| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. сунд̣̇аригасуд̇д̇ам̣
9. Sundarikasuttaṃ
195. згам̣ самаяам̣ бхаг̇аваа госалзсу вихарад̇и сунд̣̇аригааяа над̣̇ияаа д̇ийрз. д̇зна ко бана самаязна сунд̣̇аригабхаарад̣̇вааж̇о б̣раахман̣о сунд̣̇аригааяа над̣̇ияаа д̇ийрз аг̇г̇им̣ ж̇ухад̇и, аг̇г̇ихуд̇д̇ам̣ барижарад̇и. ат̇а ко сунд̣̇аригабхаарад̣̇вааж̇о б̣раахман̣о аг̇г̇им̣ ж̇ухид̇ваа аг̇г̇ихуд̇д̇ам̣ барижарид̇ваа удтааяаасанаа саманд̇аа жад̇уд̣̇д̣̇исаа анувилогзси – ‘‘го ну ко имам̣ хаб̣яасзсам̣ бхун̃ж̇зяяаа’’д̇и? ад̣̇д̣̇асаа ко сунд̣̇аригабхаарад̣̇вааж̇о б̣раахман̣о бхаг̇аванд̇ам̣ ан̃н̃ад̇арасмим̣ ругкамуулз сасийсам̣ бааруд̇ам̣ нисиннам̣. д̣̇исваана ваамзна хад̇т̇зна хаб̣яасзсам̣ г̇ахзд̇ваа д̣̇агкин̣зна хад̇т̇зна гаман̣д̣алум̣ г̇ахзд̇ваа язна бхаг̇аваа д̇знубасан̇гами. ат̇а ко бхаг̇аваа сунд̣̇аригабхаарад̣̇вааж̇асса б̣раахман̣асса бад̣̇асад̣̇д̣̇зна сийсам̣ вивари. ат̇а ко сунд̣̇аригабхаарад̣̇вааж̇о б̣раахман̣о ‘мун̣д̣о аяам̣ бхавам̣, мун̣д̣аго аяам̣ бхава’нд̇и д̇ад̇ова буна нивад̇д̇ид̇угаамо ахоси. ат̇а ко сунд̣̇аригабхаарад̣̇вааж̇асса б̣раахман̣асса зд̇ад̣̇ахоси – ‘мун̣д̣ааби хи ид̇хзгажжз б̣раахман̣аа бхаванд̇и; яам̣нуунаахам̣ д̇ам̣ убасан̇гамид̇ваа ж̇аад̇им̣ бужчзяяа’нд̇и.
195. Ekaṃ samayaṃ bhagavā kosalesu viharati sundarikāya nadiyā tīre. Tena kho pana samayena sundarikabhāradvājo brāhmaṇo sundarikāya nadiyā tīre aggiṃ juhati, aggihuttaṃ paricarati. Atha kho sundarikabhāradvājo brāhmaṇo aggiṃ juhitvā aggihuttaṃ paricaritvā uṭṭhāyāsanā samantā catuddisā anuvilokesi – ‘‘ko nu kho imaṃ habyasesaṃ bhuñjeyyā’’ti? Addasā kho sundarikabhāradvājo brāhmaṇo bhagavantaṃ aññatarasmiṃ rukkhamūle sasīsaṃ pārutaṃ nisinnaṃ. Disvāna vāmena hatthena habyasesaṃ gahetvā dakkhiṇena hatthena kamaṇḍaluṃ gahetvā yena bhagavā tenupasaṅkami. Atha kho bhagavā sundarikabhāradvājassa brāhmaṇassa padasaddena sīsaṃ vivari. Atha kho sundarikabhāradvājo brāhmaṇo ‘muṇḍo ayaṃ bhavaṃ, muṇḍako ayaṃ bhava’nti tatova puna nivattitukāmo ahosi. Atha kho sundarikabhāradvājassa brāhmaṇassa etadahosi – ‘muṇḍāpi hi idhekacce brāhmaṇā bhavanti; yaṃnūnāhaṃ taṃ upasaṅkamitvā jātiṃ puccheyya’nti.
ат̇а ко сунд̣̇аригабхаарад̣̇вааж̇о б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘гим̣ж̇ажжо бхава’нд̇и?
Atha kho sundarikabhāradvājo brāhmaṇo yena bhagavā tenupasaṅkami; upasaṅkamitvā bhagavantaṃ etadavoca – ‘kiṃjacco bhava’nti?
‘‘маа ж̇аад̇им̣ бужча жаран̣ан̃жа бужча,
‘‘Mā jātiṃ puccha caraṇañca puccha,
гадтаа хавз ж̇ааяад̇и ж̇аад̇авзд̣̇о;
Kaṭṭhā have jāyati jātavedo;
нийжаагулийноби муни д̇хид̇имаа,
Nīcākulīnopi muni dhitimā,
ааж̇аанийяо ход̇и хирийнисзд̇хо.
Ājānīyo hoti hirīnisedho.
‘‘сажжзна д̣̇анд̇о д̣̇амасаа убзд̇о,
‘‘Saccena danto damasā upeto,
взд̣̇анд̇аг̇уу вусид̇аб̣рахмажарияо;
Vedantagū vusitabrahmacariyo;
яан̃н̃обанийд̇о д̇амубавхаязт̇а,
Yaññopanīto tamupavhayetha,
гаалзна со ж̇ухад̇и д̣̇агкин̣зяяз’’д̇и.
Kālena so juhati dakkhiṇeyye’’ti.
‘‘ад̣̇д̇хаа суяидтам̣ сухуд̇ам̣ мама яид̣̇ам̣,
‘‘Addhā suyiṭṭhaṃ suhutaṃ mama yidaṃ,
яам̣ д̇аад̣̇исам̣ взд̣̇аг̇умад̣̇д̣̇асаами;
Yaṃ tādisaṃ vedagumaddasāmi;
д̇умхаад̣̇исаанан̃хи ад̣̇ассанзна,
Tumhādisānañhi adassanena,
ан̃н̃о ж̇ано бхун̃ж̇ад̇и хаб̣яасзса’’нд̇и.
Añño jano bhuñjati habyasesa’’nti.
‘‘бхун̃ж̇ад̇у бхавам̣ г̇од̇амо. б̣раахман̣о бхава’’нд̇и.
‘‘Bhuñjatu bhavaṃ gotamo. Brāhmaṇo bhava’’nti.
‘‘г̇аат̇аабхиг̇ийд̇ам̣ мз абхож̇анзяяам̣,
‘‘Gāthābhigītaṃ me abhojaneyyaṃ,
самбассад̇ам̣ б̣раахман̣а нзса д̇хаммо;
Sampassataṃ brāhmaṇa nesa dhammo;
г̇аат̇аабхиг̇ийд̇ам̣ бануд̣̇анд̇и б̣уд̣̇д̇хаа,
Gāthābhigītaṃ panudanti buddhā,
д̇хаммз сад̇и б̣раахман̣а вуд̇д̇ирзсаа.
Dhamme sati brāhmaṇa vuttiresā.
‘‘ан̃н̃зна жа гзвалинам̣ махзсим̣,
‘‘Aññena ca kevalinaṃ mahesiṃ,
кийн̣аасавам̣ гуггужжавуубасанд̇ам̣;
Khīṇāsavaṃ kukkuccavūpasantaṃ;
аннзна баанзна убадтахассу,
Annena pānena upaṭṭhahassu,
кзд̇д̇ан̃хи д̇ам̣ бун̃н̃абзгкасса ход̇ий’’д̇и.
Khettañhi taṃ puññapekkhassa hotī’’ti.
‘‘ат̇а гасса жаахам̣, бхо г̇од̇ама, имам̣ хаб̣яасзсам̣ д̣̇аммий’’д̇и? ‘‘на кваахам̣, б̣раахман̣а, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа яассзсо хаб̣яасзсо бхуд̇д̇о саммаа барин̣аамам̣ г̇ажчзяяа ан̃н̃ад̇ра, б̣раахман̣а, д̇ат̇ааг̇ад̇асса ваа д̇ат̇ааг̇ад̇асаавагасса ваа. д̇зна хи д̇вам̣, б̣раахман̣а, д̇ам̣ хаб̣яасзсам̣ аббахарид̇з ваа чад̣д̣зхи аббаан̣агз ваа уд̣̇агз обилаабзхий’’д̇и.
‘‘Atha kassa cāhaṃ, bho gotama, imaṃ habyasesaṃ dammī’’ti? ‘‘Na khvāhaṃ, brāhmaṇa, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yasseso habyaseso bhutto sammā pariṇāmaṃ gaccheyya aññatra, brāhmaṇa, tathāgatassa vā tathāgatasāvakassa vā. Tena hi tvaṃ, brāhmaṇa, taṃ habyasesaṃ appaharite vā chaḍḍehi appāṇake vā udake opilāpehī’’ti.
ат̇а ко сунд̣̇аригабхаарад̣̇вааж̇о б̣раахман̣о д̇ам̣ хаб̣яасзсам̣ аббаан̣агз уд̣̇агз обилаабзси. ат̇а ко со хаб̣яасзсо уд̣̇агз багкид̇д̇о жижжидааяад̇и жидижидааяад̇и санд̇хуубааяад̇и самбад̇хуубааяад̇и . сзяяат̇ааби наама паало 1 д̣̇ивасам̣санд̇ад̇д̇о 2 уд̣̇агз багкид̇д̇о жижжидааяад̇и жидижидааяад̇и санд̇хуубааяад̇и самбад̇хуубааяад̇и; звамзва со хаб̣яасзсо уд̣̇агз багкид̇д̇о жижжидааяад̇и жидижидааяад̇и санд̇хуубааяад̇и самбад̇хуубааяад̇и.
Atha kho sundarikabhāradvājo brāhmaṇo taṃ habyasesaṃ appāṇake udake opilāpesi. Atha kho so habyaseso udake pakkhitto cicciṭāyati ciṭiciṭāyati sandhūpāyati sampadhūpāyati . Seyyathāpi nāma phālo 3 divasaṃsantatto 4 udake pakkhitto cicciṭāyati ciṭiciṭāyati sandhūpāyati sampadhūpāyati; evameva so habyaseso udake pakkhitto cicciṭāyati ciṭiciṭāyati sandhūpāyati sampadhūpāyati.
ат̇а ко сунд̣̇аригабхаарад̣̇вааж̇о б̣раахман̣о сам̣виг̇г̇о ломахадтаж̇аад̇о язна бхаг̇аваа д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇ам̣ ко сунд̣̇аригабхаарад̣̇вааж̇ам̣ б̣раахман̣ам̣ бхаг̇аваа г̇аат̇аахи аж̇жхабхааси –
Atha kho sundarikabhāradvājo brāhmaṇo saṃviggo lomahaṭṭhajāto yena bhagavā tenupasaṅkami; upasaṅkamitvā ekamantaṃ aṭṭhāsi. Ekamantaṃ ṭhitaṃ kho sundarikabhāradvājaṃ brāhmaṇaṃ bhagavā gāthāhi ajjhabhāsi –
‘‘маа б̣раахман̣а д̣̇аару самаад̣̇ахаано,
‘‘Mā brāhmaṇa dāru samādahāno,
суд̣̇д̇хим̣ аман̃н̃и б̣ахид̣̇д̇хаа хи зд̇ам̣;
Suddhiṃ amaññi bahiddhā hi etaṃ;
на хи д̇зна суд̣̇д̇хим̣ гусалаа вад̣̇анд̇и,
Na hi tena suddhiṃ kusalā vadanti,
яо б̣аахирзна барисуд̣̇д̇химижчз.
Yo bāhirena parisuddhimicche.
‘‘хид̇ваа ахам̣ б̣раахман̣а д̣̇ааруд̣̇аахам̣
‘‘Hitvā ahaṃ brāhmaṇa dārudāhaṃ
нижжаг̇г̇иний нижжасамаахид̇ад̇д̇о,
Niccagginī niccasamāhitatto,
арахам̣ ахам̣ б̣рахмажарияам̣ жараами.
Arahaṃ ahaṃ brahmacariyaṃ carāmi.
‘‘маано хи д̇з б̣раахман̣а каарибхааро,
‘‘Māno hi te brāhmaṇa khāribhāro,
год̇хо д̇хумо бхасмани мосаваж̇ж̇ам̣;
Kodho dhumo bhasmani mosavajjaṃ;
ж̇ивхаа суж̇аа хад̣̇аяам̣ ж̇од̇итаанам̣,
Jivhā sujā hadayaṃ jotiṭhānaṃ,
ад̇д̇аа суд̣̇анд̇о бурисасса ж̇од̇и.
Attā sudanto purisassa joti.
‘‘д̇хаммо рахад̣̇о б̣раахман̣а сийлад̇ид̇т̇о,
‘‘Dhammo rahado brāhmaṇa sīlatittho,
анаавило саб̣бхи сад̇ам̣ басад̇т̇о;
Anāvilo sabbhi sataṃ pasattho;
яад̇т̇а хавз взд̣̇аг̇уно синаад̇аа,
Yattha have vedaguno sinātā,
‘‘сажжам̣ д̇хаммо сам̣яамо б̣рахмажарияам̣,
‘‘Saccaṃ dhammo saṃyamo brahmacariyaṃ,
маж̇жхз сид̇аа б̣раахман̣а б̣рахмабад̇д̇и;
Majjhe sitā brāhmaṇa brahmapatti;
са д̇уж̇ж̇убхууд̇зсу намо гарохи,
Sa tujjubhūtesu namo karohi,
д̇амахам̣ нарам̣ д̇хаммасаарийд̇и б̣руумий’’д̇и.
Tamahaṃ naraṃ dhammasārīti brūmī’’ti.
звам̣ вуд̇д̇з, сунд̣̇аригабхаарад̣̇вааж̇о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… ан̃н̃ад̇аро жа банааяасмаа бхаарад̣̇вааж̇о арахад̇ам̣ ахосий’’д̇и.
Evaṃ vutte, sundarikabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama…pe… aññataro ca panāyasmā bhāradvājo arahataṃ ahosī’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. сунд̣̇аригасуд̇д̇аван̣н̣анаа • 9. Sundarikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. сунд̣̇аригасуд̇д̇аван̣н̣анаа • 9. Sundarikasuttavaṇṇanā
