| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਸੁਪਣ੍ਣਸਂਯੁਤ੍ਤવਣ੍ਣਨਾ
9. Supaṇṇasaṃyuttavaṇṇanā
੩੯੨-੪੩੭. ਪਤ੍ਤਾਨਨ੍ਤਿ ਉਭੋਸੁ ਪਕ੍ਖੇਸੁ ਪਤ੍ਤਾਨਂ। વਣ੍ਣવਨ੍ਤਤਾਯਾਤਿ ਅਤਿਸਯੇਨ વਿਚਿਤ੍ਤવਣ੍ਣਤਾਯ। ਅਤਿਸਯਤ੍ਥੋ ਹਿ ਅਯਂ વਨ੍ਤ-ਸਦ੍ਦੋ। ਪੁਰਿਮਨਯੇਨਾਤਿ ਨਾਗਸਂਯੁਤ੍ਤੇ ਪਠਮਸੁਤ੍ਤੇ વੁਤ੍ਤਨਯੇਨ। ਉਦ੍ਧਰਨ੍ਤੀਤਿ ਸਮੁਦ੍ਦਤੋ ਉਦ੍ਧਰਨ੍ਤਿ, ਪਥવਨ੍ਤਰਪਬ੍ਬਤਨ੍ਤਰਤੋ ਪਨ ਤੇਸਂ ਉਦ੍ਧਰਣਂ ਦੁਕ੍ਕਰਮੇવ। ਪਣੀਤਤਰੇਤਿ ਬਲੇਨ ਪਣੀਤਤਰੇ, ਬਲવਨ੍ਤੇਤਿ ਅਤ੍ਥੋ। ਅਨੁਦ੍ਧਰਣੀਯਨਾਗਾਤਿ ਆਨੁਭਾવਮਹਨ੍ਤਤਾਯ ਚ વਸਨਟ੍ਠਾਨવਿਦੁਗ੍ਗਤਾਯ ਚ ਉਦ੍ਧਰਿਤੁਂ ਅਸਕ੍ਕੁਣੇਯ੍ਯਾ ਨਾਗਾ। ਤੇ ‘‘ਸਤ੍ਤવਿਧਾ’’ਤਿ વਤ੍વਾ ਸਰੂਪਤੋ વਸਨਟ੍ਠਾਨਤੋ ਚ ਦਸ੍ਸੇਨ੍ਤੋ ‘‘ਕਮ੍ਬਲਸ੍ਸਤਰਾ’’ਤਿਆਦਿਮਾਹ। ਤਤ੍ਥ ਕਮ੍ਬਲਸ੍ਸਤਰਾ ਧਤਰਟ੍ਠਾਤਿ ਇਮੇ ਜਾਤਿવਸੇਨ વੁਤ੍ਤਾ। ਸਤ੍ਤਸੀਦਨ੍ਤਰવਾਸਿਨੋਤਿ ਸਤ੍ਤવਿਧਸੀਦਸਮੁਦ੍ਦવਾਸਿਨੋ। ਪਥવਿਟ੍ਠਕਾਤਿ ਪਥવਨ੍ਤਰવਾਸਿਨੋ, ਤਥਾ ਪਬ੍ਬਤਟ੍ਠਕਾ। ਤੇ ਚ વਿਮਾਨવਾਸਿਨੋ। ਤੇ ਨਾਗੇ ਕੋਚਿ ਸੁਪਣ੍ਣੋ ਉਦ੍ਧਰਿਤੁਂ ਨ ਸਕ੍ਕੋਤੀਤਿ ਸਮ੍ਬਨ੍ਧੋ। ਸੇਸਨ੍ਤਿ ‘‘ਕਾਯੇਨ ਦ੍વਯਕਾਰਿਨੋ’’ਤਿਆਦੀਸੁ ਯਂ વਤ੍ਤਬ੍ਬਂ, ਤਂ ਸਬ੍ਬਂ ਨਾਗਸਂਯੁਤ੍ਤੇ વੁਤ੍ਤਨਯਮੇવ, ਤਤ੍ਥ ਚ વੁਤ੍ਤਨਯੇਨੇવ ਅਤ੍ਥੋ વੇਦਿਤਬ੍ਬੋਤਿ ਅਧਿਪ੍ਪਾਯੋ।
392-437.Pattānanti ubhosu pakkhesu pattānaṃ. Vaṇṇavantatāyāti atisayena vicittavaṇṇatāya. Atisayattho hi ayaṃ vanta-saddo. Purimanayenāti nāgasaṃyutte paṭhamasutte vuttanayena. Uddharantīti samuddato uddharanti, pathavantarapabbatantarato pana tesaṃ uddharaṇaṃ dukkarameva. Paṇītatareti balena paṇītatare, balavanteti attho. Anuddharaṇīyanāgāti ānubhāvamahantatāya ca vasanaṭṭhānaviduggatāya ca uddharituṃ asakkuṇeyyā nāgā. Te ‘‘sattavidhā’’ti vatvā sarūpato vasanaṭṭhānato ca dassento ‘‘kambalassatarā’’tiādimāha. Tattha kambalassatarā dhataraṭṭhāti ime jātivasena vuttā. Sattasīdantaravāsinoti sattavidhasīdasamuddavāsino. Pathaviṭṭhakāti pathavantaravāsino, tathā pabbataṭṭhakā. Te ca vimānavāsino. Te nāge koci supaṇṇo uddharituṃ na sakkotīti sambandho. Sesanti ‘‘kāyena dvayakārino’’tiādīsu yaṃ vattabbaṃ, taṃ sabbaṃ nāgasaṃyutte vuttanayameva, tattha ca vuttanayeneva attho veditabboti adhippāyo.
ਸੁਪਣ੍ਣਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Supaṇṇasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਸੁਦ੍ਧਿਕਸੁਤ੍ਤਂ • 1. Suddhikasuttaṃ
੨. ਹਰਨ੍ਤਿਸੁਤ੍ਤਂ • 2. Harantisuttaṃ
੩. ਦ੍વਯਕਾਰੀਸੁਤ੍ਤਂ • 3. Dvayakārīsuttaṃ
੪-੬. ਦੁਤਿਯਾਦਿਦ੍વਯਕਾਰੀਸੁਤ੍ਤਤ੍ਤਿਕਂ • 4-6. Dutiyādidvayakārīsuttattikaṃ
੭-੧੬. ਅਣ੍ਡਜਦਾਨੂਪਕਾਰਸੁਤ੍ਤਦਸਕਂ • 7-16. Aṇḍajadānūpakārasuttadasakaṃ
੧੭-੪੬. ਜਲਾਬੁਜਾਦਿਦਾਨੂਪਕਾਰਸੁਤ੍ਤਤਿਂਸਕਂ • 17-46. Jalābujādidānūpakārasuttatiṃsakaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਸੁਪਣ੍ਣਸਂਯੁਤ੍ਤવਣ੍ਣਨਾ • 9. Supaṇṇasaṃyuttavaṇṇanā
