| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. сун̃н̃ад̇алогасуд̇д̇ам̣
2. Suññatalokasuttaṃ
85. ат̇а ко ааяасмаа аананд̣̇о…бз… бхаг̇аванд̇ам̣ зд̇ад̣̇авожа – ‘‘‘сун̃н̃о лого, сун̃н̃о лого’д̇и, бханд̇з, вужжад̇и. гид̇д̇аавад̇аа ну ко, бханд̇з, сун̃н̃о логод̇и вужжад̇ий’’д̇и? ‘‘яасмаа жа ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа д̇асмаа сун̃н̃о логод̇и вужжад̇и. гин̃жа, аананд̣̇а, сун̃н̃ам̣ ад̇д̇зна ваа ад̇д̇аниязна ваа? жагку ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа. руубаа сун̃н̃аа ад̇д̇зна ваа ад̇д̇аниязна ваа, жагкувин̃н̃аан̣ам̣ сун̃н̃ам̣ ад̇д̇зна ваа ад̇д̇аниязна ваа, жагкусампассо сун̃н̃о ад̇д̇зна ваа ад̇д̇аниязна ваа…бз… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби сун̃н̃ам̣ ад̇д̇зна ваа ад̇д̇аниязна ваа. яасмаа жа ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа, д̇асмаа сун̃н̃о логод̇и вужжад̇ий’’д̇и. д̣̇уд̇ияам̣.
85. Atha kho āyasmā ānando…pe… bhagavantaṃ etadavoca – ‘‘‘suñño loko, suñño loko’ti, bhante, vuccati. Kittāvatā nu kho, bhante, suñño lokoti vuccatī’’ti? ‘‘Yasmā ca kho, ānanda, suññaṃ attena vā attaniyena vā tasmā suñño lokoti vuccati. Kiñca, ānanda, suññaṃ attena vā attaniyena vā? Cakkhu kho, ānanda, suññaṃ attena vā attaniyena vā. Rūpā suññā attena vā attaniyena vā, cakkhuviññāṇaṃ suññaṃ attena vā attaniyena vā, cakkhusamphasso suñño attena vā attaniyena vā…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi suññaṃ attena vā attaniyena vā. Yasmā ca kho, ānanda, suññaṃ attena vā attaniyena vā, tasmā suñño lokoti vuccatī’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. сун̃н̃ад̇алогасуд̇д̇аван̣н̣анаа • 2. Suññatalokasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. сун̃н̃ад̇алогасуд̇д̇аван̣н̣анаа • 2. Suññatalokasuttavaṇṇanā
