| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
3-4. ஸுப்படிச்ச²ன்னஸிக்கா²பத³வண்ணனா
3-4. Suppaṭicchannasikkhāpadavaṇṇanā
ஸுட்டு² படிச்ச²ன்னோதி ஜத்தும்பி உரம்பி அவிவரித்வா படிச்சா²தே³தப்³ப³ட்டா²னே படிச்சா²த³னேன படிச்ச²ன்னோ, ந ஸீஸபாருதோ. தேனாஹ ‘‘க³ண்டி²கங் படிமுஞ்சித்வா’’திஆதி³. தத்த² க³ண்டி²கங் படிமுஞ்சித்வாதி க³ண்டி²கங் பாஸகே படிமுஞ்சித்வா. அந்தரக⁴ரே வாதி கோ³சரகா³மே. ஏகதி³வஸம்பி வாஸூபக³தஸ்ஸ ஸந்திகங் யதா²ஸுக²ங் க³ந்துங் வட்டதி, கோ பன வாதோ³ சதுப்பஞ்சாஹங் வாஸமதி⁴ட்டா²ய வஸிதபி⁴க்கூ²னங் ஸந்திகந்தி க³ண்டி²பதே³ லிகி²தங்.
Suṭṭhu paṭicchannoti jattumpi urampi avivaritvā paṭicchādetabbaṭṭhāne paṭicchādanena paṭicchanno, na sīsapāruto. Tenāha ‘‘gaṇṭhikaṃ paṭimuñcitvā’’tiādi. Tattha gaṇṭhikaṃ paṭimuñcitvāti gaṇṭhikaṃ pāsake paṭimuñcitvā. Antaraghare vāti gocaragāme. Ekadivasampi vāsūpagatassa santikaṃ yathāsukhaṃ gantuṃ vaṭṭati, ko pana vādo catuppañcāhaṃ vāsamadhiṭṭhāya vasitabhikkhūnaṃ santikanti gaṇṭhipade likhitaṃ.
வாஸூபக³தஸ்ஸாதி ரத்திவாஸத்தா²ய உபக³தஸ்ஸ ரத்திபா⁴கே³ வா தி³வஸபா⁴கே³ வா காயங் விவரித்வா நிஸீத³தோ அனாபத்தி.
Vāsūpagatassāti rattivāsatthāya upagatassa rattibhāge vā divasabhāge vā kāyaṃ vivaritvā nisīdato anāpatti.
ஸுப்படிச்ச²ன்னஸிக்கா²பத³வண்ணனா நிட்டி²தா.
Suppaṭicchannasikkhāpadavaṇṇanā niṭṭhitā.
