| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. субад̇исуд̇д̇аван̣н̣анаа
7. Supatisuttavaṇṇanā
143. уд̇уг̇аахаабанад̇т̇ам̣ д̇ховид̇ваа, на раж̇ож̇аллавигкааланад̇т̇ам̣. д̇знааха ‘‘б̣уд̣̇д̇хаанам̣ банаа’’д̇иаад̣̇и. д̇ход̇абаад̣̇агз г̇зхзд̇и д̇ход̇абаад̣̇зхи аггамид̇аб̣б̣агз. вад̇д̇абхзд̣̇о наама над̇т̇и д̇хаммассаамибхаавад̇о. вад̇д̇асийсз тад̇ваа д̇хованд̇и ан̃н̃зсам̣ д̣̇идтаануг̇ад̇иаабаж̇ж̇анад̇т̇ам̣. соббабариг̇г̇аахагзнаад̇и зд̇т̇а соббам̣ наама нид̣̇д̣̇ааяа анд̇аранд̇араа бавад̇д̇агирияамаяажид̇д̇аббавад̇д̇ирахид̇аа ниранд̇арабхаван̇г̇асанд̇ад̇ийд̇и д̇ам̣ сабхаавад̇о баяож̇анад̇о гаалабарижчзд̣̇ад̇о бариг̇г̇аахагам̣ убаринид̣̇д̣̇зсасад̇исамбаж̇ан̃н̃ам̣ санд̇хааяа вуд̇д̇ам̣ ‘‘соббабариг̇г̇аахагзна сад̇исамбаж̇ан̃н̃знаа’’д̇и. гзжи бана ‘‘нид̣̇д̣̇аасоббанаа’’д̇и вад̣̇анд̇и, д̇ам̣ бхаг̇авад̇о соббам̣ хийл̣знд̇о вад̣̇ад̇и.
143.Utugāhāpanatthaṃdhovitvā, na rajojallavikkhālanatthaṃ. Tenāha ‘‘buddhānaṃ panā’’tiādi. Dhotapādake geheti dhotapādehi akkamitabbake. Vattabhedo nāma natthi dhammassāmibhāvato. Vattasīseṭhatvā dhovanti aññesaṃ diṭṭhānugatiāpajjanatthaṃ. Soppapariggāhakenāti ettha soppaṃ nāma niddāya antarantarā pavattakiriyamayacittappavattirahitā nirantarabhavaṅgasantatīti taṃ sabhāvato payojanato kālaparicchedato pariggāhakaṃ upariniddesasatisampajaññaṃ sandhāya vuttaṃ ‘‘soppapariggāhakena satisampajaññenā’’ti. Keci pana ‘‘niddāsoppanā’’ti vadanti, taṃ bhagavato soppaṃ hīḷento vadati.
гим̣ нууд̇и зд̇т̇ам̣ гинд̇и хзд̇униссаггз бажжад̇д̇аважананд̇и ааха ‘‘гасмаа ну субасий’’д̇и? д̣̇уб̣бхаг̇о вужжад̇и ниссириго бхиннабхаг̇о, со бана мад̇асад̣̇исо висан̃н̃исад̣̇исо жа ход̇ийд̇и ааха ‘‘мад̇о вияа висан̃н̃ий вияа жаа’’д̇и.
Kiṃ nūti etthaṃ kinti hetunissakke paccattavacananti āha ‘‘kasmā nu supasī’’ti? Dubbhago vuccati nissiriko bhinnabhago, so pana matasadiso visaññisadiso ca hotīti āha ‘‘mato viya visaññī viya cā’’ti.
аад̣̇инаад̇и аад̣̇и-сад̣̇д̣̇зна ‘‘б̣аахирасса убаад̣̇ааяа адтаарасаа’’д̇иаад̣̇инаа (вибха. 842) ааг̇ад̇ам̣ д̇ан̣хаагодтаасам̣ сан̇г̇ан̣хаад̇и. д̇ад̇т̇а д̇ад̇т̇а висад̇д̇ад̇ааяаад̇и д̇аммим̣ д̇асмим̣ аарамман̣з висзсад̇о аасад̇д̇абхаавзна. висасса д̣̇угканиб̣б̣ад̇д̇агагаммасса хзд̇убхаавад̇о висамуулад̇аа висам̣ ваа д̣̇угкад̣̇угкаад̣̇ибхууд̇авзд̣̇анаа муулам̣ зд̇ассаад̇и висамуулаа, д̇ан̣хаа. д̇асса руубаад̣̇игасса д̣̇угкасса барибхог̇о, на амад̇ассаад̇и висабарибхог̇ад̇аа. гад̇т̇ажи нзд̇унд̇и гад̇т̇ажи бхавз саб̣б̣ат̇аа нзд̇ум̣? баригкаяаад̇и саб̣б̣асо кийн̣ад̇д̇аа. д̇уяхам̣ гим̣ зд̇т̇аад̇и саб̣б̣убад̇хибаригкаяаа суд̣̇д̇хасса мама бадибад̇д̇ияам̣ д̇уяхам̣ гим̣ уж̇жхааяанам̣? гзвалам̣ вигхаад̇оязва д̇зд̇и д̣̇ассзд̇и.
Ādināti ādi-saddena ‘‘bāhirassa upādāya aṭṭhārasā’’tiādinā (vibha. 842) āgataṃ taṇhākoṭṭhāsaṃ saṅgaṇhāti. Tattha tattha visattatāyāti tammiṃ tasmiṃ ārammaṇe visesato āsattabhāvena. Visassa dukkhanibbattakakammassa hetubhāvato visamūlatā visaṃ vā dukkhadukkhādibhūtavedanā mūlaṃ etassāti visamūlā, taṇhā. Tassa rūpādikassa dukkhassa paribhogo, na amatassāti visaparibhogatā. Katthaci netunti katthaci bhave sabbathā netuṃ? Parikkhayāti sabbaso khīṇattā. Tuyhaṃ kiṃ etthāti sabbupadhiparikkhayā suddhassa mama paṭipattiyaṃ tuyhaṃ kiṃ ujjhāyanaṃ? Kevalaṃ vighātoyeva teti dasseti.
субад̇исуд̇д̇аван̣н̣анаа нидтид̇аа.
Supatisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. субад̇исуд̇д̇ам̣ • 7. Supatisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. субад̇исуд̇д̇аван̣н̣анаа • 7. Supatisuttavaṇṇanā
