| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༡༠. སུཉྙཀཐཱ
10. Suññakathā
༤༦. ཨེཝཾ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ། ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ –
46. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘‘སུཉྙོ ལོཀོ, སུཉྙོ ལོཀོ’ཏི, བྷནྟེ, ཝུཙྩཏི ། ཀིཏྟཱཝཏཱ ནུ ཁོ, བྷནྟེ, ‘སུཉྙོ ལོཀོ’ཏི ཝུཙྩཏཱི’’ཏི? ‘‘ཡསྨཱ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ, ཏསྨཱ ‘སུཉྙོ ལོཀོ’ཏི ཝུཙྩཏི། ཀིཉྩཱནནྡ 1, སུཉྙཾ ཨཏྟེན ཝཱ ཨཏྟནིཡེན ཝཱ? ཙཀྑུ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ། རཱུཔཱ སུཉྙཱ ཨཏྟེན ཝཱ ཨཏྟནིཡེན ཝཱ། ཙཀྑུཝིཉྙཱཎཾ སུཉྙཾ ཨཏྟེན ཝཱ ཨཏྟནིཡེན ཝཱ། ཙཀྑུསམྥསྶོ སུཉྙོ ཨཏྟེན ཝཱ ཨཏྟནིཡེན ཝཱ། ཡམྤིདཾ 2 ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི སུཉྙཾ ཨཏྟེན ཝཱ ཨཏྟནིཡེན ཝཱ།
‘‘‘Suñño loko, suñño loko’ti, bhante, vuccati . Kittāvatā nu kho, bhante, ‘suñño loko’ti vuccatī’’ti? ‘‘Yasmā kho, ānanda, suññaṃ attena vā attaniyena vā, tasmā ‘suñño loko’ti vuccati. Kiñcānanda 3, suññaṃ attena vā attaniyena vā? Cakkhu kho, ānanda, suññaṃ attena vā attaniyena vā. Rūpā suññā attena vā attaniyena vā. Cakkhuviññāṇaṃ suññaṃ attena vā attaniyena vā. Cakkhusamphasso suñño attena vā attaniyena vā. Yampidaṃ 4 cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi suññaṃ attena vā attaniyena vā.
‘‘སོཏཾ སུཉྙཾ…པེ॰… སདྡཱ སུཉྙཱ… གྷཱནཾ སུཉྙཾ… གནྡྷཱ སུཉྙཱ… ཛིཝ྄ཧཱ སུཉྙཱ… རསཱ སུཉྙཱ… ཀཱཡོ སུཉྙོ… ཕོཊྛབྦཱ སུཉྙཱ… མནོ སུཉྙོ ཨཏྟེན ཝཱ ཨཏྟནིཡེན ཝཱ། དྷམྨཱ སུཉྙཱ ཨཏྟེན ཝཱ ཨཏྟནིཡེན ཝཱ། མནོཝིཉྙཱཎཾ སུཉྙཾ ཨཏྟེན ཝཱ ཨཏྟནིཡེན ཝཱ། མནོསམྥསྶོ སུཉྙོ ཨཏྟེན ཝཱ ཨཏྟནིཡེན ཝཱ། ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི སུཉྙཾ ཨཏྟེན ཝཱ ཨཏྟནིཡེན ཝཱ། ཡསྨཱ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ ཏསྨཱ ‘སུཉྙོ ལོཀོ’ཏི ཝུཙྩཏཱི’’ཏི།
‘‘Sotaṃ suññaṃ…pe… saddā suññā… ghānaṃ suññaṃ… gandhā suññā… jivhā suññā… rasā suññā… kāyo suñño… phoṭṭhabbā suññā… mano suñño attena vā attaniyena vā. Dhammā suññā attena vā attaniyena vā. Manoviññāṇaṃ suññaṃ attena vā attaniyena vā. Manosamphasso suñño attena vā attaniyena vā. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi suññaṃ attena vā attaniyena vā. Yasmā kho, ānanda, suññaṃ attena vā attaniyena vā tasmā ‘suñño loko’ti vuccatī’’ti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / སུཉྙཀཐཱཝཎྞནཱ • Suññakathāvaṇṇanā
