| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. สุปณฺณสํยุตฺตวณฺณนา
9. Supaṇṇasaṃyuttavaṇṇanā
๓๙๒-๔๓๗. ปตฺตานนฺติ อุโภสุ ปเกฺขสุ ปตฺตานํฯ วณฺณวนฺตตายาติ อติสเยน วิจิตฺตวณฺณตายฯ อติสยโตฺถ หิ อยํ วนฺต-สโทฺทฯ ปุริมนเยนาติ นาคสํยุเตฺต ปฐมสุเตฺต วุตฺตนเยนฯ อุทฺธรนฺตีติ สมุทฺทโต อุทฺธรนฺติ, ปถวนฺตรปพฺพตนฺตรโต ปน เตสํ อุทฺธรณํ ทุกฺกรเมวฯ ปณีตตเรติ พเลน ปณีตตเร, พลวเนฺตติ อโตฺถฯ อนุทฺธรณียนาคาติ อานุภาวมหนฺตตาย จ วสนฎฺฐานวิทุคฺคตาย จ อุทฺธริตุํ อสกฺกุเณยฺยา นาคาฯ เต ‘‘สตฺตวิธา’’ติ วตฺวา สรูปโต วสนฎฺฐานโต จ ทเสฺสโนฺต ‘‘กมฺพลสฺสตรา’’ติอาทิมาหฯ ตตฺถ กมฺพลสฺสตรา ธตรฎฺฐาติ อิเม ชาติวเสน วุตฺตาฯ สตฺตสีทนฺตรวาสิโนติ สตฺตวิธสีทสมุทฺทวาสิโนฯ ปถวิฎฺฐกาติ ปถวนฺตรวาสิโน, ตถา ปพฺพตฎฺฐกาฯ เต จ วิมานวาสิโนฯ เต นาเค โกจิ สุปโณฺณ อุทฺธริตุํ น สโกฺกตีติ สมฺพโนฺธฯ เสสนฺติ ‘‘กาเยน ทฺวยการิโน’’ติอาทีสุ ยํ วตฺตพฺพํ, ตํ สพฺพํ นาคสํยุเตฺต วุตฺตนยเมว, ตตฺถ จ วุตฺตนเยเนว อโตฺถ เวทิตโพฺพติ อธิปฺปาโยฯ
392-437.Pattānanti ubhosu pakkhesu pattānaṃ. Vaṇṇavantatāyāti atisayena vicittavaṇṇatāya. Atisayattho hi ayaṃ vanta-saddo. Purimanayenāti nāgasaṃyutte paṭhamasutte vuttanayena. Uddharantīti samuddato uddharanti, pathavantarapabbatantarato pana tesaṃ uddharaṇaṃ dukkarameva. Paṇītatareti balena paṇītatare, balavanteti attho. Anuddharaṇīyanāgāti ānubhāvamahantatāya ca vasanaṭṭhānaviduggatāya ca uddharituṃ asakkuṇeyyā nāgā. Te ‘‘sattavidhā’’ti vatvā sarūpato vasanaṭṭhānato ca dassento ‘‘kambalassatarā’’tiādimāha. Tattha kambalassatarā dhataraṭṭhāti ime jātivasena vuttā. Sattasīdantaravāsinoti sattavidhasīdasamuddavāsino. Pathaviṭṭhakāti pathavantaravāsino, tathā pabbataṭṭhakā. Te ca vimānavāsino. Te nāge koci supaṇṇo uddharituṃ na sakkotīti sambandho. Sesanti ‘‘kāyena dvayakārino’’tiādīsu yaṃ vattabbaṃ, taṃ sabbaṃ nāgasaṃyutte vuttanayameva, tattha ca vuttanayeneva attho veditabboti adhippāyo.
สุปณฺณสํยุตฺตวณฺณนา นิฎฺฐิตาฯ
Supaṇṇasaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๑. สุทฺธิกสุตฺตํ • 1. Suddhikasuttaṃ
๒. หรนฺติสุตฺตํ • 2. Harantisuttaṃ
๓. ทฺวยการีสุตฺตํ • 3. Dvayakārīsuttaṃ
๔-๖. ทุติยาทิทฺวยการีสุตฺตตฺติกํ • 4-6. Dutiyādidvayakārīsuttattikaṃ
๗-๑๖. อณฺฑชทานูปการสุตฺตทสกํ • 7-16. Aṇḍajadānūpakārasuttadasakaṃ
๑๗-๔๖. ชลาพุชาทิทานูปการสุตฺตติํสกํ • 17-46. Jalābujādidānūpakārasuttatiṃsakaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. สุปณฺณสํยุตฺตวณฺณนา • 9. Supaṇṇasaṃyuttavaṇṇanā
