| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๗. สุปติสุตฺตํ
7. Supatisuttaṃ
๑๔๓. เอกํ สมยํ ภควา ราชคเห วิหรติ เวฬุวเน กลนฺทกนิวาเปฯ อถ โข ภควา พหุเทวรตฺติํ อโพฺภกาเส จงฺกมิตฺวา รตฺติยา ปจฺจูสสมยํ ปาเท ปกฺขาเลตฺวา วิหารํ ปวิสิตฺวา ทกฺขิเณน ปเสฺสน สีหเสยฺยํ กเปฺปสิ ปาเท ปาทํ อจฺจาธาย สโต สมฺปชาโน อุฎฺฐานสญฺญํ มนสิ กริตฺวาฯ อถ โข มาโร ปาปิมา เยน ภควา เตนุปสงฺกมิ; อุปสงฺกมิตฺวา ภควนฺตํ คาถาย อชฺฌภาสิ –
143. Ekaṃ samayaṃ bhagavā rājagahe viharati veḷuvane kalandakanivāpe. Atha kho bhagavā bahudevarattiṃ abbhokāse caṅkamitvā rattiyā paccūsasamayaṃ pāde pakkhāletvā vihāraṃ pavisitvā dakkhiṇena passena sīhaseyyaṃ kappesi pāde pādaṃ accādhāya sato sampajāno uṭṭhānasaññaṃ manasi karitvā. Atha kho māro pāpimā yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –
‘‘กิํ โสปฺปสิ กิํ นุ โสปฺปสิ,
‘‘Kiṃ soppasi kiṃ nu soppasi,
สุญฺญมคารนฺติ โสปฺปสิ,
Suññamagāranti soppasi,
กิมิทํ โสปฺปสิ สูริเย อุคฺคเต’’ติฯ
Kimidaṃ soppasi sūriye uggate’’ti.
‘‘ยสฺส ชาลินี วิสตฺติกา,
‘‘Yassa jālinī visattikā,
ตณฺหา นตฺถิ กุหิญฺจิ เนตเว;
Taṇhā natthi kuhiñci netave;
สพฺพูปธิปริกฺขยา พุโทฺธ,
Sabbūpadhiparikkhayā buddho,
โสปฺปติ กิํ ตเวตฺถ มารา’’ติฯ
Soppati kiṃ tavettha mārā’’ti.
อถ โข มาโร ปาปิมา…เป.… ตเตฺถวนฺตรธายีติฯ
Atha kho māro pāpimā…pe… tatthevantaradhāyīti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. สุปติสุตฺตวณฺณนา • 7. Supatisuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. สุปติสุตฺตวณฺณนา • 7. Supatisuttavaṇṇanā
