| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਸੁਪਤਿਸੁਤ੍ਤવਣ੍ਣਨਾ
7. Supatisuttavaṇṇanā
੧੪੩. ਸਤ੍ਤਮੇ ਪਾਦੇ ਪਕ੍ਖਾਲੇਤ੍વਾਤਿ ਉਤੁਗਾਹਾਪਨਤ੍ਥਂ ਧੋવਿਤ੍વਾ। ਬੁਦ੍ਧਾਨਂ ਪਨ ਸਰੀਰੇ ਰਜੋਜਲ੍ਲਂ ਨ ਉਪਲਿਮ੍ਪਤਿ, ਉਦਕਮ੍ਪਿ ਪੋਕ੍ਖਰਪਤ੍ਤੇ ਪਕ੍ਖਿਤ੍ਤਂ વਿਯ વਿવਟ੍ਟਿਤ੍વਾ ਗਚ੍ਛਤਿ। ਅਪਿਚ ਖੋ ਧੋਤਪਾਦਕੇ ਗੇਹੇ ਪਾਦੇ ਧੋવਿਤ੍વਾ ਪવਿਸਨਂ ਪਬ੍ਬਜਿਤਾਨਂ વਤ੍ਤਂ। ਤਤ੍ਥ ਬੁਦ੍ਧਾਨਂ વਤ੍ਤਭੇਦੋ ਨਾਮ ਨਤ੍ਥਿ, વਤ੍ਤਸੀਸੇ ਪਨ ਠਤ੍વਾ ਧੋવਨ੍ਤਿ। ਸਚੇ ਹਿ ਤਥਾਗਤੋ ਨੇવ ਨ੍ਹਾਯੇਯ੍ਯ, ਨ ਪਾਦੇ ਧੋવੇਯ੍ਯ, ‘‘ਨਾਯਂ ਮਨੁਸ੍ਸੋ’’ਤਿ વਦੇਯ੍ਯੁਂ। ਤਸ੍ਮਾ ਮਨੁਸ੍ਸਕਿਰਿਯਂ ਅਮੁਞ੍ਚਨ੍ਤੋ ਧੋવਤਿ। ਸਤੋ ਸਮ੍ਪਜਾਨੋਤਿ ਸੋਪ੍ਪਪਰਿਗ੍ਗਾਹਕੇਨ ਸਤਿਸਮ੍ਪਜਞ੍ਞੇਨ ਸਮਨ੍ਨਾਗਤੋ। ਉਪਸਙ੍ਕਮੀਤਿ ਸਮਣੋ ਗੋਤਮੋ ਸਬ੍ਬਰਤ੍ਤਿਂ ਅਬ੍ਭੋਕਾਸੇ ਚਙ੍ਕਮਿਤ੍વਾ ਗਨ੍ਧਕੁਟਿਂ ਪવਿਸਿਤ੍વਾ ਨਿਦ੍ਦਾਯਤਿ, ਅਤਿવਿਯ ਸੁਖਸਯਿਤੋ ਭવਿਸ੍ਸਤਿ, ਘਟ੍ਟਯਿਸ੍ਸਾਮਿ ਨਨ੍ਤਿ ਚਿਨ੍ਤੇਤ੍વਾ ਉਪਸਙ੍ਕਮਿ।
143. Sattame pāde pakkhāletvāti utugāhāpanatthaṃ dhovitvā. Buddhānaṃ pana sarīre rajojallaṃ na upalimpati, udakampi pokkharapatte pakkhittaṃ viya vivaṭṭitvā gacchati. Apica kho dhotapādake gehe pāde dhovitvā pavisanaṃ pabbajitānaṃ vattaṃ. Tattha buddhānaṃ vattabhedo nāma natthi, vattasīse pana ṭhatvā dhovanti. Sace hi tathāgato neva nhāyeyya, na pāde dhoveyya, ‘‘nāyaṃ manusso’’ti vadeyyuṃ. Tasmā manussakiriyaṃ amuñcanto dhovati. Sato sampajānoti soppapariggāhakena satisampajaññena samannāgato. Upasaṅkamīti samaṇo gotamo sabbarattiṃ abbhokāse caṅkamitvā gandhakuṭiṃ pavisitvā niddāyati, ativiya sukhasayito bhavissati, ghaṭṭayissāmi nanti cintetvā upasaṅkami.
ਕਿਂ ਸੋਪ੍ਪਸੀਤਿ ਕਿਂ ਸੁਪਸਿ, ਕਿਂ ਸੋਪ੍ਪਂ ਨਾਮਿਦਂ ਤવਾਤਿ વਦਤਿ। ਕਿਂ ਨੁ ਸੋਪ੍ਪਸੀਤਿ ਕਸ੍ਮਾ ਨੁ ਸੁਪਸਿ? ਦੁਬ੍ਭਗੋ વਿਯਾਤਿ ਮਤੋ વਿਯ, વਿਸਞ੍ਞੀ વਿਯ ਚ। ਸੁਞ੍ਞਮਗਾਰਨ੍ਤਿ ਸੁਞ੍ਞਂ ਮੇ ਘਰਂ ਲਦ੍ਧਨ੍ਤਿ ਸੋਪ੍ਪਸੀਤਿ વਦਤਿ। ਸੂਰਿਯੇ ਉਗ੍ਗਤੇਤਿ ਸੂਰਿਯਮ੍ਹਿ ਉਟ੍ਠਿਤੇ। ਇਦਾਨਿ ਹਿ ਅਞ੍ਞੇ ਭਿਕ੍ਖੂ ਸਮ੍ਮਜ੍ਜਨ੍ਤਿ , ਪਾਨੀਯਂ ਉਪਟ੍ਠਪੇਨ੍ਤਿ, ਭਿਕ੍ਖਾਚਾਰਗਮਨਸਜ੍ਜਾ ਭવਨ੍ਤਿ, ਤ੍વਂ ਕਸ੍ਮਾ ਸੋਪ੍ਪਸਿਯੇવ।
Kiṃ soppasīti kiṃ supasi, kiṃ soppaṃ nāmidaṃ tavāti vadati. Kiṃ nu soppasīti kasmā nu supasi? Dubbhago viyāti mato viya, visaññī viya ca. Suññamagāranti suññaṃ me gharaṃ laddhanti soppasīti vadati. Sūriye uggateti sūriyamhi uṭṭhite. Idāni hi aññe bhikkhū sammajjanti , pānīyaṃ upaṭṭhapenti, bhikkhācāragamanasajjā bhavanti, tvaṃ kasmā soppasiyeva.
ਜਾਲਿਨੀਤਿ ਤਯੋ ਭવੇ ਅਜ੍ਝੋਤ੍ਥਰਿਤ੍વਾ ਠਿਤੇਨ ‘‘ਅਜ੍ਝਤ੍ਤਿਕਸ੍ਸੁਪਾਦਾਯ ਅਟ੍ਠਾਰਸਤਣ੍ਹਾવਿਚਰਿਤਾਨੀ’’ਤਿਆਦਿਨਾ (વਿਭ॰ ੮੪੨) ਤੇਨ ਤੇਨ ਅਤ੍ਤਨੋ ਕੋਟ੍ਠਾਸਭੂਤੇਨ ਜਾਲੇਨ ਜਾਲਿਨੀ। વਿਸਤ੍ਤਿਕਾਤਿ ਰੂਪਾਦੀਸੁ ਤਤ੍ਥ ਤਤ੍ਥ વਿਸਤ੍ਤਤਾਯ વਿਸਮੂਲਤਾਯ વਿਸਪਰਿਭੋਗਤਾਯ ਚ વਿਸਤ੍ਤਿਕਾ। ਕੁਹਿਞ੍ਚਿ ਨੇਤવੇਤਿ ਕਤ੍ਥਚਿ ਨੇਤੁਂ। ਸਬ੍ਬੂਪਧਿ ਪਰਿਕ੍ਖਯਾਤਿ ਸਬ੍ਬੇਸਂ ਖਨ੍ਧਕਿਲੇਸਾਭਿਸਙ੍ਖਾਰਕਾਮਗੁਣਭੇਦਾਨਂ ਉਪਧੀਨਂ ਪਰਿਕ੍ਖਯਾ। ਕਿਂ ਤવੇਤ੍ਥ, ਮਾਰਾਤਿ, ਮਾਰ, ਤੁਯ੍ਹਂ ਕਿਂ ਏਤ੍ਥ? ਕਸ੍ਮਾ ਤ੍વਂ ਉਣ੍ਹਯਾਗੁਯਂ ਨਿਲੀਯਿਤੁਂ ਅਸਕ੍ਕੋਨ੍ਤੀ ਖੁਦ੍ਦਕਮਕ੍ਖਿਕਾ વਿਯ ਅਨ੍ਤਨ੍ਤੇਨੇવ ਉਜ੍ਝਾਯਨ੍ਤੋ ਆਹਿਣ੍ਡਸੀਤਿ। ਸਤ੍ਤਮਂ।
Jālinīti tayo bhave ajjhottharitvā ṭhitena ‘‘ajjhattikassupādāya aṭṭhārasataṇhāvicaritānī’’tiādinā (vibha. 842) tena tena attano koṭṭhāsabhūtena jālena jālinī. Visattikāti rūpādīsu tattha tattha visattatāya visamūlatāya visaparibhogatāya ca visattikā. Kuhiñci netaveti katthaci netuṃ. Sabbūpadhi parikkhayāti sabbesaṃ khandhakilesābhisaṅkhārakāmaguṇabhedānaṃ upadhīnaṃ parikkhayā. Kiṃ tavettha, mārāti, māra, tuyhaṃ kiṃ ettha? Kasmā tvaṃ uṇhayāguyaṃ nilīyituṃ asakkontī khuddakamakkhikā viya antanteneva ujjhāyanto āhiṇḍasīti. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਸੁਪਤਿਸੁਤ੍ਤਂ • 7. Supatisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਸੁਪਤਿਸੁਤ੍ਤવਣ੍ਣਨਾ • 7. Supatisuttavaṇṇanā
