| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. субад̇исуд̇д̇аван̣н̣анаа
7. Supatisuttavaṇṇanā
143. сад̇д̇амз баад̣̇з багкаалзд̇ваад̇и уд̇уг̇аахаабанад̇т̇ам̣ д̇ховид̇ваа. б̣уд̣̇д̇хаанам̣ бана сарийрз раж̇ож̇аллам̣ на убалимбад̇и, уд̣̇агамби богкарабад̇д̇з багкид̇д̇ам̣ вияа виваддид̇ваа г̇ажчад̇и. абижа ко д̇ход̇абаад̣̇агз г̇зхз баад̣̇з д̇ховид̇ваа бависанам̣ баб̣б̣аж̇ид̇аанам̣ вад̇д̇ам̣. д̇ад̇т̇а б̣уд̣̇д̇хаанам̣ вад̇д̇абхзд̣̇о наама над̇т̇и, вад̇д̇асийсз бана тад̇ваа д̇хованд̇и. сажз хи д̇ат̇ааг̇ад̇о нзва нхааязяяа, на баад̣̇з д̇ховзяяа, ‘‘нааяам̣ мануссо’’д̇и вад̣̇зяяум̣. д̇асмаа мануссагирияам̣ амун̃жанд̇о д̇ховад̇и. сад̇о самбаж̇аанод̇и соббабариг̇г̇аахагзна сад̇исамбаж̇ан̃н̃зна саманнааг̇ад̇о. убасан̇гамийд̇и саман̣о г̇од̇амо саб̣б̣арад̇д̇им̣ аб̣бхогаасз жан̇гамид̇ваа г̇анд̇хагудим̣ бависид̇ваа нид̣̇д̣̇ааяад̇и, ад̇ивияа сукасаяид̇о бхависсад̇и, гхаддаяиссаами нанд̇и жинд̇зд̇ваа убасан̇гами.
143. Sattame pāde pakkhāletvāti utugāhāpanatthaṃ dhovitvā. Buddhānaṃ pana sarīre rajojallaṃ na upalimpati, udakampi pokkharapatte pakkhittaṃ viya vivaṭṭitvā gacchati. Apica kho dhotapādake gehe pāde dhovitvā pavisanaṃ pabbajitānaṃ vattaṃ. Tattha buddhānaṃ vattabhedo nāma natthi, vattasīse pana ṭhatvā dhovanti. Sace hi tathāgato neva nhāyeyya, na pāde dhoveyya, ‘‘nāyaṃ manusso’’ti vadeyyuṃ. Tasmā manussakiriyaṃ amuñcanto dhovati. Sato sampajānoti soppapariggāhakena satisampajaññena samannāgato. Upasaṅkamīti samaṇo gotamo sabbarattiṃ abbhokāse caṅkamitvā gandhakuṭiṃ pavisitvā niddāyati, ativiya sukhasayito bhavissati, ghaṭṭayissāmi nanti cintetvā upasaṅkami.
гим̣ соббасийд̇и гим̣ субаси, гим̣ соббам̣ наамид̣̇ам̣ д̇аваад̇и вад̣̇ад̇и. гим̣ ну соббасийд̇и гасмаа ну субаси? д̣̇уб̣бхаг̇о вияаад̇и мад̇о вияа, висан̃н̃ий вияа жа. сун̃н̃амаг̇ааранд̇и сун̃н̃ам̣ мз гхарам̣ лад̣̇д̇ханд̇и соббасийд̇и вад̣̇ад̇и. суурияз уг̇г̇ад̇зд̇и суурияамхи удтид̇з. ид̣̇аани хи ан̃н̃з бхигкуу саммаж̇ж̇анд̇и , баанийяам̣ убадтабзнд̇и, бхигкаажаараг̇аманасаж̇ж̇аа бхаванд̇и, д̇вам̣ гасмаа соббасиязва.
Kiṃ soppasīti kiṃ supasi, kiṃ soppaṃ nāmidaṃ tavāti vadati. Kiṃ nu soppasīti kasmā nu supasi? Dubbhago viyāti mato viya, visaññī viya ca. Suññamagāranti suññaṃ me gharaṃ laddhanti soppasīti vadati. Sūriye uggateti sūriyamhi uṭṭhite. Idāni hi aññe bhikkhū sammajjanti , pānīyaṃ upaṭṭhapenti, bhikkhācāragamanasajjā bhavanti, tvaṃ kasmā soppasiyeva.
ж̇аалинийд̇и д̇аяо бхавз аж̇жход̇т̇арид̇ваа тид̇зна ‘‘аж̇жхад̇д̇игассубаад̣̇ааяа адтаарасад̇ан̣хаавижарид̇ааний’’д̇иаад̣̇инаа (вибха. 842) д̇зна д̇зна ад̇д̇ано годтаасабхууд̇зна ж̇аалзна ж̇аалиний. висад̇д̇игаад̇и руубаад̣̇ийсу д̇ад̇т̇а д̇ад̇т̇а висад̇д̇ад̇ааяа висамуулад̇ааяа висабарибхог̇ад̇ааяа жа висад̇д̇игаа. гухин̃жи нзд̇авзд̇и гад̇т̇ажи нзд̇ум̣. саб̣б̣уубад̇хи баригкаяаад̇и саб̣б̣зсам̣ канд̇хагилзсаабхисан̇каарагаамаг̇ун̣абхзд̣̇аанам̣ убад̇хийнам̣ баригкаяаа. гим̣ д̇авзд̇т̇а, маараад̇и, маара, д̇уяхам̣ гим̣ зд̇т̇а? гасмаа д̇вам̣ ун̣хаяааг̇уяам̣ нилийяид̇ум̣ асаггонд̇ий куд̣̇д̣̇агамагкигаа вияа анд̇анд̇знзва уж̇жхааяанд̇о аахин̣д̣асийд̇и. сад̇д̇амам̣.
Jālinīti tayo bhave ajjhottharitvā ṭhitena ‘‘ajjhattikassupādāya aṭṭhārasataṇhāvicaritānī’’tiādinā (vibha. 842) tena tena attano koṭṭhāsabhūtena jālena jālinī. Visattikāti rūpādīsu tattha tattha visattatāya visamūlatāya visaparibhogatāya ca visattikā. Kuhiñci netaveti katthaci netuṃ. Sabbūpadhi parikkhayāti sabbesaṃ khandhakilesābhisaṅkhārakāmaguṇabhedānaṃ upadhīnaṃ parikkhayā. Kiṃ tavettha, mārāti, māra, tuyhaṃ kiṃ ettha? Kasmā tvaṃ uṇhayāguyaṃ nilīyituṃ asakkontī khuddakamakkhikā viya antanteneva ujjhāyanto āhiṇḍasīti. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. субад̇исуд̇д̇ам̣ • 7. Supatisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. субад̇исуд̇д̇аван̣н̣анаа • 7. Supatisuttavaṇṇanā
