Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    9. сунзд̇д̇асуд̇д̇ам̣

    9. Sunettasuttaṃ

    73. 1 ‘‘бхууд̇абуб̣б̣ам̣, бхигкавз, сунзд̇д̇о наама сад̇т̇аа ахоси д̇ид̇т̇агаро гаамзсу вийд̇арааг̇о. сунзд̇д̇асса ко бана, бхигкавз, сад̇т̇уно анзгаани саавагасад̇аани ахзсум̣. сунзд̇д̇о сад̇т̇аа саавагаанам̣ б̣рахмалогасахаб̣яад̇ааяа д̇хаммам̣ д̣̇зсзси. яз ко бана, бхигкавз 2, сунзд̇д̇асса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса жид̇д̇аани наббасаад̣̇зсум̣ д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇им̣су. яз ко бана, бхигкавз, сунзд̇д̇асса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса жид̇д̇аани басаад̣̇зсум̣ д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇им̣су.

    73.3 ‘‘Bhūtapubbaṃ, bhikkhave, sunetto nāma satthā ahosi titthakaro kāmesu vītarāgo. Sunettassa kho pana, bhikkhave, satthuno anekāni sāvakasatāni ahesuṃ. Sunetto satthā sāvakānaṃ brahmalokasahabyatāya dhammaṃ desesi. Ye kho pana, bhikkhave 4, sunettassa satthuno brahmalokasahabyatāya dhammaṃ desentassa cittāni nappasādesuṃ te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjiṃsu. Ye kho pana, bhikkhave, sunettassa satthuno brahmalokasahabyatāya dhammaṃ desentassa cittāni pasādesuṃ te kāyassa bhedā paraṃ maraṇā sugatiṃ saggaṃ lokaṃ upapajjiṃsu.

    ‘‘бхууд̇абуб̣б̣ам̣ , бхигкавз, мууг̇абагко наама сад̇т̇аа ахоси…бз… аранзми наама сад̇т̇аа ахоси…бз… гуд̣̇д̣̇аалаго 5 наама сад̇т̇аа ахоси…бз… хад̇т̇ибаало наама сад̇т̇аа ахоси…бз… ж̇од̇ибаало наама сад̇т̇аа ахоси…бз… араго наама сад̇т̇аа ахоси д̇ид̇т̇агаро гаамзсу вийд̇арааг̇о . арагасса ко бана, бхигкавз, сад̇т̇уно анзгаани саавагасад̇аани ахзсум̣. араго наама сад̇т̇аа саавагаанам̣ б̣рахмалогасахаб̣яад̇ааяа д̇хаммам̣ д̣̇зсзси. яз ко бана, бхигкавз, арагасса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса жид̇д̇аани наббасаад̣̇зсум̣, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇им̣су. яз ко бана, бхигкавз, арагасса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса жид̇д̇аани басаад̣̇зсум̣, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇им̣су.

    ‘‘Bhūtapubbaṃ , bhikkhave, mūgapakkho nāma satthā ahosi…pe… aranemi nāma satthā ahosi…pe… kuddālako 6 nāma satthā ahosi…pe… hatthipālo nāma satthā ahosi…pe… jotipālo nāma satthā ahosi…pe… arako nāma satthā ahosi titthakaro kāmesu vītarāgo . Arakassa kho pana, bhikkhave, satthuno anekāni sāvakasatāni ahesuṃ. Arako nāma satthā sāvakānaṃ brahmalokasahabyatāya dhammaṃ desesi. Ye kho pana, bhikkhave, arakassa satthuno brahmalokasahabyatāya dhammaṃ desentassa cittāni nappasādesuṃ, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjiṃsu. Ye kho pana, bhikkhave, arakassa satthuno brahmalokasahabyatāya dhammaṃ desentassa cittāni pasādesuṃ, te kāyassa bhedā paraṃ maraṇā sugatiṃ saggaṃ lokaṃ upapajjiṃsu.

    ‘‘д̇ам̣ гим̣ ман̃н̃ат̇а, бхигкавз, яо имз сад̇д̇а сад̇т̇аарз д̇ид̇т̇агарз гаамзсу вийд̇арааг̇з анзгасад̇абариваарз сасаавагасан̇гхз бад̣̇удтажид̇д̇о аггосзяяа барибхаасзяяа, б̣ахум̣ со абун̃н̃ам̣ басавзяяаа’’д̇и? ‘‘звам̣, бханд̇з’’. ‘‘яо, бхигкавз, имз сад̇д̇а сад̇т̇аарз д̇ид̇т̇агарз гаамзсу вийд̇арааг̇з анзгасад̇абариваарз сасаавагасан̇гхз бад̣̇удтажид̇д̇о аггосзяяа барибхаасзяяа, б̣ахум̣ со абун̃н̃ам̣ басавзяяа. яо згам̣ д̣̇идтисамбаннам̣ буг̇г̇алам̣ бад̣̇удтажид̇д̇о аггосад̇и барибхаасад̇и, аяам̣ д̇ад̇о б̣ахуд̇арам̣ абун̃н̃ам̣ басавад̇и. д̇ам̣ гисса хзд̇у? наахам̣, бхигкавз, ид̇о б̣ахид̣̇д̇хаа зваруубим̣ канд̇им̣ вад̣̇аами яат̇аамам̣ саб̣рахмажаарийсу’’.

    ‘‘Taṃ kiṃ maññatha, bhikkhave, yo ime satta satthāre titthakare kāmesu vītarāge anekasataparivāre sasāvakasaṅghe paduṭṭhacitto akkoseyya paribhāseyya, bahuṃ so apuññaṃ pasaveyyā’’ti? ‘‘Evaṃ, bhante’’. ‘‘Yo, bhikkhave, ime satta satthāre titthakare kāmesu vītarāge anekasataparivāre sasāvakasaṅghe paduṭṭhacitto akkoseyya paribhāseyya, bahuṃ so apuññaṃ pasaveyya. Yo ekaṃ diṭṭhisampannaṃ puggalaṃ paduṭṭhacitto akkosati paribhāsati, ayaṃ tato bahutaraṃ apuññaṃ pasavati. Taṃ kissa hetu? Nāhaṃ, bhikkhave, ito bahiddhā evarūpiṃ khantiṃ vadāmi yathāmaṃ sabrahmacārīsu’’.

    ‘‘д̇асмаад̇иха, бхигкавз, звам̣ сигкид̇аб̣б̣ам̣ – ‘на но саб̣рахмажаарийсу 7 жид̇д̇аани бад̣̇удтаани бхависсанд̇ий’д̇и. зван̃хи во, бхигкавз, сигкид̇аб̣б̣а’’нд̇и. навамам̣.

    ‘‘Tasmātiha, bhikkhave, evaṃ sikkhitabbaṃ – ‘na no sabrahmacārīsu 8 cittāni paduṭṭhāni bhavissantī’ti. Evañhi vo, bhikkhave, sikkhitabba’’nti. Navamaṃ.




    Next: 10. арагасуд̇д̇ам̣ • 10. Arakasuttaṃ




    Footnotes:
    1. а. ни. 6.54; 7.66
    2. яз ко бхигкавз (сий. сяаа.)
    3. a. ni. 6.54; 7.66
    4. ye kho bhikkhave (sī. syā.)
    5. гуд̣̇д̣̇аало (сий. сяаа.)
    6. kuddālo (sī. syā.)
    7. на д̇взва амхам̣ саб̣рахмажаарийсу (сяаа.) ан̇г̇уд̇д̇аранигааяз ан̃н̃ат̇аа д̣̇иссад̇и
    8. na tveva amhaṃ sabrahmacārīsu (syā.) aṅguttaranikāye aññathā dissati



    Related texts:



    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. аг̇г̇игканд̇хобамасуд̇д̇аад̣̇иван̣н̣анаа • 8-9. Aggikkhandhopamasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact