| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৭. সুপ্পৰাসাসুত্তৰণ্ণনা
7. Suppavāsāsuttavaṇṇanā
৫৭. সত্তমে পজ্জনিকন্তি তস্স নিগমস্স নামং। কোলিযানন্তি কোলরাজকুলানং। আযুং খো পন দত্ৰাতি আযুদানং দত্ৰা। আযুস্স ভাগিনী হোতীতি আযুভাগপটিলাভিনী হোতি, আযুং ৰা ভজনিকা হোতি, আযুপ্পটিলাভিনীতি অত্থো। সেসপদেসুপি এসেৰ নযো।
57. Sattame pajjanikanti tassa nigamassa nāmaṃ. Koliyānanti kolarājakulānaṃ. Āyuṃ kho pana datvāti āyudānaṃ datvā. Āyussa bhāginī hotīti āyubhāgapaṭilābhinī hoti, āyuṃ vā bhajanikā hoti, āyuppaṭilābhinīti attho. Sesapadesupi eseva nayo.
রসসা উপেতন্তি রসেন উপেতং রসসম্পন্নং। উজ্জুগতেসূতি কাযৰঙ্কাদিরহিতত্তা উজুকমেৰ গতেসু খীণাসৰেসু। চরণূপপন্নেসূতি পঞ্চদসহি চরণধম্মেহি সমন্নাগতেসু। মহগ্গতেসূতি মহত্তং গতেসু। খীণাসৰানঞ্ঞেৰেতং নামং। পুঞ্ঞেন পুঞ্ঞং সংসন্দমানাতি পুঞ্ঞেন সদ্ধিং পুঞ্ঞং ঘটযমানা। মহপ্ফলা লোকৰিদূন ৰণ্ণিতাতি এৰরূপা দানসঙ্খাতা দক্খিণা তিৰিধলোকং ৰিদিতং কত্ৰা ঠিতত্তা লোকৰিদূনং বুদ্ধানং ৰণ্ণিতা, বুদ্ধেহি পসত্থাতি অত্থো। যঞ্ঞমনুস্সরন্তাতি যঞ্ঞং দানং অনুস্সরন্তা। ৰেদজাতাতি তুট্ঠিজাতা।
Rasasā upetanti rasena upetaṃ rasasampannaṃ. Ujjugatesūti kāyavaṅkādirahitattā ujukameva gatesu khīṇāsavesu. Caraṇūpapannesūti pañcadasahi caraṇadhammehi samannāgatesu. Mahaggatesūti mahattaṃ gatesu. Khīṇāsavānaññevetaṃ nāmaṃ. Puññena puññaṃ saṃsandamānāti puññena saddhiṃ puññaṃ ghaṭayamānā. Mahapphalā lokavidūna vaṇṇitāti evarūpā dānasaṅkhātā dakkhiṇā tividhalokaṃ viditaṃ katvā ṭhitattā lokavidūnaṃ buddhānaṃ vaṇṇitā, buddhehi pasatthāti attho. Yaññamanussarantāti yaññaṃ dānaṃ anussarantā. Vedajātāti tuṭṭhijātā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৭. সুপ্পৰাসাসুত্তং • 7. Suppavāsāsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭-১০. সুপ্পৰাসাসুত্তাদিৰণ্ণনা • 7-10. Suppavāsāsuttādivaṇṇanā
