| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. субинабан̃хо
5. Supinapañho
5. ‘‘бханд̇з нааг̇асзна, имасмим̣ логз наранаарияо субинам̣ бассанд̇и галяаан̣амби баабагамби, д̣̇идтабуб̣б̣амби ад̣̇идтабуб̣б̣амби, гад̇абуб̣б̣амби агад̇абуб̣б̣амби, кзмамби сабхаяамби, д̣̇уурзби санд̇игзби, б̣ахувид̇хааниби анзгаван̣н̣асахассаани д̣̇иссанд̇и, гин̃жзд̇ам̣ субинам̣ наама, го жзд̇ам̣ бассад̇ий’’д̇и? ‘‘нимид̇д̇амзд̇ам̣, махаарааж̇а, субинам̣ наама, яам̣ жид̇д̇асса аабаад̇а 1 мубаг̇ажчад̇и. чаяимз, махаарааж̇а, субинам̣ бассанд̇и, ваад̇иго субинам̣ бассад̇и, бид̇д̇иго субинам̣ бассад̇и, сзмхиго субинам̣ бассад̇и, д̣̇звад̇уубасам̣хаарад̇о субинам̣ бассад̇и, самуд̣̇аажин̣н̣ад̇о субинам̣ бассад̇и, буб̣б̣анимид̇д̇ад̇о субинам̣ бассад̇и, д̇ад̇ра, махаарааж̇а, яам̣ буб̣б̣анимид̇д̇ад̇о субинам̣ бассад̇и, д̇ам̣ язва сажжам̣, авасзсам̣ мижчаа’’д̇и.
5. ‘‘Bhante nāgasena, imasmiṃ loke naranāriyo supinaṃ passanti kalyāṇampi pāpakampi, diṭṭhapubbampi adiṭṭhapubbampi, katapubbampi akatapubbampi, khemampi sabhayampi, dūrepi santikepi, bahuvidhānipi anekavaṇṇasahassāni dissanti, kiñcetaṃ supinaṃ nāma, ko cetaṃ passatī’’ti? ‘‘Nimittametaṃ, mahārāja, supinaṃ nāma, yaṃ cittassa āpāta 2 mupagacchati. Chayime, mahārāja, supinaṃ passanti, vātiko supinaṃ passati, pittiko supinaṃ passati, semhiko supinaṃ passati, devatūpasaṃhārato supinaṃ passati, samudāciṇṇato supinaṃ passati, pubbanimittato supinaṃ passati, tatra, mahārāja, yaṃ pubbanimittato supinaṃ passati, taṃ yeva saccaṃ, avasesaṃ micchā’’ti.
‘‘бханд̇з нааг̇асзна, яо буб̣б̣анимид̇д̇ад̇о субинам̣ бассад̇и, гим̣ д̇асса жид̇д̇ам̣ саяам̣ г̇анд̇ваа д̇ам̣ нимид̇д̇ам̣ вижинаад̇и, д̇ам̣ ваа нимид̇д̇ам̣ жид̇д̇асса аабаад̇амубаг̇ажчад̇и, ан̃н̃о ваа ааг̇анд̇ваа д̇асса аарожзд̇ий’’д̇и? ‘‘на, махаарааж̇а, д̇асса жид̇д̇ам̣ саяам̣ г̇анд̇ваа д̇ам̣ нимид̇д̇ам̣ вижинаад̇и, нааби ан̃н̃о гожи ааг̇анд̇ваа д̇асса аарожзд̇и, ат̇а ко д̇ам̣ язва нимид̇д̇ам̣ жид̇д̇асса аабаад̇амубаг̇ажчад̇и. яат̇аа, махаарааж̇а, аад̣̇аасо на саяам̣ гухин̃жи г̇анд̇ваа чааяам̣ вижинаад̇и, нааби ан̃н̃о гожи чааяам̣ аанзд̇ваа аад̣̇аасам̣ ааробзд̇и 3, ат̇а ко яад̇о гуд̇ожи чааяаа ааг̇анд̇ваа аад̣̇аасасса аабаад̇амубаг̇ажчад̇и, звамзва ко, махаарааж̇а, на д̇асса жид̇д̇ам̣ саяам̣ г̇анд̇ваа д̇ам̣ нимид̇д̇ам̣ вижинаад̇и, нааби ан̃н̃о гожи ааг̇анд̇ваа аарожзд̇и, ат̇а ко яад̇о гуд̇ожи нимид̇д̇ам̣ ааг̇анд̇ваа жид̇д̇асса аабаад̇амубаг̇ажчад̇ий’’д̇и.
‘‘Bhante nāgasena, yo pubbanimittato supinaṃ passati, kiṃ tassa cittaṃ sayaṃ gantvā taṃ nimittaṃ vicināti, taṃ vā nimittaṃ cittassa āpātamupagacchati, añño vā āgantvā tassa ārocetī’’ti? ‘‘Na, mahārāja, tassa cittaṃ sayaṃ gantvā taṃ nimittaṃ vicināti, nāpi añño koci āgantvā tassa āroceti, atha kho taṃ yeva nimittaṃ cittassa āpātamupagacchati. Yathā, mahārāja, ādāso na sayaṃ kuhiñci gantvā chāyaṃ vicināti, nāpi añño koci chāyaṃ ānetvā ādāsaṃ āropeti 4, atha kho yato kutoci chāyā āgantvā ādāsassa āpātamupagacchati, evameva kho, mahārāja, na tassa cittaṃ sayaṃ gantvā taṃ nimittaṃ vicināti, nāpi añño koci āgantvā āroceti, atha kho yato kutoci nimittaṃ āgantvā cittassa āpātamupagacchatī’’ti.
‘‘бханд̇з нааг̇асзна, яам̣ д̇ам̣ жид̇д̇ам̣ субинам̣ бассад̇и, аби ну д̇ам̣ жид̇д̇ам̣ ж̇аанаад̇и ‘звам̣ наама вибааго бхависсад̇и кзмам̣ ваа бхаяам̣ ваа’д̇и? ‘‘на хи, махаарааж̇а, д̇ам̣ жид̇д̇ам̣ ж̇аанаад̇и ‘звам̣вибааго бхависсад̇и кзмам̣ ваа бхаяам̣ ваа’д̇и, нимид̇д̇з бана уббаннз ан̃н̃зсам̣ гат̇зд̇и, д̇ад̇о д̇з ад̇т̇ам̣ гат̇знд̇ий’’д̇и.
‘‘Bhante nāgasena, yaṃ taṃ cittaṃ supinaṃ passati, api nu taṃ cittaṃ jānāti ‘evaṃ nāma vipāko bhavissati khemaṃ vā bhayaṃ vā’ti? ‘‘Na hi, mahārāja, taṃ cittaṃ jānāti ‘evaṃvipāko bhavissati khemaṃ vā bhayaṃ vā’ti, nimitte pana uppanne aññesaṃ katheti, tato te atthaṃ kathentī’’ti.
‘‘ин̇гха, бханд̇з нааг̇асзна, гааран̣ам̣ мз д̣̇ассзхий’’д̇и. ‘‘яат̇аа, махаарааж̇а, сарийрз д̇илагаа бийл̣агаа д̣̇ад̣̇д̣̇ууни удтаханд̇и лаабхааяа ваа алаабхааяа ваа, яасааяа ваа аяасааяа ваа, нинд̣̇ааяа ваа басам̣сааяа ваа, сукааяа ваа д̣̇угкааяа ваа, аби ну д̇аа, махаарааж̇а, бийл̣агаа ж̇аанид̇ваа уббаж̇ж̇анд̇и ‘имам̣ наама маяам̣ ад̇т̇ам̣ нибпаад̣̇зссаамаа’’’д̇и? ‘‘на хи, бханд̇з, яаад̣̇исз д̇аа огаасз бийл̣агаа самбхаванд̇и, д̇ад̇т̇а д̇аа бийл̣агаа д̣̇исваа нзмид̇д̇агаа б̣яаагаронд̇и ‘звам̣ наама вибааго бхависсад̇ий’’’д̇и. ‘‘звамзва ко, махаарааж̇а, яам̣ д̇ам̣ жид̇д̇ам̣ субинам̣ бассад̇и, на д̇ам̣ жид̇д̇ам̣ ж̇аанаад̇и ‘звам̣ наама вибааго бхависсад̇и кзмам̣ ваа бхаяам̣ ваа’д̇и, нимид̇д̇з бана уббаннз ан̃н̃зсам̣ гат̇зд̇и, д̇ад̇о д̇з ад̇т̇ам̣ гат̇знд̇ий’’д̇и.
‘‘Iṅgha, bhante nāgasena, kāraṇaṃ me dassehī’’ti. ‘‘Yathā, mahārāja, sarīre tilakā pīḷakā daddūni uṭṭhahanti lābhāya vā alābhāya vā, yasāya vā ayasāya vā, nindāya vā pasaṃsāya vā, sukhāya vā dukkhāya vā, api nu tā, mahārāja, pīḷakā jānitvā uppajjanti ‘imaṃ nāma mayaṃ atthaṃ nipphādessāmā’’’ti? ‘‘Na hi, bhante, yādise tā okāse pīḷakā sambhavanti, tattha tā pīḷakā disvā nemittakā byākaronti ‘evaṃ nāma vipāko bhavissatī’’’ti. ‘‘Evameva kho, mahārāja, yaṃ taṃ cittaṃ supinaṃ passati, na taṃ cittaṃ jānāti ‘evaṃ nāma vipāko bhavissati khemaṃ vā bhayaṃ vā’ti, nimitte pana uppanne aññesaṃ katheti, tato te atthaṃ kathentī’’ti.
‘‘бханд̇з нааг̇асзна, яо субинам̣ бассад̇и, со нид̣̇д̣̇ааяанд̇о, уд̣̇ааху ж̇ааг̇аранд̇о 5 бассад̇ий’’д̇и? ‘‘яо со, махаарааж̇а, субинам̣ бассад̇и, на со нид̣̇д̣̇ааяанд̇о бассад̇и, нааби ж̇ааг̇аранд̇о бассад̇и. аби жа огганд̇з мид̣̇д̇хз асамбад̇д̇з бхаван̇г̇з зд̇т̇анд̇арз субинам̣ бассад̇и. мид̣̇д̇хасамааруул̣хасса, махаарааж̇а, жид̇д̇ам̣ бхаван̇г̇аг̇ад̇ам̣ ход̇и, бхаван̇г̇аг̇ад̇ам̣ жид̇д̇ам̣ наббавад̇д̇ад̇и, аббавад̇д̇ам̣ жид̇д̇ам̣ сукад̣̇угкам̣ наббаж̇аанаад̇и, аббадивиж̇аананд̇асса субино на ход̇и, бавад̇д̇амаанз жид̇д̇з субинам̣ бассад̇и.
‘‘Bhante nāgasena, yo supinaṃ passati, so niddāyanto, udāhu jāgaranto 6 passatī’’ti? ‘‘Yo so, mahārāja, supinaṃ passati, na so niddāyanto passati, nāpi jāgaranto passati. Api ca okkante middhe asampatte bhavaṅge etthantare supinaṃ passati. Middhasamārūḷhassa, mahārāja, cittaṃ bhavaṅgagataṃ hoti, bhavaṅgagataṃ cittaṃ nappavattati, appavattaṃ cittaṃ sukhadukkhaṃ nappajānāti, appaṭivijānantassa supino na hoti, pavattamāne citte supinaṃ passati.
‘‘яат̇аа, махаарааж̇а, д̇имирз анд̇хагаарз аббабхаасз субарисуд̣̇д̇хзби аад̣̇аасз чааяаа на д̣̇иссад̇и , звамзва ко, махаарааж̇а, мид̣̇д̇хасамааруул̣хз жид̇д̇з бхаван̇г̇аг̇ад̇з д̇идтамаанзби сарийрз жид̇д̇ам̣ аббавад̇д̇ам̣ ход̇и, аббавад̇д̇з жид̇д̇з субинам̣ на бассад̇и . яат̇аа, махаарааж̇а, аад̣̇аасо, звам̣ сарийрам̣ д̣̇адтаб̣б̣ам̣; яат̇аа анд̇хагааро, звам̣ мид̣̇д̇хам̣ д̣̇адтаб̣б̣ам̣; яат̇аа аалого, звам̣ жид̇д̇ам̣ д̣̇адтаб̣б̣ам̣.
‘‘Yathā, mahārāja, timire andhakāre appabhāse suparisuddhepi ādāse chāyā na dissati , evameva kho, mahārāja, middhasamārūḷhe citte bhavaṅgagate tiṭṭhamānepi sarīre cittaṃ appavattaṃ hoti, appavatte citte supinaṃ na passati . Yathā, mahārāja, ādāso, evaṃ sarīraṃ daṭṭhabbaṃ; yathā andhakāro, evaṃ middhaṃ daṭṭhabbaṃ; yathā āloko, evaṃ cittaṃ daṭṭhabbaṃ.
‘‘яат̇аа ваа бана, махаарааж̇а, махигод̇т̇адасса суурияасса бабхаа на д̣̇иссад̇и санд̇аа язва суурияарасми аббавад̇д̇аа ход̇и, аббавад̇д̇ааяа суурияарасмияаа аалого на ход̇и, звамзва ко, махаарааж̇а, мид̣̇д̇хасамааруул̣хасса жид̇д̇ам̣ бхаван̇г̇аг̇ад̇ам̣ ход̇и, бхаван̇г̇аг̇ад̇ам̣ жид̇д̇ам̣ наббавад̇д̇ад̇и, аббавад̇д̇з жид̇д̇з субинам̣ на бассад̇и. яат̇аа, махаарааж̇а, суурияо, звам̣ сарийрам̣ д̣̇адтаб̣б̣ам̣; яат̇аа махигод̇т̇аран̣ам̣, звам̣ мид̣̇д̇хам̣ д̣̇адтаб̣б̣ам̣; яат̇аа суурияарасми, звам̣ жид̇д̇ам̣ д̣̇адтаб̣б̣ам̣.
‘‘Yathā vā pana, mahārāja, mahikotthaṭassa sūriyassa pabhā na dissati santā yeva sūriyarasmi appavattā hoti, appavattāya sūriyarasmiyā āloko na hoti, evameva kho, mahārāja, middhasamārūḷhassa cittaṃ bhavaṅgagataṃ hoti, bhavaṅgagataṃ cittaṃ nappavattati, appavatte citte supinaṃ na passati. Yathā, mahārāja, sūriyo, evaṃ sarīraṃ daṭṭhabbaṃ; yathā mahikottharaṇaṃ, evaṃ middhaṃ daṭṭhabbaṃ; yathā sūriyarasmi, evaṃ cittaṃ daṭṭhabbaṃ.
‘‘д̣̇виннам̣, махаарааж̇а, санд̇зби сарийрз жид̇д̇ам̣ аббавад̇д̇ам̣ ход̇и, мид̣̇д̇хасамааруул̣хасса бхаван̇г̇аг̇ад̇асса санд̇зби сарийрз жид̇д̇ам̣ аббавад̇д̇ам̣ ход̇и, нирод̇хасамаабаннасса санд̇зби сарийрз жид̇д̇ам̣ аббавад̇д̇ам̣ ход̇и, ж̇ааг̇аранд̇асса, махаарааж̇а, жид̇д̇ам̣ лолам̣ ход̇и вивадам̣ баагадам̣ аниб̣ад̣̇д̇хам̣, зваруубасса жид̇д̇з нимид̇д̇ам̣ аабаад̇ам̣ на убзд̇и. яат̇аа, махаарааж̇а, бурисам̣ вивадам̣ баагадам̣ агирияам̣ арахассам̣ рахассагаамаа бариваж̇ж̇знд̇и, звамзва ко, махаарааж̇а, ж̇ааг̇аранд̇асса д̣̇иб̣б̣о ад̇т̇о аабаад̇ам̣ на убзд̇и, д̇асмаа ж̇ааг̇аранд̇о субинам̣ на бассад̇и. яат̇аа ваа бана, махаарааж̇а, бхигкум̣ бхиннааж̇ийвам̣ анаажаарам̣ баабамид̇д̇ам̣ д̣̇уссийлам̣ гусийд̇ам̣ хийнавийрияам̣ гусалаа б̣од̇хибагкияаа д̇хаммаа аабаад̇ам̣ на убзнд̇и, звамзва ко, махаарааж̇а, ж̇ааг̇аранд̇асса д̣̇иб̣б̣о ад̇т̇о аабаад̇ам̣ на убзд̇и, д̇асмаа ж̇ааг̇аранд̇о субинам̣ на бассад̇ий’’д̇и.
‘‘Dvinnaṃ, mahārāja, santepi sarīre cittaṃ appavattaṃ hoti, middhasamārūḷhassa bhavaṅgagatassa santepi sarīre cittaṃ appavattaṃ hoti, nirodhasamāpannassa santepi sarīre cittaṃ appavattaṃ hoti, jāgarantassa, mahārāja, cittaṃ lolaṃ hoti vivaṭaṃ pākaṭaṃ anibaddhaṃ, evarūpassa citte nimittaṃ āpātaṃ na upeti. Yathā, mahārāja, purisaṃ vivaṭaṃ pākaṭaṃ akiriyaṃ arahassaṃ rahassakāmā parivajjenti, evameva kho, mahārāja, jāgarantassa dibbo attho āpātaṃ na upeti, tasmā jāgaranto supinaṃ na passati. Yathā vā pana, mahārāja, bhikkhuṃ bhinnājīvaṃ anācāraṃ pāpamittaṃ dussīlaṃ kusītaṃ hīnavīriyaṃ kusalā bodhipakkhiyā dhammā āpātaṃ na upenti, evameva kho, mahārāja, jāgarantassa dibbo attho āpātaṃ na upeti, tasmā jāgaranto supinaṃ na passatī’’ti.
‘‘бханд̇з нааг̇асзна, ад̇т̇и мид̣̇д̇хасса аад̣̇имаж̇жхабарияосаана’’нд̇и? ‘‘аама, махаарааж̇а, ад̇т̇и мид̣̇д̇хасса аад̣̇имаж̇жхабарияосаана’’нд̇и. ‘‘гад̇амам̣ аад̣̇и, гад̇амам̣ маж̇жхам̣, гад̇амам̣ барияосаана’’нд̇и? ‘‘яо, махаарааж̇а, гааяасса онаахо барияонаахо д̣̇уб̣б̣аляам̣ манд̣̇ад̇аа агамман̃н̃ад̇аа гааяасса, аяам̣ мид̣̇д̇хасса аад̣̇и; яо, махаарааж̇а, габинид̣̇д̣̇аабарзд̇о вогин̣н̣агам̣ ж̇аг̇г̇ад̇и 7, ид̣̇ам̣ мид̣̇д̇хасса маж̇жхам̣; бхаван̇г̇аг̇ад̇и барияосанам̣. маж̇жхуубаг̇ад̇о, махаарааж̇а, габинид̣̇д̣̇аабарзд̇о субинам̣ бассад̇и. яат̇аа, махаарааж̇а, гожи яад̇ажаарий самаахид̇ажид̇д̇о тид̇ад̇хаммо ажалаб̣уд̣̇д̇хи бахийнагод̇уухаласад̣̇д̣̇ам̣ ванамаж̇жхог̇аахид̇ваа сукумам̣ ад̇т̇ам̣ жинд̇аяад̇и, на жа со д̇ад̇т̇а мид̣̇д̇хам̣ оггамад̇и, со д̇ад̇т̇а самаахид̇о згаг̇г̇ажид̇д̇о сукумам̣ ад̇т̇ам̣ бадивиж̇жхад̇и, звамзва ко, махаарааж̇а, ж̇ааг̇аро на мид̣̇д̇хасамаабанно , маж̇жхуубаг̇ад̇о габинид̣̇д̣̇аабарзд̇о субинам̣ бассад̇и. яат̇аа, махаарааж̇а, год̇уухаласад̣̇д̣̇о, звам̣ ж̇ааг̇арам̣ д̣̇адтаб̣б̣ам̣; яат̇аа вивид̇д̇ам̣ ванам̣, звам̣ габинид̣̇д̣̇аабарзд̇о д̣̇адтаб̣б̣о ; яат̇аа со год̇уухаласад̣̇д̣̇ам̣ охааяа мид̣̇д̇хам̣ виваж̇ж̇зд̇ваа маж̇жхад̇д̇абхууд̇о сукумам̣ ад̇т̇ам̣ бадивиж̇жхад̇и, звам̣ ж̇ааг̇аро на мид̣̇д̇хасамаабанно габинид̣̇д̣̇аабарзд̇о субинам̣ бассад̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Bhante nāgasena, atthi middhassa ādimajjhapariyosāna’’nti? ‘‘Āma, mahārāja, atthi middhassa ādimajjhapariyosāna’’nti. ‘‘Katamaṃ ādi, katamaṃ majjhaṃ, katamaṃ pariyosāna’’nti? ‘‘Yo, mahārāja, kāyassa onāho pariyonāho dubbalyaṃ mandatā akammaññatā kāyassa, ayaṃ middhassa ādi; yo, mahārāja, kapiniddāpareto vokiṇṇakaṃ jaggati 8, idaṃ middhassa majjhaṃ; bhavaṅgagati pariyosanaṃ. Majjhūpagato, mahārāja, kapiniddāpareto supinaṃ passati. Yathā, mahārāja, koci yatacārī samāhitacitto ṭhitadhammo acalabuddhi pahīnakotūhalasaddaṃ vanamajjhogāhitvā sukhumaṃ atthaṃ cintayati, na ca so tattha middhaṃ okkamati, so tattha samāhito ekaggacitto sukhumaṃ atthaṃ paṭivijjhati, evameva kho, mahārāja, jāgaro na middhasamāpanno , majjhūpagato kapiniddāpareto supinaṃ passati. Yathā, mahārāja, kotūhalasaddo, evaṃ jāgaraṃ daṭṭhabbaṃ; yathā vivittaṃ vanaṃ, evaṃ kapiniddāpareto daṭṭhabbo ; yathā so kotūhalasaddaṃ ohāya middhaṃ vivajjetvā majjhattabhūto sukhumaṃ atthaṃ paṭivijjhati, evaṃ jāgaro na middhasamāpanno kapiniddāpareto supinaṃ passatī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
субинабан̃хо бан̃жамо.
Supinapañho pañcamo.
Footnotes:
