| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
сун̃н̃ад̇авааро
Suññatavāro
121-145. ид̣̇аани д̇асмим̣ ко бана самаяз д̇хаммаа хонд̇ийд̇и сун̃н̃ад̇авааро аарад̣̇д̇хо. со уд̣̇д̣̇зсанид̣̇д̣̇зсавасзна д̣̇вид̇хаа вавад̇т̇ид̇о. д̇ад̇т̇а уд̣̇д̣̇зсаваарз ‘д̇хаммаа хонд̇ий’д̇и иминаа сад̣̇д̇хим̣ жад̇увийсад̇и годтаасаа хонд̇и. саб̣б̣агодтаасзсу жа ‘жад̇д̇ааро д̣̇вз д̇аяо’д̇и г̇ан̣анабарижчзд̣̇о на вуд̇д̇о. гасмаа? сан̇г̇ахаваарз барижчиннад̇д̇аа. д̇ад̇т̇а барижчиннад̇хаммааязва хи ид̇хааби вуд̇д̇аа. на хзд̇т̇а сад̇д̇о ваа бхааво ваа ад̇д̇аа ваа убалаб̣бхад̇и. д̇хаммаава зд̇з д̇хаммамад̇д̇аа асаараа абарин̣ааяагаад̇и имиссаа сун̃н̃ад̇ааяа д̣̇ийбанад̇т̇ам̣ вуд̇д̇аа. д̇асмаа звамзд̇т̇а ад̇т̇о взд̣̇ид̇аб̣б̣о – яасмим̣ самаяз гаамааважарам̣ батамам̣ махаагусалажид̇д̇ам̣ уббаж̇ж̇ад̇и, д̇асмим̣ самаяз жид̇д̇ан̇г̇авасзна уббаннаа ад̇ирзгабан̣н̣аасад̇хаммаа сабхаавадтзна д̇хаммаа зва хонд̇и. на ан̃н̃о гожи сад̇д̇о ваа бхааво ваа босо ваа буг̇г̇ало ваа ход̇ийд̇и. д̇ат̇аа раасадтзна канд̇хаава хонд̇ийд̇и. звам̣ буриманаязнзва саб̣б̣абад̣̇зсу ад̇т̇аяож̇анаа взд̣̇ид̇аб̣б̣аа. яасмаа бана жхаанад̇о ан̃н̃ам̣ жхаанан̇г̇ам̣, маг̇г̇ад̇о ваа ан̃н̃ам̣ маг̇г̇ан̇г̇ам̣ над̇т̇и, д̇асмаа ид̇ха ‘жхаанам̣ ход̇и, маг̇г̇о ход̇и’ ижжзва вуд̇д̇ам̣. убаниж̇жхааяанадтзна хи жхаанамзва хзд̇вадтзна маг̇г̇ова ход̇и. на ан̃н̃о гожи сад̇д̇о ваа бхааво ваад̇и. звам̣ саб̣б̣абад̣̇зсу ад̇т̇аяож̇анаа гаад̇аб̣б̣аа. нид̣̇д̣̇зсавааро уд̇д̇аанад̇т̇оязваад̇и.
121-145. Idāni tasmiṃ kho pana samaye dhammā hontīti suññatavāro āraddho. So uddesaniddesavasena dvidhā vavatthito. Tattha uddesavāre ‘dhammā hontī’ti iminā saddhiṃ catuvīsati koṭṭhāsā honti. Sabbakoṭṭhāsesu ca ‘cattāro dve tayo’ti gaṇanaparicchedo na vutto. Kasmā? Saṅgahavāre paricchinnattā. Tattha paricchinnadhammāyeva hi idhāpi vuttā. Na hettha satto vā bhāvo vā attā vā upalabbhati. Dhammāva ete dhammamattā asārā apariṇāyakāti imissā suññatāya dīpanatthaṃ vuttā. Tasmā evamettha attho veditabbo – yasmiṃ samaye kāmāvacaraṃ paṭhamaṃ mahākusalacittaṃ uppajjati, tasmiṃ samaye cittaṅgavasena uppannā atirekapaṇṇāsadhammā sabhāvaṭṭhena dhammā eva honti. Na añño koci satto vā bhāvo vā poso vā puggalo vā hotīti. Tathā rāsaṭṭhena khandhāva hontīti. Evaṃ purimanayeneva sabbapadesu atthayojanā veditabbā. Yasmā pana jhānato aññaṃ jhānaṅgaṃ, maggato vā aññaṃ maggaṅgaṃ natthi, tasmā idha ‘jhānaṃ hoti, maggo hoti’ icceva vuttaṃ. Upanijjhāyanaṭṭhena hi jhānameva hetvaṭṭhena maggova hoti. Na añño koci satto vā bhāvo vāti. Evaṃ sabbapadesu atthayojanā kātabbā. Niddesavāro uttānatthoyevāti.
сун̃н̃ад̇авааро нидтид̇о.
Suññatavāro niṭṭhito.
нидтид̇аа жа д̇ийхи махааваарзхи ман̣д̣зд̇ваа нид̣̇д̣̇идтасса
Niṭṭhitā ca tīhi mahāvārehi maṇḍetvā niddiṭṭhassa
батамажид̇д̇асса ад̇т̇аван̣н̣анаа.
Paṭhamacittassa atthavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / гаамааважарагусалам̣ • Kāmāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / сун̃н̃ад̇аваараван̣н̣анаа • Suññatavāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / сун̃н̃ад̇аваараад̣̇иван̣н̣анаа • Suññatavārādivaṇṇanā
