| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. ஸுபண்ணஸங்யுத்தவண்ணனா
9. Supaṇṇasaṃyuttavaṇṇanā
392-437. ஸுபண்ணஸங்யுத்தே பத்தானங் வண்ணவந்ததாய க³ருளா ஸுபண்ணாதி வுத்தா. இதா⁴பி பட²மஸுத்தங் புரிமனயேனேவ அட்டு²ப்பத்தியங் வுத்தங். ஹரந்தீதி உத்³த⁴ரந்தி. உத்³த⁴ரமானா ச பன தே அத்தனா ஹீனே வா ஸமே வா உத்³த⁴ரிதுங் ஸக்கொந்தி, ந அத்தனா பணீததரே. ஸத்தவிதா⁴ ஹி அனுத்³த⁴ரணீயனாகா³ நாம பணீததரா கம்ப³லஸ்ஸதரா த⁴தரட்டா² ஸத்தஸீத³ந்தரவாஸினோ பத²விட்ட²கா பப்³ப³தட்ட²கா விமானட்ட²காதி. தத்ர அண்ட³ஜாதீ³னங் ஜலாபு³ஜாத³யோ பணீததரா , தே தேஹி அனுத்³த⁴ரணீயா. கம்ப³லஸ்ஸதரா பன நாக³ஸேனாபதினோ, தே யத்த² கத்த²சி தி³ஸ்வா யோ கோசி ஸுபண்ணோ உத்³த⁴ரிதுங் ந ஸக்கோதி. த⁴தரட்டா² பன நாக³ராஜானோ, தேபி கோசி உத்³த⁴ரிதுங் ந ஸக்கோதி. யே பன ஸத்தஸீத³ந்தரே மஹாஸமுத்³தே³ வஸந்தி, தே யஸ்மா கத்த²சி விகம்பனங் காதுங் ந ஸக்கா, தஸ்மா கோசி உத்³த⁴ரிதுங் ந ஸக்கோதி. பத²விட்ட²காதீ³னங் நிலீயனோகாஸோ அத்தி², தஸ்மா தேபி உத்³த⁴ரிதுங் ந ஸக்கோதி. யே பன மஹாஸமுத்³தே³ ஊமிபிட்டே² வஸந்தி, தே யோ கோசி ஸமோ வா பணீததரோ வா ஸுபண்ணோ உத்³த⁴ரிதுங் ஸக்கோதி. ஸேஸங் நாக³ஸங்யுத்தே வுத்தனயமேவாதி.
392-437. Supaṇṇasaṃyutte pattānaṃ vaṇṇavantatāya garuḷā supaṇṇāti vuttā. Idhāpi paṭhamasuttaṃ purimanayeneva aṭṭhuppattiyaṃ vuttaṃ. Harantīti uddharanti. Uddharamānā ca pana te attanā hīne vā same vā uddharituṃ sakkonti, na attanā paṇītatare. Sattavidhā hi anuddharaṇīyanāgā nāma paṇītatarā kambalassatarā dhataraṭṭhā sattasīdantaravāsino pathaviṭṭhakā pabbataṭṭhakā vimānaṭṭhakāti. Tatra aṇḍajādīnaṃ jalābujādayo paṇītatarā , te tehi anuddharaṇīyā. Kambalassatarā pana nāgasenāpatino, te yattha katthaci disvā yo koci supaṇṇo uddharituṃ na sakkoti. Dhataraṭṭhā pana nāgarājāno, tepi koci uddharituṃ na sakkoti. Ye pana sattasīdantare mahāsamudde vasanti, te yasmā katthaci vikampanaṃ kātuṃ na sakkā, tasmā koci uddharituṃ na sakkoti. Pathaviṭṭhakādīnaṃ nilīyanokāso atthi, tasmā tepi uddharituṃ na sakkoti. Ye pana mahāsamudde ūmipiṭṭhe vasanti, te yo koci samo vā paṇītataro vā supaṇṇo uddharituṃ sakkoti. Sesaṃ nāgasaṃyutte vuttanayamevāti.
ஸுபண்ணஸங்யுத்தவண்ணனா நிட்டி²தா.
Supaṇṇasaṃyuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. ஸுத்³தி⁴கஸுத்தங் • 1. Suddhikasuttaṃ
2. ஹரந்திஸுத்தங் • 2. Harantisuttaṃ
3. த்³வயகாரீஸுத்தங் • 3. Dvayakārīsuttaṃ
4-6. து³தியாதி³த்³வயகாரீஸுத்தத்திகங் • 4-6. Dutiyādidvayakārīsuttattikaṃ
7-16. அண்ட³ஜதா³னூபகாரஸுத்தத³ஸகங் • 7-16. Aṇḍajadānūpakārasuttadasakaṃ
17-46. ஜலாபு³ஜாதி³தா³னூபகாரஸுத்ததிங்ஸகங் • 17-46. Jalābujādidānūpakārasuttatiṃsakaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. ஸுபண்ணஸங்யுத்தவண்ணனா • 9. Supaṇṇasaṃyuttavaṇṇanā
