Padumuttarassa aparena, sumedho nāma nāyako;
து³ராஸதோ³ உக்³க³தேஜோ, ஸப்³ப³லோகுத்தமோ முனீ’’தி. (பு³॰ வங்॰ 13.1);
Durāsado uggatejo, sabbalokuttamo munī’’ti. (bu. vaṃ. 13.1);
