| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
10. сун̃н̃агат̇аа
10. Suññakathā
сун̃н̃агат̇ааван̣н̣анаа
Suññakathāvaṇṇanā
46. ид̣̇аани логуд̇д̇араб̣алабарияосаанааяа б̣алагат̇ааяа ананд̇арам̣ гат̇ид̇ааяа логуд̇д̇арасун̃н̃ад̇аабарияосаанааяа суд̇д̇анд̇абуб̣б̣ан̇г̇амааяа сун̃н̃ад̇аагат̇ааяа абуб̣б̣ад̇т̇аануван̣н̣анаа. суд̇д̇анд̇з д̇аава ат̇аад̇и важанобаад̣̇аанз нибаад̇о. зд̇зна ааяасмаад̇иаад̣̇иважанасса убаад̣̇аанам̣ гад̇ам̣ ход̇и. код̇и бад̣̇абууран̣ад̇т̇з нибаад̇о. язна бхаг̇аваа д̇знубасан̇гамийд̇и бхуммад̇т̇з гаран̣аважанам̣. д̇асмаа яад̇т̇а бхаг̇аваа, д̇ад̇т̇а убасан̇гамийд̇и звамзд̇т̇а ад̇т̇о д̣̇адтаб̣б̣о. язна ваа гааран̣зна бхаг̇аваа д̣̇звамануссзхи убасан̇гамид̇аб̣б̣о, д̇знзва гааран̣зна убасан̇гамийд̇и звамзд̇т̇а ад̇т̇о д̣̇адтаб̣б̣о. гзна жа гааран̣зна бхаг̇аваа убасан̇гамид̇аб̣б̣о? наанаббагаараг̇ун̣ависзсаад̇хиг̇амаад̇хиббааязна, саад̣̇упалуубабхог̇аад̇хиббааязна д̣̇иж̇аг̇ан̣зхи нижжапалид̇амахааругко вияа, д̇зна гааран̣зна убасан̇гамийд̇и звамзд̇т̇а ад̇т̇о д̣̇адтаб̣б̣о. убасан̇гамийд̇и жа г̇ад̇од̇и вуд̇д̇ам̣ ход̇и. убасан̇гамид̇ваад̇и убасан̇гаманабарияосаанад̣̇ийбанам̣. ат̇а ваа зван̃жа г̇ад̇о д̇ад̇о аасаннад̇арам̣ таанам̣ бхаг̇авад̇о самийбасан̇каад̇ам̣ г̇анд̇ваад̇иби вуд̇д̇ам̣ ход̇и.
46. Idāni lokuttarabalapariyosānāya balakathāya anantaraṃ kathitāya lokuttarasuññatāpariyosānāya suttantapubbaṅgamāya suññatākathāya apubbatthānuvaṇṇanā. Suttante tāva athāti vacanopādāne nipāto. Etena āyasmātiādivacanassa upādānaṃ kataṃ hoti. Khoti padapūraṇatthe nipāto. Yena bhagavā tenupasaṅkamīti bhummatthe karaṇavacanaṃ. Tasmā yattha bhagavā, tattha upasaṅkamīti evamettha attho daṭṭhabbo. Yena vā kāraṇena bhagavā devamanussehi upasaṅkamitabbo, teneva kāraṇena upasaṅkamīti evamettha attho daṭṭhabbo. Kena ca kāraṇena bhagavā upasaṅkamitabbo? Nānappakāraguṇavisesādhigamādhippāyena, sāduphalūpabhogādhippāyena dijagaṇehi niccaphalitamahārukkho viya, tena kāraṇena upasaṅkamīti evamettha attho daṭṭhabbo. Upasaṅkamīti ca gatoti vuttaṃ hoti. Upasaṅkamitvāti upasaṅkamanapariyosānadīpanaṃ. Atha vā evañca gato tato āsannataraṃ ṭhānaṃ bhagavato samīpasaṅkhātaṃ gantvātipi vuttaṃ hoti.
абхиваад̣̇зд̇ваад̇и бан̃жабад̇идтид̇зна ванд̣̇ид̇ваа. ид̣̇аани язнадтзна логз аг̇г̇абуг̇г̇аласса убадтаанам̣ ааг̇ад̇о, д̇ам̣ бужчид̇угаамо д̣̇асанакасамод̇хаанасамуж̇ж̇алам̣ ан̃ж̇алим̣ сираси бад̇идтабзд̇ваа згаманд̇ам̣ нисийд̣̇и. згаманд̇анд̇и жа бхааванабум̣саганид̣̇д̣̇зсо ‘‘висамам̣ жанд̣̇имасуурияаа барихаранд̇ий’’д̇иаад̣̇ийсу (а. ни. 4.70) вияа. д̇асмаа яат̇аа нисинно згаманд̇ам̣ нисинно ход̇и, д̇ат̇аа нисийд̣̇ийд̇и звамзд̇т̇а ад̇т̇о д̣̇адтаб̣б̣о. бхуммад̇т̇з ваа зд̇ам̣ убаяог̇аважанам̣. нисийд̣̇ийд̇и нисаж̇ж̇ам̣ габбзси. бан̣д̣ид̇аа хи д̣̇звамануссаа г̇арудтаанийяам̣ убасан̇гамид̇ваа аасанагусалад̇ааяа згаманд̇ам̣ нисийд̣̇анд̇и, аяан̃жа т̇зро д̇зсам̣ ан̃н̃ад̇аро, д̇асмаа згаманд̇ам̣ нисийд̣̇и.
Abhivādetvāti pañcapatiṭṭhitena vanditvā. Idāni yenaṭṭhena loke aggapuggalassa upaṭṭhānaṃ āgato, taṃ pucchitukāmo dasanakhasamodhānasamujjalaṃ añjaliṃ sirasi patiṭṭhapetvā ekamantaṃ nisīdi. Ekamantanti ca bhāvanapuṃsakaniddeso ‘‘visamaṃ candimasūriyā pariharantī’’tiādīsu (a. ni. 4.70) viya. Tasmā yathā nisinno ekamantaṃ nisinno hoti, tathā nisīdīti evamettha attho daṭṭhabbo. Bhummatthe vā etaṃ upayogavacanaṃ. Nisīdīti nisajjaṃ kappesi. Paṇḍitā hi devamanussā garuṭṭhānīyaṃ upasaṅkamitvā āsanakusalatāya ekamantaṃ nisīdanti, ayañca thero tesaṃ aññataro, tasmā ekamantaṃ nisīdi.
гат̇ам̣ нисинно бана згаманд̇ам̣ нисинно ход̇ийд̇и? ча нисаж̇ж̇ад̣̇осз важ̇ж̇зд̇ваа. сзяяат̇ид̣̇ам̣ – ад̇ид̣̇уурам̣ ажжаасаннам̣ убариваад̇ам̣ уннад̇аббад̣̇зсам̣ ад̇исаммукам̣ ад̇ибажчаад̇и. ад̇ид̣̇уурз нисинно хи сажз гат̇зд̇угаамо ход̇и, ужжаасад̣̇д̣̇зна гат̇зд̇аб̣б̣ам̣ ход̇и. ажжаасаннз нисинно сан̇гхадданам̣ гарод̇и. убариваад̇з нисинно сарийраг̇анд̇хзна б̣аад̇хад̇и. уннад̇аббад̣̇зсз нисинно аг̇ааравам̣ багаасзд̇и. ад̇исаммукаа нисинно сажз д̣̇адтугаамо ход̇и, жагкунаа жагкум̣ аахажжа д̣̇адтаб̣б̣ам̣ ход̇и. ад̇ибажчаа нисинно сажз д̣̇адтугаамо ход̇и, г̇ийвам̣ басаарзд̇ваа д̣̇адтаб̣б̣ам̣ ход̇и. д̇асмаа аяамби зд̇з ча нисаж̇ж̇ад̣̇осз важ̇ж̇зд̇ваа нисийд̣̇и. д̇зна вуд̇д̇ам̣ ‘‘згаманд̇ам̣ нисийд̣̇ий’’д̇и. зд̇ад̣̇авожаад̇и зд̇ам̣ авожа.
Kathaṃ nisinno pana ekamantaṃ nisinno hotīti? Cha nisajjadose vajjetvā. Seyyathidaṃ – atidūraṃ accāsannaṃ uparivātaṃ unnatappadesaṃ atisammukhaṃ atipacchāti. Atidūre nisinno hi sace kathetukāmo hoti, uccāsaddena kathetabbaṃ hoti. Accāsanne nisinno saṅghaṭṭanaṃ karoti. Uparivāte nisinno sarīragandhena bādhati. Unnatappadese nisinno agāravaṃ pakāseti. Atisammukhā nisinno sace daṭṭhukāmo hoti, cakkhunā cakkhuṃ āhacca daṭṭhabbaṃ hoti. Atipacchā nisinno sace daṭṭhukāmo hoti, gīvaṃ pasāretvā daṭṭhabbaṃ hoti. Tasmā ayampi ete cha nisajjadose vajjetvā nisīdi. Tena vuttaṃ ‘‘ekamantaṃ nisīdī’’ti. Etadavocāti etaṃ avoca.
сун̃н̃о лого сун̃н̃о логод̇и, бханд̇з, вужжад̇ийд̇и имасмим̣ саасанз бадибаннзхи д̇зхи д̇зхи бхигкуухи ‘‘сун̃н̃о лого сун̃н̃о лого’’д̇и гат̇ийяад̇ийд̇и ад̇т̇о. д̇ахим̣ д̇ахим̣ д̇аад̣̇исаанам̣ важанаанам̣ б̣ахугад̇д̇аа д̇зсам̣ саб̣б̣зсам̣ сан̇г̇ан̣ханад̇т̇ам̣ аамзд̣ид̇аважанам̣ гад̇ам̣. зван̃хи вуд̇д̇з саб̣б̣аани д̇аани важанаани сан̇г̇ахид̇аани хонд̇и. гид̇д̇аавад̇аад̇и гид̇д̇агзна баримаан̣зна. ну-ид̇и сам̣саяад̇т̇з нибаад̇о. сун̃н̃ам̣ ад̇д̇зна ваа ад̇д̇аниязна ваад̇и ‘‘гаараго взд̣̇аго саяам̣васий’’д̇и звам̣ логабаригаббид̇зна ад̇д̇анаа жа ад̇д̇аабхаавад̇оязва ад̇д̇ано санд̇агзна баригкаарзна жа сун̃н̃ам̣. саб̣б̣ам̣ жагкаад̣̇и логияам̣ д̇хаммаж̇аад̇ам̣, д̇ам̣язва луж̇ж̇анабалуж̇ж̇анадтзна лого наама. яасмаа жа ад̇д̇аа жа зд̇т̇а над̇т̇и, ад̇д̇анияан̃жа зд̇т̇а над̇т̇и, д̇асмаа сун̃н̃о логод̇и вужжад̇ийд̇и ад̇т̇о. логуд̇д̇ароби жа д̇хаммо ад̇д̇ад̇д̇аниязхи сун̃н̃о зва, бужчаануруубзна бана логияова д̇хаммо вуд̇д̇о. сун̃н̃од̇и жа д̇хаммо над̇т̇ийд̇и вуд̇д̇ам̣ на ход̇и, д̇асмим̣ д̇хаммз ад̇д̇ад̇д̇анияасаарасса над̇т̇ибхааво вуд̇д̇о ход̇и. логз жа ‘‘сун̃н̃ам̣ гхарам̣, сун̃н̃о гхадо’’д̇и вуд̇д̇з гхарасса гхадасса жа над̇т̇ибхааво вуд̇д̇о на ход̇и, д̇асмим̣ гхарз гхадз жа ан̃н̃асса над̇т̇ибхааво вуд̇д̇о ход̇и. бхаг̇авад̇аа жа ‘‘ид̇и яан̃хи ко д̇ад̇т̇а на ход̇и, д̇зна д̇ам̣ сун̃н̃ам̣ саманубассад̇и. яам̣ бана д̇ад̇т̇а авасидтам̣ ход̇и, д̇ам̣ санд̇ам̣ ид̣̇амад̇т̇ийд̇и баж̇аанаад̇ий’’д̇и аяамзва ад̇т̇о вуд̇д̇о. д̇ат̇аа н̃ааяаг̇ант̇з жа сад̣̇д̣̇аг̇ант̇з жа аяамзва ад̇т̇о. ид̇и имасмим̣ суд̇д̇анд̇з анад̇д̇алагкан̣амзва гат̇ид̇ам̣.
Suñño loko suñño lokoti, bhante, vuccatīti imasmiṃ sāsane paṭipannehi tehi tehi bhikkhūhi ‘‘suñño loko suñño loko’’ti kathīyatīti attho. Tahiṃ tahiṃ tādisānaṃ vacanānaṃ bahukattā tesaṃ sabbesaṃ saṅgaṇhanatthaṃ āmeḍitavacanaṃ kataṃ. Evañhi vutte sabbāni tāni vacanāni saṅgahitāni honti. Kittāvatāti kittakena parimāṇena. Nu-iti saṃsayatthe nipāto. Suññaṃ attena vā attaniyena vāti ‘‘kārako vedako sayaṃvasī’’ti evaṃ lokaparikappitena attanā ca attābhāvatoyeva attano santakena parikkhārena ca suññaṃ. Sabbaṃ cakkhādi lokiyaṃ dhammajātaṃ, taṃyeva lujjanapalujjanaṭṭhena loko nāma. Yasmā ca attā ca ettha natthi, attaniyañca ettha natthi, tasmā suñño lokoti vuccatīti attho. Lokuttaropi ca dhammo attattaniyehi suñño eva, pucchānurūpena pana lokiyova dhammo vutto. Suññoti ca dhammo natthīti vuttaṃ na hoti, tasmiṃ dhamme attattaniyasārassa natthibhāvo vutto hoti. Loke ca ‘‘suññaṃ gharaṃ, suñño ghaṭo’’ti vutte gharassa ghaṭassa ca natthibhāvo vutto na hoti, tasmiṃ ghare ghaṭe ca aññassa natthibhāvo vutto hoti. Bhagavatā ca ‘‘iti yañhi kho tattha na hoti, tena taṃ suññaṃ samanupassati. Yaṃ pana tattha avasiṭṭhaṃ hoti, taṃ santaṃ idamatthīti pajānātī’’ti ayameva attho vutto. Tathā ñāyaganthe ca saddaganthe ca ayameva attho. Iti imasmiṃ suttante anattalakkhaṇameva kathitaṃ.
47. суд̇д̇анд̇анид̣̇д̣̇зсз сун̃н̃асун̃н̃анд̇иаад̣̇ийни бан̃жавийсад̇и маад̇игаабад̣̇аани сун̃н̃асамб̣анд̇хзна уд̣̇д̣̇исид̇ваа д̇зсам̣ нид̣̇д̣̇зсо гад̇о. д̇ад̇т̇а маад̇игааяа д̇аава сун̃н̃асан̇каад̇ам̣ сун̃н̃ам̣, на ан̃н̃зна убабад̣̇зна висзсид̇анд̇и сун̃н̃асун̃н̃ам̣. асуганд̇и анид̣̇д̣̇идтад̇д̇аа жзд̇т̇а сун̃н̃ад̇д̇амзва ваа абзгкид̇ваа набум̣сагаважанам̣ гад̇ам̣. звам̣ сзсзсуби. сан̇каароязва сзсасан̇каарзхи сун̃н̃од̇и сан̇каарасун̃н̃ам̣. ж̇араабхан̇г̇авасзна вируубо барин̣аамо вибарин̣аамо, д̇зна вибарин̣аамзна сун̃н̃ам̣ вибарин̣аамасун̃н̃ам̣. аг̇г̇ан̃жа д̇ам̣ ад̇д̇ад̇д̇аниязхи, саб̣б̣асан̇каарзхи ваа сун̃н̃ан̃жаад̇и аг̇г̇асун̃н̃ам̣. лагкан̣амзва сзсалагкан̣зхи сун̃н̃анд̇и лагкан̣асун̃н̃ам̣. нзгкаммаад̣̇инаа вигкамбханзна сун̃н̃ам̣. вигкамбханасун̃н̃ам̣. д̇ад̣̇ан̇г̇асун̃н̃аад̣̇ийсуби жад̇уусу зсзва наяо. аж̇жхад̇д̇ан̃жа д̇ам̣ ад̇д̇ад̇д̇анияаад̣̇ийхи сун̃н̃ан̃жаад̇и аж̇жхад̇д̇асун̃н̃ам̣. б̣ахид̣̇д̇хаа жа д̇ам̣ ад̇д̇ад̇д̇анияаад̣̇ийхи сун̃н̃ан̃жаад̇и б̣ахид̣̇д̇хаасун̃н̃ам̣. д̇ад̣̇убхаяам̣ ад̇д̇ад̇д̇анияаад̣̇ийхи сун̃н̃анд̇и д̣̇убхад̇осун̃н̃ам̣. самаано бхааг̇о зд̇ассаад̇и сабхааг̇ам̣, сабхааг̇ан̃жа д̇ам̣ ад̇д̇ад̇д̇анияаад̣̇ийхи сун̃н̃ан̃жаад̇и сабхааг̇асун̃н̃ам̣, сад̣̇исасун̃н̃анд̇и ад̇т̇о. виг̇ад̇ам̣ сабхааг̇ам̣ висабхааг̇ам̣, висабхааг̇ан̃жа д̇ам̣ ад̇д̇ад̇д̇анияаад̣̇ийхи сун̃н̃ан̃жаад̇и висабхааг̇асун̃н̃ам̣, висад̣̇исасун̃н̃анд̇и ад̇т̇о. гзсужи бод̇т̇агзсу сабхааг̇асун̃н̃ам̣ висабхааг̇асун̃н̃ам̣ ниссаран̣асун̃н̃аананд̇арам̣ ликид̇ам̣. нзгкаммаад̣̇изсанаа гаамажчанд̣̇аад̣̇инаа сун̃н̃аад̇и зсанаасун̃н̃ам̣. бариг̇г̇ахасун̃н̃аад̣̇ийсу д̇ийсуби зсзва наяо. згаарамман̣з бад̇идтид̇ад̇д̇аа наанаарамман̣авигкзбаабхаавад̇о згад̇д̇ан̃жа д̇ам̣ наанад̇д̇зна сун̃н̃ан̃жаад̇и згад̇д̇асун̃н̃ам̣. д̇аб̣б̣ибарийд̇зна наанад̇д̇ан̃жа д̇ам̣ згад̇д̇зна сун̃н̃ан̃жаад̇и наанад̇д̇асун̃н̃ам̣. нзгкаммаад̣̇иканд̇и гаамажчанд̣̇аад̣̇инаа сун̃н̃аад̇и канд̇исун̃н̃ам̣. ад̇хидтаанасун̃н̃з барияог̇ааханасун̃н̃з жа зсзва наяо. барияог̇аханасун̃н̃анд̇иби баато. самбаж̇аанассаад̇и самбаж̇ан̃н̃зна саманнааг̇ад̇асса бариниб̣б̣ааяанд̇асса арахад̇о. бавад̇д̇абарияаад̣̇аананд̇и анубаад̣̇аабариниб̣б̣аанам̣. саб̣б̣асун̃н̃ад̇аананд̇и саб̣б̣асун̃н̃аанам̣. барамад̇т̇асун̃н̃анд̇и саб̣б̣асан̇каараабхаавад̇о уд̇д̇амад̇т̇абхууд̇ам̣ сун̃н̃ам̣.
47. Suttantaniddese suññasuññantiādīni pañcavīsati mātikāpadāni suññasambandhena uddisitvā tesaṃ niddeso kato. Tattha mātikāya tāva suññasaṅkhātaṃ suññaṃ, na aññena upapadena visesitanti suññasuññaṃ. Asukanti aniddiṭṭhattā cettha suññattameva vā apekkhitvā napuṃsakavacanaṃ kataṃ. Evaṃ sesesupi. Saṅkhāroyeva sesasaṅkhārehi suññoti saṅkhārasuññaṃ. Jarābhaṅgavasena virūpo pariṇāmo vipariṇāmo, tena vipariṇāmena suññaṃ vipariṇāmasuññaṃ. Aggañca taṃ attattaniyehi, sabbasaṅkhārehi vā suññañcāti aggasuññaṃ. Lakkhaṇameva sesalakkhaṇehi suññanti lakkhaṇasuññaṃ. Nekkhammādinā vikkhambhanena suññaṃ. Vikkhambhanasuññaṃ. Tadaṅgasuññādīsupi catūsu eseva nayo. Ajjhattañca taṃ attattaniyādīhi suññañcāti ajjhattasuññaṃ. Bahiddhā ca taṃ attattaniyādīhi suññañcāti bahiddhāsuññaṃ. Tadubhayaṃ attattaniyādīhi suññanti dubhatosuññaṃ. Samāno bhāgo etassāti sabhāgaṃ, sabhāgañca taṃ attattaniyādīhi suññañcāti sabhāgasuññaṃ, sadisasuññanti attho. Vigataṃ sabhāgaṃ visabhāgaṃ, visabhāgañca taṃ attattaniyādīhi suññañcāti visabhāgasuññaṃ, visadisasuññanti attho. Kesuci potthakesu sabhāgasuññaṃ visabhāgasuññaṃ nissaraṇasuññānantaraṃ likhitaṃ. Nekkhammādiesanā kāmacchandādinā suññāti esanāsuññaṃ. Pariggahasuññādīsu tīsupi eseva nayo. Ekārammaṇe patiṭṭhitattā nānārammaṇavikkhepābhāvato ekattañca taṃ nānattena suññañcāti ekattasuññaṃ. Tabbiparītena nānattañca taṃ ekattena suññañcāti nānattasuññaṃ. Nekkhammādikhanti kāmacchandādinā suññāti khantisuññaṃ. Adhiṭṭhānasuññe pariyogāhanasuññe ca eseva nayo. Pariyogahanasuññantipi pāṭho. Sampajānassāti sampajaññena samannāgatassa parinibbāyantassa arahato. Pavattapariyādānanti anupādāparinibbānaṃ. Sabbasuññatānanti sabbasuññānaṃ. Paramatthasuññanti sabbasaṅkhārābhāvato uttamatthabhūtaṃ suññaṃ.
48. маад̇игаанид̣̇д̣̇зсз нижжзна ваад̇и бхан̇г̇ам̣ ад̇иггамид̇ваа бавад̇д̇амаанасса гассажи нижжасса абхаавад̇о нижжзна жа сун̃н̃ам̣. д̇хувзна ваад̇и виж̇ж̇амаанагаалзби бажжаяааяад̇д̇авуд̇д̇ид̇ааяа т̇ирасса гассажи абхаавад̇о д̇хувзна жа сун̃н̃ам̣. сассад̇зна ваад̇и аб̣б̣ожчиннасса саб̣б̣агаалз виж̇ж̇амаанасса гассажи абхаавад̇о сассад̇зна жа сун̃н̃ам̣. авибарин̣аамад̇хаммзна ваад̇и ж̇араабхан̇г̇авасзна авибарин̣аамабагад̇игасса гассажи абхаавад̇о авибарин̣аамад̇хаммзна жа сун̃н̃ам̣. суд̇д̇анд̇з ад̇д̇асун̃н̃ад̇ааяа зва вуд̇д̇ааяаби нижжасун̃н̃ад̇ан̃жа сукасун̃н̃ад̇ан̃жа д̣̇ассзд̇ум̣ ид̇ха нижжзна ваад̇иаад̣̇ийниби вуд̇д̇аани. анижжассзва хи бийл̣ааяог̇зна д̣̇угкад̇д̇аа нижжасун̃н̃ад̇ааяа вуд̇д̇ааяа сукасун̃н̃ад̇ааби вуд̇д̇аава ход̇и. руубаад̣̇аяо банзд̇т̇а ча висаяаа, жагкувин̃н̃аан̣аад̣̇ийни ча вин̃н̃аан̣аани, жагкусампассаад̣̇аяо ча пассаа, жагкусампассаж̇аа взд̣̇анаад̣̇аяо ча взд̣̇анаа ча сан̇кид̇д̇аад̇и взд̣̇ид̇аб̣б̣ам̣.
48. Mātikāniddese niccena vāti bhaṅgaṃ atikkamitvā pavattamānassa kassaci niccassa abhāvato niccena ca suññaṃ. Dhuvena vāti vijjamānakālepi paccayāyattavuttitāya thirassa kassaci abhāvato dhuvena ca suññaṃ. Sassatena vāti abbocchinnassa sabbakāle vijjamānassa kassaci abhāvato sassatena ca suññaṃ. Avipariṇāmadhammena vāti jarābhaṅgavasena avipariṇāmapakatikassa kassaci abhāvato avipariṇāmadhammena ca suññaṃ. Suttante attasuññatāya eva vuttāyapi niccasuññatañca sukhasuññatañca dassetuṃ idha niccena vātiādīnipi vuttāni. Aniccasseva hi pīḷāyogena dukkhattā niccasuññatāya vuttāya sukhasuññatāpi vuttāva hoti. Rūpādayo panettha cha visayā, cakkhuviññāṇādīni cha viññāṇāni, cakkhusamphassādayo cha phassā, cakkhusamphassajā vedanādayo cha vedanā cha saṅkhittāti veditabbaṃ.
бун̃н̃аабхисан̇каарод̇иаад̣̇ийсу бунаад̇и ад̇д̇ано гаарагам̣, буурзд̇и жасса аж̇жхаасаяам̣, буж̇ж̇ан̃жа бхавам̣ ниб̣б̣ад̇д̇зд̇ийд̇и бун̃н̃ам̣, абхисан̇карод̇и вибаагам̣ гадад̇д̇ааруубан̃жаад̇и абхисан̇кааро, бун̃н̃ам̣ абхисан̇кааро бун̃н̃аабхисан̇кааро. бун̃н̃абадибагкад̇о абун̃н̃ам̣ абхисан̇кааро абун̃н̃аабхисан̇кааро. на ин̃ж̇ам̣ анзн̃ж̇ам̣, анзн̃ж̇ам̣ бхавам̣ абхисан̇карод̇ийд̇и аанзн̃ж̇аабхисан̇кааро. бун̃н̃аабхисан̇кааро д̣̇аанасийлабхааванаавасзна бавад̇д̇аа адта гаамааважарагусалажзд̇анаа, бхааванаавасзнзва бавад̇д̇аа бан̃жа руубааважарагусалажзд̇анаад̇и д̇зраса жзд̇анаа хонд̇и, абун̃н̃аабхисан̇кааро баан̣аад̇ибаад̇аад̣̇ивасзна бавад̇д̇аа д̣̇ваад̣̇аса агусалажзд̇анаа, аанзн̃ж̇аабхисан̇кааро бхааванаавасзнзва бавад̇д̇аа жад̇ассо аруубааважаражзд̇анаад̇и д̇аяоби сан̇каараа згуунад̇им̣са жзд̇анаа хонд̇и. гааяасан̇каарод̇иаад̣̇ийсу гааяад̇о ваа бавад̇д̇о, гааяасса ваа сан̇каарод̇и гааяасан̇кааро. важийсан̇кааражид̇д̇асан̇каарзсуби зсзва наяо. аяам̣ д̇иго гаммааяууханагкан̣з бун̃н̃аабхисан̇каараад̣̇ийнам̣ д̣̇ваарад̇о бавад̇д̇ид̣̇ассанад̇т̇ам̣ вуд̇д̇о. гааяавин̃н̃ад̇д̇им̣ самудтаабзд̇ваа хи гааяад̣̇ваарад̇о бавад̇д̇аа адта гаамааважарагусалажзд̇анаа, д̣̇ваад̣̇аса агусалажзд̇анаа, абхин̃н̃аажзд̇анаа жаад̇и згавийсад̇и жзд̇анаа гааяасан̇кааро наама, д̇аа зва жа важийвин̃н̃ад̇д̇им̣ самудтаабзд̇ваа важийд̣̇ваарад̇о бавад̇д̇аа важийсан̇кааро наама, манод̣̇ваарз бавад̇д̇аа бана саб̣б̣ааби згуунад̇им̣са жзд̇анаа жид̇д̇асан̇кааро наама. ад̇ийд̇аа сан̇каараад̇иаад̣̇ийсу саб̣б̣зби сан̇кад̇ад̇хаммаа сагагкан̣ам̣ бад̇ваа нируд̣̇д̇хаа ад̇ийд̇аа сан̇каараа, сагагкан̣ам̣ аббад̇д̇аа анааг̇ад̇аа сан̇каараа, сагагкан̣ам̣ бад̇д̇аа бажжуббаннаа сан̇каараад̇и.
Puññābhisaṅkhārotiādīsu punāti attano kārakaṃ, pūreti cassa ajjhāsayaṃ, pujjañca bhavaṃ nibbattetīti puññaṃ, abhisaṅkharoti vipākaṃ kaṭattārūpañcāti abhisaṅkhāro, puññaṃ abhisaṅkhāro puññābhisaṅkhāro. Puññapaṭipakkhato apuññaṃ abhisaṅkhāro apuññābhisaṅkhāro. Na iñjaṃ aneñjaṃ, aneñjaṃ bhavaṃ abhisaṅkharotīti āneñjābhisaṅkhāro. Puññābhisaṅkhāro dānasīlabhāvanāvasena pavattā aṭṭha kāmāvacarakusalacetanā, bhāvanāvaseneva pavattā pañca rūpāvacarakusalacetanāti terasa cetanā honti, apuññābhisaṅkhāro pāṇātipātādivasena pavattā dvādasa akusalacetanā, āneñjābhisaṅkhāro bhāvanāvaseneva pavattā catasso arūpāvacaracetanāti tayopi saṅkhārā ekūnatiṃsa cetanā honti. Kāyasaṅkhārotiādīsu kāyato vā pavatto, kāyassa vā saṅkhāroti kāyasaṅkhāro. Vacīsaṅkhāracittasaṅkhāresupi eseva nayo. Ayaṃ tiko kammāyūhanakkhaṇe puññābhisaṅkhārādīnaṃ dvārato pavattidassanatthaṃ vutto. Kāyaviññattiṃ samuṭṭhāpetvā hi kāyadvārato pavattā aṭṭha kāmāvacarakusalacetanā, dvādasa akusalacetanā, abhiññācetanā cāti ekavīsati cetanā kāyasaṅkhāro nāma, tā eva ca vacīviññattiṃ samuṭṭhāpetvā vacīdvārato pavattā vacīsaṅkhāro nāma, manodvāre pavattā pana sabbāpi ekūnatiṃsa cetanā cittasaṅkhāro nāma. Atītā saṅkhārātiādīsu sabbepi saṅkhatadhammā sakakkhaṇaṃ patvā niruddhā atītā saṅkhārā, sakakkhaṇaṃ appattā anāgatā saṅkhārā, sakakkhaṇaṃ pattā paccuppannā saṅkhārāti.
вибарин̣аамасун̃н̃з бажжуббаннам̣ д̣̇ассзд̇ваа д̇асса д̇асса вибарин̣аамо сукзна вад̇д̇ум̣ саггаад̇и батамам̣ бажжуббаннад̇хаммаа д̣̇ассид̇аа. д̇ад̇т̇а ж̇аад̇ам̣ руубанд̇и бажжуббаннам̣ руубам̣. сабхаавзна сун̃н̃анд̇и зд̇т̇а саяам̣ бхааво сабхааво, саяамзва уббаад̣̇од̇и ад̇т̇о. сад̇о ваа бхааво сабхааво, ад̇д̇ад̇оязва уббаад̣̇од̇и ад̇т̇о. бажжаяааяад̇д̇авуд̇д̇ид̇д̇аа бажжаяам̣ винаа саяамзва бхааво, ад̇д̇ад̇о зва ваа бхааво зд̇асмим̣ над̇т̇ийд̇и сабхаавзна сун̃н̃ам̣, саяамзва бхаавзна, ад̇д̇ад̇о зва ваа бхаавзна сун̃н̃анд̇и вуд̇д̇ам̣ ход̇и. ат̇а ваа сагасса бхааво сабхааво. бат̇авийд̇хаад̇уаад̣̇ийсу хи анзгзсу руубааруубад̇хаммзсу згзго д̇хаммо барам̣ убаад̣̇ааяа саго наама. бхаавод̇и жа д̇хаммабарияааяаважанамзд̇ам̣. згасса жа д̇хаммасса ан̃н̃о бхаавасан̇каад̇о д̇хаммо над̇т̇и, д̇асмаа сагасса ан̃н̃зна бхаавзна сун̃н̃ам̣, саго ан̃н̃зна бхаавзна сун̃н̃од̇и ад̇т̇о. д̇зна згасса д̇хаммасса згасабхаавад̇аа вуд̇д̇аа ход̇и. ат̇а ваа сабхаавзна сун̃н̃анд̇и сун̃н̃асабхаавзнзва сун̃н̃ам̣. гим̣ вуд̇д̇ам̣ ход̇и? сун̃н̃асун̃н̃ад̇ааяа зва сун̃н̃ам̣, на ан̃н̃аахи барияааяасун̃н̃ад̇аахи сун̃н̃анд̇и вуд̇д̇ам̣ ход̇и.
Vipariṇāmasuññe paccuppannaṃ dassetvā tassa tassa vipariṇāmo sukhena vattuṃ sakkāti paṭhamaṃ paccuppannadhammā dassitā. Tattha jātaṃ rūpanti paccuppannaṃ rūpaṃ. Sabhāvena suññanti ettha sayaṃ bhāvo sabhāvo, sayameva uppādoti attho. Sato vā bhāvo sabhāvo, attatoyeva uppādoti attho. Paccayāyattavuttittā paccayaṃ vinā sayameva bhāvo, attato eva vā bhāvo etasmiṃ natthīti sabhāvena suññaṃ, sayameva bhāvena, attato eva vā bhāvena suññanti vuttaṃ hoti. Atha vā sakassa bhāvo sabhāvo. Pathavīdhātuādīsu hi anekesu rūpārūpadhammesu ekeko dhammo paraṃ upādāya sako nāma. Bhāvoti ca dhammapariyāyavacanametaṃ. Ekassa ca dhammassa añño bhāvasaṅkhāto dhammo natthi, tasmā sakassa aññena bhāvena suññaṃ, sako aññena bhāvena suññoti attho. Tena ekassa dhammassa ekasabhāvatā vuttā hoti. Atha vā sabhāvena suññanti suññasabhāveneva suññaṃ. Kiṃ vuttaṃ hoti? Suññasuññatāya eva suññaṃ, na aññāhi pariyāyasuññatāhi suññanti vuttaṃ hoti.
сажз бана гзжи вад̣̇зяяум̣ ‘‘саго бхааво сабхааво, д̇зна сабхаавзна сун̃н̃а’’нд̇и. гим̣ вуд̇д̇ам̣ ход̇и? бхаавод̇и д̇хаммо, со барам̣ убаад̣̇ааяа сабад̣̇зна висзсид̇о сабхааво наама ход̇и. д̇хаммасса гассажи авиж̇ж̇амаанад̇д̇аа ‘‘ж̇аад̇ам̣ руубам̣ сабхаавзна сун̃н̃а’’нд̇и руубасса авиж̇ж̇амаанад̇аа вуд̇д̇аа ход̇ийд̇и. звам̣ сад̇и ‘‘ж̇аад̇ам̣ рууба’’нд̇иважанзна вируж̇жхад̇и. на хи уббаад̣̇арахид̇ам̣ ж̇аад̇ам̣ наама ход̇и. ниб̣б̣аанан̃хи уббаад̣̇арахид̇ам̣, д̇ам̣ ж̇аад̇ам̣ наама на ход̇и, ж̇аад̇иж̇араамаран̣аани жа уббаад̣̇арахид̇аани ж̇аад̇аани наама на хонд̇и. д̇знзвзд̇т̇а ‘‘ж̇аад̇аа ж̇аад̇и сабхаавзна сун̃н̃аа , ж̇аад̇ам̣ ж̇араамаран̣ам̣ сабхаавзна сун̃н̃а’’нд̇и звам̣ ануд̣̇д̇харид̇ваа бхавамзва авасаанам̣ гад̇ваа нид̣̇д̣̇идтам̣. яад̣̇и уббаад̣̇арахид̇ассааби ‘‘ж̇аад̇а’’нд̇иважанам̣ яуж̇ж̇зяяа, ‘‘ж̇аад̇аа ж̇аад̇и, ж̇аад̇ам̣ ж̇араамаран̣а’’нд̇и вад̇д̇аб̣б̣ам̣ бхавзяяа. яасмаа уббаад̣̇арахид̇зсу ж̇аад̇иж̇араамаран̣зсу ‘‘ж̇аад̇а’’нд̇иважанам̣ на вуд̇д̇ам̣, д̇асмаа ‘‘сабхаавзна сун̃н̃ам̣ авиж̇ж̇амаана’’нд̇и важанам̣ авиж̇ж̇амаанасса уббаад̣̇арахид̇ад̇д̇аа ‘‘ж̇аад̇а’’нд̇иважанзна вируж̇жхад̇и. авиж̇ж̇амаанасса жа ‘‘сун̃н̃а’’нд̇иважанам̣ хздтаа вуд̇д̇зна логаважанзна жа бхаг̇авад̇о важанзна жа н̃ааяасад̣̇д̣̇аг̇ант̇аважанзна жа вируж̇жхад̇и, анзгаахи жа яуд̇д̇ийхи вируж̇жхад̇и, д̇асмаа д̇ам̣ важанам̣ гажаварамива чад̣д̣ид̇аб̣б̣ам̣. ‘‘яам̣, бхигкавз, ад̇т̇исаммад̇ам̣ логз бан̣д̣ид̇аанам̣, ахамби д̇ам̣ ад̇т̇ийд̇и вад̣̇аами. яам̣, бхигкавз, над̇т̇исаммад̇ам̣ логз бан̣д̣ид̇аанам̣, ахамби д̇ам̣ над̇т̇ийд̇и вад̣̇аами. гин̃жа, бхигкавз, ад̇т̇исаммад̇ам̣ логз бан̣д̣ид̇аанам̣, яамахам̣ ад̇т̇ийд̇и вад̣̇аами? руубам̣, бхигкавз, анижжам̣ д̣̇угкам̣ вибарин̣аамад̇хаммам̣ ад̇т̇исаммад̇ам̣ логз бан̣д̣ид̇аанам̣, ахамби д̇ам̣ ад̇т̇ийд̇и вад̣̇аамий’’д̇иаад̣̇ийхи (сам̣. ни. 3.94) анзгзхи б̣уд̣̇д̇хаважанаббамаан̣зхи анзгаахи жа яуд̇д̇ийхи д̇хаммаа сагагкан̣з виж̇ж̇амаанаа зваад̇и нидтамзд̇т̇а г̇анд̇аб̣б̣ам̣.
Sace pana keci vadeyyuṃ ‘‘sako bhāvo sabhāvo, tena sabhāvena suñña’’nti. Kiṃ vuttaṃ hoti? Bhāvoti dhammo, so paraṃ upādāya sapadena visesito sabhāvo nāma hoti. Dhammassa kassaci avijjamānattā ‘‘jātaṃ rūpaṃ sabhāvena suñña’’nti rūpassa avijjamānatā vuttā hotīti. Evaṃ sati ‘‘jātaṃ rūpa’’ntivacanena virujjhati. Na hi uppādarahitaṃ jātaṃ nāma hoti. Nibbānañhi uppādarahitaṃ, taṃ jātaṃ nāma na hoti, jātijarāmaraṇāni ca uppādarahitāni jātāni nāma na honti. Tenevettha ‘‘jātā jāti sabhāvena suññā , jātaṃ jarāmaraṇaṃ sabhāvena suñña’’nti evaṃ anuddharitvā bhavameva avasānaṃ katvā niddiṭṭhaṃ. Yadi uppādarahitassāpi ‘‘jāta’’ntivacanaṃ yujjeyya, ‘‘jātā jāti, jātaṃ jarāmaraṇa’’nti vattabbaṃ bhaveyya. Yasmā uppādarahitesu jātijarāmaraṇesu ‘‘jāta’’ntivacanaṃ na vuttaṃ, tasmā ‘‘sabhāvena suññaṃ avijjamāna’’nti vacanaṃ avijjamānassa uppādarahitattā ‘‘jāta’’ntivacanena virujjhati. Avijjamānassa ca ‘‘suñña’’ntivacanaṃ heṭṭhā vuttena lokavacanena ca bhagavato vacanena ca ñāyasaddaganthavacanena ca virujjhati, anekāhi ca yuttīhi virujjhati, tasmā taṃ vacanaṃ kacavaramiva chaḍḍitabbaṃ. ‘‘Yaṃ, bhikkhave, atthisammataṃ loke paṇḍitānaṃ, ahampi taṃ atthīti vadāmi. Yaṃ, bhikkhave, natthisammataṃ loke paṇḍitānaṃ, ahampi taṃ natthīti vadāmi. Kiñca, bhikkhave, atthisammataṃ loke paṇḍitānaṃ, yamahaṃ atthīti vadāmi? Rūpaṃ, bhikkhave, aniccaṃ dukkhaṃ vipariṇāmadhammaṃ atthisammataṃ loke paṇḍitānaṃ, ahampi taṃ atthīti vadāmī’’tiādīhi (saṃ. ni. 3.94) anekehi buddhavacanappamāṇehi anekāhi ca yuttīhi dhammā sakakkhaṇe vijjamānā evāti niṭṭhamettha gantabbaṃ.
виг̇ад̇ам̣ руубанд̇и уббаж̇ж̇ид̇ваа бхан̇г̇ам̣ бад̇ваа нируд̣̇д̇хам̣ ад̇ийд̇ам̣ руубам̣. вибарин̣ад̇ан̃жзва сун̃н̃ан̃жаад̇и ж̇араабхан̇г̇авасзна вируубам̣ барин̣аамам̣ бад̇д̇ан̃жа вад̇д̇амаанассзва вибарин̣аамасаб̣бхаавад̇о ад̇ийд̇асса вибарин̣аамаабхаавад̇о д̇зна вибарин̣аамзна сун̃н̃ан̃жаад̇и ад̇т̇о. ж̇аад̇аа взд̣̇анаад̇иаад̣̇ийсуби зсзва наяо. ж̇аад̇иж̇араамаран̣ам̣ бана анибпаннад̇д̇аа сагабхаавзна анубалаб̣бханийяад̇о ид̇ха на яуж̇ж̇ад̇и, д̇асмаа ‘‘ж̇аад̇аа ж̇аад̇и, ж̇аад̇ам̣ ж̇араамаран̣а’’нд̇иаад̣̇игз д̣̇вз наяз бахааяа бхаваад̣̇игамзва наяам̣ барияосаанам̣ гад̇ваа табид̇ам̣.
Vigataṃ rūpanti uppajjitvā bhaṅgaṃ patvā niruddhaṃ atītaṃ rūpaṃ. Vipariṇatañceva suññañcāti jarābhaṅgavasena virūpaṃ pariṇāmaṃ pattañca vattamānasseva vipariṇāmasabbhāvato atītassa vipariṇāmābhāvato tena vipariṇāmena suññañcāti attho. Jātā vedanātiādīsupi eseva nayo. Jātijarāmaraṇaṃ pana anipphannattā sakabhāvena anupalabbhanīyato idha na yujjati, tasmā ‘‘jātā jāti, jātaṃ jarāmaraṇa’’ntiādike dve naye pahāya bhavādikameva nayaṃ pariyosānaṃ katvā ṭhapitaṃ.
аг̇г̇анд̇и аг̇г̇з бхавам̣. сздтанд̇и ад̇ивияа басам̣санийяам̣. висидтанд̇и ад̇исаяабхууд̇ам̣. висздтанд̇иби баато. д̇ид̇хааби басад̇т̇ам̣ ниб̣б̣аанам̣ саммаабадибад̣̇ааяа бадибаж̇ж̇ид̇аб̣б̣ад̇о бад̣̇ам̣ наама. яад̣̇ид̣̇анд̇и яам̣ ид̣̇ам̣. ид̣̇аани вад̇д̇аб̣б̣ам̣ ниб̣б̣аанам̣ нид̣̇ассзд̇и. яасмаа ниб̣б̣аанам̣ ааг̇амма саб̣б̣асан̇каараанам̣ самат̇о ход̇и, канд̇хуубад̇хигилзсуубад̇хиабхисан̇кааруубад̇хигаамаг̇ун̣уубад̇хисан̇каад̇аанам̣ убад̇хийнам̣ бадиниссаг̇г̇о ход̇и, д̇ан̣хаанам̣ каяо вирааг̇о нирод̇хо жа ход̇и, д̇асмаа саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇ход̇и вужжад̇и. ниб̣б̣аананд̇и сабхаавалагкан̣зна ниг̇амид̇ам̣.
Agganti agge bhavaṃ. Seṭṭhanti ativiya pasaṃsanīyaṃ. Visiṭṭhanti atisayabhūtaṃ. Viseṭṭhantipi pāṭho. Tidhāpi pasatthaṃ nibbānaṃ sammāpaṭipadāya paṭipajjitabbato padaṃ nāma. Yadidanti yaṃ idaṃ. Idāni vattabbaṃ nibbānaṃ nidasseti. Yasmā nibbānaṃ āgamma sabbasaṅkhārānaṃ samatho hoti, khandhūpadhikilesūpadhiabhisaṅkhārūpadhikāmaguṇūpadhisaṅkhātānaṃ upadhīnaṃ paṭinissaggo hoti, taṇhānaṃ khayo virāgo nirodho ca hoti, tasmā sabbasaṅkhārasamatho sabbūpadhipaṭinissaggotaṇhakkhayo virāgo nirodhoti vuccati. Nibbānanti sabhāvalakkhaṇena nigamitaṃ.
лагкан̣зсу хи ‘‘д̇ийн̣имаани, бхигкавз, б̣ааласса б̣аалалагкан̣аани б̣ааланимид̇д̇аани б̣аалаабад̣̇аанаани. гад̇амаани д̇ийн̣и? ид̇ха, бхигкавз, б̣аало д̣̇ужжинд̇ид̇ажинд̇ий жа ход̇и д̣̇уб̣бхаасид̇абхаасий жа д̣̇уггадагаммагаарий жа. имаани ко, бхигкавз, д̇ийн̣и б̣ааласса б̣аалалагкан̣аани б̣ааланимид̇д̇аани б̣аалаабад̣̇аанааний’’д̇и (а. ни. 3.3; ма. ни. 3.246) вуд̇д̇ам̣. бан̣д̣ид̇зхи б̣ааласса б̣аалод̇и саллагкан̣ад̇о д̇ивид̇хам̣ б̣аалалагкан̣ам̣. ‘‘д̇ийн̣имаани, бхигкавз, бан̣д̣ид̇асса бан̣д̣ид̇алагкан̣аани бан̣д̣ид̇анимид̇д̇аани бан̣д̣ид̇аабад̣̇аанаани. гад̇амаани д̇ийн̣и? ид̇ха, бхигкавз, бан̣д̣ид̇о сужинд̇ид̇ажинд̇ий жа ход̇и субхаасид̇абхаасий жа сугад̇агаммагаарий жа. имаани ко, бхигкавз, д̇ийн̣и бан̣д̣ид̇асса бан̣д̣ид̇алагкан̣аани бан̣д̣ид̇анимид̇д̇аани бан̣д̣ид̇аабад̣̇аанааний’’д̇и (а. ни. 3.3; ма. ни. 3.253) вуд̇д̇ам̣. бан̣д̣ид̇зхи бан̣д̣ид̇асса бан̣д̣ид̇од̇и саллагкан̣ад̇о д̇ивид̇хам̣ бан̣д̣ид̇алагкан̣ам̣.
Lakkhaṇesu hi ‘‘tīṇimāni, bhikkhave, bālassa bālalakkhaṇāni bālanimittāni bālāpadānāni. Katamāni tīṇi? Idha, bhikkhave, bālo duccintitacintī ca hoti dubbhāsitabhāsī ca dukkaṭakammakārī ca. Imāni kho, bhikkhave, tīṇi bālassa bālalakkhaṇāni bālanimittāni bālāpadānānī’’ti (a. ni. 3.3; ma. ni. 3.246) vuttaṃ. Paṇḍitehi bālassa bāloti sallakkhaṇato tividhaṃ bālalakkhaṇaṃ. ‘‘Tīṇimāni, bhikkhave, paṇḍitassa paṇḍitalakkhaṇāni paṇḍitanimittāni paṇḍitāpadānāni. Katamāni tīṇi? Idha, bhikkhave, paṇḍito sucintitacintī ca hoti subhāsitabhāsī ca sukatakammakārī ca. Imāni kho, bhikkhave, tīṇi paṇḍitassa paṇḍitalakkhaṇāni paṇḍitanimittāni paṇḍitāpadānānī’’ti (a. ni. 3.3; ma. ni. 3.253) vuttaṃ. Paṇḍitehi paṇḍitassa paṇḍitoti sallakkhaṇato tividhaṃ paṇḍitalakkhaṇaṃ.
‘‘д̇ийн̣имаани, бхигкавз, сан̇кад̇асса сан̇кад̇алагкан̣аани. гад̇амаани д̇ийн̣и? уббаад̣̇о бан̃н̃ааяад̇и, ваяо бан̃н̃ааяад̇и, тид̇асса ан̃н̃ат̇ад̇д̇ам̣ бан̃н̃ааяад̇и. имаани ко, бхигкавз, д̇ийн̣и сан̇кад̇асса сан̇кад̇алагкан̣ааний’’д̇и (а. ни. 3.47-48) вуд̇д̇ам̣. уббаад̣̇о зва сан̇кад̇амид̇и лагкан̣анд̇и сан̇кад̇алагкан̣ам̣. звамид̇арад̣̇ваязби ад̇т̇о взд̣̇ид̇аб̣б̣о. иминаа уббаад̣̇агкан̣з сзсад̣̇виннам̣, тид̇игкан̣з сзсад̣̇виннам̣, бхан̇г̇агкан̣з жа сзсад̣̇виннам̣ абхааво д̣̇ассид̇о. яам̣ банзд̇т̇а бзяяааламукзна ж̇аад̇ияаа жа ж̇араамаран̣асса жа уббаад̣̇аад̣̇илагкан̣ам̣ вуд̇д̇ам̣, д̇ам̣ вибарин̣аамасун̃н̃ад̇ааяа ж̇аад̇иж̇араамаран̣аани хид̇ваа бхавабарияосаанассзва наяасса важанзна жа уббаад̣̇аад̣̇ийнам̣ уббаад̣̇аад̣̇иаважанасамаязна жа вируж̇жхад̇и. лагкан̣асод̇з бад̇ид̇ад̇д̇аа бана сод̇абад̇ид̇ам̣ гад̇ваа ликид̇анд̇и взд̣̇ид̇аб̣б̣ам̣. яат̇аа жа абхид̇хаммз (д̇ха. са. 562-565) ахзд̇угавибаагаманод̇хаад̇умановин̃н̃аан̣ад̇хаад̇уунам̣ сан̇г̇ахаваарз лаб̣бхамаанамби жхаанан̇г̇ам̣ бан̃жавин̃н̃аан̣асод̇з бад̇ид̇ваа г̇ад̇анд̇и на уд̣̇д̇хаданд̇и вуд̇д̇ам̣, звамид̇хааби сод̇абад̇ид̇ад̇аа взд̣̇ид̇аб̣б̣аа. ат̇а ваа ж̇аад̇иж̇араамаран̣аванд̇аанам̣ сан̇каараанам̣ уббаад̣̇аад̣̇аяо ‘‘ж̇аад̇иж̇араамаран̣ам̣ анижжад̇о’’д̇иаад̣̇ийсу (бади. ма. 1.73; 2.4) вияа д̇зсам̣ вияа гад̇ваа вуд̇д̇анд̇и взд̣̇ид̇аб̣б̣ам̣.
‘‘Tīṇimāni, bhikkhave, saṅkhatassa saṅkhatalakkhaṇāni. Katamāni tīṇi? Uppādo paññāyati, vayo paññāyati, ṭhitassa aññathattaṃ paññāyati. Imāni kho, bhikkhave, tīṇi saṅkhatassa saṅkhatalakkhaṇānī’’ti (a. ni. 3.47-48) vuttaṃ. Uppādo eva saṅkhatamiti lakkhaṇanti saṅkhatalakkhaṇaṃ. Evamitaradvayepi attho veditabbo. Iminā uppādakkhaṇe sesadvinnaṃ, ṭhitikkhaṇe sesadvinnaṃ, bhaṅgakkhaṇe ca sesadvinnaṃ abhāvo dassito. Yaṃ panettha peyyālamukhena jātiyā ca jarāmaraṇassa ca uppādādilakkhaṇaṃ vuttaṃ, taṃ vipariṇāmasuññatāya jātijarāmaraṇāni hitvā bhavapariyosānasseva nayassa vacanena ca uppādādīnaṃ uppādādiavacanasamayena ca virujjhati. Lakkhaṇasote patitattā pana sotapatitaṃ katvā likhitanti veditabbaṃ. Yathā ca abhidhamme (dha. sa. 562-565) ahetukavipākamanodhātumanoviññāṇadhātūnaṃ saṅgahavāre labbhamānampi jhānaṅgaṃ pañcaviññāṇasote patitvā gatanti na uddhaṭanti vuttaṃ, evamidhāpi sotapatitatā veditabbā. Atha vā jātijarāmaraṇavantānaṃ saṅkhārānaṃ uppādādayo ‘‘jātijarāmaraṇaṃ aniccato’’tiādīsu (paṭi. ma. 1.73; 2.4) viya tesaṃ viya katvā vuttanti veditabbaṃ.
нзгкаммзна гаамажчанд̣̇о вигкамбхид̇о жзва сун̃н̃о жаад̇и гаамажчанд̣̇о нзгкаммзна вигкамбхид̇о жзва нзгкаммасса д̇ад̇т̇а абхаавад̇о д̇знзва вигкамбханасан̇каад̇зна нзгкаммзна сун̃н̃о жа. звам̣ сзсзсуби яож̇анаа гаад̇аб̣б̣аа. д̇ад̣̇ан̇г̇аббахаанасамужчзд̣̇аббахаанзсуби жзд̇т̇а д̇ад̣̇ан̇г̇авасзна жа самужчзд̣̇авасзна жа бахийнам̣ д̣̇уурийгад̇амзва ход̇ийд̇и иминаа д̣̇уурийгаран̣адтзна вигкамбханам̣ вуд̇д̇ам̣.
Nekkhammenakāmacchando vikkhambhito ceva suñño cāti kāmacchando nekkhammena vikkhambhito ceva nekkhammassa tattha abhāvato teneva vikkhambhanasaṅkhātena nekkhammena suñño ca. Evaṃ sesesupi yojanā kātabbā. Tadaṅgappahānasamucchedappahānesupi cettha tadaṅgavasena ca samucchedavasena ca pahīnaṃ dūrīkatameva hotīti iminā dūrīkaraṇaṭṭhena vikkhambhanaṃ vuttaṃ.
нзгкаммзна гаамажчанд̣̇о д̇ад̣̇ан̇г̇асун̃н̃од̇и нзгкаммзна бахийно гаамажчанд̣̇о д̇зна нзгкаммасан̇каад̇зна ан̇г̇зна сун̃н̃о. ат̇а ваа яо гожи гаамажчанд̣̇о нзгкаммасса д̇ад̇т̇а абхаавад̇о нзгкаммзна д̇зна ан̇г̇зна сун̃н̃о. звам̣ сзсзсуби яож̇анаа гаад̇аб̣б̣аа. д̇асса д̇асса ан̇г̇асса д̇ад̇т̇а д̇ад̇т̇а абхаавамад̇д̇знзва жзд̇т̇а убажаараббанаажхаанавасзна жа вибассанаавасзна жа д̇ад̣̇ан̇г̇асун̃н̃ад̇аа нид̣̇д̣̇идтаа. бахаанад̣̇ийбагасса важанасса абхаавзна бана вивадданаанубассанам̣язва барияосаанам̣ гад̇ваа вибассанаа нид̣̇д̣̇идтаа, жад̇д̇ааро маг̇г̇аа на нид̣̇д̣̇идтаа. нзгкаммзна гаамажчанд̣̇о самужчинно жзва сун̃н̃о жаад̇иаад̣̇ийсу вигкамбханз вуд̇д̇анаязнзва ад̇т̇о взд̣̇ид̇аб̣б̣о. д̇ад̣̇ан̇г̇авигкамбханавасзна бахийнааниби жзд̇т̇а самуд̣̇аажаараабхаавад̇о самужчиннаани наама хонд̇ийд̇и иминаа барияааязна самужчзд̣̇о вуд̇д̇о, д̇ам̣д̇ам̣самужчзд̣̇агижжасаад̇ханавасзна ваа маг̇г̇асамбаяуд̇д̇анзгкаммаад̣̇ивасзна вуд̇д̇анд̇иби взд̣̇ид̇аб̣б̣ам̣. бадиббассад̣̇д̇хиниссаран̣асун̃н̃зсу жа ид̇ха вуд̇д̇анаязнзва ад̇т̇о взд̣̇ид̇аб̣б̣о. д̇ад̣̇ан̇г̇авигкамбханасамужчзд̣̇абахаанзсу банзд̇т̇а бадиббассад̣̇д̇химад̇д̇ад̇д̇ам̣ ниссадамад̇д̇ад̇д̇ан̃жа г̇ахзд̇ваа вуд̇д̇ам̣. бан̃жасуби зд̇зсу сун̃н̃зсу нзгкаммаад̣̇ийниязва вигкамбханад̇ад̣̇ан̇г̇асамужчзд̣̇абадиббассад̣̇д̇хиниссаран̣анаамзна вуд̇д̇аани. аж̇жхад̇д̇анд̇и аж̇жхад̇д̇абхууд̇ам̣. б̣ахид̣̇д̇хаад̇и б̣ахид̣̇д̇хаабхууд̇ам̣. д̣̇убхад̇осун̃н̃анд̇и убхаяасун̃н̃ам̣. бажжад̇д̇аад̣̇ийсуби хи д̇о-ид̇иважанам̣ ход̇иязва.
Nekkhammenakāmacchando tadaṅgasuññoti nekkhammena pahīno kāmacchando tena nekkhammasaṅkhātena aṅgena suñño. Atha vā yo koci kāmacchando nekkhammassa tattha abhāvato nekkhammena tena aṅgena suñño. Evaṃ sesesupi yojanā kātabbā. Tassa tassa aṅgassa tattha tattha abhāvamatteneva cettha upacārappanājhānavasena ca vipassanāvasena ca tadaṅgasuññatā niddiṭṭhā. Pahānadīpakassa vacanassa abhāvena pana vivaṭṭanānupassanaṃyeva pariyosānaṃ katvā vipassanā niddiṭṭhā, cattāro maggā na niddiṭṭhā. Nekkhammena kāmacchando samucchinno ceva suñño cātiādīsu vikkhambhane vuttanayeneva attho veditabbo. Tadaṅgavikkhambhanavasena pahīnānipi cettha samudācārābhāvato samucchinnāni nāma hontīti iminā pariyāyena samucchedo vutto, taṃtaṃsamucchedakiccasādhanavasena vā maggasampayuttanekkhammādivasena vuttantipi veditabbaṃ. Paṭippassaddhinissaraṇasuññesu ca idha vuttanayeneva attho veditabbo. Tadaṅgavikkhambhanasamucchedapahānesu panettha paṭippassaddhimattattaṃ nissaṭamattattañca gahetvā vuttaṃ. Pañcasupi etesu suññesu nekkhammādīniyeva vikkhambhanatadaṅgasamucchedapaṭippassaddhinissaraṇanāmena vuttāni. Ajjhattanti ajjhattabhūtaṃ. Bahiddhāti bahiddhābhūtaṃ. Dubhatosuññanti ubhayasuññaṃ. Paccattādīsupi hi to-itivacanaṃ hotiyeva.
ча аж̇жхад̇д̇игааяад̇анаад̣̇ийни чааж̇жхад̇д̇игааяад̇анаад̣̇ийнам̣ бхаавзна сабхааг̇аани. барзхи висабхааг̇аани. вин̃н̃аан̣агааяаад̇иаад̣̇ийсу жзд̇т̇а гааяаважанзна вин̃н̃аан̣аад̣̇ийниязва вуд̇д̇аани. нзгкаммзсанаад̣̇ийсу нзгкаммаад̣̇ийниязва д̇ад̣̇ад̇т̇игзхи вин̃н̃уухи зсийяанд̇ийд̇и зсанаа. ат̇а ваа буб̣б̣абхааг̇з нзгкаммаад̣̇ийнам̣ зсанааби гаамажчанд̣̇аад̣̇ийхи сун̃н̃аа, гим̣ бана нзгкаммаад̣̇ийнийд̇иби вуд̇д̇ам̣ ход̇и? бариг̇г̇ахаад̣̇ийсу нзгкаммаад̣̇ийниязва буб̣б̣абхааг̇з зсид̇аани абарабхааг̇з бариг̇г̇аяханд̇ийд̇и бариг̇г̇аход̇и, бариг̇г̇ахид̇аани бад̇д̇ивасзна бадилаб̣бханд̇ийд̇и бадилаабход̇и, бадилад̣̇д̇хаани н̃аан̣авасзна бадивиж̇жхийяанд̇ийд̇и бадивзд̇ход̇и жа вуд̇д̇аани. згад̇д̇асун̃н̃ан̃жа наанад̇д̇асун̃н̃ан̃жа сагим̣язва бужчид̇ваа згад̇д̇асун̃н̃ам̣ виссаж̇ж̇зд̇ваа наанад̇д̇асун̃н̃ам̣ ависсаж̇ж̇зд̇ваава сагим̣ ниг̇аманам̣ гад̇ам̣. гасмаа на виссаж̇ж̇ид̇анд̇и жз? вуд̇д̇абарияааязнзвзд̇т̇а яож̇анаа н̃ааяад̇ийд̇и на виссаж̇ж̇ид̇анд̇и взд̣̇ид̇аб̣б̣ам̣. аяам̣ банзд̇т̇а яож̇анаа – нзгкаммам̣ згад̇д̇ам̣, гаамажчанд̣̇о наанад̇д̇ам̣, гаамажчанд̣̇о наанад̇д̇ам̣, нзгкаммзгад̇д̇зна сун̃н̃анд̇и. звам̣ сзсзсуби яож̇анаа взд̣̇ид̇аб̣б̣аа.
Cha ajjhattikāyatanādīni chaajjhattikāyatanādīnaṃ bhāvena sabhāgāni. Parehi visabhāgāni. Viññāṇakāyātiādīsu cettha kāyavacanena viññāṇādīniyeva vuttāni. Nekkhammesanādīsu nekkhammādīniyeva tadatthikehi viññūhi esīyantīti esanā. Atha vā pubbabhāge nekkhammādīnaṃ esanāpi kāmacchandādīhi suññā, kiṃ pana nekkhammādīnītipi vuttaṃ hoti? Pariggahādīsu nekkhammādīniyeva pubbabhāge esitāni aparabhāge pariggayhantīti pariggahoti, pariggahitāni pattivasena paṭilabbhantīti paṭilābhoti, paṭiladdhāni ñāṇavasena paṭivijjhīyantīti paṭivedhoti ca vuttāni. Ekattasuññañca nānattasuññañca sakiṃyeva pucchitvā ekattasuññaṃ vissajjetvā nānattasuññaṃ avissajjetvāva sakiṃ nigamanaṃ kataṃ. Kasmā na vissajjitanti ce? Vuttapariyāyenevettha yojanā ñāyatīti na vissajjitanti veditabbaṃ. Ayaṃ panettha yojanā – nekkhammaṃ ekattaṃ, kāmacchando nānattaṃ, kāmacchando nānattaṃ, nekkhammekattena suññanti. Evaṃ sesesupi yojanā veditabbā.
канд̇иаад̣̇ийсу нзгкаммаад̣̇ийниязва каманад̇о ружжанад̇о канд̇ийд̇и, рожид̇ааниязва бависид̇ваа д̇идтанад̇о ад̇хидтаананд̇и, бависид̇ваа тид̇аанам̣ яат̇ааружимзва сзванад̇о барияог̇аахананд̇и жа вуд̇д̇аани. ид̇ха самбаж̇аанод̇иаад̣̇иго барамад̇т̇асун̃н̃анид̣̇д̣̇зсо бариниб̣б̣аанан̃аан̣анид̣̇д̣̇зсз ван̣н̣ид̇оязва.
Khantiādīsu nekkhammādīniyeva khamanato ruccanato khantīti, rocitāniyeva pavisitvā tiṭṭhanato adhiṭṭhānanti, pavisitvā ṭhitānaṃ yathārucimeva sevanato pariyogāhananti ca vuttāni. Idhasampajānotiādiko paramatthasuññaniddeso parinibbānañāṇaniddese vaṇṇitoyeva.
имзсу жа саб̣б̣зсу сун̃н̃зсу сан̇каарасун̃н̃ам̣ вибарин̣аамасун̃н̃ам̣ лагкан̣асун̃н̃ан̃жа яат̇аавуд̇д̇аанам̣ д̇хаммаанам̣ ан̃н̃аман̃н̃аасаммиссад̇аад̣̇ассанад̇т̇ам̣. яад̇т̇а бана агусалабагкигаанам̣ гусалабагкигзна сун̃н̃ад̇аа вуд̇д̇аа, д̇зна агусалз аад̣̇ийнавад̣̇ассанад̇т̇ам̣. яад̇т̇а бана гусалабагкигаанам̣ агусалабагкигзна сун̃н̃ад̇аа вуд̇д̇аа, д̇зна гусалз аанисам̣сад̣̇ассанад̇т̇ам̣. яад̇т̇а ад̇д̇ад̇д̇анияаад̣̇ийхи сун̃н̃ад̇аа вуд̇д̇аа, д̇ам̣ саб̣б̣асан̇каарзсу ниб̣б̣ид̣̇ааж̇ананад̇т̇ам̣. аг̇г̇асун̃н̃ам̣ барамад̇т̇асун̃н̃ан̃жа ниб̣б̣аанз уссаахаж̇ананад̇т̇ам̣ вуд̇д̇анд̇и взд̣̇ид̇аб̣б̣ам̣.
Imesu ca sabbesu suññesu saṅkhārasuññaṃ vipariṇāmasuññaṃ lakkhaṇasuññañca yathāvuttānaṃ dhammānaṃ aññamaññaasammissatādassanatthaṃ. Yattha pana akusalapakkhikānaṃ kusalapakkhikena suññatā vuttā, tena akusale ādīnavadassanatthaṃ. Yattha pana kusalapakkhikānaṃ akusalapakkhikena suññatā vuttā, tena kusale ānisaṃsadassanatthaṃ. Yattha attattaniyādīhi suññatā vuttā, taṃ sabbasaṅkhāresu nibbidājananatthaṃ. Aggasuññaṃ paramatthasuññañca nibbāne ussāhajananatthaṃ vuttanti veditabbaṃ.
д̇зсу аг̇г̇асун̃н̃ан̃жа барамад̇т̇асун̃н̃ан̃жаад̇и д̣̇вз сун̃н̃аани ад̇т̇ад̇о згамзва ниб̣б̣аанам̣ аг̇г̇абарамад̇т̇авасзна саубаад̣̇исзсаанубаад̣̇исзсавасзна жа д̣̇вид̇хаа гад̇ваа вуд̇д̇ам̣. д̇аани д̣̇вз ад̇д̇ад̇д̇анияасун̃н̃ад̇о сан̇каарасун̃н̃ад̇о жа сабхааг̇аани. ‘‘сун̃н̃асун̃н̃ам̣ аж̇жхад̇д̇асун̃н̃ам̣ б̣ахид̣̇д̇хаасун̃н̃ам̣ д̣̇убхад̇осун̃н̃ам̣ сабхааг̇асун̃н̃ам̣ висабхааг̇асун̃н̃а’’нд̇и имаани ча сун̃н̃аани сун̃н̃асун̃н̃амзва ход̇и. аж̇жхад̇д̇аад̣̇ибхзд̣̇ад̇о бана чад̇хаа вуд̇д̇аани. д̇аани ча жа ад̇д̇ад̇д̇анияаад̣̇исун̃н̃ад̇о сабхааг̇аани. сан̇кааравибарин̣аамалагкан̣асун̃н̃аани, вигкамбханад̇ад̣̇ан̇г̇асамужчзд̣̇абадиббассад̣̇д̇хиниссаран̣асун̃н̃аани, зсанаабариг̇г̇ахабадилаабхабадивзд̇хасун̃н̃аани, згад̇д̇анаанад̇д̇асун̃н̃аани, канд̇иад̇хидтаанабарияог̇ааханасун̃н̃аани жаад̇и сад̇д̇араса сун̃н̃аани ад̇д̇ани авиж̇ж̇амаанзхи д̇зхи д̇зхи д̇хаммзхи сун̃н̃ад̇д̇аа авиж̇ж̇амаанаанам̣ васзна висум̣ висум̣ вуд̇д̇аани. сан̇кааравибарин̣аамалагкан̣асун̃н̃аани бана ид̇арзна ид̇арзна асаммиссавасзна сабхааг̇аани, вигкамбханаад̣̇ийни бан̃жа гусалабагкзна сун̃н̃ад̇д̇аа сабхааг̇аани, зсанаад̣̇ийни жад̇д̇аари, канд̇иаад̣̇ийни жа д̇ийн̣и агусалабагкзна сун̃н̃ад̇д̇аа сабхааг̇аани, згад̇д̇анаанад̇д̇асун̃н̃аани ан̃н̃аман̃н̃абадибагкавасзна сабхааг̇аани.
Tesu aggasuññañca paramatthasuññañcāti dve suññāni atthato ekameva nibbānaṃ aggaparamatthavasena saupādisesaanupādisesavasena ca dvidhā katvā vuttaṃ. Tāni dve attattaniyasuññato saṅkhārasuññato ca sabhāgāni. ‘‘Suññasuññaṃ ajjhattasuññaṃ bahiddhāsuññaṃ dubhatosuññaṃ sabhāgasuññaṃ visabhāgasuñña’’nti imāni cha suññāni suññasuññameva hoti. Ajjhattādibhedato pana chadhā vuttāni. Tāni cha ca attattaniyādisuññato sabhāgāni. Saṅkhāravipariṇāmalakkhaṇasuññāni, vikkhambhanatadaṅgasamucchedapaṭippassaddhinissaraṇasuññāni, esanāpariggahapaṭilābhapaṭivedhasuññāni, ekattanānattasuññāni, khantiadhiṭṭhānapariyogāhanasuññāni cāti sattarasa suññāni attani avijjamānehi tehi tehi dhammehi suññattā avijjamānānaṃ vasena visuṃ visuṃ vuttāni. Saṅkhāravipariṇāmalakkhaṇasuññāni pana itarena itarena asammissavasena sabhāgāni, vikkhambhanādīni pañca kusalapakkhena suññattā sabhāgāni, esanādīni cattāri, khantiādīni ca tīṇi akusalapakkhena suññattā sabhāgāni, ekattanānattasuññāni aññamaññapaṭipakkhavasena sabhāgāni.
саб̣б̣з д̇хаммаа самаасзна, д̇ид̇хаа д̣̇взд̇хаа д̇ат̇згад̇хаа;
Sabbe dhammā samāsena, tidhā dvedhā tathekadhā;
сун̃н̃аад̇и сун̃н̃ад̇т̇авид̣̇уу, ван̣н̣аяанд̇ийд̇ха саасанз.
Suññāti suññatthavidū, vaṇṇayantīdha sāsane.
гат̇ам̣? саб̣б̣з д̇аава логияаа д̇хаммаа д̇хувасубхасукаад̇д̇авирахид̇ад̇д̇аа д̇хувасубхасукаад̇д̇асун̃н̃аа. маг̇г̇апалад̇хаммаа д̇хувасукад̇д̇авирахид̇ад̇д̇аа д̇хувасукад̇д̇асун̃н̃аа. анижжад̇д̇ааязва сукзна сун̃н̃аа. анаасавад̇д̇аа на субхзна сун̃н̃аа. ниб̣б̣аанад̇хаммо ад̇д̇ассзва абхаавад̇о ад̇д̇асун̃н̃о. логияалогуд̇д̇араа бана саб̣б̣зби сан̇кад̇аа д̇хаммаа сад̇д̇асса гассажи абхаавад̇о сад̇д̇асун̃н̃аа. асан̇кад̇о ниб̣б̣аанад̇хаммо д̇зсам̣ сан̇каараанамби абхаавад̇о сан̇каарасун̃н̃о. сан̇кад̇аасан̇кад̇аа бана саб̣б̣зби д̇хаммаа ад̇д̇асан̇каад̇асса буг̇г̇аласса абхаавад̇о ад̇д̇асун̃н̃аад̇и.
Kathaṃ? Sabbe tāva lokiyā dhammā dhuvasubhasukhaattavirahitattā dhuvasubhasukhaattasuññā. Maggaphaladhammā dhuvasukhattavirahitattā dhuvasukhattasuññā. Aniccattāyeva sukhena suññā. Anāsavattā na subhena suññā. Nibbānadhammo attasseva abhāvato attasuñño. Lokiyalokuttarā pana sabbepi saṅkhatā dhammā sattassa kassaci abhāvato sattasuññā. Asaṅkhato nibbānadhammo tesaṃ saṅkhārānampi abhāvato saṅkhārasuñño. Saṅkhatāsaṅkhatā pana sabbepi dhammā attasaṅkhātassa puggalassa abhāvato attasuññāti.
сад̣̇д̇хаммаббагаасинияаа бадисамбхид̣̇аамаг̇г̇аадтагат̇ааяа
Saddhammappakāsiniyā paṭisambhidāmaggaaṭṭhakathāya
сун̃н̃агат̇ааван̣н̣анаа нидтид̇аа.
Suññakathāvaṇṇanā niṭṭhitā.
яуг̇анад̣̇д̇хаваг̇г̇аван̣н̣анаа нидтид̇аа.
Yuganaddhavaggavaṇṇanā niṭṭhitā.
нидтид̇аа жа маж̇жхимаваг̇г̇асса абуб̣б̣ад̇т̇аануван̣н̣анаа.
Niṭṭhitā ca majjhimavaggassa apubbatthānuvaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 10. сун̃н̃агат̇аа • 10. Suññakathā
