| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
11. сунигкид̇д̇авимаанаван̣н̣анаа
11. Sunikkhittavimānavaṇṇanā
ужжамид̣̇ам̣ ман̣ит̇уун̣ам̣ вимаананд̇и сунигкид̇д̇авимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна ааяасмаа махаамог̇г̇аллаано хздтаа вуд̇д̇анаязнзва д̣̇зважааригам̣ жаранд̇о д̇аавад̇им̣сабхаванам̣ убаг̇ад̇о. д̇асмин̃жа кан̣з ан̃н̃ад̇аро д̣̇звабуд̇д̇о ад̇д̇ано вимаанад̣̇ваарз тид̇о ааяасманд̇ам̣ махаамог̇г̇аллаанам̣ д̣̇исваа сан̃ж̇аад̇аг̇аараваб̣ахумаано убасан̇гамид̇ваа бан̃жабад̇идтид̇зна ванд̣̇ид̇ваа ан̃ж̇алим̣ баг̇г̇аяха адтааси.
Uccamidaṃ maṇithūṇaṃ vimānanti sunikkhittavimānaṃ. Tassa kā uppatti? Bhagavā sāvatthiyaṃ viharati jetavane. Tena samayena āyasmā mahāmoggallāno heṭṭhā vuttanayeneva devacārikaṃ caranto tāvatiṃsabhavanaṃ upagato. Tasmiñca khaṇe aññataro devaputto attano vimānadvāre ṭhito āyasmantaṃ mahāmoggallānaṃ disvā sañjātagāravabahumāno upasaṅkamitvā pañcapatiṭṭhitena vanditvā añjaliṃ paggayha aṭṭhāsi.
со гира ад̇ийд̇з гассабасаммаасамб̣уд̣̇д̇хз бариниб̣б̣уд̇з д̇асса сарийрад̇хаад̇уяо багкибид̇ваа яож̇анигз ганагат̇уубз жа гад̇з жад̇ассо барисаа гаалзна гаалам̣ убасан̇гамид̇ваа г̇анд̇хабубпад̇хуубаад̣̇ийхи жзд̇ияз бууж̇ам̣ гаронд̇и, д̇ад̇т̇а ан̃н̃ад̇аро убаасаго ан̃н̃зсу бубпабууж̇ам̣ гад̇ваа г̇ад̇зсу д̇зхи бууж̇ид̇адтаанз д̣̇уннигкид̇д̇аани бубпаани д̣̇исваа д̇ад̇т̇зва д̇аани саммад̣̇зва табзнд̇о саннивзсавасзна д̣̇ассанийяам̣ баасаад̣̇игам̣ вибхад̇д̇ивисзсаяуд̇д̇ам̣ бубпабууж̇ам̣ агааси. гад̇ваа жа бана зд̇ам̣ аарамман̣ам̣ г̇ан̣ханд̇о сад̇т̇у г̇ун̣з ануссарид̇ваа басаннажид̇д̇о д̇ам̣ бун̃н̃ам̣ хад̣̇аяз табзси.
So kira atīte kassapasammāsambuddhe parinibbute tassa sarīradhātuyo pakkhipitvā yojanike kanakathūpe ca kate catasso parisā kālena kālaṃ upasaṅkamitvā gandhapupphadhūpādīhi cetiye pūjaṃ karonti, tattha aññataro upāsako aññesu pupphapūjaṃ katvā gatesu tehi pūjitaṭṭhāne dunnikkhittāni pupphāni disvā tattheva tāni sammadeva ṭhapento sannivesavasena dassanīyaṃ pāsādikaṃ vibhattivisesayuttaṃ pupphapūjaṃ akāsi. Katvā ca pana etaṃ ārammaṇaṃ gaṇhanto satthu guṇe anussaritvā pasannacitto taṃ puññaṃ hadaye ṭhapesi.
со абарабхааг̇з гаалам̣ гад̇ваа д̇ассзва гаммасса аанубхаавзна д̇аавад̇им̣сабхаванз д̣̇ваад̣̇асаяож̇анигз ганагавимаанз ниб̣б̣ад̇д̇и, махаанубхааво махаа жасса баривааро ахоси. д̇ам̣ санд̇хааяа вуд̇д̇ам̣ ‘‘д̇асмин̃жа кан̣з ан̃н̃ад̇аро д̣̇звабуд̇д̇о…бз… адтаасий’’д̇и. ат̇а нам̣ ааяасмаа махаамог̇г̇аллаано яат̇аалад̣̇д̇хасамбад̇д̇игид̇д̇анамукзна гад̇асужарид̇агаммам̣ имаахи г̇аат̇аахи бужчи –
So aparabhāge kālaṃ katvā tasseva kammassa ānubhāvena tāvatiṃsabhavane dvādasayojanike kanakavimāne nibbatti, mahānubhāvo mahā cassa parivāro ahosi. Taṃ sandhāya vuttaṃ ‘‘tasmiñca khaṇe aññataro devaputto…pe… aṭṭhāsī’’ti. Atha naṃ āyasmā mahāmoggallāno yathāladdhasampattikittanamukhena katasucaritakammaṃ imāhi gāthāhi pucchi –
1282.
1282.
‘‘ужжамид̣̇ам̣ ман̣ит̇уун̣ам̣ вимаанам̣, саманд̇ад̇о д̣̇ваад̣̇асаяож̇анаани;
‘‘Uccamidaṃ maṇithūṇaṃ vimānaṃ, samantato dvādasayojanāni;
гуудааг̇аараа сад̇д̇асад̇аа ул̣аараа, взл̣урияат̇амбхаа ружагад̇т̇ад̇аа субхаа.
Kūṭāgārā sattasatā uḷārā, veḷuriyathambhā rucakatthatā subhā.
1283.
1283.
‘‘д̇ад̇т̇ажчаси биваси каад̣̇аси жа, д̣̇иб̣б̣аа жа вийн̣аа бавад̣̇анд̇и ваг̇г̇ум̣;
‘‘Tatthacchasi pivasi khādasi ca, dibbā ca vīṇā pavadanti vagguṃ;
д̣̇иб̣б̣аа расаа гаамаг̇ун̣зд̇т̇а бан̃жа, наарияо жа нажжанд̇и суван̣н̣ачаннаа.
Dibbā rasā kāmaguṇettha pañca, nāriyo ca naccanti suvaṇṇachannā.
1284.
1284.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
1285.
1285.
‘‘бужчаами д̇ам̣ д̣̇зва махаанубхаава, мануссабхууд̇о гимагааси бун̃н̃ам̣;
‘‘Pucchāmi taṃ deva mahānubhāva, manussabhūto kimakāsi puññaṃ;
гзнааси звам̣ ж̇алид̇аанубхааво, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
соби д̇асса ад̇д̇ано гад̇агаммам̣ имаахи г̇аат̇аахи гат̇зси. д̇ам̣ д̣̇ассзнд̇аа сан̇г̇ийд̇игаараа аахам̣су –
Sopi tassa attano katakammaṃ imāhi gāthāhi kathesi. Taṃ dassentā saṅgītikārā āhaṃsu –
1286.
1286.
‘‘со д̣̇звабуд̇д̇о ад̇д̇амано, мог̇г̇аллаанзна бужчид̇о;
‘‘So devaputto attamano, moggallānena pucchito;
бан̃хам̣ будто вияаагааси, яасса гаммассид̣̇ам̣ палам̣’’.
Pañhaṃ puṭṭho viyākāsi, yassa kammassidaṃ phalaṃ’’.
1287.
1287.
‘‘д̣̇уннигкид̇д̇ам̣ маалам̣ сунигкибид̇ваа, бад̇идтабзд̇ваа суг̇ад̇асса т̇уубз;
‘‘Dunnikkhittaṃ mālaṃ sunikkhipitvā, patiṭṭhapetvā sugatassa thūpe;
махид̣̇д̇хиго жамхи махаанубхааво, д̣̇иб̣б̣зхи гаамзхи саман̇г̇ибхууд̇о.
Mahiddhiko camhi mahānubhāvo, dibbehi kāmehi samaṅgibhūto.
1288.
1288.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
1289.
1289.
‘‘агкаами д̇з бхигку махаанубхаава, мануссабхууд̇о яамахам̣ агаасим̣;
‘‘Akkhāmi te bhikkhu mahānubhāva, manussabhūto yamahaṃ akāsiṃ;
д̇знамхи звам̣ ж̇алид̇аанубхааво, ван̣н̣о жа мз саб̣б̣ад̣̇исаа бабхаасад̇ий’’д̇и.
Tenamhi evaṃ jalitānubhāvo, vaṇṇo ca me sabbadisā pabhāsatī’’ti.
1287. д̇ад̇т̇а д̣̇уннигкид̇д̇ам̣ мааланд̇и жзд̇ияз бууж̇аагаран̣адтаанз ниранд̇арадтабанаад̣̇инаа ражанаависзсзна адтабзд̇ваа яат̇аанигкид̇д̇ад̇ааяа на судту нигкид̇д̇ам̣, ваад̇зна ваа бахарид̇ваа д̣̇уннигкид̇д̇ам̣ бубпам̣. сунигкибид̇ваад̇и судту нигкибид̇ваа ражанаависзсзна д̣̇ассанийяам̣ баасаад̣̇игам̣ гад̇ваа нигкибияа. бад̇идтабзд̇ваад̇и вибхад̇д̇ивисзсаад̣̇ивасзна бубпам̣ бад̇идтаабзд̇ваа. д̇ам̣ ваа бубпам̣ нигкибанд̇о сад̇т̇у жзд̇ияам̣ уд̣̇д̣̇исса мама санд̇аанз гусалад̇хаммам̣ бад̇идтаабзд̇ваад̇и звам̣ зд̇т̇а ад̇т̇о д̣̇адтаб̣б̣о. сзсам̣ вуд̇д̇анаяамзва.
1287. Tattha dunnikkhittaṃ mālanti cetiye pūjākaraṇaṭṭhāne nirantaraṭṭhapanādinā racanāvisesena aṭṭhapetvā yathānikkhittatāya na suṭṭhu nikkhittaṃ, vātena vā paharitvā dunnikkhittaṃ pupphaṃ. Sunikkhipitvāti suṭṭhu nikkhipitvā racanāvisesena dassanīyaṃ pāsādikaṃ katvā nikkhipiya. Patiṭṭhapetvāti vibhattivisesādivasena pupphaṃ patiṭṭhāpetvā. Taṃ vā pupphaṃ nikkhipanto satthu cetiyaṃ uddissa mama santāne kusaladhammaṃ patiṭṭhāpetvāti evaṃ ettha attho daṭṭhabbo. Sesaṃ vuttanayameva.
звам̣ д̣̇звабуд̇д̇зна ад̇д̇ано сужарид̇агаммз багаасид̇з т̇зро д̇асса д̇хаммам̣ д̣̇зсзд̇ваа ааг̇анд̇ваа бхаг̇авад̇о д̇амад̇т̇ам̣ нивзд̣̇зси. бхаг̇аваа д̇ам̣ адтуббад̇д̇им̣ гад̇ваа самбад̇д̇амахааж̇анасса д̇хаммам̣ д̣̇зсзси. д̣̇зсанаа махааж̇анасса саад̇т̇игаа ахосийд̇и.
Evaṃ devaputtena attano sucaritakamme pakāsite thero tassa dhammaṃ desetvā āgantvā bhagavato tamatthaṃ nivedesi. Bhagavā taṃ aṭṭhuppattiṃ katvā sampattamahājanassa dhammaṃ desesi. Desanā mahājanassa sātthikā ahosīti.
сунигкид̇д̇авимаанаван̣н̣анаа нидтид̇аа.
Sunikkhittavimānavaṇṇanā niṭṭhitā.
ид̇и барамад̇т̇ад̣̇ийбанияаа куд̣̇д̣̇ага-адтагат̇ааяа вимаанавад̇т̇усмим̣
Iti paramatthadīpaniyā khuddaka-aṭṭhakathāya vimānavatthusmiṃ
згаад̣̇асавад̇т̇убадиман̣д̣ид̇асса сад̇д̇амасса
Ekādasavatthupaṭimaṇḍitassa sattamassa
сунигкид̇д̇аваг̇г̇асса ад̇т̇аван̣н̣анаа нидтид̇аа.
Sunikkhittavaggassa atthavaṇṇanā niṭṭhitā.
нидтид̇аа жа бурисавимаанаван̣н̣анаа.
Niṭṭhitā ca purisavimānavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 11. сунигкид̇д̇авимаанавад̇т̇у • 11. Sunikkhittavimānavatthu
