| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๓-๔. สุปฺปฎิจฺฉนฺนสิกฺขาปทวณฺณนา
3-4. Suppaṭicchannasikkhāpadavaṇṇanā
สุฎฺฐุ ปฎิจฺฉโนฺนติ ชตฺตุมฺปิ อุรมฺปิ อวิวริตฺวา ปฎิจฺฉาเทตพฺพฎฺฐาเน ปฎิจฺฉาทเนน ปฎิจฺฉโนฺน, น สีสปารุโตฯ เตนาห ‘‘คณฺฐิกํ ปฎิมุญฺจิตฺวา’’ติอาทิฯ ตตฺถ คณฺฐิกํ ปฎิมุญฺจิตฺวาติ คณฺฐิกํ ปาสเก ปฎิมุญฺจิตฺวาฯ อนฺตรฆเร วาติ โคจรคาเมฯ เอกทิวสมฺปิ วาสูปคตสฺส สนฺติกํ ยถาสุขํ คนฺตุํ วฎฺฎติ, โก ปน วาโท จตุปฺปญฺจาหํ วาสมธิฎฺฐาย วสิตภิกฺขูนํ สนฺติกนฺติ คณฺฐิปเท ลิขิตํฯ
Suṭṭhu paṭicchannoti jattumpi urampi avivaritvā paṭicchādetabbaṭṭhāne paṭicchādanena paṭicchanno, na sīsapāruto. Tenāha ‘‘gaṇṭhikaṃ paṭimuñcitvā’’tiādi. Tattha gaṇṭhikaṃ paṭimuñcitvāti gaṇṭhikaṃ pāsake paṭimuñcitvā. Antaraghare vāti gocaragāme. Ekadivasampi vāsūpagatassa santikaṃ yathāsukhaṃ gantuṃ vaṭṭati, ko pana vādo catuppañcāhaṃ vāsamadhiṭṭhāya vasitabhikkhūnaṃ santikanti gaṇṭhipade likhitaṃ.
วาสูปคตสฺสาติ รตฺติวาสตฺถาย อุปคตสฺส รตฺติภาเค วา ทิวสภาเค วา กายํ วิวริตฺวา นิสีทโต อนาปตฺติฯ
Vāsūpagatassāti rattivāsatthāya upagatassa rattibhāge vā divasabhāge vā kāyaṃ vivaritvā nisīdato anāpatti.
สุปฺปฎิจฺฉนฺนสิกฺขาปทวณฺณนา นิฎฺฐิตาฯ
Suppaṭicchannasikkhāpadavaṇṇanā niṭṭhitā.
