| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. суббаваасаасуд̇д̇ам̣
7. Suppavāsāsuttaṃ
57. згам̣ самаяам̣ бхаг̇аваа голиязсу вихарад̇и баж̇ж̇анигам̣ 1 наама голияаанам̣ ниг̇амо. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна суббаваасааяа голияад̇хийд̇уяаа нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко суббаваасаа голияад̇хийд̇аа бхаг̇аванд̇ам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко суббаваасаа голияад̇хийд̇аа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисиннам̣ ко суббаваасам̣ голияад̇хийд̇арам̣ бхаг̇аваа зд̇ад̣̇авожа –
57. Ekaṃ samayaṃ bhagavā koliyesu viharati pajjanikaṃ 2 nāma koliyānaṃ nigamo. Atha kho bhagavā pubbaṇhasamayaṃ nivāsetvā pattacīvaramādāya yena suppavāsāya koliyadhītuyā nivesanaṃ tenupasaṅkami; upasaṅkamitvā paññatte āsane nisīdi. Atha kho suppavāsā koliyadhītā bhagavantaṃ paṇītena khādanīyena bhojanīyena sahatthā santappesi sampavāresi. Atha kho suppavāsā koliyadhītā bhagavantaṃ bhuttāviṃ onītapattapāṇiṃ ekamantaṃ nisīdi. Ekamantaṃ nisinnaṃ kho suppavāsaṃ koliyadhītaraṃ bhagavā etadavoca –
‘‘бхож̇анам̣ , суббаваасз, д̣̇знд̇ий арияасаавигаа бадиг̇г̇аахагаанам̣ жад̇д̇аари таанаани д̣̇зд̇и. гад̇амаани жад̇д̇аари? ааяум̣ д̣̇зд̇и, ван̣н̣ам̣ д̣̇зд̇и, сукам̣ д̣̇зд̇и, б̣алам̣ д̣̇зд̇и. ааяум̣ ко бана д̣̇ад̇ваа ааяусса бхааг̇иний ход̇и д̣̇иб̣б̣асса ваа маанусасса ваа. ван̣н̣ам̣ д̣̇ад̇ваа ван̣н̣асса бхааг̇иний ход̇и д̣̇иб̣б̣асса ваа маанусасса ваа. сукам̣ д̣̇ад̇ваа сукасса бхааг̇иний ход̇и д̣̇иб̣б̣асса ваа маанусасса ваа. б̣алам̣ д̣̇ад̇ваа б̣аласса бхааг̇иний ход̇и д̣̇иб̣б̣асса ваа маанусасса ваа. бхож̇анам̣, суббаваасз, д̣̇знд̇ий арияасаавигаа бадиг̇г̇аахагаанам̣ имаани жад̇д̇аари таанаани д̣̇зд̇ий’’д̇и.
‘‘Bhojanaṃ , suppavāse, dentī ariyasāvikā paṭiggāhakānaṃ cattāri ṭhānāni deti. Katamāni cattāri? Āyuṃ deti, vaṇṇaṃ deti, sukhaṃ deti, balaṃ deti. Āyuṃ kho pana datvā āyussa bhāginī hoti dibbassa vā mānusassa vā. Vaṇṇaṃ datvā vaṇṇassa bhāginī hoti dibbassa vā mānusassa vā. Sukhaṃ datvā sukhassa bhāginī hoti dibbassa vā mānusassa vā. Balaṃ datvā balassa bhāginī hoti dibbassa vā mānusassa vā. Bhojanaṃ, suppavāse, dentī ariyasāvikā paṭiggāhakānaṃ imāni cattāri ṭhānāni detī’’ti.
‘‘сусан̇кад̇ам̣ бхож̇анам̣ яаа д̣̇ад̣̇аад̇и,
‘‘Susaṅkhataṃ bhojanaṃ yā dadāti,
саа д̣̇агкин̣аа уж̇ж̇уг̇ад̇зсу д̣̇иннаа,
Sā dakkhiṇā ujjugatesu dinnā,
жаран̣уубабаннзсу махаг̇г̇ад̇зсу;
Caraṇūpapannesu mahaggatesu;
бун̃н̃зна бун̃н̃ам̣ сам̣санд̣̇амаанаа,
Puññena puññaṃ saṃsandamānā,
махабпалаа логавид̣̇ууна ван̣н̣ид̇аа.
Mahapphalā lokavidūna vaṇṇitā.
‘‘зд̇аад̣̇исам̣ яан̃н̃амануссаранд̇аа,
‘‘Etādisaṃ yaññamanussarantā,
яз взд̣̇аж̇аад̇аа вижаранд̇и логз;
Ye vedajātā vicaranti loke;
винзяяа мажчзрамалам̣ самуулам̣,
Vineyya maccheramalaṃ samūlaṃ,
анинд̣̇ид̇аа саг̇г̇амубзнд̇и таана’’нд̇и. сад̇д̇амам̣;
Aninditā saggamupenti ṭhāna’’nti. sattamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. суббаваасаасуд̇д̇аван̣н̣анаа • 7. Suppavāsāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-10. суббаваасаасуд̇д̇аад̣̇иван̣н̣анаа • 7-10. Suppavāsāsuttādivaṇṇanā
