| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. суббаваасаасуд̇д̇аван̣н̣анаа
7. Suppavāsāsuttavaṇṇanā
57. сад̇д̇амз баж̇ж̇аниганд̇и д̇асса ниг̇амасса наамам̣. голияаананд̇и голарааж̇агулаанам̣. ааяум̣ ко бана д̣̇ад̇ваад̇и ааяуд̣̇аанам̣ д̣̇ад̇ваа. ааяусса бхааг̇иний ход̇ийд̇и ааяубхааг̇абадилаабхиний ход̇и, ааяум̣ ваа бхаж̇анигаа ход̇и, ааяуббадилаабхинийд̇и ад̇т̇о. сзсабад̣̇зсуби зсзва наяо.
57. Sattame pajjanikanti tassa nigamassa nāmaṃ. Koliyānanti kolarājakulānaṃ. Āyuṃ kho pana datvāti āyudānaṃ datvā. Āyussa bhāginī hotīti āyubhāgapaṭilābhinī hoti, āyuṃ vā bhajanikā hoti, āyuppaṭilābhinīti attho. Sesapadesupi eseva nayo.
расасаа убзд̇анд̇и расзна убзд̇ам̣ расасамбаннам̣. уж̇ж̇уг̇ад̇зсууд̇и гааяаван̇гаад̣̇ирахид̇ад̇д̇аа уж̇угамзва г̇ад̇зсу кийн̣аасавзсу. жаран̣уубабаннзсууд̇и бан̃жад̣̇асахи жаран̣ад̇хаммзхи саманнааг̇ад̇зсу. махаг̇г̇ад̇зсууд̇и махад̇д̇ам̣ г̇ад̇зсу. кийн̣аасаваанан̃н̃звзд̇ам̣ наамам̣. бун̃н̃зна бун̃н̃ам̣ сам̣санд̣̇амаанаад̇и бун̃н̃зна сад̣̇д̇хим̣ бун̃н̃ам̣ гхадаяамаанаа. махабпалаа логавид̣̇ууна ван̣н̣ид̇аад̇и зваруубаа д̣̇аанасан̇каад̇аа д̣̇агкин̣аа д̇ивид̇халогам̣ вид̣̇ид̇ам̣ гад̇ваа тид̇ад̇д̇аа логавид̣̇уунам̣ б̣уд̣̇д̇хаанам̣ ван̣н̣ид̇аа, б̣уд̣̇д̇хзхи басад̇т̇аад̇и ад̇т̇о. яан̃н̃амануссаранд̇аад̇и яан̃н̃ам̣ д̣̇аанам̣ ануссаранд̇аа. взд̣̇аж̇аад̇аад̇и д̇удтиж̇аад̇аа.
Rasasā upetanti rasena upetaṃ rasasampannaṃ. Ujjugatesūti kāyavaṅkādirahitattā ujukameva gatesu khīṇāsavesu. Caraṇūpapannesūti pañcadasahi caraṇadhammehi samannāgatesu. Mahaggatesūti mahattaṃ gatesu. Khīṇāsavānaññevetaṃ nāmaṃ. Puññena puññaṃ saṃsandamānāti puññena saddhiṃ puññaṃ ghaṭayamānā. Mahapphalā lokavidūna vaṇṇitāti evarūpā dānasaṅkhātā dakkhiṇā tividhalokaṃ viditaṃ katvā ṭhitattā lokavidūnaṃ buddhānaṃ vaṇṇitā, buddhehi pasatthāti attho. Yaññamanussarantāti yaññaṃ dānaṃ anussarantā. Vedajātāti tuṭṭhijātā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. суббаваасаасуд̇д̇ам̣ • 7. Suppavāsāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-10. суббаваасаасуд̇д̇аад̣̇иван̣н̣анаа • 7-10. Suppavāsāsuttādivaṇṇanā
