| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
4. сунд̣̇аригабхаарад̣̇вааж̇асуд̇д̇ам̣
4. Sundarikabhāradvājasuttaṃ
звам̣ мз суд̇ам̣ – згам̣ самаяам̣ бхаг̇аваа госалзсу вихарад̇и сунд̣̇аригааяа над̣̇ияаа д̇ийрз. д̇зна ко бана самаязна сунд̣̇аригабхаарад̣̇вааж̇о б̣раахман̣о сунд̣̇аригааяа над̣̇ияаа д̇ийрз аг̇г̇им̣ ж̇ухад̇и, аг̇г̇ихуд̇д̇ам̣ барижарад̇и. ат̇а ко сунд̣̇аригабхаарад̣̇вааж̇о б̣раахман̣о аг̇г̇им̣ ж̇ухид̇ваа аг̇г̇ихуд̇д̇ам̣ барижарид̇ваа удтааяаасанаа саманд̇аа жад̇уд̣̇д̣̇исаа анувилогзси – ‘‘го ну ко имам̣ хаб̣яасзсам̣ бхун̃ж̇зяяаа’’д̇и? ад̣̇д̣̇асаа ко сунд̣̇аригабхаарад̣̇вааж̇о б̣раахман̣о бхаг̇аванд̇ам̣ авид̣̇уурз ан̃н̃ад̇арасмим̣ ругкамуулз сасийсам̣ бааруд̇ам̣ нисиннам̣; д̣̇исваана ваамзна хад̇т̇зна хаб̣яасзсам̣ г̇ахзд̇ваа д̣̇агкин̣зна хад̇т̇зна гаман̣д̣алум̣ г̇ахзд̇ваа язна бхаг̇аваа д̇знубасан̇гами.
Evaṃ me sutaṃ – ekaṃ samayaṃ bhagavā kosalesu viharati sundarikāya nadiyā tīre. Tena kho pana samayena sundarikabhāradvājo brāhmaṇo sundarikāya nadiyā tīre aggiṃ juhati, aggihuttaṃ paricarati. Atha kho sundarikabhāradvājo brāhmaṇo aggiṃ juhitvā aggihuttaṃ paricaritvā uṭṭhāyāsanā samantā catuddisā anuvilokesi – ‘‘ko nu kho imaṃ habyasesaṃ bhuñjeyyā’’ti? Addasā kho sundarikabhāradvājo brāhmaṇo bhagavantaṃ avidūre aññatarasmiṃ rukkhamūle sasīsaṃ pārutaṃ nisinnaṃ; disvāna vāmena hatthena habyasesaṃ gahetvā dakkhiṇena hatthena kamaṇḍaluṃ gahetvā yena bhagavā tenupasaṅkami.
ат̇а ко бхаг̇аваа сунд̣̇аригабхаарад̣̇вааж̇асса б̣раахман̣асса бад̣̇асад̣̇д̣̇зна сийсам̣ вивари. ат̇а ко сунд̣̇аригабхаарад̣̇вааж̇о б̣раахман̣о – ‘‘мун̣д̣о аяам̣ бхавам̣, мун̣д̣аго аяам̣ бхава’’нд̇и д̇ад̇ова буна нивад̇д̇ид̇угаамо ахоси. ат̇а ко сунд̣̇аригабхаарад̣̇вааж̇асса б̣раахман̣асса зд̇ад̣̇ахоси – ‘‘мун̣д̣ааби хи ид̇хзгажжз б̣раахман̣аа бхаванд̇и, яам̣нуунаахам̣ убасан̇гамид̇ваа ж̇аад̇им̣ бужчзяяа’’нд̇и. ат̇а ко сунд̣̇аригабхаарад̣̇вааж̇о б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘гим̣ж̇ажжо бхава’’нд̇и?
Atha kho bhagavā sundarikabhāradvājassa brāhmaṇassa padasaddena sīsaṃ vivari. Atha kho sundarikabhāradvājo brāhmaṇo – ‘‘muṇḍo ayaṃ bhavaṃ, muṇḍako ayaṃ bhava’’nti tatova puna nivattitukāmo ahosi. Atha kho sundarikabhāradvājassa brāhmaṇassa etadahosi – ‘‘muṇḍāpi hi idhekacce brāhmaṇā bhavanti, yaṃnūnāhaṃ upasaṅkamitvā jātiṃ puccheyya’’nti. Atha kho sundarikabhāradvājo brāhmaṇo yena bhagavā tenupasaṅkami; upasaṅkamitvā bhagavantaṃ etadavoca – ‘‘kiṃjacco bhava’’nti?
ат̇а ко бхаг̇аваа сунд̣̇аригабхаарад̣̇вааж̇ам̣ б̣раахман̣ам̣ г̇аат̇аахи аж̇жхабхааси –
Atha kho bhagavā sundarikabhāradvājaṃ brāhmaṇaṃ gāthāhi ajjhabhāsi –
457.
457.
‘‘на б̣раахман̣о номхи на рааж̇абуд̇д̇о, на взссааяано уд̣̇а гожи номхи;
‘‘Na brāhmaṇo nomhi na rājaputto, na vessāyano uda koci nomhi;
г̇од̇д̇ам̣ барин̃н̃ааяа бут̇уж̇ж̇анаанам̣, агин̃жано манд̇а жараами логз.
Gottaṃ pariññāya puthujjanānaṃ, akiñcano manta carāmi loke.
458.
458.
‘‘сан̇гхаадиваасий аг̇ахо жараами 1, нивуд̇д̇агзсо абхиниб̣б̣уд̇ад̇д̇о;
‘‘Saṅghāṭivāsī agaho carāmi 2, nivuttakeso abhinibbutatto;
алиббамаано ид̇ха маан̣авзхи, агаллам̣ мам̣ б̣раахман̣а бужчаси г̇од̇д̇абан̃хам̣’’.
Alippamāno idha māṇavehi, akallaṃ maṃ brāhmaṇa pucchasi gottapañhaṃ’’.
459.
459.
‘‘бужчанд̇и вз бхо б̣раахман̣аа, б̣раахман̣збхи саха б̣раахман̣о но бхава’’нд̇и.
‘‘Pucchanti ve bho brāhmaṇā, brāhmaṇebhi saha brāhmaṇo no bhava’’nti.
460.
460.
‘‘б̣раахман̣о хи жз д̇вам̣ б̣рууси, ман̃жа б̣рууси аб̣раахман̣ам̣;
‘‘Brāhmaṇo hi ce tvaṃ brūsi, mañca brūsi abrāhmaṇaṃ;
д̇ам̣ д̇ам̣ саавид̇д̇им̣ бужчаами, д̇ибад̣̇ам̣ жад̇увийсад̇агкарам̣.
Taṃ taṃ sāvittiṃ pucchāmi, tipadaṃ catuvīsatakkharaṃ.
461.
461.
‘‘гим̣ ниссид̇аа исаяо мануж̇аа, кад̇д̇ияаа б̣раахман̣аа 3 д̣̇звад̇аанам̣;
‘‘Kiṃ nissitā isayo manujā, khattiyā brāhmaṇā 4 devatānaṃ;
462.
462.
‘‘яад̣̇анд̇аг̇уу взд̣̇аг̇уу яан̃н̃агаалз, яассаахуд̇им̣ лабхз д̇ассиж̇жхзд̇и б̣рууми’’.
‘‘Yadantagū vedagū yaññakāle, yassāhutiṃ labhe tassijjheti brūmi’’.
463.
463.
‘‘ад̣̇д̇хаа хи д̇асса худ̇амиж̇жхз, (ид̇и б̣раахман̣о)
‘‘Addhā hi tassa hutamijjhe, (iti brāhmaṇo)
яам̣ д̇аад̣̇исам̣ взд̣̇аг̇умад̣̇д̣̇асаама;
Yaṃ tādisaṃ vedagumaddasāma;
д̇умхаад̣̇исаанан̃хи ад̣̇ассанзна, ан̃н̃о ж̇ано бхун̃ж̇ад̇и буурал̣аасам̣’’.
Tumhādisānañhi adassanena, añño jano bhuñjati pūraḷāsaṃ’’.
464.
464.
‘‘д̇асмаад̇иха д̇вам̣ б̣раахман̣а ад̇т̇зна, ад̇т̇иго убасан̇гамма бужча;
‘‘Tasmātiha tvaṃ brāhmaṇa atthena, atthiko upasaṅkamma puccha;
санд̇ам̣ вид̇хуумам̣ анийгхам̣ нираасам̣, аббзвид̇ха абхивинд̣̇з сумзд̇хам̣’’.
Santaṃ vidhūmaṃ anīghaṃ nirāsaṃ, appevidha abhivinde sumedhaṃ’’.
465.
465.
‘‘яан̃н̃з рад̇охам̣ бхо г̇од̇ама, яан̃н̃ам̣ яидтугаамо наахам̣ баж̇аанаами;
‘‘Yaññe ratohaṃ bho gotama, yaññaṃ yiṭṭhukāmo nāhaṃ pajānāmi;
анусаасад̇у мам̣ бхавам̣, яад̇т̇а худ̇ам̣ иж̇жхад̇з б̣руухи мз д̇ам̣’’.
Anusāsatu maṃ bhavaṃ, yattha hutaṃ ijjhate brūhi me taṃ’’.
‘‘д̇зна хи д̇вам̣, б̣раахман̣а, од̣̇ахассу сод̇ам̣; д̇хаммам̣ д̇з д̣̇зсзссаами –
‘‘Tena hi tvaṃ, brāhmaṇa, odahassu sotaṃ; dhammaṃ te desessāmi –
466.
466.
‘‘маа ж̇аад̇им̣ бужчий жаран̣ан̃жа бужча, гадтаа хавз ж̇ааяад̇и ж̇аад̇авзд̣̇о;
‘‘Mā jātiṃ pucchī caraṇañca puccha, kaṭṭhā have jāyati jātavedo;
нийжаагулийноби муний д̇хид̇иймаа, ааж̇аанияо ход̇и хирийнисзд̇хо.
Nīcākulīnopi munī dhitīmā, ājāniyo hoti hirīnisedho.
467.
467.
‘‘сажжзна д̣̇анд̇о д̣̇амасаа убзд̇о, взд̣̇анд̇аг̇уу вуусид̇аб̣рахмажарияо;
‘‘Saccena danto damasā upeto, vedantagū vūsitabrahmacariyo;
гаалзна д̇амхи хаб̣яам̣ бавзжчз, яо б̣раахман̣о бун̃н̃абзгко 7 яаж̇зт̇а.
Kālena tamhi habyaṃ pavecche, yo brāhmaṇo puññapekkho 8 yajetha.
468.
468.
‘‘яз гаамз хид̇ваа аг̇ахаа жаранд̇и, сусан̃н̃ад̇ад̇д̇аа д̇асарам̣ва уж̇ж̇ум̣;
‘‘Ye kāme hitvā agahā caranti, susaññatattā tasaraṃva ujjuṃ;
гаалзна д̇зсу хаб̣яам̣ бавзжчз, яо б̣раахман̣о бун̃н̃абзгко яаж̇зт̇а.
Kālena tesu habyaṃ pavecche, yo brāhmaṇo puññapekkho yajetha.
469.
469.
‘‘яз вийд̇арааг̇аа сусамаахид̇инд̣̇рияаа, жанд̣̇ова раахуг̇г̇ахан̣аа бамуд̇д̇аа;
‘‘Ye vītarāgā susamāhitindriyā, candova rāhuggahaṇā pamuttā;
гаалзна д̇зсу хаб̣яам̣ бавзжчз, яо б̣раахман̣о бун̃н̃абзгко яаж̇зт̇а.
Kālena tesu habyaṃ pavecche, yo brāhmaṇo puññapekkho yajetha.
470.
470.
‘‘асаж̇ж̇амаанаа вижаранд̇и логз, сад̣̇аа сад̇аа хид̇ваа мамааяид̇аани;
‘‘Asajjamānā vicaranti loke, sadā satā hitvā mamāyitāni;
гаалзна д̇зсу хаб̣яам̣ бавзжчз, яо б̣раахман̣о бун̃н̃абзгко яаж̇зт̇а.
Kālena tesu habyaṃ pavecche, yo brāhmaṇo puññapekkho yajetha.
471.
471.
‘‘яо гаамз хид̇ваа абхибхуяяажаарий, яо взд̣̇и ж̇аад̇иймаран̣асса анд̇ам̣;
‘‘Yo kāme hitvā abhibhuyyacārī, yo vedi jātīmaraṇassa antaṃ;
бариниб̣б̣уд̇о уд̣̇агарахад̣̇ова сийд̇о, д̇ат̇ааг̇ад̇о арахад̇и буурал̣аасам̣.
Parinibbuto udakarahadova sīto, tathāgato arahati pūraḷāsaṃ.
472.
472.
‘‘само самзхи висамзхи д̣̇уурз, д̇ат̇ааг̇ад̇о ход̇и ананд̇абан̃н̃о;
‘‘Samo samehi visamehi dūre, tathāgato hoti anantapañño;
ануубалид̇д̇о ид̇ха ваа хурам̣ ваа, д̇ат̇ааг̇ад̇о арахад̇и буурал̣аасам̣.
Anūpalitto idha vā huraṃ vā, tathāgato arahati pūraḷāsaṃ.
473.
473.
‘‘яамхи на мааяаа васад̇и на маано, яо вийд̇алобхо амамо нираасо;
‘‘Yamhi na māyā vasati na māno, yo vītalobho amamo nirāso;
банун̣н̣агод̇хо абхиниб̣б̣уд̇ад̇д̇о, яо б̣раахман̣о согамалам̣ ахааси;
Panuṇṇakodho abhinibbutatto, yo brāhmaṇo sokamalaṃ ahāsi;
д̇ат̇ааг̇ад̇о арахад̇и буурал̣аасам̣.
Tathāgato arahati pūraḷāsaṃ.
474 .
474.
‘‘нивзсанам̣ яо манасо ахааси, бариг̇г̇ахаа яасса на санд̇и гзжи;
‘‘Nivesanaṃ yo manaso ahāsi, pariggahā yassa na santi keci;
анубаад̣̇ияаано ид̇ха ваа хурам̣ ваа, д̇ат̇ааг̇ад̇о арахад̇и буурал̣аасам̣.
Anupādiyāno idha vā huraṃ vā, tathāgato arahati pūraḷāsaṃ.
475.
475.
‘‘самаахид̇о яо уд̣̇ад̇аари огхам̣, д̇хаммам̣ жан̃н̃ааси барамааяа д̣̇идтияаа;
‘‘Samāhito yo udatāri oghaṃ, dhammaṃ caññāsi paramāya diṭṭhiyā;
кийн̣аасаво анд̇имад̣̇зхад̇хаарий, д̇ат̇ааг̇ад̇о арахад̇и буурал̣аасам̣.
Khīṇāsavo antimadehadhārī, tathāgato arahati pūraḷāsaṃ.
476.
476.
‘‘бхаваасаваа яасса важий караа жа, вид̇хуубид̇аа ад̇т̇аг̇ад̇аа на санд̇и;
‘‘Bhavāsavā yassa vacī kharā ca, vidhūpitā atthagatā na santi;
са взд̣̇аг̇уу саб̣б̣ад̇хи виббамуд̇д̇о, д̇ат̇ааг̇ад̇о арахад̇и буурал̣аасам̣.
Sa vedagū sabbadhi vippamutto, tathāgato arahati pūraḷāsaṃ.
477.
477.
‘‘сан̇г̇аад̇иг̇о яасса на санд̇и сан̇г̇аа, яо маанасад̇д̇зсу амаанасад̇д̇о;
‘‘Saṅgātigo yassa na santi saṅgā, yo mānasattesu amānasatto;
д̣̇угкам̣ барин̃н̃ааяа сакзд̇д̇авад̇т̇ум̣, д̇ат̇ааг̇ад̇о арахад̇и буурал̣аасам̣.
Dukkhaṃ pariññāya sakhettavatthuṃ, tathāgato arahati pūraḷāsaṃ.
478.
478.
‘‘аасам̣ аниссааяа вивзгад̣̇ассий, баравзд̣̇ияам̣ д̣̇идтимубаад̇ивад̇д̇о;
‘‘Āsaṃ anissāya vivekadassī, paravediyaṃ diṭṭhimupātivatto;
аарамман̣аа яасса на санд̇и гзжи, д̇ат̇ааг̇ад̇о арахад̇и буурал̣аасам̣.
Ārammaṇā yassa na santi keci, tathāgato arahati pūraḷāsaṃ.
479.
479.
‘‘баробараа 9 яасса самзжжа д̇хаммаа, вид̇хуубид̇аа ад̇т̇аг̇ад̇аа на санд̇и;
‘‘Paroparā 10 yassa samecca dhammā, vidhūpitā atthagatā na santi;
санд̇о убаад̣̇аанакаяз вимуд̇д̇о, д̇ат̇ааг̇ад̇о арахад̇и буурал̣аасам̣.
Santo upādānakhaye vimutto, tathāgato arahati pūraḷāsaṃ.
480.
480.
‘‘сам̣яож̇анам̣ ж̇аад̇икаяанд̇ад̣̇ассий, яобаануд̣̇и рааг̇абат̇ам̣ асзсам̣;
‘‘Saṃyojanaṃ jātikhayantadassī, yopānudi rāgapathaṃ asesaṃ;
суд̣̇д̇хо нид̣̇осо вимало агаажо 11, д̇ат̇ааг̇ад̇о арахад̇и буурал̣аасам̣.
Suddho nidoso vimalo akāco 12, tathāgato arahati pūraḷāsaṃ.
481.
481.
‘‘яо ад̇д̇ано ад̇д̇аанам̣ 13 наанубассад̇и, самаахид̇о уж̇ж̇уг̇ад̇о тид̇ад̇д̇о;
‘‘Yo attano attānaṃ 14 nānupassati, samāhito ujjugato ṭhitatto;
са вз анзж̇о акило аган̇ко, д̇ат̇ааг̇ад̇о арахад̇и буурал̣аасам̣.
Sa ve anejo akhilo akaṅkho, tathāgato arahati pūraḷāsaṃ.
482.
482.
‘‘моханд̇араа яасса на санд̇и гзжи, саб̣б̣зсу д̇хаммзсу жа н̃аан̣ад̣̇ассий;
‘‘Mohantarā yassa na santi keci, sabbesu dhammesu ca ñāṇadassī;
сарийран̃жа анд̇имам̣ д̇хаарзд̇и, бад̇д̇о жа самб̣од̇химануд̇д̇арам̣ сивам̣;
Sarīrañca antimaṃ dhāreti, patto ca sambodhimanuttaraṃ sivaṃ;
зд̇д̇аавад̇аа яагкасса суд̣̇д̇хи, д̇ат̇ааг̇ад̇о арахад̇и буурал̣аасам̣’’.
Ettāvatā yakkhassa suddhi, tathāgato arahati pūraḷāsaṃ’’.
483.
483.
‘‘худ̇ан̃жа 15 маяхам̣ худ̇амад̇т̇у сажжам̣, яам̣ д̇аад̣̇исам̣ взд̣̇аг̇унам̣ алад̇т̇ам̣;
‘‘Hutañca 16 mayhaṃ hutamatthu saccaṃ, yaṃ tādisaṃ vedagunaṃ alatthaṃ;
б̣рахмаа хи сагки бадиг̇ан̣хаад̇у мз бхаг̇аваа, бхун̃ж̇ад̇у мз бхаг̇аваа буурал̣аасам̣’’.
Brahmā hi sakkhi paṭigaṇhātu me bhagavā, bhuñjatu me bhagavā pūraḷāsaṃ’’.
484.
484.
‘‘г̇аат̇аабхиг̇ийд̇ам̣ мз абхож̇анзяяам̣, самбассад̇ам̣ б̣раахман̣а нзса д̇хаммо;
‘‘Gāthābhigītaṃ me abhojaneyyaṃ, sampassataṃ brāhmaṇa nesa dhammo;
г̇аат̇аабхиг̇ийд̇ам̣ бануд̣̇анд̇и б̣уд̣̇д̇хаа, д̇хаммз сад̇ий б̣раахман̣а вуд̇д̇ирзсаа.
Gāthābhigītaṃ panudanti buddhā, dhamme satī brāhmaṇa vuttiresā.
485.
485.
‘‘ан̃н̃зна жа гзвалинам̣ махзсим̣, кийн̣аасавам̣ гуггужжавуубасанд̇ам̣;
‘‘Aññena ca kevalinaṃ mahesiṃ, khīṇāsavaṃ kukkuccavūpasantaṃ;
аннзна баанзна убадтахассу, кзд̇д̇ан̃хи д̇ам̣ бун̃н̃абзгкасса ход̇и’’.
Annena pānena upaṭṭhahassu, khettañhi taṃ puññapekkhassa hoti’’.
486.
486.
‘‘саад̇хаахам̣ бхаг̇аваа д̇ат̇аа виж̇ан̃н̃ам̣, яо д̣̇агкин̣ам̣ бхун̃ж̇зяяа маад̣̇исасса;
‘‘Sādhāhaṃ bhagavā tathā vijaññaṃ, yo dakkhiṇaṃ bhuñjeyya mādisassa;
яам̣ яан̃н̃агаалз бариязсамаано, баббуяяа д̇ава саасанам̣’’.
Yaṃ yaññakāle pariyesamāno, pappuyya tava sāsanaṃ’’.
487.
487.
‘‘саарамбхаа яасса виг̇ад̇аа, жид̇д̇ам̣ яасса анаавилам̣;
‘‘Sārambhā yassa vigatā, cittaṃ yassa anāvilaṃ;
виббамуд̇д̇о жа гаамзхи, т̇инам̣ яасса банууд̣̇ид̇ам̣.
Vippamutto ca kāmehi, thinaṃ yassa panūditaṃ.
488.
488.
‘‘сийманд̇аанам̣ винзд̇аарам̣, ж̇аад̇имаран̣аговид̣̇ам̣;
‘‘Sīmantānaṃ vinetāraṃ, jātimaraṇakovidaṃ;
муним̣ монзяяасамбаннам̣, д̇аад̣̇исам̣ яан̃н̃амааг̇ад̇ам̣.
Muniṃ moneyyasampannaṃ, tādisaṃ yaññamāgataṃ.
489.
489.
‘‘бхагудим̣ 17 винаяид̇ваана, бан̃ж̇алигаа намассат̇а;
‘‘Bhakuṭiṃ 18 vinayitvāna, pañjalikā namassatha;
бууж̇зт̇а аннабаанзна, звам̣ иж̇жханд̇и д̣̇агкин̣аа.
Pūjetha annapānena, evaṃ ijjhanti dakkhiṇā.
490.
490.
‘‘б̣уд̣̇д̇хо бхавам̣ арахад̇и буурал̣аасам̣, бун̃н̃акзд̇д̇амануд̇д̇арам̣;
‘‘Buddho bhavaṃ arahati pūraḷāsaṃ, puññakhettamanuttaraṃ;
ааяааг̇о саб̣б̣алогасса, бход̇о д̣̇иннам̣ махабпала’’нд̇и.
Āyāgo sabbalokassa, bhoto dinnaṃ mahapphala’’nti.
ат̇а ко сунд̣̇аригабхаарад̣̇вааж̇о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. лабхзяяаахам̣ бход̇о г̇од̇амасса санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и. алад̇т̇а ко сунд̣̇аригабхаарад̣̇вааж̇о б̣раахман̣о…бз… арахад̇ам̣ ахосийд̇и.
Atha kho sundarikabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Labheyyāhaṃ bhoto gotamassa santike pabbajjaṃ, labheyyaṃ upasampada’’nti. Alattha kho sundarikabhāradvājo brāhmaṇo…pe… arahataṃ ahosīti.
сунд̣̇аригабхаарад̣̇вааж̇асуд̇д̇ам̣ жад̇уд̇т̇ам̣ нидтид̇ам̣.
Sundarikabhāradvājasuttaṃ catutthaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 4. буурал̣аасасуд̇д̇а-(сунд̣̇аригабхаарад̣̇вааж̇асуд̇д̇а)-ван̣н̣анаа • 4. Pūraḷāsasutta-(sundarikabhāradvājasutta)-vaṇṇanā
