| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. ஸுஞ்ஞதலோகஸுத்தங்
2. Suññatalokasuttaṃ
85. அத² கோ² ஆயஸ்மா ஆனந்தோ³…பே॰… ப⁴க³வந்தங் ஏதத³வோச – ‘‘‘ஸுஞ்ஞோ லோகோ, ஸுஞ்ஞோ லோகோ’தி, ப⁴ந்தே, வுச்சதி. கித்தாவதா நு கோ², ப⁴ந்தே, ஸுஞ்ஞோ லோகோதி வுச்சதீ’’தி? ‘‘யஸ்மா ச கோ², ஆனந்த³, ஸுஞ்ஞங் அத்தேன வா அத்தனியேன வா தஸ்மா ஸுஞ்ஞோ லோகோதி வுச்சதி. கிஞ்ச, ஆனந்த³, ஸுஞ்ஞங் அத்தேன வா அத்தனியேன வா? சக்கு² கோ², ஆனந்த³, ஸுஞ்ஞங் அத்தேன வா அத்தனியேன வா. ரூபா ஸுஞ்ஞா அத்தேன வா அத்தனியேன வா, சக்கு²விஞ்ஞாணங் ஸுஞ்ஞங் அத்தேன வா அத்தனியேன வா, சக்கு²ஸம்ப²ஸ்ஸோ ஸுஞ்ஞோ அத்தேன வா அத்தனியேன வா…பே॰… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி ஸுஞ்ஞங் அத்தேன வா அத்தனியேன வா. யஸ்மா ச கோ², ஆனந்த³, ஸுஞ்ஞங் அத்தேன வா அத்தனியேன வா, தஸ்மா ஸுஞ்ஞோ லோகோதி வுச்சதீ’’தி. து³தியங்.
85. Atha kho āyasmā ānando…pe… bhagavantaṃ etadavoca – ‘‘‘suñño loko, suñño loko’ti, bhante, vuccati. Kittāvatā nu kho, bhante, suñño lokoti vuccatī’’ti? ‘‘Yasmā ca kho, ānanda, suññaṃ attena vā attaniyena vā tasmā suñño lokoti vuccati. Kiñca, ānanda, suññaṃ attena vā attaniyena vā? Cakkhu kho, ānanda, suññaṃ attena vā attaniyena vā. Rūpā suññā attena vā attaniyena vā, cakkhuviññāṇaṃ suññaṃ attena vā attaniyena vā, cakkhusamphasso suñño attena vā attaniyena vā…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi suññaṃ attena vā attaniyena vā. Yasmā ca kho, ānanda, suññaṃ attena vā attaniyena vā, tasmā suñño lokoti vuccatī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. ஸுஞ்ஞதலோகஸுத்தவண்ணனா • 2. Suññatalokasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. ஸுஞ்ஞதலோகஸுத்தவண்ணனா • 2. Suññatalokasuttavaṇṇanā
