| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༣-༤. སུཔྤཊིཙྪནྣསིཀྑཱཔདཝཎྞནཱ
3-4. Suppaṭicchannasikkhāpadavaṇṇanā
སུཊྛུ པཊིཙྪནྣོཏི ཛཏྟུམྤི ཨུརམྤི ཨཝིཝརིཏྭཱ པཊིཙྪཱདེཏབྦཊྛཱནེ པཊིཙྪཱདནེན པཊིཙྪནྣོ, ན སཱིསཔཱརུཏོ། ཏེནཱཧ ‘‘གཎྛིཀཾ པཊིམུཉྩིཏྭཱ’’ཏིཨཱདི། ཏཏྠ གཎྛིཀཾ པཊིམུཉྩིཏྭཱཏི གཎྛིཀཾ པཱསཀེ པཊིམུཉྩིཏྭཱ། ཨནྟརགྷརེ ཝཱཏི གོཙརགཱམེ། ཨེཀདིཝསམྤི ཝཱསཱུཔགཏསྶ སནྟིཀཾ ཡཐཱསུཁཾ གནྟུཾ ཝཊྚཏི, ཀོ པན ཝཱདོ ཙཏུཔྤཉྩཱཧཾ ཝཱསམདྷིཊྛཱཡ ཝསིཏབྷིཀྑཱུནཾ སནྟིཀནྟི གཎྛིཔདེ ལིཁིཏཾ།
Suṭṭhu paṭicchannoti jattumpi urampi avivaritvā paṭicchādetabbaṭṭhāne paṭicchādanena paṭicchanno, na sīsapāruto. Tenāha ‘‘gaṇṭhikaṃ paṭimuñcitvā’’tiādi. Tattha gaṇṭhikaṃ paṭimuñcitvāti gaṇṭhikaṃ pāsake paṭimuñcitvā. Antaraghare vāti gocaragāme. Ekadivasampi vāsūpagatassa santikaṃ yathāsukhaṃ gantuṃ vaṭṭati, ko pana vādo catuppañcāhaṃ vāsamadhiṭṭhāya vasitabhikkhūnaṃ santikanti gaṇṭhipade likhitaṃ.
ཝཱསཱུཔགཏསྶཱཏི རཏྟིཝཱསཏྠཱཡ ཨུཔགཏསྶ རཏྟིབྷཱགེ ཝཱ དིཝསབྷཱགེ ཝཱ ཀཱཡཾ ཝིཝརིཏྭཱ ནིསཱིདཏོ ཨནཱཔཏྟི།
Vāsūpagatassāti rattivāsatthāya upagatassa rattibhāge vā divasabhāge vā kāyaṃ vivaritvā nisīdato anāpatti.
སུཔྤཊིཙྪནྣསིཀྑཱཔདཝཎྞནཱ ནིཊྛིཏཱ།
Suppaṭicchannasikkhāpadavaṇṇanā niṭṭhitā.
