| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
९. सुपण्णसंयुत्तवण्णना
9. Supaṇṇasaṃyuttavaṇṇanā
३९२-४३७. सुपण्णसंयुत्ते पत्तानं वण्णवन्तताय गरुळा सुपण्णाति वुत्ता। इधापि पठमसुत्तं पुरिमनयेनेव अट्ठुप्पत्तियं वुत्तं। हरन्तीति उद्धरन्ति। उद्धरमाना च पन ते अत्तना हीने वा समे वा उद्धरितुं सक्कोन्ति, न अत्तना पणीततरे। सत्तविधा हि अनुद्धरणीयनागा नाम पणीततरा कम्बलस्सतरा धतरट्ठा सत्तसीदन्तरवासिनो पथविट्ठका पब्बतट्ठका विमानट्ठकाति। तत्र अण्डजादीनं जलाबुजादयो पणीततरा , ते तेहि अनुद्धरणीया। कम्बलस्सतरा पन नागसेनापतिनो, ते यत्थ कत्थचि दिस्वा यो कोचि सुपण्णो उद्धरितुं न सक्कोति। धतरट्ठा पन नागराजानो, तेपि कोचि उद्धरितुं न सक्कोति। ये पन सत्तसीदन्तरे महासमुद्दे वसन्ति, ते यस्मा कत्थचि विकम्पनं कातुं न सक्का, तस्मा कोचि उद्धरितुं न सक्कोति। पथविट्ठकादीनं निलीयनोकासो अत्थि, तस्मा तेपि उद्धरितुं न सक्कोति। ये पन महासमुद्दे ऊमिपिट्ठे वसन्ति, ते यो कोचि समो वा पणीततरो वा सुपण्णो उद्धरितुं सक्कोति। सेसं नागसंयुत्ते वुत्तनयमेवाति।
392-437. Supaṇṇasaṃyutte pattānaṃ vaṇṇavantatāya garuḷā supaṇṇāti vuttā. Idhāpi paṭhamasuttaṃ purimanayeneva aṭṭhuppattiyaṃ vuttaṃ. Harantīti uddharanti. Uddharamānā ca pana te attanā hīne vā same vā uddharituṃ sakkonti, na attanā paṇītatare. Sattavidhā hi anuddharaṇīyanāgā nāma paṇītatarā kambalassatarā dhataraṭṭhā sattasīdantaravāsino pathaviṭṭhakā pabbataṭṭhakā vimānaṭṭhakāti. Tatra aṇḍajādīnaṃ jalābujādayo paṇītatarā , te tehi anuddharaṇīyā. Kambalassatarā pana nāgasenāpatino, te yattha katthaci disvā yo koci supaṇṇo uddharituṃ na sakkoti. Dhataraṭṭhā pana nāgarājāno, tepi koci uddharituṃ na sakkoti. Ye pana sattasīdantare mahāsamudde vasanti, te yasmā katthaci vikampanaṃ kātuṃ na sakkā, tasmā koci uddharituṃ na sakkoti. Pathaviṭṭhakādīnaṃ nilīyanokāso atthi, tasmā tepi uddharituṃ na sakkoti. Ye pana mahāsamudde ūmipiṭṭhe vasanti, te yo koci samo vā paṇītataro vā supaṇṇo uddharituṃ sakkoti. Sesaṃ nāgasaṃyutte vuttanayamevāti.
सुपण्णसंयुत्तवण्णना निट्ठिता।
Supaṇṇasaṃyuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
१. सुद्धिकसुत्तं • 1. Suddhikasuttaṃ
२. हरन्तिसुत्तं • 2. Harantisuttaṃ
३. द्वयकारीसुत्तं • 3. Dvayakārīsuttaṃ
४-६. दुतियादिद्वयकारीसुत्तत्तिकं • 4-6. Dutiyādidvayakārīsuttattikaṃ
७-१६. अण्डजदानूपकारसुत्तदसकं • 7-16. Aṇḍajadānūpakārasuttadasakaṃ
१७-४६. जलाबुजादिदानूपकारसुत्ततिंसकं • 17-46. Jalābujādidānūpakārasuttatiṃsakaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ९. सुपण्णसंयुत्तवण्णना • 9. Supaṇṇasaṃyuttavaṇṇanā
