| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сун̇гагхаад̇агат̇ааван̣н̣анаа
Suṅkaghātakathāvaṇṇanā
113. сун̇гагхаад̇агат̇ааяам̣ сун̇гам̣ яад̇т̇а рааж̇абурисаа хананд̇и ад̣̇ад̣̇анд̇аанам̣ санд̇агам̣ ажчинд̣̇ид̇вааби г̇ан̣ханд̇и, д̇ам̣ таанам̣ сун̇гагхаад̇анд̇и звамби ад̇т̇о д̣̇адтаб̣б̣о. вуд̇д̇амзвад̇т̇ам̣ баагадам̣ гаад̇ум̣ д̇ан̃хийд̇иаад̣̇и вуд̇д̇ам̣. д̣̇уд̇ияам̣ баад̣̇ам̣ ад̇иггаамзд̇ийд̇и зд̇т̇а батамабаад̣̇ам̣ барижчзд̣̇ад̇о б̣ахи табзд̇ваа д̣̇уд̇ияабаад̣̇з уд̣̇д̇хадамад̇д̇з баарааж̇игам̣. уд̣̇д̇харид̇ваа б̣ахи адтабид̇зби б̣ахи тид̇о зва наама ход̇ийд̇и гад̇ваа звам̣ саб̣б̣ад̇т̇а бад̣̇аваарзсубийд̇и д̣̇адтаб̣б̣ам̣. баривад̇д̇ид̇ваа аб̣бханд̇аримам̣ б̣ахи табзд̇и, баарааж̇иганд̇и ид̣̇ам̣ саяам̣ б̣ахи тад̇ваа батамам̣ аб̣бханд̇аримам̣ угкибид̇ваа ваа самагам̣ угкибид̇ваа ваа баривад̇д̇анам̣ санд̇хааяа вуд̇д̇ам̣. б̣ахи тад̇ваа угкид̇д̇амад̇д̇з хи саб̣б̣ам̣ б̣ахиг̇ад̇амзва ход̇ийд̇и. сажз бана со б̣ахи тад̇вааби б̣аахирабудагам̣ батамам̣ анд̇о табзд̇ваа бажчаа аб̣бханд̇аримам̣ угкибид̇ваа б̣ахи табзд̇и, д̇ад̣̇ааби згааб̣ад̣̇д̇хад̇ааяа авиж̇ахид̇ад̇д̇аа авахааро на д̣̇иссад̇и. гзжи бана ‘‘бхуумияам̣ бад̇ид̇ваа вад̇д̇анд̇ам̣ буна анд̇о бависад̇и, баарааж̇игамзваад̇и (баараа. адта. 1.113) вуд̇д̇ад̇д̇аа б̣аахирабудагз анд̇обавидтзби б̣ахиг̇ад̇абхаавад̇о на мужжад̇и, анд̇ог̇ад̇ам̣ бана будагам̣ батамам̣, бажчаа зва ваа б̣ахи табид̇амад̇д̇з ваа баарааж̇игамзваа’’д̇и вад̣̇анд̇и, д̇ам̣ на яуд̇д̇ам̣. б̣ахи бхуумияам̣ баад̇ид̇асса гзнажи сад̣̇д̇хим̣ згааб̣ад̣̇д̇хад̇ааяа абхаавзна анд̇обавидтзби баарааж̇игамзваад̇и вад̇д̇ум̣ яуд̇д̇ам̣, ид̣̇ам̣ бана згааб̣ад̣̇д̇хад̇д̇аа д̇зна сад̣̇д̇хим̣ на самзд̇и. д̇асмаа яат̇аа анд̇обхуумиг̇ад̇зна згааб̣ад̣̇д̇хад̇аа на ход̇и, звам̣ убхаяассааби б̣ахиг̇ад̇абхаавз саад̇хид̇зязва авахаарод̇и вин̃н̃ааяад̇и, виймам̣сид̇ваа г̇ахзд̇аб̣б̣ам̣. яз бана баривад̇д̇ид̇ваад̇и имасса нивад̇д̇ид̇ваад̇и ад̇т̇ам̣ вад̣̇анд̇и, д̇зхи бана аб̣бханд̇аримам̣ б̣ахи табзд̇ийд̇и аяамад̇т̇о г̇ахид̇о ход̇ийд̇и д̇ад̇т̇а сан̇гааязва над̇т̇и. згааб̣ад̣̇д̇ханд̇и гааж̇агодияам̣ раж̇ж̇уяаа б̣анд̇ханам̣ санд̇хааяа вуд̇д̇ам̣. аб̣анд̇хид̇ваа гааж̇агодияам̣ табид̇амад̇д̇амзва ход̇и, баарааж̇иганд̇и б̣ахи г̇ахид̇агааж̇агодияам̣ табид̇ам̣ яад̣̇и баад̣̇ам̣ аг̇гхад̇и, баарааж̇игамзва, анд̇отабид̇зна згааб̣ад̣̇д̇хад̇ааяа абхааваад̇и ад̇хиббааяо. г̇ажчанд̇з яаанз ваа…бз… табзд̇ийд̇и сун̇гагхаад̇ам̣ бависид̇ваа аббависид̇ваа ваа табзд̇и. сун̇гадтаанасса б̣ахи тид̇анд̇и яаанаад̣̇ийхи нийхадад̇д̇аа б̣ахи тид̇ам̣. гзжи бана ‘‘б̣ахи табид̇а’’нд̇и баатам̣ вигаббзд̇ваа сун̇гадтаанад̇о буб̣б̣зва б̣ахи табид̇анд̇и ад̇т̇ам̣ вад̣̇анд̇и, д̇ам̣ на сунд̣̇арам̣; сун̇гадтаанз бависид̇ваа яаанз табид̇зби бавад̇д̇ид̇ваа г̇ад̇з вияа д̣̇осаабхаавад̇о. яо бана сун̇гадтаанасса анд̇ова бависид̇ваа ‘‘сун̇гадтаана’’нд̇и н̃ад̇ваа т̇зяяажид̇д̇зна ааг̇ад̇амаг̇г̇зна бадинивад̇д̇ид̇ваа г̇ажчад̇и, д̇ассааби яад̣̇и д̇зна д̣̇исаабхааг̇зна г̇ажчанд̇аанамби хад̇т̇ад̇о сун̇гам̣ г̇ан̣ханд̇и, баарааж̇игамзва. имасмим̣ таанзд̇и яаанаад̣̇ийхи нийхаран̣з. д̇ад̇раад̇и д̇асмим̣ зл̣агаломасигкаабад̣̇з (баараа. 571 аад̣̇аяо).
113. Suṅkaghātakathāyaṃ suṅkaṃ yattha rājapurisā hananti adadantānaṃ santakaṃ acchinditvāpi gaṇhanti, taṃ ṭhānaṃ suṅkaghātanti evampi attho daṭṭhabbo. Vuttamevatthaṃ pākaṭaṃ kātuṃ tañhītiādi vuttaṃ. Dutiyaṃ pādaṃ atikkāmetīti ettha paṭhamapādaṃ paricchedato bahi ṭhapetvā dutiyapāde uddhaṭamatte pārājikaṃ. Uddharitvā bahi aṭṭhapitepi bahi ṭhito eva nāma hotīti katvā evaṃ sabbattha padavāresupīti daṭṭhabbaṃ. Parivattitvā abbhantarimaṃ bahi ṭhapeti, pārājikanti idaṃ sayaṃ bahi ṭhatvā paṭhamaṃ abbhantarimaṃ ukkhipitvā vā samakaṃ ukkhipitvā vā parivattanaṃ sandhāya vuttaṃ. Bahi ṭhatvā ukkhittamatte hi sabbaṃ bahigatameva hotīti. Sace pana so bahi ṭhatvāpi bāhirapuṭakaṃ paṭhamaṃ anto ṭhapetvā pacchā abbhantarimaṃ ukkhipitvā bahi ṭhapeti, tadāpi ekābaddhatāya avijahitattā avahāro na dissati. Keci pana ‘‘bhūmiyaṃ patitvā vattantaṃ puna anto pavisati, pārājikamevāti (pārā. aṭṭha. 1.113) vuttattā bāhirapuṭake antopaviṭṭhepi bahigatabhāvato na muccati, antogataṃ pana puṭakaṃ paṭhamaṃ, pacchā eva vā bahi ṭhapitamatte vā pārājikamevā’’ti vadanti, taṃ na yuttaṃ. Bahi bhūmiyaṃ pātitassa kenaci saddhiṃ ekābaddhatāya abhāvena antopaviṭṭhepi pārājikamevāti vattuṃ yuttaṃ, idaṃ pana ekābaddhattā tena saddhiṃ na sameti. Tasmā yathā antobhūmigatena ekābaddhatā na hoti, evaṃ ubhayassāpi bahigatabhāve sādhiteyeva avahāroti viññāyati, vīmaṃsitvā gahetabbaṃ. Ye pana parivattitvāti imassa nivattitvāti atthaṃ vadanti, tehi pana abbhantarimaṃ bahi ṭhapetīti ayamattho gahito hotīti tattha saṅkāyeva natthi. Ekābaddhanti kājakoṭiyaṃ rajjuyā bandhanaṃ sandhāya vuttaṃ. Abandhitvā kājakoṭiyaṃ ṭhapitamattameva hoti, pārājikanti bahi gahitakājakoṭiyaṃ ṭhapitaṃ yadi pādaṃ agghati, pārājikameva, antoṭhapitena ekābaddhatāya abhāvāti adhippāyo. Gacchante yāne vā…pe… ṭhapetīti suṅkaghātaṃ pavisitvā appavisitvā vā ṭhapeti. Suṅkaṭṭhānassa bahi ṭhitanti yānādīhi nīhaṭattā bahi ṭhitaṃ. Keci pana ‘‘bahi ṭhapita’’nti pāṭhaṃ vikappetvā suṅkaṭṭhānato pubbeva bahi ṭhapitanti atthaṃ vadanti, taṃ na sundaraṃ; suṅkaṭṭhāne pavisitvā yāne ṭhapitepi pavattitvā gate viya dosābhāvato. Yo pana suṅkaṭṭhānassa antova pavisitvā ‘‘suṅkaṭṭhāna’’nti ñatvā theyyacittena āgatamaggena paṭinivattitvā gacchati, tassāpi yadi tena disābhāgena gacchantānampi hatthato suṅkaṃ gaṇhanti, pārājikameva. Imasmiṃ ṭhāneti yānādīhi nīharaṇe. Tatrāti tasmiṃ eḷakalomasikkhāpade (pārā. 571 ādayo).
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сун̇гагхаад̇агат̇ааван̣н̣анаа • Suṅkaghātakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
