| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
8. суббаваасаасуд̇д̇ам̣
8. Suppavāsāsuttaṃ
18. звам̣ мз суд̇ам̣ – згам̣ самаяам̣ бхаг̇аваа гун̣д̣игааяам̣ 1 вихарад̇и гун̣д̣ад̇хаанаванз 2. д̇зна ко бана самаязна суббаваасаа голияад̇хийд̇аа сад̇д̇а вассаани г̇аб̣бхам̣ д̇хаарзд̇и. сад̇д̇аахам̣ муул̣хаг̇аб̣бхаа саа д̣̇угкаахи д̇иб̣б̣аахи караахи гадугаахи взд̣̇анаахи пудтаа д̇ийхи вид̇аггзхи ад̇хиваасзд̇и – ‘‘саммаасамб̣уд̣̇д̇хо вад̇а со бхаг̇аваа яо имасса зваруубасса д̣̇угкасса бахаанааяа д̇хаммам̣ д̣̇зсзд̇и; суббадибанно вад̇а д̇асса бхаг̇авад̇о саавагасан̇гхо яо имасса зваруубасса д̣̇угкасса бахаанааяа бадибанно; сусукам̣ вад̇а д̇ам̣ ниб̣б̣аанам̣ яад̇т̇ид̣̇ам̣ зваруубам̣ д̣̇угкам̣ на сам̣виж̇ж̇ад̇ий’’д̇и.
18. Evaṃ me sutaṃ – ekaṃ samayaṃ bhagavā kuṇḍikāyaṃ 3 viharati kuṇḍadhānavane 4. Tena kho pana samayena suppavāsā koliyadhītā satta vassāni gabbhaṃ dhāreti. Sattāhaṃ mūḷhagabbhā sā dukkhāhi tibbāhi kharāhi kaṭukāhi vedanāhi phuṭṭhā tīhi vitakkehi adhivāseti – ‘‘sammāsambuddho vata so bhagavā yo imassa evarūpassa dukkhassa pahānāya dhammaṃ deseti; suppaṭipanno vata tassa bhagavato sāvakasaṅgho yo imassa evarūpassa dukkhassa pahānāya paṭipanno; susukhaṃ vata taṃ nibbānaṃ yatthidaṃ evarūpaṃ dukkhaṃ na saṃvijjatī’’ti.
ат̇а ко суббаваасаа голияад̇хийд̇аа саамигам̣ ааманд̇зси – ‘‘зхи д̇вам̣, аяяабуд̇д̇а, язна бхаг̇аваа д̇знубасан̇гама; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇аахи; аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘суббаваасаа, бханд̇з, голияад̇хийд̇аа бхаг̇авад̇о баад̣̇з сирасаа ванд̣̇ад̇и; аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и. зван̃жа вад̣̇зхи – ‘суббаваасаа, бханд̇з, голияад̇хийд̇аа сад̇д̇а вассаани г̇аб̣бхам̣ д̇хаарзд̇и. сад̇д̇аахам̣ муул̣хаг̇аб̣бхаа саа д̣̇угкаахи д̇иб̣б̣аахи караахи гадугаахи взд̣̇анаахи пудтаа д̇ийхи вид̇аггзхи ад̇хиваасзд̇и – саммаасамб̣уд̣̇д̇хо вад̇а со бхаг̇аваа яо имасса зваруубасса д̣̇угкасса бахаанааяа д̇хаммам̣ д̣̇зсзд̇и; суббадибанно вад̇а д̇асса бхаг̇авад̇о саавагасан̇гхо яо имасса зваруубасса д̣̇угкасса бахаанааяа бадибанно; сусукам̣ вад̇а д̇ам̣ ниб̣б̣аанам̣ яад̇т̇ид̣̇ам̣ зваруубам̣ д̣̇угкам̣ на сам̣виж̇ж̇ад̇ий’’’д̇и.
Atha kho suppavāsā koliyadhītā sāmikaṃ āmantesi – ‘‘ehi tvaṃ, ayyaputta, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi; appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘suppavāsā, bhante, koliyadhītā bhagavato pāde sirasā vandati; appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘suppavāsā, bhante, koliyadhītā satta vassāni gabbhaṃ dhāreti. Sattāhaṃ mūḷhagabbhā sā dukkhāhi tibbāhi kharāhi kaṭukāhi vedanāhi phuṭṭhā tīhi vitakkehi adhivāseti – sammāsambuddho vata so bhagavā yo imassa evarūpassa dukkhassa pahānāya dhammaṃ deseti; suppaṭipanno vata tassa bhagavato sāvakasaṅgho yo imassa evarūpassa dukkhassa pahānāya paṭipanno; susukhaṃ vata taṃ nibbānaṃ yatthidaṃ evarūpaṃ dukkhaṃ na saṃvijjatī’’’ti.
‘‘барама’’нд̇и ко со голияабуд̇д̇о суббаваасааяа голияад̇хийд̇ааяа бадиссуд̇ваа язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко голияабуд̇д̇о бхаг̇аванд̇ам̣ зд̇ад̣̇авожа – ‘‘суббаваасаа, бханд̇з, голияад̇хийд̇аа бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и; зван̃жа вад̣̇зд̇и – ‘суббаваасаа, бханд̇з, голияад̇хийд̇аа сад̇д̇а вассаани г̇аб̣бхам̣ д̇хаарзд̇и. сад̇д̇аахам̣ муул̣хаг̇аб̣бхаа саа д̣̇угкаахи д̇иб̣б̣аахи караахи гадугаахи взд̣̇анаахи пудтаа д̇ийхи вид̇аггзхи ад̇хиваасзд̇и – саммаасамб̣уд̣̇д̇хо вад̇а со бхаг̇аваа яо имасса зваруубасса д̣̇угкасса бахаанааяа д̇хаммам̣ д̣̇зсзд̇и; суббадибанно вад̇а д̇асса бхаг̇авад̇о саавагасан̇гхо яо имасса зваруубасса д̣̇угкасса бахаанааяа бадибанно; сусукам̣ вад̇а ниб̣б̣аанам̣ яад̇т̇ид̣̇ам̣ зваруубам̣ д̣̇угкам̣ на сам̣виж̇ж̇ад̇ий’’’д̇и.
‘‘Parama’’nti kho so koliyaputto suppavāsāya koliyadhītāya paṭissutvā yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho koliyaputto bhagavantaṃ etadavoca – ‘‘suppavāsā, bhante, koliyadhītā bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati; evañca vadeti – ‘suppavāsā, bhante, koliyadhītā satta vassāni gabbhaṃ dhāreti. Sattāhaṃ mūḷhagabbhā sā dukkhāhi tibbāhi kharāhi kaṭukāhi vedanāhi phuṭṭhā tīhi vitakkehi adhivāseti – sammāsambuddho vata so bhagavā yo imassa evarūpassa dukkhassa pahānāya dhammaṃ deseti; suppaṭipanno vata tassa bhagavato sāvakasaṅgho yo imassa evarūpassa dukkhassa pahānāya paṭipanno; susukhaṃ vata nibbānaṃ yatthidaṃ evarūpaṃ dukkhaṃ na saṃvijjatī’’’ti.
‘‘сукиний ход̇у суббаваасаа голияад̇хийд̇аа; арог̇аа арог̇ам̣ буд̇д̇ам̣ виж̇ааяад̇уу’’д̇и. саха важанаа жа бана бхаг̇авад̇о суббаваасаа голияад̇хийд̇аа сукиний арог̇аа арог̇ам̣ буд̇д̇ам̣ виж̇ааяи.
‘‘Sukhinī hotu suppavāsā koliyadhītā; arogā arogaṃ puttaṃ vijāyatū’’ti. Saha vacanā ca pana bhagavato suppavāsā koliyadhītā sukhinī arogā arogaṃ puttaṃ vijāyi.
‘‘звам̣, бханд̇з’’д̇и ко со голияабуд̇д̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна сагам̣ гхарам̣ д̇зна бажжааяааси. ад̣̇д̣̇асаа ко со голияабуд̇д̇о суббаваасам̣ голияад̇хийд̇арам̣ сукиним̣ арог̇ам̣ арог̇ам̣ буд̇д̇ам̣ виж̇аад̇ам̣. д̣̇исваанасса зд̇ад̣̇ахоси – ‘‘ажчарияам̣ вад̇а, бхо, аб̣бхуд̇ам̣ вад̇а, бхо, д̇ат̇ааг̇ад̇асса махид̣̇д̇хигад̇аа махаанубхаавад̇аа, яад̇ра хи наамааяам̣ суббаваасаа голияад̇хийд̇аа саха важанаа жа бана 5 бхаг̇авад̇о сукиний арог̇аа арог̇ам̣ буд̇д̇ам̣ виж̇ааяиссад̇ий’’д̇и! ад̇д̇амано бамуд̣̇ид̇о бийд̇исоманассаж̇аад̇о ахоси.
‘‘Evaṃ, bhante’’ti kho so koliyaputto bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā yena sakaṃ gharaṃ tena paccāyāsi. Addasā kho so koliyaputto suppavāsaṃ koliyadhītaraṃ sukhiniṃ arogaṃ arogaṃ puttaṃ vijātaṃ. Disvānassa etadahosi – ‘‘acchariyaṃ vata, bho, abbhutaṃ vata, bho, tathāgatassa mahiddhikatā mahānubhāvatā, yatra hi nāmāyaṃ suppavāsā koliyadhītā saha vacanā ca pana 6 bhagavato sukhinī arogā arogaṃ puttaṃ vijāyissatī’’ti! Attamano pamudito pītisomanassajāto ahosi.
ат̇а ко суббаваасаа голияад̇хийд̇аа саамигам̣ ааманд̇зси – ‘‘зхи д̇вам̣, аяяабуд̇д̇а, язна бхаг̇аваа д̇знубасан̇гама; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇аахи – ‘суббаваасаа, бханд̇з, голияад̇хийд̇аа бхаг̇авад̇о баад̣̇з сирасаа ванд̣̇ад̇ий’д̇и; зван̃жа вад̣̇зхи – ‘суббаваасаа, бханд̇з, голияад̇хийд̇аа сад̇д̇а вассаани г̇аб̣бхам̣ д̇хаарзд̇и. сад̇д̇аахам̣ муул̣хаг̇аб̣бхаа саа зд̇арахи сукиний арог̇аа арог̇ам̣ буд̇д̇ам̣ виж̇аад̇аа. саа сад̇д̇аахам̣ б̣уд̣̇д̇хаббамукам̣ бхигкусан̇гхам̣ бхад̇д̇зна ниманд̇зд̇и. ад̇хиваасзд̇у гира, бханд̇з, бхаг̇аваа суббаваасааяа голияад̇хийд̇ааяа сад̇д̇а бхад̇д̇аани сад̣̇д̇хим̣ бхигкусан̇гхзнаа’’’д̇и.
Atha kho suppavāsā koliyadhītā sāmikaṃ āmantesi – ‘‘ehi tvaṃ, ayyaputta, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi – ‘suppavāsā, bhante, koliyadhītā bhagavato pāde sirasā vandatī’ti; evañca vadehi – ‘suppavāsā, bhante, koliyadhītā satta vassāni gabbhaṃ dhāreti. Sattāhaṃ mūḷhagabbhā sā etarahi sukhinī arogā arogaṃ puttaṃ vijātā. Sā sattāhaṃ buddhappamukhaṃ bhikkhusaṅghaṃ bhattena nimanteti. Adhivāsetu kira, bhante, bhagavā suppavāsāya koliyadhītāya satta bhattāni saddhiṃ bhikkhusaṅghenā’’’ti.
‘‘барама’’нд̇и ко со голияабуд̇д̇о суббаваасааяа голияад̇хийд̇ааяа бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со голияабуд̇д̇о бхаг̇аванд̇ам̣ зд̇ад̣̇авожа –
‘‘Parama’’nti kho so koliyaputto suppavāsāya koliyadhītāya paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so koliyaputto bhagavantaṃ etadavoca –
‘‘суббаваасаа , бханд̇з, голияад̇хийд̇аа бхаг̇авад̇о баад̣̇з сирасаа ванд̣̇ад̇и; зван̃жа вад̣̇зд̇и – ‘суббаваасаа, бханд̇з, голияад̇хийд̇аа сад̇д̇а вассаани г̇аб̣бхам̣ д̇хаарзд̇и. сад̇д̇аахам̣ муул̣хаг̇аб̣бхаа саа зд̇арахи сукиний арог̇аа арог̇ам̣ буд̇д̇ам̣ виж̇аад̇аа. саа сад̇д̇аахам̣ б̣уд̣̇д̇хаббамукам̣ бхигкусан̇гхам̣ бхад̇д̇зна ниманд̇зд̇и. ад̇хиваасзд̇у гира, бханд̇з, бхаг̇аваа суббаваасааяа голияад̇хийд̇ааяа сад̇д̇а бхад̇д̇аани сад̣̇д̇хим̣ бхигкусан̇гхзнаа’’’д̇и.
‘‘Suppavāsā , bhante, koliyadhītā bhagavato pāde sirasā vandati; evañca vadeti – ‘suppavāsā, bhante, koliyadhītā satta vassāni gabbhaṃ dhāreti. Sattāhaṃ mūḷhagabbhā sā etarahi sukhinī arogā arogaṃ puttaṃ vijātā. Sā sattāhaṃ buddhappamukhaṃ bhikkhusaṅghaṃ bhattena nimanteti. Adhivāsetu kira, bhante, bhagavā suppavāsāya koliyadhītāya satta bhattāni saddhiṃ bhikkhusaṅghenā’’’ti.
д̇зна ко бана самаязна ан̃н̃ад̇арзна убаасагзна б̣уд̣̇д̇хаббамуко бхигкусан̇гхо сваад̇анааяа бхад̇д̇зна ниманд̇ид̇о ход̇и. со жа убаасаго ааяасмад̇о махаамог̇г̇аллаанасса 7 убадтааго ход̇и. ат̇а ко бхаг̇аваа ааяасманд̇ам̣ махаамог̇г̇аллаанам̣ ааманд̇зси – ‘‘зхи д̇вам̣, мог̇г̇аллаана, язна со убаасаго д̇знубасан̇гама ; убасан̇гамид̇ваа д̇ам̣ убаасагам̣ звам̣ вад̣̇зхи – ‘суббаваасаа, аавусо, голияад̇хийд̇аа сад̇д̇а вассаани г̇аб̣бхам̣ д̇хаарзси. сад̇д̇аахам̣ муул̣хаг̇аб̣бхаа саа зд̇арахи сукиний арог̇аа арог̇ам̣ буд̇д̇ам̣ виж̇аад̇аа. саа сад̇д̇аахам̣ б̣уд̣̇д̇хаббамукам̣ бхигкусан̇гхам̣ бхад̇д̇зна ниманд̇зд̇и. гарод̇у суббаваасаа голияад̇хийд̇аа сад̇д̇а бхад̇д̇аани, бажчаа д̇вам̣ гариссасий’д̇и 8. д̇уяхзсо убадтааго’’д̇и.
Tena kho pana samayena aññatarena upāsakena buddhappamukho bhikkhusaṅgho svātanāya bhattena nimantito hoti. So ca upāsako āyasmato mahāmoggallānassa 9 upaṭṭhāko hoti. Atha kho bhagavā āyasmantaṃ mahāmoggallānaṃ āmantesi – ‘‘ehi tvaṃ, moggallāna, yena so upāsako tenupasaṅkama ; upasaṅkamitvā taṃ upāsakaṃ evaṃ vadehi – ‘suppavāsā, āvuso, koliyadhītā satta vassāni gabbhaṃ dhāresi. Sattāhaṃ mūḷhagabbhā sā etarahi sukhinī arogā arogaṃ puttaṃ vijātā. Sā sattāhaṃ buddhappamukhaṃ bhikkhusaṅghaṃ bhattena nimanteti. Karotu suppavāsā koliyadhītā satta bhattāni, pacchā tvaṃ karissasī’ti 10. Tuyheso upaṭṭhāko’’ti.
‘‘звам̣, бханд̇з’’д̇и ко ааяасмаа махаамог̇г̇аллаано бхаг̇авад̇о бадиссуд̇ваа язна со убаасаго д̇знубасан̇гами; убасан̇гамид̇ваа д̇ам̣ убаасагам̣ зд̇ад̣̇авожа – ‘‘суббаваасаа, аавусо, голияад̇хийд̇аа сад̇д̇а вассаани г̇аб̣бхам̣ д̇хаарзд̇и. сад̇д̇аахам̣ муул̣хаг̇аб̣бхаа саа зд̇арахи сукиний арог̇аа арог̇ам̣ буд̇д̇ам̣ виж̇аад̇аа. саа сад̇д̇аахам̣ б̣уд̣̇д̇хаббамукам̣ бхигкусан̇гхам̣ бхад̇д̇зна ниманд̇зд̇и. гарод̇у суббаваасаа голияад̇хийд̇аа сад̇д̇а бхад̇д̇аани, бажчаа д̇вам̣ гариссасий’’д̇и.
‘‘Evaṃ, bhante’’ti kho āyasmā mahāmoggallāno bhagavato paṭissutvā yena so upāsako tenupasaṅkami; upasaṅkamitvā taṃ upāsakaṃ etadavoca – ‘‘suppavāsā, āvuso, koliyadhītā satta vassāni gabbhaṃ dhāreti. Sattāhaṃ mūḷhagabbhā sā etarahi sukhinī arogā arogaṃ puttaṃ vijātā. Sā sattāhaṃ buddhappamukhaṃ bhikkhusaṅghaṃ bhattena nimanteti. Karotu suppavāsā koliyadhītā satta bhattāni, pacchā tvaṃ karissasī’’ti.
‘‘сажз мз, бханд̇з, аяяо махаамог̇г̇аллаано д̇ин̣н̣ам̣ д̇хаммаанам̣ баадибхог̇о – бхог̇аанан̃жа ж̇ийвид̇асса жа сад̣̇д̇хааяа жа, гарод̇у суббаваасаа голияад̇хийд̇аа сад̇д̇а бхад̇д̇аани, бажчаахам̣ гариссаамий’’д̇и. ‘‘д̣̇виннам̣ ко д̇з ахам̣ 11, аавусо, д̇хаммаанам̣ баадибхог̇о – бхог̇аанан̃жа ж̇ийвид̇асса жа. сад̣̇д̇хааяа бана д̇вам̣язва баадибхог̇о’’д̇и.
‘‘Sace me, bhante, ayyo mahāmoggallāno tiṇṇaṃ dhammānaṃ pāṭibhogo – bhogānañca jīvitassa ca saddhāya ca, karotu suppavāsā koliyadhītā satta bhattāni, pacchāhaṃ karissāmī’’ti. ‘‘Dvinnaṃ kho te ahaṃ 12, āvuso, dhammānaṃ pāṭibhogo – bhogānañca jīvitassa ca. Saddhāya pana tvaṃyeva pāṭibhogo’’ti.
‘‘сажз мз, бханд̇з, аяяо махаамог̇г̇аллаано д̣̇виннам̣ д̇хаммаанам̣ баадибхог̇о – бхог̇аанан̃жа ж̇ийвид̇асса жа, гарод̇у суббаваасаа голияад̇хийд̇аа сад̇д̇а бхад̇д̇аани, бажчаахам̣ гариссаамий’’д̇и.
‘‘Sace me, bhante, ayyo mahāmoggallāno dvinnaṃ dhammānaṃ pāṭibhogo – bhogānañca jīvitassa ca, karotu suppavāsā koliyadhītā satta bhattāni, pacchāhaṃ karissāmī’’ti.
ат̇а ко ааяасмаа махаамог̇г̇аллаано д̇ам̣ убаасагам̣ сан̃н̃аабзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘сан̃н̃ад̇д̇о 13, бханд̇з, со убаасаго маяаа; гарод̇у суббаваасаа голияад̇хийд̇аа сад̇д̇а бхад̇д̇аани, бажчаа со гариссад̇ий’’д̇и.
Atha kho āyasmā mahāmoggallāno taṃ upāsakaṃ saññāpetvā yena bhagavā tenupasaṅkami; upasaṅkamitvā bhagavantaṃ etadavoca – ‘‘saññatto 14, bhante, so upāsako mayā; karotu suppavāsā koliyadhītā satta bhattāni, pacchā so karissatī’’ti.
ат̇а ко суббаваасаа голияад̇хийд̇аа сад̇д̇аахам̣ б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси, д̇ан̃жа д̣̇аарагам̣ бхаг̇аванд̇ам̣ ванд̣̇аабзси саб̣б̣ан̃жа бхигкусан̇гхам̣.
Atha kho suppavāsā koliyadhītā sattāhaṃ buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi, tañca dārakaṃ bhagavantaṃ vandāpesi sabbañca bhikkhusaṅghaṃ.
ат̇а ко ааяасмаа саарибуд̇д̇о д̇ам̣ д̣̇аарагам̣ зд̇ад̣̇авожа – ‘‘гажжи д̇з, д̣̇аарага, каманийяам̣, гажжи яаабанийяам̣, гажжи на гин̃жи д̣̇угка’’нд̇и? ‘‘гуд̇о мз, бханд̇з саарибуд̇д̇а, каманийяам̣, гуд̇о яаабанийяам̣! сад̇д̇а мз вассаани лохид̇агумбхияам̣ вуд̇д̇ааний’’д̇и.
Atha kho āyasmā sāriputto taṃ dārakaṃ etadavoca – ‘‘kacci te, dāraka, khamanīyaṃ, kacci yāpanīyaṃ, kacci na kiñci dukkha’’nti? ‘‘Kuto me, bhante sāriputta, khamanīyaṃ, kuto yāpanīyaṃ! Satta me vassāni lohitakumbhiyaṃ vuttānī’’ti.
ат̇а ко суббаваасаа голияад̇хийд̇аа – ‘‘буд̇д̇о мз д̇хаммасзнаабад̇инаа сад̣̇д̇хим̣ манд̇зд̇ий’’д̇и ад̇д̇аманаа бамуд̣̇ид̇аа бийд̇исоманассаж̇аад̇аа ахоси. ат̇а ко бхаг̇аваа (суббаваасам̣ голийяад̇хийд̇арам̣ ад̇д̇аманам̣ бамуд̣̇ид̇ам̣ бийд̇исоманассаж̇аад̇ам̣ вид̣̇ид̇ваа 15) 16 суббаваасам̣ голияад̇хийд̇арам̣ зд̇ад̣̇авожа – ‘‘ижчзяяааси д̇вам̣, суббаваасз, ан̃н̃амби зваруубам̣ буд̇д̇а’’нд̇и? ‘‘ижчзяяаамахам̣, бхаг̇аваа, ан̃н̃ааниби зваруубаани сад̇д̇а буд̇д̇ааний’’д̇и .
Atha kho suppavāsā koliyadhītā – ‘‘putto me dhammasenāpatinā saddhiṃ mantetī’’ti attamanā pamuditā pītisomanassajātā ahosi. Atha kho bhagavā (suppavāsaṃ kolīyadhītaraṃ attamanaṃ pamuditaṃ pītisomanassajātaṃ viditvā 17) 18 suppavāsaṃ koliyadhītaraṃ etadavoca – ‘‘iccheyyāsi tvaṃ, suppavāse, aññampi evarūpaṃ putta’’nti? ‘‘Iccheyyāmahaṃ, bhagavā, aññānipi evarūpāni satta puttānī’’ti .
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘асаад̇ам̣ саад̇аруубзна, бияаруубзна аббияам̣;
‘‘Asātaṃ sātarūpena, piyarūpena appiyaṃ;
д̣̇угкам̣ сукасса руубзна, бамад̇д̇амад̇ивад̇д̇ад̇ий’’д̇и. адтамам̣;
Dukkhaṃ sukhassa rūpena, pamattamativattatī’’ti. aṭṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 8. суббаваасаасуд̇д̇аван̣н̣анаа • 8. Suppavāsāsuttavaṇṇanā
