| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. сун̃н̃ад̇агат̇ааван̣н̣анаа
2. Suññatakathāvaṇṇanā
832. ид̣̇аани сун̃н̃ад̇агат̇аа наама ход̇и. д̇ад̇т̇а сун̃н̃ад̇аад̇и д̣̇вз сун̃н̃ад̇аа канд̇хаанан̃жа анад̇д̇алагкан̣ам̣ ниб̣б̣аанан̃жа. д̇зсу анад̇д̇алагкан̣ам̣ д̇аава згажжам̣ згзна барияааязна сияаа сан̇каарагканд̇хабарияаабаннам̣, ниб̣б̣аанам̣, абарияаабаннамзва. имам̣ бана вибхааг̇ам̣ аг̇г̇ахзд̇ваа ‘‘сун̃н̃ад̇аа сан̇каарагканд̇хабарияаабаннаа’’д̇и язсам̣ лад̣̇д̇хи, сзяяат̇ааби анд̇хагаанам̣, д̇з санд̇хааяа бужчаа сагаваад̣̇исса, бадин̃н̃аа ид̇арасса. анимид̇д̇анд̇и саб̣б̣анимид̇д̇арахид̇ам̣ ниб̣б̣аанам̣. ‘‘аббан̣ихид̇о’’д̇иби д̇ассзва наамам̣. гасмаа банзд̇ам̣ аабхад̇анд̇и? авибхаж̇ж̇аваад̣̇ийваад̣̇з д̣̇осааробанад̇т̇ам̣. яасса хи авибхаж̇ид̇ваа ‘‘згад̣̇зсзнзва сун̃н̃ад̇аа сан̇каарагканд̇хабарияаабаннаа’’д̇и лад̣̇д̇хи, д̇асса ниб̣б̣аанамби сан̇каарагканд̇хабарияаабаннанд̇и аабаж̇ж̇ад̇и. имасса д̣̇осассааробанад̇т̇ам̣ ‘‘анимид̇д̇ам̣ аббан̣ихид̇а’’нд̇и аабхад̇ам̣. ид̇аро д̇асса барияаабаннабхаавам̣ анижчанд̇о бадигкибад̇и. сан̇каарагканд̇хо на анижжод̇иаад̣̇и ниб̣б̣аанасан̇каад̇ааяа сун̃н̃ад̇ааяа анижжабхааваабад̇д̇ид̣̇осад̣̇ассанад̇т̇ам̣ вуд̇д̇ам̣.
832. Idāni suññatakathā nāma hoti. Tattha suññatāti dve suññatā khandhānañca anattalakkhaṇaṃ nibbānañca. Tesu anattalakkhaṇaṃ tāva ekaccaṃ ekena pariyāyena siyā saṅkhārakkhandhapariyāpannaṃ, nibbānaṃ, apariyāpannameva. Imaṃ pana vibhāgaṃ aggahetvā ‘‘suññatā saṅkhārakkhandhapariyāpannā’’ti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Animittanti sabbanimittarahitaṃ nibbānaṃ. ‘‘Appaṇihito’’tipi tasseva nāmaṃ. Kasmā panetaṃ ābhatanti? Avibhajjavādīvāde dosāropanatthaṃ. Yassa hi avibhajitvā ‘‘ekadeseneva suññatā saṅkhārakkhandhapariyāpannā’’ti laddhi, tassa nibbānampi saṅkhārakkhandhapariyāpannanti āpajjati. Imassa dosassāropanatthaṃ ‘‘animittaṃ appaṇihita’’nti ābhataṃ. Itaro tassa pariyāpannabhāvaṃ anicchanto paṭikkhipati. Saṅkhārakkhandho na aniccotiādi nibbānasaṅkhātāya suññatāya aniccabhāvāpattidosadassanatthaṃ vuttaṃ.
833. сан̇каарагканд̇хасса сун̃н̃ад̇аад̇и ‘‘яад̣̇и ан̃н̃асса канд̇хасса сун̃н̃ад̇аа ан̃н̃агканд̇хабарияаабаннаа, сан̇каарагканд̇хасун̃н̃ад̇ааяаби сзсагканд̇хабарияаабаннааяа бхавид̇аб̣б̣а’’нд̇и жод̣̇анад̇т̇ам̣ вуд̇д̇ам̣. сан̇каарагканд̇хасса сун̃н̃ад̇аа на вад̇д̇аб̣б̣аад̇иаад̣̇и ‘‘яад̣̇и сан̇каарагканд̇хасун̃н̃ад̇аа сзсагканд̇хабарияаабаннаа на ход̇и, сзсагканд̇хасун̃н̃ад̇ааби сан̇каарагканд̇хабарияаабаннаа на ход̇ий’’д̇и бадиломад̣̇ассанад̇т̇ам̣ вуд̇д̇ам̣.
833. Saṅkhārakkhandhassa suññatāti ‘‘yadi aññassa khandhassa suññatā aññakkhandhapariyāpannā, saṅkhārakkhandhasuññatāyapi sesakkhandhapariyāpannāya bhavitabba’’nti codanatthaṃ vuttaṃ. Saṅkhārakkhandhassa suññatā na vattabbātiādi ‘‘yadi saṅkhārakkhandhasuññatā sesakkhandhapariyāpannā na hoti, sesakkhandhasuññatāpi saṅkhārakkhandhapariyāpannā na hotī’’ti paṭilomadassanatthaṃ vuttaṃ.
834. сун̃н̃амид̣̇ам̣, бхигкавз, сан̇каараад̇и суд̇д̇ам̣ барасамаяад̇о аабхад̇ам̣. д̇ад̇т̇а сан̇каараад̇и ‘‘саб̣б̣з сан̇каараа анижжаа’’д̇и ааг̇ад̇адтаанз вияа бан̃жагканд̇хаа, д̇з жа ад̇д̇ад̇д̇анияасун̃н̃ад̇д̇аа сун̃н̃ад̇аад̇и саасанааважарам̣ ход̇и, на вируж̇жхад̇и, д̇асмаа анун̃н̃аад̇ам̣. яасмаа банзд̇ам̣ на сун̃н̃ад̇ааяа сан̇каарагканд̇хабарияаабаннабхаавам̣ д̣̇ийбзд̇и, д̇асмаа асаад̇хаганд̇и.
834. Suññamidaṃ, bhikkhave, saṅkhārāti suttaṃ parasamayato ābhataṃ. Tattha saṅkhārāti ‘‘sabbe saṅkhārā aniccā’’ti āgataṭṭhāne viya pañcakkhandhā, te ca attattaniyasuññattā suññatāti sāsanāvacaraṃ hoti, na virujjhati, tasmā anuññātaṃ. Yasmā panetaṃ na suññatāya saṅkhārakkhandhapariyāpannabhāvaṃ dīpeti, tasmā asādhakanti.
сун̃н̃ад̇агат̇ааван̣н̣анаа.
Suññatakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (187) 2. сун̃н̃ад̇аагат̇аа • (187) 2. Suññatākathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. сун̃н̃ад̇агат̇ааван̣н̣анаа • 2. Suññatakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. сун̃н̃ад̇агат̇ааван̣н̣анаа • 2. Suññatakathāvaṇṇanā
