| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೯. ಸುಪಣ್ಣಸಂಯುತ್ತವಣ್ಣನಾ
9. Supaṇṇasaṃyuttavaṇṇanā
೩೯೨-೪೩೭. ಸುಪಣ್ಣಸಂಯುತ್ತೇ ಪತ್ತಾನಂ ವಣ್ಣವನ್ತತಾಯ ಗರುಳಾ ಸುಪಣ್ಣಾತಿ ವುತ್ತಾ। ಇಧಾಪಿ ಪಠಮಸುತ್ತಂ ಪುರಿಮನಯೇನೇವ ಅಟ್ಠುಪ್ಪತ್ತಿಯಂ ವುತ್ತಂ। ಹರನ್ತೀತಿ ಉದ್ಧರನ್ತಿ। ಉದ್ಧರಮಾನಾ ಚ ಪನ ತೇ ಅತ್ತನಾ ಹೀನೇ ವಾ ಸಮೇ ವಾ ಉದ್ಧರಿತುಂ ಸಕ್ಕೋನ್ತಿ, ನ ಅತ್ತನಾ ಪಣೀತತರೇ। ಸತ್ತವಿಧಾ ಹಿ ಅನುದ್ಧರಣೀಯನಾಗಾ ನಾಮ ಪಣೀತತರಾ ಕಮ್ಬಲಸ್ಸತರಾ ಧತರಟ್ಠಾ ಸತ್ತಸೀದನ್ತರವಾಸಿನೋ ಪಥವಿಟ್ಠಕಾ ಪಬ್ಬತಟ್ಠಕಾ ವಿಮಾನಟ್ಠಕಾತಿ। ತತ್ರ ಅಣ್ಡಜಾದೀನಂ ಜಲಾಬುಜಾದಯೋ ಪಣೀತತರಾ , ತೇ ತೇಹಿ ಅನುದ್ಧರಣೀಯಾ। ಕಮ್ಬಲಸ್ಸತರಾ ಪನ ನಾಗಸೇನಾಪತಿನೋ, ತೇ ಯತ್ಥ ಕತ್ಥಚಿ ದಿಸ್ವಾ ಯೋ ಕೋಚಿ ಸುಪಣ್ಣೋ ಉದ್ಧರಿತುಂ ನ ಸಕ್ಕೋತಿ। ಧತರಟ್ಠಾ ಪನ ನಾಗರಾಜಾನೋ, ತೇಪಿ ಕೋಚಿ ಉದ್ಧರಿತುಂ ನ ಸಕ್ಕೋತಿ। ಯೇ ಪನ ಸತ್ತಸೀದನ್ತರೇ ಮಹಾಸಮುದ್ದೇ ವಸನ್ತಿ, ತೇ ಯಸ್ಮಾ ಕತ್ಥಚಿ ವಿಕಮ್ಪನಂ ಕಾತುಂ ನ ಸಕ್ಕಾ, ತಸ್ಮಾ ಕೋಚಿ ಉದ್ಧರಿತುಂ ನ ಸಕ್ಕೋತಿ। ಪಥವಿಟ್ಠಕಾದೀನಂ ನಿಲೀಯನೋಕಾಸೋ ಅತ್ಥಿ, ತಸ್ಮಾ ತೇಪಿ ಉದ್ಧರಿತುಂ ನ ಸಕ್ಕೋತಿ। ಯೇ ಪನ ಮಹಾಸಮುದ್ದೇ ಊಮಿಪಿಟ್ಠೇ ವಸನ್ತಿ, ತೇ ಯೋ ಕೋಚಿ ಸಮೋ ವಾ ಪಣೀತತರೋ ವಾ ಸುಪಣ್ಣೋ ಉದ್ಧರಿತುಂ ಸಕ್ಕೋತಿ। ಸೇಸಂ ನಾಗಸಂಯುತ್ತೇ ವುತ್ತನಯಮೇವಾತಿ।
392-437. Supaṇṇasaṃyutte pattānaṃ vaṇṇavantatāya garuḷā supaṇṇāti vuttā. Idhāpi paṭhamasuttaṃ purimanayeneva aṭṭhuppattiyaṃ vuttaṃ. Harantīti uddharanti. Uddharamānā ca pana te attanā hīne vā same vā uddharituṃ sakkonti, na attanā paṇītatare. Sattavidhā hi anuddharaṇīyanāgā nāma paṇītatarā kambalassatarā dhataraṭṭhā sattasīdantaravāsino pathaviṭṭhakā pabbataṭṭhakā vimānaṭṭhakāti. Tatra aṇḍajādīnaṃ jalābujādayo paṇītatarā , te tehi anuddharaṇīyā. Kambalassatarā pana nāgasenāpatino, te yattha katthaci disvā yo koci supaṇṇo uddharituṃ na sakkoti. Dhataraṭṭhā pana nāgarājāno, tepi koci uddharituṃ na sakkoti. Ye pana sattasīdantare mahāsamudde vasanti, te yasmā katthaci vikampanaṃ kātuṃ na sakkā, tasmā koci uddharituṃ na sakkoti. Pathaviṭṭhakādīnaṃ nilīyanokāso atthi, tasmā tepi uddharituṃ na sakkoti. Ye pana mahāsamudde ūmipiṭṭhe vasanti, te yo koci samo vā paṇītataro vā supaṇṇo uddharituṃ sakkoti. Sesaṃ nāgasaṃyutte vuttanayamevāti.
ಸುಪಣ್ಣಸಂಯುತ್ತವಣ್ಣನಾ ನಿಟ್ಠಿತಾ।
Supaṇṇasaṃyuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೧. ಸುದ್ಧಿಕಸುತ್ತಂ • 1. Suddhikasuttaṃ
೨. ಹರನ್ತಿಸುತ್ತಂ • 2. Harantisuttaṃ
೩. ದ್ವಯಕಾರೀಸುತ್ತಂ • 3. Dvayakārīsuttaṃ
೪-೬. ದುತಿಯಾದಿದ್ವಯಕಾರೀಸುತ್ತತ್ತಿಕಂ • 4-6. Dutiyādidvayakārīsuttattikaṃ
೭-೧೬. ಅಣ್ಡಜದಾನೂಪಕಾರಸುತ್ತದಸಕಂ • 7-16. Aṇḍajadānūpakārasuttadasakaṃ
೧೭-೪೬. ಜಲಾಬುಜಾದಿದಾನೂಪಕಾರಸುತ್ತತಿಂಸಕಂ • 17-46. Jalābujādidānūpakārasuttatiṃsakaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೯. ಸುಪಣ್ಣಸಂಯುತ್ತವಣ್ಣನಾ • 9. Supaṇṇasaṃyuttavaṇṇanā
