| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сунид̇хавассагааравад̇т̇угат̇ааван̣н̣анаа
Sunidhavassakāravatthukathāvaṇṇanā
286. сунид̇хавассагаараад̇и (д̣̇ий. ни. 2.153; уд̣̇аа. адта. 76) сунид̇хо жа вассагааро жа д̣̇вз б̣раахман̣аа. маг̇ад̇хамахаамад̇д̇аад̇и маг̇ад̇харан̃н̃о махааамажжаа, маг̇ад̇харадтз ваа махаамад̇д̇аа, махад̇ияаа иссарияамад̇д̇ааяа саманнааг̇ад̇аад̇и маг̇ад̇хамахаамад̇д̇аа. баадалиг̇аамз наг̇арам̣ маабзнд̇ийд̇и баадалиг̇ааманд̇асан̇каад̇з бхуумиббад̣̇зсз наг̇арам̣ маабзнд̇и, буб̣б̣з ‘‘баадалиг̇аамо’’д̇и лад̣̇д̇ханаамам̣ таанам̣ ид̣̇аани наг̇арам̣ гад̇ваа маабзнд̇ийд̇и ад̇т̇о. важ̇ж̇ийнам̣ бадиб̣аахааяаад̇и лижчавирааж̇уунам̣ ааяамукабажчинд̣̇анад̇т̇ам̣. вад̇т̇уунийд̇и гхаравад̇т̇ууни гхарабад̇идтаабанадтаанаани. жид̇д̇аани наманд̇и нивзсанаани маабзд̇унд̇и ран̃н̃о рааж̇амахаамад̇д̇аанан̃жа нивзсанаани маабзд̇ум̣ вад̇т̇увиж̇ж̇аабаатагаанам̣ жид̇д̇аани наманд̇и. д̇з гира ад̇д̇ано сиббаанубхаавзна хздтаабат̇авияам̣ д̇им̣сахад̇т̇амад̇д̇з таанз ‘‘ид̇ха нааг̇аанам̣ ниваасабариг̇г̇ахо, ид̇ха яагкаанам̣, ид̇ха бхууд̇аанам̣ ниваасабариг̇г̇ахо, ид̇ха баасаан̣о ваа каан̣уго ваа ад̇т̇ий’’д̇и ж̇аананд̇и, д̇з д̇ад̣̇аа сиббам̣ ж̇аббид̇ваа д̇аад̣̇исам̣ саарамбхадтаанам̣ барихарид̇ваа анаарамбхз таанз д̇аахи вад̇т̇убариг̇г̇аахигаахи д̣̇звад̇аахи сад̣̇д̇хим̣ манд̇аяамаанаа вияа д̇ам̣д̇ам̣г̇зхаани маабзнд̇и.
286.Sunidhavassakārāti (dī. ni. 2.153; udā. aṭṭha. 76) sunidho ca vassakāro ca dve brāhmaṇā. Magadhamahāmattāti magadharañño mahāamaccā, magadharaṭṭhe vā mahāmattā, mahatiyā issariyamattāya samannāgatāti magadhamahāmattā. Pāṭaligāme nagaraṃ māpentīti pāṭaligāmantasaṅkhāte bhūmippadese nagaraṃ māpenti, pubbe ‘‘pāṭaligāmo’’ti laddhanāmaṃ ṭhānaṃ idāni nagaraṃ katvā māpentīti attho. Vajjīnaṃ paṭibāhāyāti licchavirājūnaṃ āyamukhapacchindanatthaṃ. Vatthūnīti gharavatthūni gharapatiṭṭhāpanaṭṭhānāni. Cittāni namanti nivesanāni māpetunti rañño rājamahāmattānañca nivesanāni māpetuṃ vatthuvijjāpāṭhakānaṃ cittāni namanti. Te kira attano sippānubhāvena heṭṭhāpathaviyaṃ tiṃsahatthamatte ṭhāne ‘‘idha nāgānaṃ nivāsapariggaho, idha yakkhānaṃ, idha bhūtānaṃ nivāsapariggaho, idha pāsāṇo vā khāṇuko vā atthī’’ti jānanti, te tadā sippaṃ jappitvā tādisaṃ sārambhaṭṭhānaṃ pariharitvā anārambhe ṭhāne tāhi vatthupariggāhikāhi devatāhi saddhiṃ mantayamānā viya taṃtaṃgehāni māpenti.
ат̇а ваа нзсам̣ сарийрз д̣̇звад̇аа ад̇химужжид̇ваа д̇ад̇т̇а д̇ад̇т̇а нивзсанаани маабзд̇ум̣ жид̇д̇ам̣ наамзнд̇и. д̇аа жад̇уусу гон̣зсу каан̣угз годдзд̇ваа вад̇т̇умхи г̇ахид̇амад̇д̇з бадивиг̇ажчанд̇и. сад̣̇д̇хаанам̣ гулаанам̣ сад̣̇д̇хаа д̣̇звад̇аа д̇ат̇аа гаронд̇и, ассад̣̇д̇хаанам̣ гулаанам̣ ассад̣̇д̇хаа д̣̇звад̇аа жа. гим̣ гааран̣аа? сад̣̇д̇хаанан̃хи звам̣ ход̇и ‘‘ид̇ха мануссаа нивзсанам̣ маабзнд̇аа батамам̣ бхигкусан̇гхам̣ нисийд̣̇аабзд̇ваа ман̇г̇алам̣ вад̣̇аабзссанд̇и, ат̇а маяам̣ сийлаванд̇аанам̣ д̣̇ассанам̣ д̇хаммагат̇ам̣ бан̃хависсаж̇ж̇анам̣ анумод̣̇анан̃жа сод̇ум̣ лабхиссаама, мануссаад̣̇аанам̣ д̣̇ад̇ваа амхаагам̣ бад̇д̇им̣ д̣̇ассанд̇ий’’д̇и. ассад̣̇д̇хаа д̣̇звад̇ааби ‘‘ад̇д̇ано ижчаануруубам̣ д̇зсам̣ бадибад̇д̇им̣ бассид̇ум̣ гат̇ан̃жа сод̇ум̣ лабхиссаамаа’’д̇и д̇ат̇аа гаронд̇и.
Atha vā nesaṃ sarīre devatā adhimuccitvā tattha tattha nivesanāni māpetuṃ cittaṃ nāmenti. Tā catūsu koṇesu khāṇuke koṭṭetvā vatthumhi gahitamatte paṭivigacchanti. Saddhānaṃ kulānaṃ saddhā devatā tathā karonti, assaddhānaṃ kulānaṃ assaddhā devatā ca. Kiṃ kāraṇā? Saddhānañhi evaṃ hoti ‘‘idha manussā nivesanaṃ māpentā paṭhamaṃ bhikkhusaṅghaṃ nisīdāpetvā maṅgalaṃ vadāpessanti, atha mayaṃ sīlavantānaṃ dassanaṃ dhammakathaṃ pañhavissajjanaṃ anumodanañca sotuṃ labhissāma, manussādānaṃ datvā amhākaṃ pattiṃ dassantī’’ti. Assaddhā devatāpi ‘‘attano icchānurūpaṃ tesaṃ paṭipattiṃ passituṃ kathañca sotuṃ labhissāmā’’ti tathā karonti.
д̇аавад̇им̣сзхийд̇и яат̇аа хи згасмим̣ гулз згам̣ бан̣д̣ид̇ам̣ мануссам̣, згасмин̃жа вихаарз згам̣ б̣ахуссуд̇ам̣ бхигкум̣ убаад̣̇ааяа ‘‘асугагулз мануссаа бан̣д̣ид̇аа, асугавихаарз бхигкуу б̣ахуссуд̇аа’’д̇и сад̣̇д̣̇о аб̣бхуг̇г̇ажчад̇и, звамзвам̣ саггам̣ д̣̇зварааж̇аанам̣ виссагамман̃жа д̣̇звабуд̇д̇ам̣ убаад̣̇ааяа ‘‘д̇аавад̇им̣саа бан̣д̣ид̇аа’’д̇и сад̣̇д̣̇о аб̣бхуг̇г̇ад̇о. д̇знааха ‘‘д̇аавад̇им̣сзхий’’д̇и. сзяяат̇аабийд̇иаад̣̇инаа д̣̇звзхи д̇аавад̇им̣сзхи сад̣̇д̇хим̣ манд̇зд̇ваа вияа сунид̇хавассагаараа наг̇арам̣ маабзнд̇ийд̇и д̣̇ассзд̇и.
Tāvatiṃsehīti yathā hi ekasmiṃ kule ekaṃ paṇḍitaṃ manussaṃ, ekasmiñca vihāre ekaṃ bahussutaṃ bhikkhuṃ upādāya ‘‘asukakule manussā paṇḍitā, asukavihāre bhikkhū bahussutā’’ti saddo abbhuggacchati, evamevaṃ sakkaṃ devarājānaṃ vissakammañca devaputtaṃ upādāya ‘‘tāvatiṃsā paṇḍitā’’ti saddo abbhuggato. Tenāha ‘‘tāvatiṃsehī’’ti. Seyyathāpītiādinā devehi tāvatiṃsehi saddhiṃ mantetvā viya sunidhavassakārā nagaraṃ māpentīti dasseti.
яаавад̇аа арияам̣ ааяад̇ананд̇и яад̇д̇агам̣ арияамануссаанам̣ осаран̣адтаанам̣ наама ад̇т̇и. яаавад̇аа ван̣иббат̇од̇и яад̇д̇агам̣ ваан̣иж̇аанам̣ аахадабхан̣д̣асса раасивасзнзва гаяавиггаяадтаанам̣ наама, ваан̣иж̇аанам̣ васанадтаанам̣ ваа ад̇т̇и. ид̣̇ам̣ аг̇г̇анаг̇аранд̇и д̇зсам̣ арияааяад̇анаван̣иббат̇аанам̣ ид̣̇ам̣ наг̇арам̣ аг̇г̇ам̣ бхависсад̇и ж̇здтагам̣ баамогкам̣. будабхзд̣̇ананд̇и бхан̣д̣абудабхзд̣̇анадтаанам̣, бхан̣д̣аг̇ант̇игаанам̣ можанадтаананд̇и вуд̇д̇ам̣ ход̇и. сагалаж̇амб̣уд̣̇ийбз алад̣̇д̇хабхан̣д̣амби хи ид̇хзва лабхиссад̇и, ан̃н̃ад̇т̇а виггаяам̣ аг̇ажчанд̇амби ид̇ха виггаяам̣ г̇ажчиссад̇и, д̇асмаа ид̇хзва будам̣ бхинд̣̇иссад̇ийд̇и ад̇т̇о. ааяанд̇и яаани жад̇уусу д̣̇ваарзсу жад̇д̇аари, сабхааяам̣ зганд̇и звам̣ д̣̇ивасз д̣̇ивасз бан̃жасад̇асахассаани д̇ад̇т̇а удтахиссанд̇и, д̇аанисса бхаавийни ааяаани д̣̇ассзд̇и. аг̇г̇ид̇о ваад̇иаад̣̇ийсу жа-гаарад̇т̇о ваа-сад̣̇д̣̇о, аг̇г̇инаа жа уд̣̇агзна жа мит̇убхзд̣̇зна жа нассиссад̇ийд̇и ад̇т̇о. д̇асса хи зго годтаасо аг̇г̇инаа нассиссад̇и, ниб̣б̣аабзд̇умби нам̣ на сагкиссад̇и, згам̣ годтаасам̣ г̇ан̇г̇аа г̇ахзд̇ваа г̇амиссад̇и, зго иминаа агат̇ид̇ам̣ амусса, амунаа агат̇ид̇ам̣ имасса вад̣̇анд̇аанам̣ бисун̣аваажаанам̣ васзна бхиннаанам̣ мануссаанам̣ ан̃н̃аман̃н̃абхзд̣̇зна винассиссад̇и.
Yāvatā ariyaṃ āyatananti yattakaṃ ariyamanussānaṃ osaraṇaṭṭhānaṃ nāma atthi. Yāvatā vaṇippathoti yattakaṃ vāṇijānaṃ āhaṭabhaṇḍassa rāsivaseneva kayavikkayaṭṭhānaṃ nāma, vāṇijānaṃ vasanaṭṭhānaṃ vā atthi. Idaṃ agganagaranti tesaṃ ariyāyatanavaṇippathānaṃ idaṃ nagaraṃ aggaṃ bhavissati jeṭṭhakaṃ pāmokkhaṃ. Puṭabhedananti bhaṇḍapuṭabhedanaṭṭhānaṃ, bhaṇḍaganthikānaṃ mocanaṭṭhānanti vuttaṃ hoti. Sakalajambudīpe aladdhabhaṇḍampi hi idheva labhissati, aññattha vikkayaṃ agacchantampi idha vikkayaṃ gacchissati, tasmā idheva puṭaṃ bhindissatīti attho. Āyanti yāni catūsu dvāresu cattāri, sabhāyaṃ ekanti evaṃ divase divase pañcasatasahassāni tattha uṭṭhahissanti, tānissa bhāvīni āyāni dasseti. Aggito vātiādīsu ca-kārattho vā-saddo, agginā ca udakena ca mithubhedena ca nassissatīti attho. Tassa hi eko koṭṭhāso agginā nassissati, nibbāpetumpi naṃ na sakkhissati, ekaṃ koṭṭhāsaṃ gaṅgā gahetvā gamissati, eko iminā akathitaṃ amussa, amunā akathitaṃ imassa vadantānaṃ pisuṇavācānaṃ vasena bhinnānaṃ manussānaṃ aññamaññabhedena vinassissati.
звам̣ вад̇ваа бхаг̇аваа бажжуусагаалз г̇ан̇г̇аад̇ийрам̣ г̇анд̇ваа гад̇амукад̇ховано бхигкаажаарагаалам̣ ааг̇амаяамаано нисийд̣̇и. сунид̇хавассагаарааби ‘‘амхаагам̣ рааж̇аа саман̣асса г̇од̇амасса убадтааго, со амхз убаг̇ад̇з бужчиссад̇и ‘сад̇т̇аа гира баадалиг̇аамам̣ аг̇амааси, гим̣ д̇асса санд̇игам̣ убасан̇гамид̇т̇а, на убасан̇гамид̇т̇аа’д̇и, ‘убасан̇гамимхаа’д̇и жа вуд̇д̇з ‘ниманд̇аяид̇т̇а, на ниманд̇аяид̇т̇аа’д̇и бужчиссад̇и, ‘на ниманд̇аяимхаа’д̇и жа вуд̇д̇з амхаагам̣ д̣̇осам̣ ааробзд̇ваа ниг̇г̇ан̣хиссад̇и, ид̣̇ан̃жааби маяам̣ агад̇адтаанз наг̇арам̣ маабзма, саман̣асса ко бана г̇од̇амасса г̇ад̇аг̇ад̇адтаанз гаал̣аган̣н̣исад̇д̇аа бадиггаманд̇и, д̇ам̣ маяам̣ наг̇араман̇г̇алам̣ ваажаабзссаамаа’’д̇и жинд̇зд̇ваа сад̇т̇аарам̣ убасан̇гамид̇ваа ниманд̇аяим̣су. д̇зна вуд̇д̇ам̣ ‘‘ат̇а ко сунид̇хавассагаараа’’д̇иаад̣̇и. буб̣б̣ан̣хасамаяанд̇и буб̣б̣ан̣хагаалз. ниваасзд̇ваад̇и г̇аамаббавзсананийхаарзна ниваасанам̣ ниваасзд̇ваа гааяаб̣анд̇ханам̣ б̣анд̇хид̇ваа. бад̇д̇ажийварамаад̣̇ааяаад̇и бад̇д̇ан̃жа жийваран̃жа аад̣̇ияид̇ваа гааяабадиб̣ад̣̇д̇хам̣ гад̇ваа, жийварам̣ баарубид̇ваа бад̇д̇ам̣ хад̇т̇зна г̇ахзд̇ваад̇и ад̇т̇о.
Evaṃ vatvā bhagavā paccūsakāle gaṅgātīraṃ gantvā katamukhadhovano bhikkhācārakālaṃ āgamayamāno nisīdi. Sunidhavassakārāpi ‘‘amhākaṃ rājā samaṇassa gotamassa upaṭṭhāko, so amhe upagate pucchissati ‘satthā kira pāṭaligāmaṃ agamāsi, kiṃ tassa santikaṃ upasaṅkamittha, na upasaṅkamitthā’ti, ‘upasaṅkamimhā’ti ca vutte ‘nimantayittha, na nimantayitthā’ti pucchissati, ‘na nimantayimhā’ti ca vutte amhākaṃ dosaṃ āropetvā niggaṇhissati, idañcāpi mayaṃ akataṭṭhāne nagaraṃ māpema, samaṇassa kho pana gotamassa gatagataṭṭhāne kāḷakaṇṇisattā paṭikkamanti, taṃ mayaṃ nagaramaṅgalaṃ vācāpessāmā’’ti cintetvā satthāraṃ upasaṅkamitvā nimantayiṃsu. Tena vuttaṃ ‘‘atha kho sunidhavassakārā’’tiādi. Pubbaṇhasamayanti pubbaṇhakāle. Nivāsetvāti gāmappavesananīhārena nivāsanaṃ nivāsetvā kāyabandhanaṃ bandhitvā. Pattacīvaramādāyāti pattañca cīvarañca ādiyitvā kāyapaṭibaddhaṃ katvā, cīvaraṃ pārupitvā pattaṃ hatthena gahetvāti attho.
сийлаванд̇зд̇т̇аад̇и сийлаванд̇з зд̇т̇а ад̇д̇ано васанадтаанз. сан̃н̃ад̇зд̇и гааяаваажаажид̇д̇зхи сан̃н̃ад̇з. д̇аасам̣ д̣̇агкин̣амаад̣̇исзд̇и сан̇гхасса д̣̇иннз жад̇д̇ааро бажжаяз д̇аасам̣ гхарад̣̇звад̇аанам̣ аад̣̇исзяяабад̇д̇им̣ д̣̇ад̣̇зяяа. бууж̇ид̇аа бууж̇аяанд̇ийд̇и ‘‘имз мануссаа амхаагам̣ н̃аад̇агааби на хонд̇и, д̇ат̇ааби но бад̇д̇им̣ д̣̇знд̇ийд̇и аарагкам̣ сусам̣вихид̇ам̣ гарот̇аа’’д̇и судту аарагкам̣ гаронд̇и. маанид̇аа маанаяанд̇ийд̇и гаалаанугаалам̣ б̣алигаммагаран̣зна маанид̇аа ‘‘зд̇з мануссаа амхаагам̣ н̃аад̇агааби на хонд̇и, д̇ат̇ааби жад̇умаасачамаасанд̇арз но б̣алигаммам̣ гаронд̇ий’’д̇и маанзнд̇и уббаннабариссаяам̣ харанд̇и. д̇ад̇о нанд̇и д̇ад̇о нам̣ бан̣д̣ид̇аж̇аад̇игам̣ мануссам̣. орасанд̇и урз табзд̇ваа сам̣вад̣дхид̇ам̣, яат̇аа маад̇аа орасам̣ буд̇д̇ам̣ анугамбад̇и, уббаннабариссаяахаран̣ад̇т̇амзвасса вааяамад̇и, звам̣ анугамбанд̇ийд̇и ад̇т̇о. бхад̣̇раани бассад̇ийд̇и сунд̣̇араани бассад̇и.
Sīlavantetthāti sīlavante ettha attano vasanaṭṭhāne. Saññateti kāyavācācittehi saññate. Tāsaṃ dakkhiṇamādiseti saṅghassa dinne cattāro paccaye tāsaṃ gharadevatānaṃ ādiseyyapattiṃ dadeyya. Pūjitā pūjayantīti ‘‘ime manussā amhākaṃ ñātakāpi na honti, tathāpi no pattiṃ dentīti ārakkhaṃ susaṃvihitaṃ karothā’’ti suṭṭhu ārakkhaṃ karonti. Mānitā mānayantīti kālānukālaṃ balikammakaraṇena mānitā ‘‘ete manussā amhākaṃ ñātakāpi na honti, tathāpi catumāsachamāsantare no balikammaṃ karontī’’ti mānenti uppannaparissayaṃ haranti. Tato nanti tato naṃ paṇḍitajātikaṃ manussaṃ. Orasanti ure ṭhapetvā saṃvaḍḍhitaṃ, yathā mātā orasaṃ puttaṃ anukampati, uppannaparissayaharaṇatthamevassa vāyamati, evaṃ anukampantīti attho. Bhadrāni passatīti sundarāni passati.
анумод̣̇ид̇ваад̇и д̇зхи д̇ад̣̇аа басуд̇абун̃н̃асса анумод̣̇анавасзна д̇зсам̣ д̇хаммагат̇ам̣ гад̇ваа. сунид̇хавассагаарааби ‘‘яаа д̇ад̇т̇а д̣̇звад̇аа аасум̣, д̇аасам̣ д̣̇агкин̣амаад̣̇исз’’д̇и бхаг̇авад̇о важанам̣ суд̇ваа д̣̇звад̇аанам̣ бад̇д̇им̣ ад̣̇ам̣су. д̇ам̣ г̇од̇амад̣̇ваарам̣ наама ахосийд̇и д̇асса наг̇арасса язна д̣̇ваарзна бхаг̇аваа нигками, д̇ам̣ г̇од̇амад̣̇ваарам̣ наама ахоси. г̇ан̇г̇ааяа бана уд̇д̇аран̣ад̇т̇ам̣ анод̇ин̣н̣ад̇д̇аа г̇од̇амад̇ид̇т̇ам̣ наама наахоси. буураад̇и бун̣н̣аа. самад̇ид̇д̇игаад̇и д̇ийрасамам̣ уд̣̇агасса д̇ид̇д̇аа бхарид̇аа. гаагабзяяаад̇и д̇ийрз тид̇агаагзхи баад̇ум̣ саггун̣зяяауд̣̇агаа. д̇ийхиби бад̣̇зхи убхад̇огууласамам̣ барибун̣н̣абхаавамзва вад̣̇ад̇и. ул̣умбанд̇и баараг̇аманад̇т̇ааяа лахугз д̣̇ааруд̣̇ан̣д̣з г̇ахзд̇ваа гаваадапалагз вияа ан̃н̃аман̃н̃асамб̣анд̇хз гаад̇ум̣ аан̣ияо годдзд̇ваа нааваасан̇кзбзна гад̇ам̣. гулланд̇и взл̣унал̣аад̣̇игз сан̇гхарид̇ваа валлиаад̣̇ийхи галаабавасзна б̣анд̇хид̇ваа гад̇ам̣.
Anumoditvāti tehi tadā pasutapuññassa anumodanavasena tesaṃ dhammakathaṃ katvā. Sunidhavassakārāpi ‘‘yā tattha devatā āsuṃ, tāsaṃ dakkhiṇamādise’’ti bhagavato vacanaṃ sutvā devatānaṃ pattiṃ adaṃsu. Taṃ gotamadvāraṃ nāma ahosīti tassa nagarassa yena dvārena bhagavā nikkhami, taṃ gotamadvāraṃ nāma ahosi. Gaṅgāya pana uttaraṇatthaṃ anotiṇṇattā gotamatitthaṃ nāma nāhosi. Pūrāti puṇṇā. Samatittikāti tīrasamaṃ udakassa tittā bharitā. Kākapeyyāti tīre ṭhitakākehi pātuṃ sakkuṇeyyaudakā. Tīhipi padehi ubhatokūlasamaṃ paripuṇṇabhāvameva vadati. Uḷumpanti pāragamanatthāya lahuke dārudaṇḍe gahetvā kavāṭaphalake viya aññamaññasambandhe kātuṃ āṇiyo koṭṭetvā nāvāsaṅkhepena kataṃ. Kullanti veḷunaḷādike saṅgharitvā valliādīhi kalāpavasena bandhitvā kataṃ.
зд̇амад̇т̇ам̣ вид̣̇ид̇ваад̇и зд̇ам̣ махааж̇анасса г̇ан̇г̇уд̣̇агамад̇д̇ассаби гзвалам̣ д̇арид̇ум̣ асамад̇т̇ад̇ам̣, ад̇д̇ано бана бхигкусан̇гхасса жа ад̇иг̇амбхийравид̇т̇ад̇ам̣ сам̣саарамахан̣н̣авам̣ д̇арид̇ваа тид̇абхааван̃жа саб̣б̣аагаарад̇о вид̣̇ид̇ваа д̇ад̣̇ад̇т̇абарид̣̇ийбанам̣ имам̣ уд̣̇аанам̣ уд̣̇аанзси. уд̣̇аанаг̇аат̇ааяа ад̇т̇о бана адтагат̇ааяам̣ д̣̇ассид̇оязва. д̇ад̇т̇а уд̣̇агадтаанассзд̇ам̣ ад̇хиважананд̇и яат̇аавуд̇д̇асса яасса гассажи уд̣̇агадтаанасса зд̇ам̣ ан̣н̣аванд̇и ад̇хиважанам̣, на самуд̣̇д̣̇ассзваад̇и ад̇хиббааяо. саранд̇и ид̇ха над̣̇ий ад̇хиббзд̇аа сарад̇и санд̣̇ад̇ийд̇и гад̇ваа. г̇амбхийрам̣ вид̇т̇ад̇анд̇и аг̇аад̇хадтзна г̇амбхийрам̣, сагалалогад̇д̇аяаб̣яаабид̇ааяа вид̇т̇ад̇ам̣. висаж̇ж̇аад̇и анаасаж̇ж̇а аббад̇ваа зва баллалаани д̇зсам̣ ад̇аран̣ад̇о. гуллан̃хи ж̇ано б̣анд̇хад̇ийд̇и гуллам̣ б̣анд̇хид̇ум̣ ааяаасам̣ аабаж̇ж̇ад̇и. винаа зва гуллзнаад̇и ийд̣̇исам̣ уд̣̇агам̣ гуллзна ийд̣̇исзна винаа зва. д̇ин̣н̣аа мзд̇хаавино ж̇анаад̇и арияамаг̇г̇ан̃аан̣асан̇каад̇ааяа мзд̇хааяа саманнааг̇ад̇ад̇д̇аа мзд̇хаавино б̣уд̣̇д̇хаа жа б̣уд̣̇д̇хасаавагаа жа д̇ин̣н̣аа барад̇ийрз бад̇идтид̇аа.
Etamatthaṃviditvāti etaṃ mahājanassa gaṅgudakamattassapi kevalaṃ tarituṃ asamatthataṃ, attano pana bhikkhusaṅghassa ca atigambhīravitthataṃ saṃsāramahaṇṇavaṃ taritvā ṭhitabhāvañca sabbākārato viditvā tadatthaparidīpanaṃ imaṃ udānaṃ udānesi. Udānagāthāya attho pana aṭṭhakathāyaṃ dassitoyeva. Tattha udakaṭṭhānassetaṃ adhivacananti yathāvuttassa yassa kassaci udakaṭṭhānassa etaṃ aṇṇavanti adhivacanaṃ, na samuddassevāti adhippāyo. Saranti idha nadī adhippetā sarati sandatīti katvā. Gambhīraṃ vitthatanti agādhaṭṭhena gambhīraṃ, sakalalokattayabyāpitāya vitthataṃ. Visajjāti anāsajja appatvā eva pallalāni tesaṃ ataraṇato. Kullañhi jano bandhatīti kullaṃ bandhituṃ āyāsaṃ āpajjati. Vinā eva kullenāti īdisaṃ udakaṃ kullena īdisena vinā eva. Tiṇṇā medhāvino janāti ariyamaggañāṇasaṅkhātāya medhāya samannāgatattā medhāvino buddhā ca buddhasāvakā ca tiṇṇā paratīre patiṭṭhitā.
сунид̇хавассагааравад̇т̇угат̇ааван̣н̣анаа нидтид̇аа.
Sunidhavassakāravatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 174. сунид̇хавассагааравад̇т̇у • 174. Sunidhavassakāravatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баадалиг̇аамавад̇т̇угат̇аа • Pāṭaligāmavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баадалиг̇аамавад̇т̇угат̇ааван̣н̣анаа • Pāṭaligāmavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 173. баадалиг̇аамавад̇т̇угат̇аа • 173. Pāṭaligāmavatthukathā
