| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৩-৪. সুপ্পটিচ্ছন্নসিক্খাপদৰণ্ণনা
3-4. Suppaṭicchannasikkhāpadavaṇṇanā
সুট্ঠু পটিচ্ছন্নোতি জত্তুম্পি উরম্পি অৰিৰরিত্ৰা পটিচ্ছাদেতব্বট্ঠানে পটিচ্ছাদনেন পটিচ্ছন্নো, ন সীসপারুতো। তেনাহ ‘‘গণ্ঠিকং পটিমুঞ্চিত্ৰা’’তিআদি। তত্থ গণ্ঠিকং পটিমুঞ্চিত্ৰাতি গণ্ঠিকং পাসকে পটিমুঞ্চিত্ৰা। অন্তরঘরে ৰাতি গোচরগামে। একদিৰসম্পি ৰাসূপগতস্স সন্তিকং যথাসুখং গন্তুং ৰট্টতি, কো পন ৰাদো চতুপ্পঞ্চাহং ৰাসমধিট্ঠায ৰসিতভিক্খূনং সন্তিকন্তি গণ্ঠিপদে লিখিতং।
Suṭṭhu paṭicchannoti jattumpi urampi avivaritvā paṭicchādetabbaṭṭhāne paṭicchādanena paṭicchanno, na sīsapāruto. Tenāha ‘‘gaṇṭhikaṃ paṭimuñcitvā’’tiādi. Tattha gaṇṭhikaṃ paṭimuñcitvāti gaṇṭhikaṃ pāsake paṭimuñcitvā. Antaraghare vāti gocaragāme. Ekadivasampi vāsūpagatassa santikaṃ yathāsukhaṃ gantuṃ vaṭṭati, ko pana vādo catuppañcāhaṃ vāsamadhiṭṭhāya vasitabhikkhūnaṃ santikanti gaṇṭhipade likhitaṃ.
ৰাসূপগতস্সাতি রত্তিৰাসত্থায উপগতস্স রত্তিভাগে ৰা দিৰসভাগে ৰা কাযং ৰিৰরিত্ৰা নিসীদতো অনাপত্তি।
Vāsūpagatassāti rattivāsatthāya upagatassa rattibhāge vā divasabhāge vā kāyaṃ vivaritvā nisīdato anāpatti.
সুপ্পটিচ্ছন্নসিক্খাপদৰণ্ণনা নিট্ঠিতা।
Suppaṭicchannasikkhāpadavaṇṇanā niṭṭhitā.
