| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
4. сунд̣̇арийнанд̣̇аат̇зрийг̇аат̇ааван̣н̣анаа
4. Sundarīnandātherīgāthāvaṇṇanā
аад̇урам̣ асужинд̇иаад̣̇игаа сунд̣̇арийнанд̣̇ааяа т̇зрияаа г̇аат̇аа. аяамби гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа, сад̇т̇у санд̇игз д̇хаммам̣ сун̣анд̇ий сад̇т̇аарам̣ згам̣ бхигкуним̣ жхааяинийнам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа гусалам̣ убажинанд̇ий габбасад̇асахассам̣ д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з сагяарааж̇агулз ниб̣б̣ад̇д̇и. нанд̣̇аад̇иссаа наамам̣ агам̣су. абарабхааг̇з руубасамбад̇д̇ияаа сунд̣̇арийнанд̣̇аа, ж̇анабад̣̇агаляаан̣ийд̇и жа бан̃н̃ааяид̇т̇а. саа амхаагам̣ бхаг̇авад̇и саб̣б̣ан̃н̃уд̇ам̣ бад̇ваа анубуб̣б̣зна габилавад̇т̇ум̣ г̇анд̇ваа нанд̣̇агумааран̃жа раахулагумааран̃жа баб̣б̣ааж̇зд̇ваа г̇ад̇з суд̣̇д̇ход̣̇анамахаарааж̇з жа бариниб̣б̣уд̇з махаабаж̇аабад̇иг̇од̇амияаа раахуламаад̇ааяа жа баб̣б̣аж̇ид̇ааяа жинд̇зси – ‘‘маяхам̣ ж̇здтабхаад̇аа жаггавад̇д̇ираж̇ж̇ам̣ бахааяа баб̣б̣аж̇ид̇ваа логз аг̇г̇абуг̇г̇ало б̣уд̣̇д̇хо ж̇аад̇о, буд̇д̇обисса раахулагумааро баб̣б̣аж̇и, бхад̇д̇ааби мз нанд̣̇арааж̇аа, маад̇ааби махаабаж̇аабад̇иг̇од̇амий, бхаг̇инийби раахуламаад̇аа баб̣б̣аж̇ид̇аа, ид̣̇аанаахам̣ г̇зхз гим̣ гариссаами, баб̣б̣аж̇иссаамий’’д̇и бхигкунубассаяам̣ г̇анд̇ваа н̃аад̇исинзхзна баб̣б̣аж̇и, но сад̣̇д̇хааяа. д̇асмаа баб̣б̣аж̇ид̇вааби руубам̣ ниссааяа уббаннамад̣̇аа. ‘‘сад̇т̇аа руубам̣ виван̣н̣зд̇и г̇арахад̇и, анзгабарияааязна руубз аад̣̇ийнавам̣ д̣̇ассзд̇ий’’д̇и б̣уд̣̇д̇хубадтаанам̣ на г̇ажчад̇ийд̇иаад̣̇и саб̣б̣ам̣ хздтаа абхируубананд̣̇ааяа вад̇т̇усмим̣ вуд̇д̇анаязнзва взд̣̇ид̇аб̣б̣ам̣. аяам̣ бана висзсо – сад̇т̇аараа ниммид̇ам̣ ид̇т̇ируубам̣ ануггамзна ж̇араабхибхууд̇ам̣ д̣̇исваа анижжад̇о д̣̇угкад̇о анад̇д̇ад̇о манасигаронд̇ияаа т̇зрияаа гаммадтаанаабхимукам̣ жид̇д̇ам̣ ахоси. д̇ам̣ д̣̇исваа сад̇т̇аа д̇ассаа саббааяавасзна д̇хаммам̣ д̣̇зсзнд̇о –
Āturaṃ asucintiādikā sundarīnandāya theriyā gāthā. Ayampi kira padumuttarassa bhagavato kāle haṃsavatīnagare kulagehe nibbattitvā viññutaṃ patvā, satthu santike dhammaṃ suṇantī satthāraṃ ekaṃ bhikkhuniṃ jhāyinīnaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthetvā kusalaṃ upacinantī kappasatasahassaṃ devamanussesu saṃsarantī imasmiṃ buddhuppāde sakyarājakule nibbatti. Nandātissā nāmaṃ akaṃsu. Aparabhāge rūpasampattiyā sundarīnandā, janapadakalyāṇīti ca paññāyittha. Sā amhākaṃ bhagavati sabbaññutaṃ patvā anupubbena kapilavatthuṃ gantvā nandakumārañca rāhulakumārañca pabbājetvā gate suddhodanamahārāje ca parinibbute mahāpajāpatigotamiyā rāhulamātāya ca pabbajitāya cintesi – ‘‘mayhaṃ jeṭṭhabhātā cakkavattirajjaṃ pahāya pabbajitvā loke aggapuggalo buddho jāto, puttopissa rāhulakumāro pabbaji, bhattāpi me nandarājā, mātāpi mahāpajāpatigotamī, bhaginīpi rāhulamātā pabbajitā, idānāhaṃ gehe kiṃ karissāmi, pabbajissāmī’’ti bhikkhunupassayaṃ gantvā ñātisinehena pabbaji, no saddhāya. Tasmā pabbajitvāpi rūpaṃ nissāya uppannamadā. ‘‘Satthā rūpaṃ vivaṇṇeti garahati, anekapariyāyena rūpe ādīnavaṃ dassetī’’ti buddhupaṭṭhānaṃ na gacchatītiādi sabbaṃ heṭṭhā abhirūpanandāya vatthusmiṃ vuttanayeneva veditabbaṃ. Ayaṃ pana viseso – satthārā nimmitaṃ itthirūpaṃ anukkamena jarābhibhūtaṃ disvā aniccato dukkhato anattato manasikarontiyā theriyā kammaṭṭhānābhimukhaṃ cittaṃ ahosi. Taṃ disvā satthā tassā sappāyavasena dhammaṃ desento –
82.
82.
‘‘аад̇урам̣ асужим̣ бууд̇им̣, басса нанд̣̇з самуссаяам̣;
‘‘Āturaṃ asuciṃ pūtiṃ, passa nande samussayaṃ;
асубхааяа жид̇д̇ам̣ бхаавзхи, згаг̇г̇ам̣ сусамаахид̇ам̣.
Asubhāya cittaṃ bhāvehi, ekaggaṃ susamāhitaṃ.
83.
83.
‘‘яат̇аа ид̣̇ам̣ д̇ат̇аа зд̇ам̣, яат̇аа зд̇ам̣ д̇ат̇аа ид̣̇ам̣;
‘‘Yathā idaṃ tathā etaṃ, yathā etaṃ tathā idaṃ;
д̣̇уг̇г̇анд̇хам̣ бууд̇игам̣ ваад̇и, б̣аалаанам̣ абхинанд̣̇ид̇ам̣.
Duggandhaṃ pūtikaṃ vāti, bālānaṃ abhinanditaṃ.
84.
84.
‘‘звамзд̇ам̣ авзгканд̇ий, рад̇д̇инд̣̇ивамад̇анд̣̇ид̇аа;
‘‘Evametaṃ avekkhantī, rattindivamatanditā;
д̇ад̇о сагааяа бан̃н̃ааяа, абхиниб̣б̣иж̇жха д̣̇агкиса’’нд̇и. –
Tato sakāya paññāya, abhinibbijjha dakkhisa’’nti. –
имаа д̇иссо г̇аат̇аа абхааси.
Imā tisso gāthā abhāsi.
саа д̣̇зсанаанусаарзна н̃аан̣ам̣ бзсзд̇ваа сод̇аабад̇д̇ипалз бад̇идтахи. д̇ассаа убаримаг̇г̇ад̇т̇ааяа гаммадтаанам̣ аажигканд̇о ‘‘нанд̣̇з, имасмим̣ сарийрз аббамад̇д̇агоби сааро над̇т̇и, мам̣салохид̇алзбано ж̇араад̣̇ийнам̣ ваасабхууд̇о, адтибун̃ж̇амад̇д̇о звааяа’’нд̇и д̣̇ассзд̇ум̣ –
Sā desanānusārena ñāṇaṃ pesetvā sotāpattiphale patiṭṭhahi. Tassā uparimaggatthāya kammaṭṭhānaṃ ācikkhanto ‘‘nande, imasmiṃ sarīre appamattakopi sāro natthi, maṃsalohitalepano jarādīnaṃ vāsabhūto, aṭṭhipuñjamatto evāya’’nti dassetuṃ –
‘‘адтинам̣ наг̇арам̣ гад̇ам̣, мам̣салохид̇алзбанам̣;
‘‘Aṭṭhinaṃ nagaraṃ kataṃ, maṃsalohitalepanaṃ;
яад̇т̇а ж̇араа жа мажжу жа, маано магко жа охид̇о’’д̇и. (д̇ха. ба. 150) –
Yattha jarā ca maccu ca, māno makkho ca ohito’’ti. (dha. pa. 150) –
д̇хаммабад̣̇з имам̣ г̇аат̇амааха.
Dhammapade imaṃ gāthamāha.
саа д̣̇зсанаавасаанз арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.3.166-219) –
Sā desanāvasāne arahattaṃ pāpuṇi. Tena vuttaṃ apadāne (apa. therī 2.3.166-219) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘оваад̣̇аго вин̃н̃аабаго, д̇аараго саб̣б̣абаан̣инам̣;
‘‘Ovādako viññāpako, tārako sabbapāṇinaṃ;
д̣̇зсанаагусало б̣уд̣̇д̇хо, д̇аарзси ж̇анад̇ам̣ б̣ахум̣.
Desanākusalo buddho, tāresi janataṃ bahuṃ.
‘‘анугамбаго гаарун̣иго, хид̇зсий саб̣б̣абаан̣инам̣;
‘‘Anukampako kāruṇiko, hitesī sabbapāṇinaṃ;
самбад̇д̇з д̇ид̇т̇ияз саб̣б̣з, бан̃жасийлз бад̇идтаби.
Sampatte titthiye sabbe, pañcasīle patiṭṭhapi.
‘‘звам̣ нираагулам̣ ааси, сун̃н̃ад̇ам̣ д̇ид̇т̇иязхи жа;
‘‘Evaṃ nirākulaṃ āsi, suññataṃ titthiyehi ca;
вижид̇д̇ам̣ араханд̇зхи, васийбхууд̇зхи д̇аад̣̇ибхи.
Vicittaṃ arahantehi, vasībhūtehi tādibhi.
‘‘рад̇анаанадтабан̃н̃аасам̣, уг̇г̇ад̇ова махаамуни;
‘‘Ratanānaṭṭhapaññāsaṃ, uggatova mahāmuni;
ган̃жанаг̇гхияасан̇гаасо, б̣аад̇д̇им̣саваралагкан̣о.
Kañcanagghiyasaṅkāso, bāttiṃsavaralakkhaṇo.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
‘‘д̇ад̣̇аахам̣ хам̣савад̇ияам̣, ж̇аад̇аа сздтигулз ахум̣;
‘‘Tadāhaṃ haṃsavatiyaṃ, jātā seṭṭhikule ahuṃ;
наанаарад̇анабаж̇ж̇од̇з, махаасукасамаббид̇аа.
Nānāratanapajjote, mahāsukhasamappitā.
‘‘убзд̇ваа д̇ам̣ махаавийрам̣, ассосим̣ д̇хаммад̣̇зсанам̣;
‘‘Upetvā taṃ mahāvīraṃ, assosiṃ dhammadesanaṃ;
амад̇ам̣ барамассаад̣̇ам̣, барамад̇т̇анивзд̣̇агам̣.
Amataṃ paramassādaṃ, paramatthanivedakaṃ.
‘‘д̇ад̣̇аа ниманд̇аяид̇ваана, сасан̇гхам̣ логанааяагам̣;
‘‘Tadā nimantayitvāna, sasaṅghaṃ lokanāyakaṃ;
д̣̇ад̇ваа д̇асса махаад̣̇аанам̣, басаннаа сзхи баан̣ибхи.
Datvā tassa mahādānaṃ, pasannā sehi pāṇibhi.
‘‘жхааяинийнам̣ бхигкунийнам̣, аг̇г̇адтаанамабад̇т̇аяим̣;
‘‘Jhāyinīnaṃ bhikkhunīnaṃ, aggaṭṭhānamapatthayiṃ;
нибажжа сирасаа д̇хийрам̣, сасан̇гхам̣ логанааяагам̣.
Nipacca sirasā dhīraṃ, sasaṅghaṃ lokanāyakaṃ.
‘‘д̇ад̣̇аа ад̣̇анд̇ад̣̇амаго, д̇илогасаран̣о бабхуу;
‘‘Tadā adantadamako, tilokasaraṇo pabhū;
б̣яаагааси нарасаарат̇и, лажчасз д̇ам̣ субад̇т̇ид̇ам̣.
Byākāsi narasārathi, lacchase taṃ supatthitaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
нанд̣̇аад̇и наама наамзна, хзссад̇и сад̇т̇у саавигаа.
Nandāti nāma nāmena, hessati satthu sāvikā.
‘‘д̇ам̣ суд̇ваа муд̣̇ид̇аа худ̇ваа, яааваж̇ийвам̣ д̇ад̣̇аа ж̇инам̣;
‘‘Taṃ sutvā muditā hutvā, yāvajīvaṃ tadā jinaṃ;
мзд̇д̇ажид̇д̇аа барижарим̣, бажжаязхи винааяагам̣.
Mettacittā paricariṃ, paccayehi vināyakaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇ад̇о жуд̇аа яаамамаг̇ам̣, д̇ад̇охам̣ д̇усид̇ам̣ г̇ад̇аа;
‘‘Tato cutā yāmamagaṃ, tatohaṃ tusitaṃ gatā;
д̇ад̇о жа ниммаанарад̇им̣, васавад̇д̇ибурам̣ д̇ад̇о.
Tato ca nimmānaratiṃ, vasavattipuraṃ tato.
‘‘яад̇т̇а яад̇т̇уубабаж̇ж̇аами, д̇асса гаммасса ваахасаа;
‘‘Yattha yatthūpapajjāmi, tassa kammassa vāhasā;
д̇ад̇т̇а д̇ад̇т̇зва рааж̇уунам̣, махзсид̇д̇амагаараяим̣.
Tattha tattheva rājūnaṃ, mahesittamakārayiṃ.
‘‘д̇ад̇о жуд̇аа мануссад̇д̇з, рааж̇аанам̣ жаггавад̇д̇инам̣;
‘‘Tato cutā manussatte, rājānaṃ cakkavattinaṃ;
ман̣д̣алийнан̃жа рааж̇уунам̣, махзсид̇д̇амагаараяим̣.
Maṇḍalīnañca rājūnaṃ, mahesittamakārayiṃ.
‘‘самбад̇д̇им̣ анубход̇ваана, д̣̇звзсу мануж̇зсу жа;
‘‘Sampattiṃ anubhotvāna, devesu manujesu ca;
саб̣б̣ад̇т̇а сукид̇аа худ̇ваа, нзгагаббзсу сам̣сарим̣.
Sabbattha sukhitā hutvā, nekakappesu saṃsariṃ.
‘‘бажчимз бхавз самбад̇д̇з, сураммз габилавхаяз;
‘‘Pacchime bhave sampatte, suramme kapilavhaye;
ран̃н̃о суд̣̇д̇ход̣̇анассаахам̣, д̇хийд̇аа аасим̣ анинд̣̇ид̇аа.
Rañño suddhodanassāhaṃ, dhītā āsiṃ aninditā.
‘‘сирияаа руубиним̣ д̣̇исваа, нанд̣̇ид̇ам̣ ааси д̇ам̣ гулам̣;
‘‘Siriyā rūpiniṃ disvā, nanditaṃ āsi taṃ kulaṃ;
д̇зна нанд̣̇аад̇и мз наамам̣, сунд̣̇арам̣ баварам̣ аху.
Tena nandāti me nāmaṃ, sundaraṃ pavaraṃ ahu.
‘‘яувад̇ийнан̃жа саб̣б̣аасам̣, галяаан̣ийд̇и жа виссуд̇аа;
‘‘Yuvatīnañca sabbāsaṃ, kalyāṇīti ca vissutā;
д̇асмимби наг̇арз раммз, табзд̇ваа д̇ам̣ яасод̇харам̣.
Tasmimpi nagare ramme, ṭhapetvā taṃ yasodharaṃ.
‘‘ж̇здто бхаад̇аа д̇илогаг̇г̇о, бажчимо арахаа д̇ат̇аа;
‘‘Jeṭṭho bhātā tilokaggo, pacchimo arahā tathā;
згаагиний г̇ахадтаахам̣, маад̇араа барижод̣̇ид̇аа.
Ekākinī gahaṭṭhāhaṃ, mātarā paricoditā.
‘‘саагияамхи гулз ж̇аад̇аа, буд̇д̇з б̣уд̣̇д̇хаануж̇аа д̇увам̣;
‘‘Sākiyamhi kule jātā, putte buddhānujā tuvaṃ;
нанд̣̇знаби винаа бхууд̇аа, аг̇аарз гинну ажчаси.
Nandenapi vinā bhūtā, agāre kinnu acchasi.
‘‘ж̇араавасаанам̣ яоб̣б̣ан̃н̃ам̣, руубам̣ асужисаммад̇ам̣;
‘‘Jarāvasānaṃ yobbaññaṃ, rūpaṃ asucisammataṃ;
рог̇анд̇амабижаарог̇яам̣, ж̇ийвид̇ам̣ маран̣анд̇игам̣.
Rogantamapicārogyaṃ, jīvitaṃ maraṇantikaṃ.
‘‘ид̣̇амби д̇з субхам̣ руубам̣, сасийганд̇ам̣ манохарам̣;
‘‘Idampi te subhaṃ rūpaṃ, sasīkantaṃ manoharaṃ;
бхуусанаанам̣ алан̇гаарам̣, сирисан̇гхаадасам̣нибхам̣.
Bhūsanānaṃ alaṅkāraṃ, sirisaṅghāṭasaṃnibhaṃ.
‘‘бун̃ж̇ид̇ам̣ логасаарам̣ва, наяанаанам̣ расааяанам̣;
‘‘Puñjitaṃ lokasāraṃva, nayanānaṃ rasāyanaṃ;
бун̃н̃аанам̣ гид̇д̇иж̇ананам̣, уггаагагулананд̣̇анам̣.
Puññānaṃ kittijananaṃ, ukkākakulanandanaṃ.
‘‘на жирзнзва гаалзна, ж̇араа самад̇хисзссад̇и;
‘‘Na cireneva kālena, jarā samadhisessati;
вихааяа г̇зхам̣ гаарун̃н̃з, жара д̇хаммаманинд̣̇ид̇з.
Vihāya gehaṃ kāruññe, cara dhammamanindite.
‘‘суд̇ваахам̣ маад̇у важанам̣, баб̣б̣аж̇им̣ анаг̇аарияам̣;
‘‘Sutvāhaṃ mātu vacanaṃ, pabbajiṃ anagāriyaṃ;
д̣̇зхзна над̇у жид̇д̇зна, руубаяоб̣б̣аналаал̣ид̇аа.
Dehena natu cittena, rūpayobbanalāḷitā.
‘‘махад̇аа жа баяад̇д̇зна, жхаанаж̇жхзна барам̣ мама;
‘‘Mahatā ca payattena, jhānajjhena paraṃ mama;
гаад̇ун̃жа вад̣̇ад̇з маад̇аа, на жаахам̣ д̇ад̇т̇а уссугаа.
Kātuñca vadate mātā, na cāhaṃ tattha ussukā.
‘‘д̇ад̇о махаагаарун̣иго, д̣̇исваа мам̣ гаамалааласам̣;
‘‘Tato mahākāruṇiko, disvā maṃ kāmalālasaṃ;
ниб̣б̣анд̣̇анад̇т̇ам̣ руубасмим̣, мама жагкубат̇з ж̇ино.
Nibbandanatthaṃ rūpasmiṃ, mama cakkhupathe jino.
‘‘сагзна аанубхаавзна, ид̇т̇им̣ маабзси собхиним̣;
‘‘Sakena ānubhāvena, itthiṃ māpesi sobhiniṃ;
д̣̇ассанийяам̣ суружирам̣, мамад̇оби суруубиним̣.
Dassanīyaṃ suruciraṃ, mamatopi surūpiniṃ.
‘‘д̇амахам̣ вимхид̇аа д̣̇исваа, ад̇ивимхид̇ад̣̇зхиним̣;
‘‘Tamahaṃ vimhitā disvā, ativimhitadehiniṃ;
жинд̇аяим̣ сапалам̣ мзд̇и, нзд̇д̇алаабхан̃жа маанусам̣.
Cintayiṃ saphalaṃ meti, nettalābhañca mānusaṃ.
‘‘д̇амахам̣ зхи субхаг̇з, язнад̇т̇о д̇ам̣ вад̣̇зхи мз;
‘‘Tamahaṃ ehi subhage, yenattho taṃ vadehi me;
гулам̣ д̇з наамаг̇од̇д̇ан̃жа, вад̣̇а мз яад̣̇и д̇з бияам̣.
Kulaṃ te nāmagottañca, vada me yadi te piyaṃ.
‘‘на ван̃жагаало субхаг̇з, ужчан̇г̇з мам̣ ниваасаяа;
‘‘Na vañcakālo subhage, ucchaṅge maṃ nivāsaya;
сийд̣̇анд̇ийва маман̇г̇аани, басуббаяамухуд̇д̇агам̣.
Sīdantīva mamaṅgāni, pasuppayamuhuttakaṃ.
‘‘д̇ад̇о сийсам̣ маман̇г̇з саа, гад̇ваа саяи суложанаа;
‘‘Tato sīsaṃ mamaṅge sā, katvā sayi sulocanā;
д̇ассаа налаадз бад̇ид̇аа, луд̣̇д̇хаа барамад̣̇аарун̣аа.
Tassā nalāṭe patitā, luddhā paramadāruṇā.
‘‘саха д̇ассаа нибаад̇зна, бил̣агаа убабаж̇ж̇ат̇а;
‘‘Saha tassā nipātena, piḷakā upapajjatha;
баг̇гхарим̣су бабхиннаа жа, гун̣абаа буб̣б̣алохид̇аа.
Pagghariṃsu pabhinnā ca, kuṇapā pubbalohitā.
‘‘бабхиннам̣ вад̣̇анан̃жааби, гун̣абам̣ бууд̇иг̇анд̇ханам̣;
‘‘Pabhinnaṃ vadanañcāpi, kuṇapaṃ pūtigandhanaṃ;
уд̣̇д̇хумаад̇ам̣ винилан̃жа, буб̣б̣ан̃жааби сарийрагам̣.
Uddhumātaṃ vinilañca, pubbañcāpi sarīrakaṃ.
‘‘саа бавзд̣̇ид̇асаб̣б̣ан̇г̇ий, ниссасанд̇ий мухум̣ мухум̣;
‘‘Sā paveditasabbaṅgī, nissasantī muhuṃ muhuṃ;
взд̣̇аяанд̇ий сагам̣ д̣̇угкам̣, гарун̣ам̣ барид̣̇зваяи.
Vedayantī sakaṃ dukkhaṃ, karuṇaṃ paridevayi.
‘‘д̣̇угкзна д̣̇угкид̇аа хоми, пусаяанд̇и жа взд̣̇анаа;
‘‘Dukkhena dukkhitā homi, phusayanti ca vedanā;
махаад̣̇угкз нимуг̇г̇амхи, саран̣ам̣ хохи мз сакий.
Mahādukkhe nimuggamhi, saraṇaṃ hohi me sakhī.
‘‘гухим̣ вад̣̇анасод̇ам̣ д̇з, гухим̣ д̇з д̇ун̇г̇анаасигаа;
‘‘Kuhiṃ vadanasotaṃ te, kuhiṃ te tuṅganāsikā;
д̇амб̣аб̣имб̣авародтанд̇з, вад̣̇анам̣ д̇з гухим̣ г̇ад̇ам̣.
Tambabimbavaroṭṭhante, vadanaṃ te kuhiṃ gataṃ.
‘‘гухим̣ сасийнибхам̣ ван̣н̣ам̣, гамб̣уг̇ийваа гухим̣ г̇ад̇аа;
‘‘Kuhiṃ sasīnibhaṃ vaṇṇaṃ, kambugīvā kuhiṃ gatā;
д̣̇ол̣аа лолаава д̇з ган̣н̣аа, взван̣н̣ам̣ самубааг̇ад̇аа.
Doḷā lolāva te kaṇṇā, vevaṇṇaṃ samupāgatā.
‘‘магул̣акаарагаагаараа, галигаава баяод̇хараа;
‘‘Makuḷakhārakākārā, kalikāva payodharā;
бабхиннаа бууд̇игун̣абаа, д̣̇удтаг̇анд̇хид̇д̇амааг̇ад̇аа.
Pabhinnā pūtikuṇapā, duṭṭhagandhittamāgatā.
‘‘взд̣̇имаж̇жхаава суссон̣ий, суунаава нийд̇агиб̣б̣исаа;
‘‘Vedimajjhāva sussoṇī, sūnāva nītakibbisā;
ж̇аад̇аа амаж̇жхабхарид̇аа, ахо руубамасассад̇ам̣.
Jātā amajjhabharitā, aho rūpamasassataṃ.
‘‘саб̣б̣ам̣ сарийрасан̃ж̇аад̇ам̣, бууд̇иг̇анд̇хам̣ бхаяаанагам̣;
‘‘Sabbaṃ sarīrasañjātaṃ, pūtigandhaṃ bhayānakaṃ;
сусаанамива б̣ийбхажчам̣, раманд̇з яад̇т̇а б̣аалисаа.
Susānamiva bībhacchaṃ, ramante yattha bālisā.
‘‘д̇ад̣̇аа махаагаарун̣иго, бхаад̇аа мз логанааяаго;
‘‘Tadā mahākāruṇiko, bhātā me lokanāyako;
д̣̇исваа сам̣виг̇г̇ажид̇д̇ам̣ мам̣, имаа г̇аат̇аа абхаасат̇а.
Disvā saṃviggacittaṃ maṃ, imā gāthā abhāsatha.
‘‘аад̇урам̣ гун̣абам̣ бууд̇им̣, басса нанд̣̇з самуссаяам̣;
‘‘Āturaṃ kuṇapaṃ pūtiṃ, passa nande samussayaṃ;
асубхааяа жид̇д̇ам̣ бхаавзхи, згаг̇г̇ам̣ сусамаахид̇ам̣.
Asubhāya cittaṃ bhāvehi, ekaggaṃ susamāhitaṃ.
‘‘яат̇аа ид̣̇ам̣ д̇ат̇аа зд̇ам̣, яат̇аа зд̇ам̣ д̇ат̇аа ид̣̇ам̣;
‘‘Yathā idaṃ tathā etaṃ, yathā etaṃ tathā idaṃ;
д̣̇уг̇г̇анд̇хам̣ бууд̇игам̣ ваад̇и, б̣аалаанам̣ абхинанд̣̇ид̇ам̣.
Duggandhaṃ pūtikaṃ vāti, bālānaṃ abhinanditaṃ.
‘‘звамзд̇ам̣ авзгканд̇ий, рад̇д̇инд̣̇ивамад̇анд̣̇ид̇аа;
‘‘Evametaṃ avekkhantī, rattindivamatanditā;
д̇ад̇о сагааяа бан̃н̃ааяа, абхиниб̣б̣иж̇жха д̣̇агкисам̣.
Tato sakāya paññāya, abhinibbijjha dakkhisaṃ.
‘‘д̇ад̇охам̣ ад̇исам̣виг̇г̇аа, суд̇ваа г̇аат̇аа субхаасид̇аа;
‘‘Tatohaṃ atisaṃviggā, sutvā gāthā subhāsitā;
д̇ад̇радтид̇аавахам̣ санд̇ий, арахад̇д̇амабаабун̣им̣.
Tatraṭṭhitāvahaṃ santī, arahattamapāpuṇiṃ.
‘‘яад̇т̇а яад̇т̇а нисиннаахам̣, сад̣̇аа жхаанабарааяан̣аа;
‘‘Yattha yattha nisinnāhaṃ, sadā jhānaparāyaṇā;
ж̇ино д̇асмим̣ г̇ун̣з д̇удто, зд̇ад̣̇аг̇г̇з табзси мам̣.
Jino tasmiṃ guṇe tuṭṭho, etadagge ṭhapesi maṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна ‘‘аад̇урам̣ асужи’’нд̇иаад̣̇инаа сад̇т̇аараа д̣̇зсид̇аахи д̇ийхи г̇аат̇аахи сад̣̇д̇хим̣ –
Arahattaṃ pana patvā attano paṭipattiṃ paccavekkhitvā udānavasena ‘‘āturaṃ asuci’’ntiādinā satthārā desitāhi tīhi gāthāhi saddhiṃ –
85.
85.
‘‘д̇ассаа мз аббамад̇д̇ааяа, вижинанд̇ияаа яонисо;
‘‘Tassā me appamattāya, vicinantiyā yoniso;
яат̇аабхууд̇ам̣ аяам̣ гааяо, д̣̇идто санд̇араб̣аахиро.
Yathābhūtaṃ ayaṃ kāyo, diṭṭho santarabāhiro.
86.
86.
‘‘ат̇а ниб̣б̣инд̣̇ахам̣ гааяз, аж̇жхад̇д̇ан̃жа вираж̇ж̇ахам̣;
‘‘Atha nibbindahaṃ kāye, ajjhattañca virajjahaṃ;
аббамад̇д̇аа висам̣яуд̇д̇аа, убасанд̇аамхи ниб̣б̣уд̇аа’’д̇и. –
Appamattā visaṃyuttā, upasantāmhi nibbutā’’ti. –
имаа д̣̇вз г̇аат̇аа абхааси.
Imā dve gāthā abhāsi.
д̇ад̇т̇а звамзд̇ам̣ авзгканд̇ий…бз… д̣̇агкисанд̇и зд̇ам̣ аад̇ураад̣̇исабхаавам̣ гааяам̣ звам̣ ‘‘яат̇аа ид̣̇ам̣ д̇ат̇аа зд̇а’’нд̇иаад̣̇инаа вуд̇д̇аббагаарзна рад̇д̇инд̣̇ивам̣ саб̣б̣агаалам̣ ад̇анд̣̇ид̇аа худ̇ваа барад̇о гхосахзд̇угам̣ суд̇амаяан̃аан̣ам̣ мун̃жид̇ваа, д̇ад̇о д̇ам̣нимид̇д̇ам̣ ад̇д̇ани самбхууд̇ад̇д̇аа сагааяабхааванаамаяааяа бан̃н̃ааяа яаат̇аавад̇о гханавиниб̣бхог̇агаран̣зна абхиниб̣б̣иж̇жха, гат̇ам̣ ну ко д̣̇агкисам̣ бассиссанд̇и аабхог̇абурзжааригзна буб̣б̣абхааг̇ан̃аан̣ажагкунаа авзгканд̇ий вижинанд̇ийд̇и ад̇т̇о.
Tattha evametaṃ avekkhantī…pe… dakkhisanti etaṃ āturādisabhāvaṃ kāyaṃ evaṃ ‘‘yathā idaṃ tathā eta’’ntiādinā vuttappakārena rattindivaṃ sabbakālaṃ atanditā hutvā parato ghosahetukaṃ sutamayañāṇaṃ muñcitvā, tato taṃnimittaṃ attani sambhūtattā sakāyabhāvanāmayāya paññāya yāthāvato ghanavinibbhogakaraṇena abhinibbijjha, kathaṃ nu kho dakkhisaṃ passissanti ābhogapurecārikena pubbabhāgañāṇacakkhunā avekkhantī vicinantīti attho.
д̇знааха ‘‘д̇ассаа мз аббамад̇д̇ааяаа’’д̇иаад̣̇и. д̇ассад̇т̇о – д̇ассаа мз сад̇иавиббаваасзна аббамад̇д̇ааяа яонисо убааязна анижжаад̣̇ивасзна вибассанаабан̃н̃ааяа вижинанд̇ияаа виймам̣санд̇ияаа, аяам̣ канд̇хабан̃жагасан̇каад̇о гааяо сасанд̇аанабарасанд̇аанавибхааг̇ад̇о санд̇араб̣аахиро яат̇аабхууд̇ам̣ д̣̇идто.
Tenāha ‘‘tassā me appamattāyā’’tiādi. Tassattho – tassā me satiavippavāsena appamattāya yoniso upāyena aniccādivasena vipassanāpaññāya vicinantiyā vīmaṃsantiyā, ayaṃ khandhapañcakasaṅkhāto kāyo sasantānaparasantānavibhāgato santarabāhiro yathābhūtaṃ diṭṭho.
ат̇а д̇ат̇аа д̣̇ассанад̇о бажчаа ниб̣б̣инд̣̇ахам̣ гааяз вибассанаабан̃н̃аасахид̇ааяа маг̇г̇абан̃н̃ааяа ад̇д̇абхаавз ниб̣б̣инд̣̇им̣, висзсад̇ова аж̇жхад̇д̇асанд̇аанз вираж̇ж̇и вирааг̇ам̣ аабаж̇ж̇им̣, ахам̣ яат̇аабхууд̇ааяа аббамаад̣̇абадибад̇д̇ияаа мад̇т̇агаббад̇д̇ияаа аббамад̇д̇аа саб̣б̣асо сам̣яож̇анаанам̣ самужчиннад̇д̇аа висам̣яуд̇д̇аа убасанд̇аа жа ниб̣б̣уд̇аа жа амхийд̇и.
Atha tathā dassanato pacchā nibbindahaṃ kāye vipassanāpaññāsahitāya maggapaññāya attabhāve nibbindiṃ, visesatova ajjhattasantāne virajji virāgaṃ āpajjiṃ, ahaṃ yathābhūtāya appamādapaṭipattiyā matthakappattiyā appamattā sabbaso saṃyojanānaṃ samucchinnattā visaṃyuttā upasantā ca nibbutā ca amhīti.
сунд̣̇арийнанд̣̇аат̇зрийг̇аат̇ааван̣н̣анаа нидтид̇аа.
Sundarīnandātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 4. сунд̣̇арийнанд̣̇аат̇зрийг̇аат̇аа • 4. Sundarīnandātherīgāthā
