| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੭. ਸੁਪਾਰਿਚਰਿਯવਗ੍ਗੋ
17. Supāricariyavaggo
੧. ਸੁਪਾਰਿਚਰਿਯਤ੍ਥੇਰਅਪਦਾਨવਣ੍ਣਨਾ
1. Supāricariyattheraapadānavaṇṇanā
ਪਦੁਮੋ ਨਾਮ ਨਾਮੇਨਾਤਿਆਦਿਕਂ ਆਯਸ੍ਮਤੋ ਸੁਪਾਰਿਚਰਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਮੁਨਿਪੁਙ੍ਗવੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਯਕ੍ਖਯੋਨਿਯਂ ਨਿਬ੍ਬਤ੍ਤੋ ਹਿਮવਤਿ ਯਕ੍ਖਸਮਾਗਮਂ ਗਤੋ ਭਗવਤੋ ਦੇવਯਕ੍ਖਗਨ੍ਧਬ੍ਬਨਾਗਾਨਂ ਧਮ੍ਮਦੇਸਨਂ ਸੁਤ੍વਾ ਪਸਨ੍ਨਮਾਨਸੋ ਉਭੋ ਹਤ੍ਥੇ ਆਭੁਜਿਤ੍વਾ ਅਪ੍ਫੋਟੇਸਿ ਨਮਸ੍ਸਿ ਚ। ਸੋ ਤੇਨ ਪੁਞ੍ਞੇਨ ਤਤੋ ਚੁਤੋ ਉਪਰਿ ਦੇવਲੋਕੇ ਉਪ੍ਪਨ੍ਨੋ ਤਤ੍ਥ ਦਿਬ੍ਬਸੁਖਂ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਚਕ੍ਕવਤਿਆਦਿਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਗਹਪਤਿਕੁਲੇ ਨਿਬ੍ਬਤ੍ਤੋ ਅਡ੍ਢੋ ਮਹਦ੍ਧਨੋ ਮਹਾਭੋਗੋ ਰਤਨਤ੍ਤਯੇ ਪਸਨ੍ਨੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਸਦ੍ਧਾਜਾਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ।
Padumonāma nāmenātiādikaṃ āyasmato supāricariyattherassa apadānaṃ. Ayampi purimamunipuṅgavesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle yakkhayoniyaṃ nibbatto himavati yakkhasamāgamaṃ gato bhagavato devayakkhagandhabbanāgānaṃ dhammadesanaṃ sutvā pasannamānaso ubho hatthe ābhujitvā apphoṭesi namassi ca. So tena puññena tato cuto upari devaloke uppanno tattha dibbasukhaṃ anubhavitvā manussesu ca cakkavatiādisampattiyo anubhavitvā imasmiṃ buddhuppāde sāvatthiyaṃ gahapatikule nibbatto aḍḍho mahaddhano mahābhogo ratanattaye pasanno satthu dhammadesanaṃ sutvā saddhājāto pabbajitvā nacirasseva arahattaṃ pāpuṇi.
੧. ਸੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੋ ਨਾਮ ਨਾਮੇਨਾਤਿਆਦਿਮਾਹ। ਤਤ੍ਥ ਪਦੁਮੋਤਿ ਯਸ੍ਸ ਪਾਦਨਿਕ੍ਖੇਪਸਮਯੇ ਪਥવਿਂ ਭਿਨ੍ਦਿਤ੍વਾ ਪਦੁਮਂ ਉਗ੍ਗਨ੍ਤ੍વਾ ਪਾਦਤਲਂ ਸਮ੍ਪਟਿਚ੍ਛਤਿ, ਤੇਨ ਸਞ੍ਞਾਣੇਨ ਸੋ ਭਗવਾ ਪਦੁਮੋਤਿ ਸਙ੍ਖਂ ਗਤੋ, ਇਧ ਪਦੁਮੁਤ੍ਤਰੋ ਭਗવਾ ਅਧਿਪ੍ਪੇਤੋ। ਸੋ ਭਗવਾ ਪવਨਾ વਸਨવਿਹਾਰਾ ਅਭਿਨਿਕ੍ਖਮ੍ਮ વਨਮਜ੍ਝਂ ਪવਿਸਿਤ੍વਾ ਧਮ੍ਮਂ ਦੇਸੇਤੀਤਿ ਸਮ੍ਬਨ੍ਧੋ।
1. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento padumo nāma nāmenātiādimāha. Tattha padumoti yassa pādanikkhepasamaye pathaviṃ bhinditvā padumaṃ uggantvā pādatalaṃ sampaṭicchati, tena saññāṇena so bhagavā padumoti saṅkhaṃ gato, idha padumuttaro bhagavā adhippeto. So bhagavā pavanā vasanavihārā abhinikkhamma vanamajjhaṃ pavisitvā dhammaṃ desetīti sambandho.
ਯਕ੍ਖਾਨਂ ਸਮਯੋਤਿ ਦੇવਾਨਂ ਸਮਾਗਮੋ ਆਸਿ ਅਹੋਸੀਤਿ ਅਤ੍ਥੋ। ਅਜ੍ਝਾਪੇਕ੍ਖਿਂਸੁ ਤਾવਦੇਤਿ ਤਸ੍ਮਿਂ ਦੇਸਨਾਕਾਲੇ ਅਧਿਅਪੇਕ੍ਖਿਂਸੁ, વਿਸੇਸੇਨ ਪਸ੍ਸਨਸੀਲਾ ਅਹੇਸੁਨ੍ਤਿ ਅਤ੍ਥੋ। ਸੇਸਂ ਪਾਕਟਮੇવਾਤਿ।
Yakkhānaṃ samayoti devānaṃ samāgamo āsi ahosīti attho. Ajjhāpekkhiṃsu tāvadeti tasmiṃ desanākāle adhiapekkhiṃsu, visesena passanasīlā ahesunti attho. Sesaṃ pākaṭamevāti.
ਸੁਪਾਰਿਚਰਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Supāricariyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. ਸੁਪਾਰਿਚਰਿਯਤ੍ਥੇਰਅਪਦਾਨਂ • 1. Supāricariyattheraapadānaṃ
