| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๙. เอกูนวีสติมวโคฺค
19. Ekūnavīsatimavaggo
(๑๘๗) ๒. สุญฺญตากถา
(187) 2. Suññatākathā
๘๓๒. สุญฺญตา สงฺขารกฺขนฺธปริยาปนฺนาติ? อามนฺตาฯ อนิมิตฺตํ สงฺขารกฺขนฺธปริยาปนฺนนฺติ? น เหวํ วตฺตเพฺพ…เป.… สุญฺญตา สงฺขารกฺขนฺธปริยาปนฺนาติ? อามนฺตาฯ อปฺปณิหิโต สงฺขารกฺขนฺธปริยาปโนฺนติ? น เหวํ วตฺตเพฺพ…เป.… อนิมิตฺตํ น วตฺตพฺพํ – ‘‘สงฺขารกฺขนฺธปริยาปนฺน’’นฺติ? อามนฺตาฯ สุญฺญตา น วตฺตพฺพา – ‘‘สงฺขารกฺขนฺธปริยาปนฺนา’’ติ? น เหวํ วตฺตเพฺพ…เป.… อปฺปณิหิโต น วตฺตโพฺพ – ‘‘สงฺขารกฺขนฺธปริยาปโนฺน’’ติ? อามนฺตาฯ สุญฺญตา น วตฺตพฺพา – ‘‘สงฺขารกฺขนฺธปริยาปนฺนา’’ติ? น เหวํ วตฺตเพฺพ…เป.…ฯ
832. Suññatā saṅkhārakkhandhapariyāpannāti? Āmantā. Animittaṃ saṅkhārakkhandhapariyāpannanti? Na hevaṃ vattabbe…pe… suññatā saṅkhārakkhandhapariyāpannāti? Āmantā. Appaṇihito saṅkhārakkhandhapariyāpannoti? Na hevaṃ vattabbe…pe… animittaṃ na vattabbaṃ – ‘‘saṅkhārakkhandhapariyāpanna’’nti? Āmantā. Suññatā na vattabbā – ‘‘saṅkhārakkhandhapariyāpannā’’ti? Na hevaṃ vattabbe…pe… appaṇihito na vattabbo – ‘‘saṅkhārakkhandhapariyāpanno’’ti? Āmantā. Suññatā na vattabbā – ‘‘saṅkhārakkhandhapariyāpannā’’ti? Na hevaṃ vattabbe…pe….
สุญฺญตา สงฺขารกฺขนฺธปริยาปนฺนาติ? อามนฺตาฯ สงฺขารกฺขโนฺธ น อนิโจฺจ น สงฺขโต น ปฎิจฺจสมุปฺปโนฺน น ขยธโมฺม น วยธโมฺม น วิราคธโมฺม น นิโรธธโมฺม น วิปริณามธโมฺมติ? น เหวํ วตฺตเพฺพ…เป.… นนุ สงฺขารกฺขโนฺธ อนิโจฺจ สงฺขโต ปฎิจฺจสมุปฺปโนฺน ขยธโมฺม วยธโมฺม วิราคธโมฺม นิโรธธโมฺม วิปริณามธโมฺมติ? อามนฺตาฯ หญฺจิ สงฺขารกฺขโนฺธ อนิโจฺจ…เป.… วิปริณามธโมฺม , โน จ วต เร วตฺตเพฺพ – ‘‘สุญฺญตา สงฺขารกฺขนฺธปริยาปนฺนา’’ติฯ
Suññatā saṅkhārakkhandhapariyāpannāti? Āmantā. Saṅkhārakkhandho na anicco na saṅkhato na paṭiccasamuppanno na khayadhammo na vayadhammo na virāgadhammo na nirodhadhammo na vipariṇāmadhammoti? Na hevaṃ vattabbe…pe… nanu saṅkhārakkhandho anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammoti? Āmantā. Hañci saṅkhārakkhandho anicco…pe… vipariṇāmadhammo , no ca vata re vattabbe – ‘‘suññatā saṅkhārakkhandhapariyāpannā’’ti.
๘๓๓. รูปกฺขนฺธสฺส สุญฺญตา สงฺขารกฺขนฺธปริยาปนฺนาติ? อามนฺตาฯ สงฺขารกฺขนฺธสฺส สุญฺญตา รูปกฺขนฺธปริยาปนฺนาติ? น เหวํ วตฺตเพฺพ…เป.… เวทนากฺขนฺธสฺส…เป.… สญฺญากฺขนฺธสฺส… วิญฺญาณกฺขนฺธสฺส สุญฺญตา สงฺขารกฺขนฺธปริยาปนฺนาติ? อามนฺตาฯ สงฺขารกฺขนฺธสฺส สุญฺญตา วิญฺญาณกฺขนฺธปริยาปนฺนาติ? น เหวํ วตฺตเพฺพ…เป.…ฯ
833. Rūpakkhandhassa suññatā saṅkhārakkhandhapariyāpannāti? Āmantā. Saṅkhārakkhandhassa suññatā rūpakkhandhapariyāpannāti? Na hevaṃ vattabbe…pe… vedanākkhandhassa…pe… saññākkhandhassa… viññāṇakkhandhassa suññatā saṅkhārakkhandhapariyāpannāti? Āmantā. Saṅkhārakkhandhassa suññatā viññāṇakkhandhapariyāpannāti? Na hevaṃ vattabbe…pe….
สงฺขารกฺขนฺธสฺส สุญฺญตา น วตฺตพฺพา – ‘‘รูปกฺขนฺธปริยาปนฺนา’’ติ? อามนฺตาฯ รูปกฺขนฺธสฺส สุญฺญตา น วตฺตพฺพา – ‘‘สงฺขารกฺขนฺธปริยาปนฺนา’’ติ? น เหวํ วตฺตเพฺพ…เป.… สงฺขารกฺขนฺธสฺส สุญฺญตา น วตฺตพฺพา – ‘‘เวทนากฺขนฺธปริยาปนฺนา…เป.… สญฺญากฺขนฺธปริยาปนฺนา… วิญฺญาณกฺขนฺธปริยาปนฺนา’’ติ? อามนฺตาฯ วิญฺญาณกฺขนฺธสฺส สุญฺญตา น วตฺตพฺพา – ‘‘สงฺขารกฺขนฺธปริยาปนฺนา’’ติ? น เหวํ วตฺตเพฺพ…เป.…ฯ
Saṅkhārakkhandhassa suññatā na vattabbā – ‘‘rūpakkhandhapariyāpannā’’ti? Āmantā. Rūpakkhandhassa suññatā na vattabbā – ‘‘saṅkhārakkhandhapariyāpannā’’ti? Na hevaṃ vattabbe…pe… saṅkhārakkhandhassa suññatā na vattabbā – ‘‘vedanākkhandhapariyāpannā…pe… saññākkhandhapariyāpannā… viññāṇakkhandhapariyāpannā’’ti? Āmantā. Viññāṇakkhandhassa suññatā na vattabbā – ‘‘saṅkhārakkhandhapariyāpannā’’ti? Na hevaṃ vattabbe…pe….
๘๓๔. น วตฺตพฺพํ – สุญฺญตา สงฺขารกฺขนฺธปริยาปนฺนา’’ติ? อามนฺตาฯ นนุ วุตฺตํ ภควตา – ‘‘สุญฺญมิทํ, ภิกฺขเว, สงฺขารา อเตฺตน วา อตฺตนิเยน วา’’ติ 1! อเตฺถว สุตฺตโนฺตติ? อามนฺตาฯ เตน หิ สุญฺญตา สงฺขารกฺขนฺธปริยาปนฺนาติฯ
834. Na vattabbaṃ – suññatā saṅkhārakkhandhapariyāpannā’’ti? Āmantā. Nanu vuttaṃ bhagavatā – ‘‘suññamidaṃ, bhikkhave, saṅkhārā attena vā attaniyena vā’’ti 2! Attheva suttantoti? Āmantā. Tena hi suññatā saṅkhārakkhandhapariyāpannāti.
สุญฺญตากถา นิฎฺฐิตาฯ
Suññatākathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. สุญฺญตกถาวณฺณนา • 2. Suññatakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๒. สุญฺญตกถาวณฺณนา • 2. Suññatakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๒. สุญฺญตกถาวณฺณนา • 2. Suññatakathāvaṇṇanā
