| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៣-៤. សុប្បដិច្ឆន្នសិក្ខាបទវណ្ណនា
3-4. Suppaṭicchannasikkhāpadavaṇṇanā
សុដ្ឋុ បដិច្ឆន្នោតិ ជត្តុម្បិ ឧរម្បិ អវិវរិត្វា បដិច្ឆាទេតព្ពដ្ឋានេ បដិច្ឆាទនេន បដិច្ឆន្នោ, ន សីសបារុតោ។ តេនាហ ‘‘គណ្ឋិកំ បដិមុញ្ចិត្វា’’តិអាទិ។ តត្ថ គណ្ឋិកំ បដិមុញ្ចិត្វាតិ គណ្ឋិកំ បាសកេ បដិមុញ្ចិត្វា។ អន្តរឃរេ វាតិ គោចរគាមេ។ ឯកទិវសម្បិ វាសូបគតស្ស សន្តិកំ យថាសុខំ គន្តុំ វដ្ដតិ, កោ បន វាទោ ចតុប្បញ្ចាហំ វាសមធិដ្ឋាយ វសិតភិក្ខូនំ សន្តិកន្តិ គណ្ឋិបទេ លិខិតំ។
Suṭṭhu paṭicchannoti jattumpi urampi avivaritvā paṭicchādetabbaṭṭhāne paṭicchādanena paṭicchanno, na sīsapāruto. Tenāha ‘‘gaṇṭhikaṃ paṭimuñcitvā’’tiādi. Tattha gaṇṭhikaṃ paṭimuñcitvāti gaṇṭhikaṃ pāsake paṭimuñcitvā. Antaraghare vāti gocaragāme. Ekadivasampi vāsūpagatassa santikaṃ yathāsukhaṃ gantuṃ vaṭṭati, ko pana vādo catuppañcāhaṃ vāsamadhiṭṭhāya vasitabhikkhūnaṃ santikanti gaṇṭhipade likhitaṃ.
វាសូបគតស្សាតិ រត្តិវាសត្ថាយ ឧបគតស្ស រត្តិភាគេ វា ទិវសភាគេ វា កាយំ វិវរិត្វា និសីទតោ អនាបត្តិ។
Vāsūpagatassāti rattivāsatthāya upagatassa rattibhāge vā divasabhāge vā kāyaṃ vivaritvā nisīdato anāpatti.
សុប្បដិច្ឆន្នសិក្ខាបទវណ្ណនា និដ្ឋិតា។
Suppaṭicchannasikkhāpadavaṇṇanā niṭṭhitā.
