| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
10. сун̃н̃агат̇аа
10. Suññakathā
46. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
46. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘‘сун̃н̃о лого, сун̃н̃о лого’д̇и, бханд̇з, вужжад̇и . гид̇д̇аавад̇аа ну ко, бханд̇з, ‘сун̃н̃о лого’д̇и вужжад̇ий’’д̇и? ‘‘яасмаа ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа, д̇асмаа ‘сун̃н̃о лого’д̇и вужжад̇и. гин̃жаананд̣̇а 1, сун̃н̃ам̣ ад̇д̇зна ваа ад̇д̇аниязна ваа? жагку ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа. руубаа сун̃н̃аа ад̇д̇зна ваа ад̇д̇аниязна ваа. жагкувин̃н̃аан̣ам̣ сун̃н̃ам̣ ад̇д̇зна ваа ад̇д̇аниязна ваа. жагкусампассо сун̃н̃о ад̇д̇зна ваа ад̇д̇аниязна ваа. яамбид̣̇ам̣ 2 жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа, д̇амби сун̃н̃ам̣ ад̇д̇зна ваа ад̇д̇аниязна ваа.
‘‘‘Suñño loko, suñño loko’ti, bhante, vuccati . Kittāvatā nu kho, bhante, ‘suñño loko’ti vuccatī’’ti? ‘‘Yasmā kho, ānanda, suññaṃ attena vā attaniyena vā, tasmā ‘suñño loko’ti vuccati. Kiñcānanda 3, suññaṃ attena vā attaniyena vā? Cakkhu kho, ānanda, suññaṃ attena vā attaniyena vā. Rūpā suññā attena vā attaniyena vā. Cakkhuviññāṇaṃ suññaṃ attena vā attaniyena vā. Cakkhusamphasso suñño attena vā attaniyena vā. Yampidaṃ 4 cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi suññaṃ attena vā attaniyena vā.
‘‘сод̇ам̣ сун̃н̃ам̣…бз… сад̣̇д̣̇аа сун̃н̃аа… гхаанам̣ сун̃н̃ам̣… г̇анд̇хаа сун̃н̃аа… ж̇ивхаа сун̃н̃аа… расаа сун̃н̃аа… гааяо сун̃н̃о… подтаб̣б̣аа сун̃н̃аа… мано сун̃н̃о ад̇д̇зна ваа ад̇д̇аниязна ваа. д̇хаммаа сун̃н̃аа ад̇д̇зна ваа ад̇д̇аниязна ваа. мановин̃н̃аан̣ам̣ сун̃н̃ам̣ ад̇д̇зна ваа ад̇д̇аниязна ваа. маносампассо сун̃н̃о ад̇д̇зна ваа ад̇д̇аниязна ваа. яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа, д̇амби сун̃н̃ам̣ ад̇д̇зна ваа ад̇д̇аниязна ваа. яасмаа ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа д̇асмаа ‘сун̃н̃о лого’д̇и вужжад̇ий’’д̇и.
‘‘Sotaṃ suññaṃ…pe… saddā suññā… ghānaṃ suññaṃ… gandhā suññā… jivhā suññā… rasā suññā… kāyo suñño… phoṭṭhabbā suññā… mano suñño attena vā attaniyena vā. Dhammā suññā attena vā attaniyena vā. Manoviññāṇaṃ suññaṃ attena vā attaniyena vā. Manosamphasso suñño attena vā attaniyena vā. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi suññaṃ attena vā attaniyena vā. Yasmā kho, ānanda, suññaṃ attena vā attaniyena vā tasmā ‘suñño loko’ti vuccatī’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / сун̃н̃агат̇ааван̣н̣анаа • Suññakathāvaṇṇanā
