| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. සුඤ්‌ඤතලොකසුත්‌තං
2. Suññatalokasuttaṃ
85. අථ ඛො ආයස්‌මා ආනන්‌දො…පෙ.… භගවන්‌තං එතදවොච – ‘‘‘සුඤ්‌ඤො ලොකො, සුඤ්‌ඤො ලොකො’ති, භන්‌තෙ, වුච්‌චති. කිත්‌තාවතා නු ඛො, භන්‌තෙ, සුඤ්‌ඤො ලොකොති වුච්‌චතී’’ති? ‘‘යස්‌මා ච ඛො, ආනන්‌ද, සුඤ්‌ඤං අත්‌තෙන වා අත්‌තනියෙන වා තස්‌මා සුඤ්‌ඤො ලොකොති වුච්‌චති. කිඤ්‌ච, ආනන්‌ද, සුඤ්‌ඤං අත්‌තෙන වා අත්‌තනියෙන වා? චක්‌ඛු ඛො, ආනන්‌ද, සුඤ්‌ඤං අත්‌තෙන වා අත්‌තනියෙන වා. රූපා සුඤ්‌ඤා අත්‌තෙන වා අත්‌තනියෙන වා, චක්‌ඛුවිඤ්‌ඤාණං සුඤ්‌ඤං අත්‌තෙන වා අත්‌තනියෙන වා, චක්‌ඛුසම්‌ඵස්‌සො සුඤ්‌ඤො අත්‌තෙන වා අත්‌තනියෙන වා…පෙ.… යම්‌පිදං මනොසම්‌ඵස්‌සපච්‌චයා උප්‌පජ්‌ජති වෙදයිතං සුඛං වා දුක්‌ඛං වා අදුක්‌ඛමසුඛං වා තම්‌පි සුඤ්‌ඤං අත්‌තෙන වා අත්‌තනියෙන වා. යස්‌මා ච ඛො, ආනන්‌ද, සුඤ්‌ඤං අත්‌තෙන වා අත්‌තනියෙන වා, තස්‌මා සුඤ්‌ඤො ලොකොති වුච්‌චතී’’ති. දුතියං.
85. Atha kho āyasmā ānando…pe… bhagavantaṃ etadavoca – ‘‘‘suñño loko, suñño loko’ti, bhante, vuccati. Kittāvatā nu kho, bhante, suñño lokoti vuccatī’’ti? ‘‘Yasmā ca kho, ānanda, suññaṃ attena vā attaniyena vā tasmā suñño lokoti vuccati. Kiñca, ānanda, suññaṃ attena vā attaniyena vā? Cakkhu kho, ānanda, suññaṃ attena vā attaniyena vā. Rūpā suññā attena vā attaniyena vā, cakkhuviññāṇaṃ suññaṃ attena vā attaniyena vā, cakkhusamphasso suñño attena vā attaniyena vā…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi suññaṃ attena vā attaniyena vā. Yasmā ca kho, ānanda, suññaṃ attena vā attaniyena vā, tasmā suñño lokoti vuccatī’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. සුඤ්‌ඤතලොකසුත්‌තවණ්‌ණනා • 2. Suññatalokasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. සුඤ්‌ඤතලොකසුත්‌තවණ්‌ණනා • 2. Suññatalokasuttavaṇṇanā
