| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. субан̣н̣асам̣яуд̇д̇аван̣н̣анаа
9. Supaṇṇasaṃyuttavaṇṇanā
392-437. субан̣н̣асам̣яуд̇д̇з бад̇д̇аанам̣ ван̣н̣аванд̇ад̇ааяа г̇арул̣аа субан̣н̣аад̇и вуд̇д̇аа. ид̇хааби батамасуд̇д̇ам̣ буриманаязнзва адтуббад̇д̇ияам̣ вуд̇д̇ам̣. харанд̇ийд̇и уд̣̇д̇харанд̇и. уд̣̇д̇харамаанаа жа бана д̇з ад̇д̇анаа хийнз ваа самз ваа уд̣̇д̇харид̇ум̣ саггонд̇и, на ад̇д̇анаа бан̣ийд̇ад̇арз. сад̇д̇авид̇хаа хи ануд̣̇д̇харан̣ийяанааг̇аа наама бан̣ийд̇ад̇араа гамб̣алассад̇араа д̇хад̇арадтаа сад̇д̇асийд̣̇анд̇араваасино бат̇авидтагаа баб̣б̣ад̇адтагаа вимаанадтагаад̇и. д̇ад̇ра ан̣д̣аж̇аад̣̇ийнам̣ ж̇алааб̣уж̇аад̣̇аяо бан̣ийд̇ад̇араа , д̇з д̇зхи ануд̣̇д̇харан̣ийяаа. гамб̣алассад̇араа бана нааг̇асзнаабад̇ино, д̇з яад̇т̇а гад̇т̇ажи д̣̇исваа яо гожи субан̣н̣о уд̣̇д̇харид̇ум̣ на саггод̇и. д̇хад̇арадтаа бана нааг̇арааж̇аано, д̇зби гожи уд̣̇д̇харид̇ум̣ на саггод̇и. яз бана сад̇д̇асийд̣̇анд̇арз махаасамуд̣̇д̣̇з васанд̇и, д̇з яасмаа гад̇т̇ажи вигамбанам̣ гаад̇ум̣ на саггаа, д̇асмаа гожи уд̣̇д̇харид̇ум̣ на саггод̇и. бат̇авидтагаад̣̇ийнам̣ нилийяаногаасо ад̇т̇и, д̇асмаа д̇зби уд̣̇д̇харид̇ум̣ на саггод̇и. яз бана махаасамуд̣̇д̣̇з уумибидтз васанд̇и, д̇з яо гожи само ваа бан̣ийд̇ад̇аро ваа субан̣н̣о уд̣̇д̇харид̇ум̣ саггод̇и. сзсам̣ нааг̇асам̣яуд̇д̇з вуд̇д̇анаяамзваад̇и.
392-437. Supaṇṇasaṃyutte pattānaṃ vaṇṇavantatāya garuḷā supaṇṇāti vuttā. Idhāpi paṭhamasuttaṃ purimanayeneva aṭṭhuppattiyaṃ vuttaṃ. Harantīti uddharanti. Uddharamānā ca pana te attanā hīne vā same vā uddharituṃ sakkonti, na attanā paṇītatare. Sattavidhā hi anuddharaṇīyanāgā nāma paṇītatarā kambalassatarā dhataraṭṭhā sattasīdantaravāsino pathaviṭṭhakā pabbataṭṭhakā vimānaṭṭhakāti. Tatra aṇḍajādīnaṃ jalābujādayo paṇītatarā , te tehi anuddharaṇīyā. Kambalassatarā pana nāgasenāpatino, te yattha katthaci disvā yo koci supaṇṇo uddharituṃ na sakkoti. Dhataraṭṭhā pana nāgarājāno, tepi koci uddharituṃ na sakkoti. Ye pana sattasīdantare mahāsamudde vasanti, te yasmā katthaci vikampanaṃ kātuṃ na sakkā, tasmā koci uddharituṃ na sakkoti. Pathaviṭṭhakādīnaṃ nilīyanokāso atthi, tasmā tepi uddharituṃ na sakkoti. Ye pana mahāsamudde ūmipiṭṭhe vasanti, te yo koci samo vā paṇītataro vā supaṇṇo uddharituṃ sakkoti. Sesaṃ nāgasaṃyutte vuttanayamevāti.
субан̣н̣асам̣яуд̇д̇аван̣н̣анаа нидтид̇аа.
Supaṇṇasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. суд̣̇д̇хигасуд̇д̇ам̣ • 1. Suddhikasuttaṃ
2. харанд̇исуд̇д̇ам̣ • 2. Harantisuttaṃ
3. д̣̇ваяагаарийсуд̇д̇ам̣ • 3. Dvayakārīsuttaṃ
4-6. д̣̇уд̇ияаад̣̇ид̣̇ваяагаарийсуд̇д̇ад̇д̇игам̣ • 4-6. Dutiyādidvayakārīsuttattikaṃ
7-16. ан̣д̣аж̇ад̣̇аануубагаарасуд̇д̇ад̣̇асагам̣ • 7-16. Aṇḍajadānūpakārasuttadasakaṃ
17-46. ж̇алааб̣уж̇аад̣̇ид̣̇аануубагаарасуд̇д̇ад̇им̣сагам̣ • 17-46. Jalābujādidānūpakārasuttatiṃsakaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. субан̣н̣асам̣яуд̇д̇аван̣н̣анаа • 9. Supaṇṇasaṃyuttavaṇṇanā
