| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๙. สุปณฺณสํยุตฺตวณฺณนา
9. Supaṇṇasaṃyuttavaṇṇanā
๓๙๒-๔๓๗. สุปณฺณสํยุเตฺต ปตฺตานํ วณฺณวนฺตตาย ครุฬา สุปณฺณาติ วุตฺตาฯ อิธาปิ ปฐมสุตฺตํ ปุริมนเยเนว อฎฺฐุปฺปตฺติยํ วุตฺตํฯ หรนฺตีติ อุทฺธรนฺติฯ อุทฺธรมานา จ ปน เต อตฺตนา หีเน วา สเม วา อุทฺธริตุํ สโกฺกนฺติ, น อตฺตนา ปณีตตเรฯ สตฺตวิธา หิ อนุทฺธรณียนาคา นาม ปณีตตรา กมฺพลสฺสตรา ธตรฎฺฐา สตฺตสีทนฺตรวาสิโน ปถวิฎฺฐกา ปพฺพตฎฺฐกา วิมานฎฺฐกาติฯ ตตฺร อณฺฑชาทีนํ ชลาพุชาทโย ปณีตตรา , เต เตหิ อนุทฺธรณียาฯ กมฺพลสฺสตรา ปน นาคเสนาปติโน, เต ยตฺถ กตฺถจิ ทิสฺวา โย โกจิ สุปโณฺณ อุทฺธริตุํ น สโกฺกติฯ ธตรฎฺฐา ปน นาคราชาโน, เตปิ โกจิ อุทฺธริตุํ น สโกฺกติฯ เย ปน สตฺตสีทนฺตเร มหาสมุเทฺท วสนฺติ, เต ยสฺมา กตฺถจิ วิกมฺปนํ กาตุํ น สกฺกา, ตสฺมา โกจิ อุทฺธริตุํ น สโกฺกติฯ ปถวิฎฺฐกาทีนํ นิลียโนกาโส อตฺถิ, ตสฺมา เตปิ อุทฺธริตุํ น สโกฺกติฯ เย ปน มหาสมุเทฺท อูมิปิเฎฺฐ วสนฺติ, เต โย โกจิ สโม วา ปณีตตโร วา สุปโณฺณ อุทฺธริตุํ สโกฺกติฯ เสสํ นาคสํยุเตฺต วุตฺตนยเมวาติฯ
392-437. Supaṇṇasaṃyutte pattānaṃ vaṇṇavantatāya garuḷā supaṇṇāti vuttā. Idhāpi paṭhamasuttaṃ purimanayeneva aṭṭhuppattiyaṃ vuttaṃ. Harantīti uddharanti. Uddharamānā ca pana te attanā hīne vā same vā uddharituṃ sakkonti, na attanā paṇītatare. Sattavidhā hi anuddharaṇīyanāgā nāma paṇītatarā kambalassatarā dhataraṭṭhā sattasīdantaravāsino pathaviṭṭhakā pabbataṭṭhakā vimānaṭṭhakāti. Tatra aṇḍajādīnaṃ jalābujādayo paṇītatarā , te tehi anuddharaṇīyā. Kambalassatarā pana nāgasenāpatino, te yattha katthaci disvā yo koci supaṇṇo uddharituṃ na sakkoti. Dhataraṭṭhā pana nāgarājāno, tepi koci uddharituṃ na sakkoti. Ye pana sattasīdantare mahāsamudde vasanti, te yasmā katthaci vikampanaṃ kātuṃ na sakkā, tasmā koci uddharituṃ na sakkoti. Pathaviṭṭhakādīnaṃ nilīyanokāso atthi, tasmā tepi uddharituṃ na sakkoti. Ye pana mahāsamudde ūmipiṭṭhe vasanti, te yo koci samo vā paṇītataro vā supaṇṇo uddharituṃ sakkoti. Sesaṃ nāgasaṃyutte vuttanayamevāti.
สุปณฺณสํยุตฺตวณฺณนา นิฎฺฐิตาฯ
Supaṇṇasaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๑. สุทฺธิกสุตฺตํ • 1. Suddhikasuttaṃ
๒. หรนฺติสุตฺตํ • 2. Harantisuttaṃ
๓. ทฺวยการีสุตฺตํ • 3. Dvayakārīsuttaṃ
๔-๖. ทุติยาทิทฺวยการีสุตฺตตฺติกํ • 4-6. Dutiyādidvayakārīsuttattikaṃ
๗-๑๖. อณฺฑชทานูปการสุตฺตทสกํ • 7-16. Aṇḍajadānūpakārasuttadasakaṃ
๑๗-๔๖. ชลาพุชาทิทานูปการสุตฺตติํสกํ • 17-46. Jalābujādidānūpakārasuttatiṃsakaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๙. สุปณฺณสํยุตฺตวณฺณนา • 9. Supaṇṇasaṃyuttavaṇṇanā
