Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā

    8. суббаваасаасуд̇д̇аван̣н̣анаа

    8. Suppavāsāsuttavaṇṇanā

    18. адтамз гун̣д̣игааяанд̇и звам̣наамагз голияаанам̣ наг̇арз. гун̣д̣ад̇хаанаванзд̇и д̇асса наг̇арасса авид̣̇уурз гун̣д̣ад̇хаанасан̇каад̇з ванз.

    18. Aṭṭhame kuṇḍikāyanti evaṃnāmake koliyānaṃ nagare. Kuṇḍadhānavaneti tassa nagarassa avidūre kuṇḍadhānasaṅkhāte vane.

    буб̣б̣з гира гун̣д̣о наама зго яагко д̇асмим̣ ванасан̣д̣з ваасам̣ габбзси, гун̣д̣ад̇хаанамиссагзна жа б̣алигаммзна д̇уссад̇ийд̇и д̇асса д̇ат̇аа д̇ад̇т̇а б̣алим̣ убахаранд̇и, д̇знзд̇ам̣ ванасан̣д̣ам̣ гун̣д̣ад̇хаанавананд̇взва бан̃н̃ааяид̇т̇а. д̇асса авид̣̇уурз згаа г̇аамабад̇игаа ахоси, сааби д̇асса яагкасса аан̣аабавад̇д̇идтаанз нивидтад̇д̇аа д̇знзва барибаалид̇ад̇д̇аа гун̣д̣игаад̇и вохарийяид̇т̇а . абарабхааг̇з д̇ад̇т̇а голияарааж̇аано наг̇арам̣ гаарзсум̣, д̇амби буримавохаарзна гун̣д̣игаад̇взва вужжад̇и. д̇асмин̃жа ванасан̣д̣з голияарааж̇аано бхаг̇авад̇о бхигкусан̇гхасса жа васанад̇т̇ааяа вихаарам̣ бад̇идтаабзсум̣, д̇амби гун̣д̣ад̇хаанавананд̇взва бан̃н̃ааяид̇т̇а. ат̇а бхаг̇аваа ж̇анабад̣̇ажааригам̣ жаранд̇о ануггамзна д̇ам̣ вихаарам̣ бад̇ваа д̇ад̇т̇а вихааси. д̇зна вуд̇д̇ам̣ – ‘‘згам̣ самаяам̣ бхаг̇аваа гун̣д̣игааяам̣ вихарад̇и гун̣д̣ад̇хаанаванз’’д̇и.

    Pubbe kira kuṇḍo nāma eko yakkho tasmiṃ vanasaṇḍe vāsaṃ kappesi, kuṇḍadhānamissakena ca balikammena tussatīti tassa tathā tattha baliṃ upaharanti, tenetaṃ vanasaṇḍaṃ kuṇḍadhānavanantveva paññāyittha. Tassa avidūre ekā gāmapatikā ahosi, sāpi tassa yakkhassa āṇāpavattiṭṭhāne niviṭṭhattā teneva paripālitattā kuṇḍikāti voharīyittha . Aparabhāge tattha koliyarājāno nagaraṃ kāresuṃ, tampi purimavohārena kuṇḍikātveva vuccati. Tasmiñca vanasaṇḍe koliyarājāno bhagavato bhikkhusaṅghassa ca vasanatthāya vihāraṃ patiṭṭhāpesuṃ, tampi kuṇḍadhānavanantveva paññāyittha. Atha bhagavā janapadacārikaṃ caranto anukkamena taṃ vihāraṃ patvā tattha vihāsi. Tena vuttaṃ – ‘‘ekaṃ samayaṃ bhagavā kuṇḍikāyaṃ viharati kuṇḍadhānavane’’ti.

    суббаваасаад̇и д̇ассаа убаасигааяа наамам̣. голияад̇хийд̇аад̇и голияарааж̇абуд̇д̇ий. саа хи бхаг̇авад̇о аг̇г̇убадтааяигаа бан̣ийд̇ад̣̇ааяигаанам̣ саавигаанам̣ зд̇ад̣̇аг̇г̇з табид̇аа сод̇аабаннаа арияасаавигаа. яан̃хи гин̃жи бхаг̇авад̇о яуд̇д̇аруубам̣ каад̣̇анийяам̣ бхож̇анийяам̣ бхзсаж̇ж̇ам̣ ваа на д̇ад̇т̇а ан̃н̃аахи сам̣вид̇хаад̇аб̣б̣ам̣ ад̇т̇и, саб̣б̣ам̣ д̇ам̣ саяамзва ад̇д̇ано бан̃н̃ааяа вижаарзд̇ваа саггажжам̣ самбаад̣̇зд̇ваа убанзд̇и. д̣̇звасиган̃жа адтасад̇ам̣ сан̇гхабхад̇д̇абаадибуг̇г̇алигабхад̇д̇аани д̣̇зд̇и. яо гожи бхигку ваа бхигкуний ваа д̇ам̣ гулам̣ бин̣д̣ааяа бавидто рид̇д̇ахад̇т̇о на г̇ажчад̇и. звам̣ муд̇д̇ажааг̇аа баяад̇абаан̣ий воссаг̇г̇арад̇аа яаажаяог̇аа д̣̇аанасам̣вибхааг̇арад̇аа. ассаа гужчияам̣ буримаб̣уд̣̇д̇хзсу гад̇аад̇хигааро бажчимабхавиго саавагаб̣од̇хисад̇д̇о бадисанд̇хим̣ г̇ан̣хи. саа д̇ам̣ г̇аб̣бхам̣ гзнажид̣̇зва баабагаммзна сад̇д̇а вассаани гужчинаа барихари, сад̇д̇аахан̃жа муул̣хаг̇аб̣бхаа ахоси. д̇зна вуд̇д̇ам̣ – ‘‘сад̇д̇а вассаани г̇аб̣бхам̣ д̇хаарзд̇и сад̇д̇аахам̣ муул̣хаг̇аб̣бхаа’’д̇и.

    Suppavāsāti tassā upāsikāya nāmaṃ. Koliyadhītāti koliyarājaputtī. Sā hi bhagavato aggupaṭṭhāyikā paṇītadāyikānaṃ sāvikānaṃ etadagge ṭhapitā sotāpannā ariyasāvikā. Yañhi kiñci bhagavato yuttarūpaṃ khādanīyaṃ bhojanīyaṃ bhesajjaṃ vā na tattha aññāhi saṃvidhātabbaṃ atthi, sabbaṃ taṃ sayameva attano paññāya vicāretvā sakkaccaṃ sampādetvā upaneti. Devasikañca aṭṭhasataṃ saṅghabhattapāṭipuggalikabhattāni deti. Yo koci bhikkhu vā bhikkhunī vā taṃ kulaṃ piṇḍāya paviṭṭho rittahattho na gacchati. Evaṃ muttacāgā payatapāṇī vossaggaratā yācayogā dānasaṃvibhāgaratā. Assā kucchiyaṃ purimabuddhesu katādhikāro pacchimabhaviko sāvakabodhisatto paṭisandhiṃ gaṇhi. Sā taṃ gabbhaṃ kenacideva pāpakammena satta vassāni kucchinā parihari, sattāhañca mūḷhagabbhā ahosi. Tena vuttaṃ – ‘‘satta vassāni gabbhaṃ dhāreti sattāhaṃ mūḷhagabbhā’’ti.

    д̇ад̇т̇а сад̇д̇а вассаанийд̇и сад̇д̇а сам̣важчараани, ажжанд̇асам̣яог̇з жа ид̣̇ам̣ убаяог̇аважанам̣. г̇аб̣бхам̣ д̇хаарзд̇ийд̇и г̇аб̣бхам̣ вахад̇и, г̇аб̣бхиний ход̇ийд̇и ад̇т̇о. сад̇д̇аахам̣ муул̣хаг̇аб̣бхаад̇и сад̇д̇а ахаани б̣яаагулаг̇аб̣бхаа. г̇аб̣бхо хи барибагго самбаж̇ж̇амаано виж̇ааяанагаалз гаммаж̇аваад̇зхи сан̃жаалзд̇ваа баривад̇д̇ид̇о уд̣̇д̇хам̣баад̣̇о ад̇хосиро худ̇ваа яонимукаабхимуко ход̇и, звам̣ со гад̇т̇ажи алаг̇г̇о б̣ахи нигкамад̇и. вибаж̇ж̇амаано бана вибаривад̇д̇анавасзна яонимаг̇г̇ам̣ бид̣̇ахид̇ваа д̇ирияам̣ нибаж̇ж̇ад̇и, саяамзва ваа яонимаг̇г̇о бид̣̇ахад̇и, со д̇ад̇т̇а гаммаж̇аваад̇зхи абараабарам̣ баривад̇д̇амаано б̣яаагуло муул̣хаг̇аб̣бход̇и вужжад̇и. д̇ассааби сад̇д̇а д̣̇ивасз звам̣ ахоси, д̇зна вуд̇д̇ам̣ ‘‘сад̇д̇аахам̣ муул̣хаг̇аб̣бхаа’’д̇и.

    Tattha satta vassānīti satta saṃvaccharāni, accantasaṃyoge ca idaṃ upayogavacanaṃ. Gabbhaṃ dhāretīti gabbhaṃ vahati, gabbhinī hotīti attho. Sattāhaṃ mūḷhagabbhāti satta ahāni byākulagabbhā. Gabbho hi paripakko sampajjamāno vijāyanakāle kammajavātehi sañcāletvā parivattito uddhaṃpādo adhosiro hutvā yonimukhābhimukho hoti, evaṃ so katthaci alaggo bahi nikkhamati. Vipajjamāno pana viparivattanavasena yonimaggaṃ pidahitvā tiriyaṃ nipajjati, sayameva vā yonimaggo pidahati, so tattha kammajavātehi aparāparaṃ parivattamāno byākulo mūḷhagabbhoti vuccati. Tassāpi satta divase evaṃ ahosi, tena vuttaṃ ‘‘sattāhaṃ mūḷhagabbhā’’ti.

    аяан̃жа г̇аб̣бхо сийвалид̇т̇зро. д̇асса гат̇ам̣ сад̇д̇а вассаани г̇аб̣бхаваасад̣̇угкам̣, сад̇д̇аахам̣ муул̣хаг̇аб̣бхабхааваббад̇д̇и, маад̇у жассааби сод̇аабаннааяа арияасаавигааяа д̇ат̇аа д̣̇угкаанубхаванам̣ ж̇аад̇анд̇и? вужжад̇з – ад̇ийд̇з гаасигарааж̇з б̣аараан̣асияам̣ раж̇ж̇ам̣ гаарзнд̇з зго госаларааж̇аа маханд̇зна б̣алзнааг̇анд̇ваа б̣аараан̣асим̣ г̇ахзд̇ваа д̇ам̣ рааж̇аанам̣ маарзд̇ваа д̇асса аг̇г̇амахзсим̣ ад̇д̇ано аг̇г̇амахзсим̣ агааси. б̣аараан̣асиран̃н̃о бана буд̇д̇о бид̇у маран̣агаалз нид̣̇д̇хаманад̣̇ваарзна балааяид̇ваа ад̇д̇ано н̃аад̇имид̇д̇аб̣анд̇хавз згаж̇жхам̣ гад̇ваа ануггамзна б̣алам̣ сам̣харид̇ваа б̣аараан̣асим̣ ааг̇анд̇ваа авид̣̇уурз маханд̇ам̣ канд̇хааваарам̣ б̣анд̇хид̇ваа д̇асса ран̃н̃о бан̣н̣ам̣ бзсзси ‘‘раж̇ж̇ам̣ ваа д̣̇зд̇у, яуд̣̇д̇хам̣ ваа’’д̇и . рааж̇агумаарасса маад̇аа саасанам̣ суд̇ваа ‘‘яуд̣̇д̇хзна гаммам̣ над̇т̇и, саб̣б̣ад̣̇исаасу сан̃жаарам̣ бажчинд̣̇ид̇ваа б̣аараан̣асинаг̇арам̣ бариваарзд̇у, д̇ад̇о д̣̇аарууд̣̇агабхад̇д̇абаригкаязна гиланд̇аа наг̇арз мануссаа винаава яуд̣̇д̇хзна рааж̇аанам̣ г̇ахзд̇ваа д̣̇ассанд̇ий’’д̇и бан̣н̣ам̣ бзсзси. со маад̇у саасанам̣ суд̇ваа жад̇д̇аари махаад̣̇ваараани рагканд̇о сад̇д̇а вассаани наг̇арам̣ убарунд̇хи, наг̇арз мануссаа жуул̣ад̣̇ваарзна нигкамид̇ваа д̣̇аарууд̣̇агаани аахаранд̇и, саб̣б̣агижжаани гаронд̇и.

    Ayañca gabbho sīvalitthero. Tassa kathaṃ satta vassāni gabbhavāsadukkhaṃ, sattāhaṃ mūḷhagabbhabhāvappatti, mātu cassāpi sotāpannāya ariyasāvikāya tathā dukkhānubhavanaṃ jātanti? Vuccate – atīte kāsikarāje bārāṇasiyaṃ rajjaṃ kārente eko kosalarājā mahantena balenāgantvā bārāṇasiṃ gahetvā taṃ rājānaṃ māretvā tassa aggamahesiṃ attano aggamahesiṃ akāsi. Bārāṇasirañño pana putto pitu maraṇakāle niddhamanadvārena palāyitvā attano ñātimittabandhave ekajjhaṃ katvā anukkamena balaṃ saṃharitvā bārāṇasiṃ āgantvā avidūre mahantaṃ khandhāvāraṃ bandhitvā tassa rañño paṇṇaṃ pesesi ‘‘rajjaṃ vā detu, yuddhaṃ vā’’ti . Rājakumārassa mātā sāsanaṃ sutvā ‘‘yuddhena kammaṃ natthi, sabbadisāsu sañcāraṃ pacchinditvā bārāṇasinagaraṃ parivāretu, tato dārūdakabhattaparikkhayena kilantā nagare manussā vināva yuddhena rājānaṃ gahetvā dassantī’’ti paṇṇaṃ pesesi. So mātu sāsanaṃ sutvā cattāri mahādvārāni rakkhanto satta vassāni nagaraṃ uparundhi, nagare manussā cūḷadvārena nikkhamitvā dārūdakāni āharanti, sabbakiccāni karonti.

    ат̇а рааж̇агумаарасса маад̇аа д̇ам̣ бавад̇д̇им̣ суд̇ваа ‘‘б̣аало мама буд̇д̇о убааяам̣ на ж̇аанаад̇и, г̇ажчат̇а, асса жуул̣ад̣̇ваараани бид̇хааяа наг̇арам̣ убарунд̇хад̇ууд̇и вад̣̇зт̇аа’’д̇и буд̇д̇асса г̇уул̣хасаасанам̣ бахин̣и. со маад̇у саасанам̣ суд̇ваа сад̇д̇а д̣̇ивасз д̇ат̇аа агааси. нааг̇араа б̣ахи нигкамид̇ум̣ алабханд̇аа сад̇д̇амз д̣̇ивасз д̇асса ран̃н̃о сийсам̣ г̇ахзд̇ваа гумаарасса ад̣̇ам̣су. гумааро наг̇арам̣ бависид̇ваа раж̇ж̇ам̣ аг̇г̇ахзси. со д̇ад̣̇аа сад̇д̇а вассаани наг̇арарунд̇ханагамманиссанд̣̇зна зд̇арахи сад̇д̇а вассаани маад̇угужчисан̇каад̇ааяа лохид̇агумбхияаа васи, авасзсад̇о бана сад̇д̇аахам̣ наг̇аруубарунд̇ханзна сад̇д̇аахам̣ муул̣хаг̇аб̣бхабхаавам̣ аабаж̇ж̇и. ж̇аад̇агадтагат̇ааяам̣ бана ‘‘сад̇д̇а д̣̇ивасаани наг̇арам̣ рунд̇хид̇ваа г̇ахид̇агамманиссанд̣̇зна сад̇д̇авассаани лохид̇агумбхияам̣ васид̇ваа сад̇д̇аахам̣ муул̣хаг̇аб̣бхабхаавам̣ аабаж̇ж̇ий’’д̇и вуд̇д̇ам̣. яам̣ бана со бад̣̇умуд̇д̇арасаммаасамб̣уд̣̇д̇хабаад̣̇амуулз ‘‘лаабхийнам̣ аг̇г̇о бхавзяяа’’нд̇и махаад̣̇аанам̣ д̣̇ад̇ваа бад̇т̇анам̣ агааси, яан̃жа вибассисса бхаг̇авад̇о гаалз нааг̇арзхи сад̣̇д̇хим̣ сахассаг̇гханигам̣ г̇ул̣ад̣̇ад̇хим̣ д̣̇ад̇ваа бад̇т̇анам̣ агааси, д̇ассаанубхаавзна лаабхийнам̣ аг̇г̇о ж̇аад̇о. суббаваасааби ‘‘наг̇арам̣ рунд̇хид̇ваа г̇ан̣ха, д̇аад̇аа’’д̇и бзсид̇абхаавзна сад̇д̇а вассаани гужчинаа г̇аб̣бхам̣ барихарид̇ваа сад̇д̇аахам̣ муул̣хаг̇аб̣бхааж̇аад̇аа . звам̣ д̇з маад̇аабуд̇д̇аа ад̇д̇ано гаммасса ануруубам̣ ийд̣̇исам̣ д̣̇угкам̣ бадисам̣взд̣̇им̣су.

    Atha rājakumārassa mātā taṃ pavattiṃ sutvā ‘‘bālo mama putto upāyaṃ na jānāti, gacchatha, assa cūḷadvārāni pidhāya nagaraṃ uparundhatūti vadethā’’ti puttassa gūḷhasāsanaṃ pahiṇi. So mātu sāsanaṃ sutvā satta divase tathā akāsi. Nāgarā bahi nikkhamituṃ alabhantā sattame divase tassa rañño sīsaṃ gahetvā kumārassa adaṃsu. Kumāro nagaraṃ pavisitvā rajjaṃ aggahesi. So tadā satta vassāni nagararundhanakammanissandena etarahi satta vassāni mātukucchisaṅkhātāya lohitakumbhiyā vasi, avasesato pana sattāhaṃ nagarūparundhanena sattāhaṃ mūḷhagabbhabhāvaṃ āpajji. Jātakaṭṭhakathāyaṃ pana ‘‘satta divasāni nagaraṃ rundhitvā gahitakammanissandena sattavassāni lohitakumbhiyaṃ vasitvā sattāhaṃ mūḷhagabbhabhāvaṃ āpajjī’’ti vuttaṃ. Yaṃ pana so padumuttarasammāsambuddhapādamūle ‘‘lābhīnaṃ aggo bhaveyya’’nti mahādānaṃ datvā patthanaṃ akāsi, yañca vipassissa bhagavato kāle nāgarehi saddhiṃ sahassagghanikaṃ guḷadadhiṃ datvā patthanaṃ akāsi, tassānubhāvena lābhīnaṃ aggo jāto. Suppavāsāpi ‘‘nagaraṃ rundhitvā gaṇha, tātā’’ti pesitabhāvena satta vassāni kucchinā gabbhaṃ pariharitvā sattāhaṃ mūḷhagabbhājātā . Evaṃ te mātāputtā attano kammassa anurūpaṃ īdisaṃ dukkhaṃ paṭisaṃvediṃsu.

    д̇ийхи вид̇аггзхийд̇и рад̇анад̇д̇аяаг̇ун̣аануссад̇ибадисам̣яуд̇д̇зхи д̇ийхи саммаавид̇аггзхи. ад̇хиваасзд̇ийд̇и муул̣хаг̇аб̣бхад̇ааяа уббаннад̣̇угкам̣ сахад̇и. саа хи бхаг̇авад̇о самб̣уд̣̇д̇хабхаавам̣, арияасан̇гхасса суббадибад̇д̇им̣, ниб̣б̣аанасса жа д̣̇угканиссаран̣абхаавам̣ ануссаранд̇ий ад̇д̇ано уббаж̇ж̇амаанад̣̇угкам̣ аманасигаран̣знзва абхибхавид̇ваа камад̇и. д̇зна вуд̇д̇ам̣ ‘‘д̇ийхи вид̇аггзхи ад̇хиваасзд̇ий’’д̇и.

    Tīhivitakkehīti ratanattayaguṇānussatipaṭisaṃyuttehi tīhi sammāvitakkehi. Adhivāsetīti mūḷhagabbhatāya uppannadukkhaṃ sahati. Sā hi bhagavato sambuddhabhāvaṃ, ariyasaṅghassa suppaṭipattiṃ, nibbānassa ca dukkhanissaraṇabhāvaṃ anussarantī attano uppajjamānadukkhaṃ amanasikaraṇeneva abhibhavitvā khamati. Tena vuttaṃ ‘‘tīhi vitakkehi adhivāsetī’’ti.

    саммаасамб̣уд̣̇д̇хо вад̇аад̇иаад̣̇и д̇зсам̣ вид̇аггаанам̣ бавад̇д̇иаагаарад̣̇ассанам̣. д̇ассад̇т̇о – яо бхаг̇яаванд̇ад̇аад̣̇ийхи гааран̣зхи бхаг̇аваа логанаат̇о саммаа авибарийд̇ам̣ саамам̣ саяамзва саб̣б̣ад̇хаммз ахо вад̇а б̣уд̣̇д̇хо, со бхаг̇аваа зваруубасса зд̇арахи маяаа анубхавияамаанасса ан̃н̃асса жа звам̣ж̇аад̇игасса сагаласса ваддад̣̇угкасса бахаанааяа ажжанд̇ам̣ ануббаад̣̇анирод̇хааяа д̇хаммам̣ гат̇зд̇и, авибарийд̇ад̇хаммам̣ гат̇зд̇и. авибарийд̇ад̇хаммад̣̇зсанад̇ааяа хи сад̇т̇у саммаасамб̣од̇хисид̣̇д̇хи. д̇асса яат̇аавуд̇д̇аг̇ун̣асса бхаг̇авад̇о д̇хаммассавананд̇з ж̇аад̇ад̇д̇аа сийлад̣̇идтисааман̃н̃зна сам̣хад̇ад̇д̇аа жа саавагасан̇гход̇и лад̣̇д̇ханаамо адтаарияабуг̇г̇аласамуухо суббадибанно вад̇а ахо вад̇а саммаа бадибанно, яо арияасан̇гхо зваруубасса ийд̣̇исасса ваддад̣̇угкасса бахаанааяа ануббаад̣̇анирод̇хааяа анивад̇д̇ибадибад̣̇ам̣ бадибанно. сусукам̣ вад̇а ахо вад̇а судту сукам̣ саб̣б̣асан̇кад̇аниссадам̣ ниб̣б̣аанам̣, яасмим̣ ниб̣б̣аанз ийд̣̇исам̣ ваддад̣̇угкам̣ на убалаб̣бхад̇ийд̇и. зд̇т̇а жа бадибаж̇ж̇амаанааби бадибаннаа ижжзва вуд̇д̇аа бадибад̇д̇ияаа анивад̇д̇ибхаавад̇о. ат̇а ваа уббаннасад̣̇д̣̇о вияа бадибаннасад̣̇д̣̇о вад̇д̇амаанад̇т̇оби взд̣̇ид̇аб̣б̣о. д̇знзвааха ‘‘сод̇аабад̇д̇ипаласажчигирияааяа бадибанно’’д̇и.

    Sammāsambuddho vatātiādi tesaṃ vitakkānaṃ pavattiākāradassanaṃ. Tassattho – yo bhagyavantatādīhi kāraṇehi bhagavā lokanātho sammā aviparītaṃ sāmaṃ sayameva sabbadhamme aho vata buddho, so bhagavā evarūpassa etarahi mayā anubhaviyamānassa aññassa ca evaṃjātikassa sakalassa vaṭṭadukkhassa pahānāya accantaṃ anuppādanirodhāya dhammaṃ katheti, aviparītadhammaṃ katheti. Aviparītadhammadesanatāya hi satthu sammāsambodhisiddhi. Tassa yathāvuttaguṇassa bhagavato dhammassavanante jātattā sīladiṭṭhisāmaññena saṃhatattā ca sāvakasaṅghoti laddhanāmo aṭṭhaariyapuggalasamūho suppaṭipanno vata aho vata sammā paṭipanno, yo ariyasaṅgho evarūpassa īdisassa vaṭṭadukkhassa pahānāya anuppādanirodhāya anivattipaṭipadaṃ paṭipanno. Susukhaṃ vata aho vata suṭṭhu sukhaṃ sabbasaṅkhatanissaṭaṃ nibbānaṃ, yasmiṃ nibbāne īdisaṃ vaṭṭadukkhaṃ na upalabbhatīti. Ettha ca paṭipajjamānāpi paṭipannā icceva vuttā paṭipattiyā anivattibhāvato. Atha vā uppannasaddo viya paṭipannasaddo vattamānatthopi veditabbo. Tenevāha ‘‘sotāpattiphalasacchikiriyāya paṭipanno’’ti.

    саамиганд̇и ад̇д̇ано бад̇им̣ голияарааж̇абуд̇д̇ам̣. ааманд̇зсийд̇и абхааси. мама важанзна бхаг̇авад̇о баад̣̇з сирасаа ванд̣̇аахийд̇и маяхам̣ важанзна жаггалагкан̣аббадиман̣д̣ид̇аани вигасид̇абад̣̇умасассирийгаани бхаг̇авад̇о жаран̣аани д̇ава сирасаа ванд̣̇аахи, уд̇д̇аман̇г̇зна абхиваад̣̇анам̣ гарохийд̇и ад̇т̇о. аббааб̣аад̇ханд̇иаад̣̇ийсу ааб̣аад̇ход̇и висабхааг̇авзд̣̇анаа вужжад̇и, яаа згад̣̇зсз уббаж̇ж̇ид̇вааби сагаласарийрам̣ аяабаддзна ааб̣анд̇хид̇ваа вияа г̇ан̣хад̇и. аад̇ан̇год̇и гижчаж̇ийвид̇агаро рог̇о. ат̇а ваа яаабзд̇аб̣б̣арог̇о аад̇ан̇го, ид̇аро ааб̣аад̇хо. куд̣̇д̣̇аго ваа рог̇о аад̇ан̇го, б̣алаваа ааб̣аад̇хо. гзжи бана ‘‘аж̇жхад̇д̇асамудтаано ааб̣аад̇хо, б̣ахид̣̇д̇хаасамудтаано аад̇ан̇го’’д̇и вад̣̇анд̇и. д̇ад̣̇убхаяассааби абхаавам̣ бужчаад̇и вад̣̇ад̇и. г̇илаанассзва жа удтаанам̣ наама г̇аругам̣ ход̇и, гааяз б̣алам̣ на ход̇и, д̇асмаа ниг̇г̇злан̃н̃ад̇ааяа лахубаривад̇д̇исан̇каад̇ам̣ гааяасса лахудтаанам̣ сарийраб̣алан̃жа бужчаад̇и вад̣̇ад̇и. паасувихааранд̇и таананисиннаг̇аманасаяанасан̇каад̇зсу жад̇уусу ирияаабат̇зсу сукавихааран̃жа бужчаад̇и вад̣̇ад̇и. ат̇асса бужчид̇аб̣б̣аагаарам̣ д̣̇ассзнд̇ий ‘‘суббаваасаа, бханд̇з’’д̇иаад̣̇имааха. зван̃жа вад̣̇зхийд̇и ид̣̇аани вад̇д̇аб̣б̣аагаарам̣ нид̣̇ассзд̇и.

    Sāmikanti attano patiṃ koliyarājaputtaṃ. Āmantesīti abhāsi. Mama vacanena bhagavato pāde sirasā vandāhīti mayhaṃ vacanena cakkalakkhaṇappaṭimaṇḍitāni vikasitapadumasassirīkāni bhagavato caraṇāni tava sirasā vandāhi, uttamaṅgena abhivādanaṃ karohīti attho. Appābādhantiādīsu ābādhoti visabhāgavedanā vuccati, yā ekadese uppajjitvāpi sakalasarīraṃ ayapaṭṭena ābandhitvā viya gaṇhati. Ātaṅkoti kicchajīvitakaro rogo. Atha vā yāpetabbarogo ātaṅko, itaro ābādho. Khuddako vā rogo ātaṅko, balavā ābādho. Keci pana ‘‘ajjhattasamuṭṭhāno ābādho, bahiddhāsamuṭṭhāno ātaṅko’’ti vadanti. Tadubhayassāpi abhāvaṃ pucchāti vadati. Gilānasseva ca uṭṭhānaṃ nāma garukaṃ hoti, kāye balaṃ na hoti, tasmā niggelaññatāya lahuparivattisaṅkhātaṃ kāyassa lahuṭṭhānaṃ sarīrabalañca pucchāti vadati. Phāsuvihāranti ṭhānanisinnagamanasayanasaṅkhātesu catūsu iriyāpathesu sukhavihārañca pucchāti vadati. Athassa pucchitabbākāraṃ dassentī ‘‘suppavāsā, bhante’’tiādimāha. Evañca vadehīti idāni vattabbākāraṃ nidasseti.

    бараманд̇и важанасамбадижчанам̣. д̇зна саад̇ху, бхад̣̇д̣̇з, яат̇аа вуд̇д̇ам̣, д̇ат̇аа бадибаж̇ж̇аамийд̇и д̣̇ассзд̇и. голияабуд̇д̇од̇и суббаваасааяа саамиго голияарааж̇абуд̇д̇о. сукиний ход̇ууд̇и сад̣̇звагз логз аг̇г̇ад̣̇агкин̣зяяо сад̇т̇аа суббаваасааяа бзсид̇аванд̣̇анам̣ самбадижчид̇ваа д̇ад̣̇ананд̇арам̣ ад̇д̇ано мзд̇д̇аавихаарасам̣суужагам̣ б̣уд̣̇д̇хаажин̣н̣ам̣ сукуубасам̣хаарам̣ д̇ассаа сааман̃н̃ад̇о багаасзд̇ваа буна д̇ассаа буд̇д̇асса жа г̇аб̣бхавибад̇д̇имуулагад̣̇угкуббад̇д̇ибадигкзбамукзна сукуубасам̣хаарам̣ нид̣̇ассзнд̇о ‘‘сукиний…бз… арог̇аа, арог̇ам̣ буд̇д̇ам̣ виж̇ааяад̇уу’’д̇и ааха.

    Paramanti vacanasampaṭicchanaṃ. Tena sādhu, bhadde, yathā vuttaṃ, tathā paṭipajjāmīti dasseti. Koliyaputtoti suppavāsāya sāmiko koliyarājaputto. Sukhinī hotūti sadevake loke aggadakkhiṇeyyo satthā suppavāsāya pesitavandanaṃ sampaṭicchitvā tadanantaraṃ attano mettāvihārasaṃsūcakaṃ buddhāciṇṇaṃ sukhūpasaṃhāraṃ tassā sāmaññato pakāsetvā puna tassā puttassa ca gabbhavipattimūlakadukkhuppattipaṭikkhepamukhena sukhūpasaṃhāraṃ nidassento ‘‘sukhinī…pe… arogā, arogaṃ puttaṃ vijāyatū’’ti āha.

    саха важанаад̇и бхаг̇авад̇о важанзна сахзва. яасмим̣ гаалз бхаг̇аваа д̇ат̇аа авожа, д̇асмим̣язва гаалз д̇амби гаммам̣ баригкаяам̣ аг̇амааси. д̇асса баригкийн̣абхаавам̣ ологзд̇ваа сад̇т̇аа д̇ат̇аа абхааси. абарз бана вад̣̇анд̇и – сажз д̇ат̇аа сад̇т̇аа наажигкиссаа, д̇ад̇о барамби гин̃жи гаалам̣ д̇ассаа д̇ам̣ д̣̇угкам̣ ануб̣анд̇хиссаа. яасмаа бана бхаг̇авад̇аа ‘‘сукиний арог̇аа арог̇ан̃жа буд̇д̇ам̣ виж̇ааяад̇уу’’д̇и вуд̇д̇ам̣, д̇асмаа д̇асса важанасамагааламзва со г̇аб̣бхо б̣яаагулабхаавам̣ виж̇ахид̇ваа сукзнзва б̣ахи нигками, звам̣ д̇зсам̣ маад̇аабуд̇д̇аанам̣ сод̇т̇и ахоси. ажинд̇зяяо хи б̣уд̣̇д̇хаанам̣ б̣уд̣̇д̇хаанубхааво. яат̇аа хи бадаажаарааяа бияавиббаяог̇асамбхууд̇зна согзна уммаад̣̇ам̣ бад̇ваа –

    Sahavacanāti bhagavato vacanena saheva. Yasmiṃ kāle bhagavā tathā avoca, tasmiṃyeva kāle tampi kammaṃ parikkhayaṃ agamāsi. Tassa parikkhīṇabhāvaṃ oloketvā satthā tathā abhāsi. Apare pana vadanti – sace tathā satthā nācikkhissā, tato parampi kiñci kālaṃ tassā taṃ dukkhaṃ anubandhissā. Yasmā pana bhagavatā ‘‘sukhinī arogā arogañca puttaṃ vijāyatū’’ti vuttaṃ, tasmā tassa vacanasamakālameva so gabbho byākulabhāvaṃ vijahitvā sukheneva bahi nikkhami, evaṃ tesaṃ mātāputtānaṃ sotthi ahosi. Acinteyyo hi buddhānaṃ buddhānubhāvo. Yathā hi paṭācārāya piyavippayogasambhūtena sokena ummādaṃ patvā –

    ‘‘убхо буд̇д̇аа гаалагад̇аа, бант̇з маяхам̣ бад̇ий мад̇о;

    ‘‘Ubho puttā kālakatā, panthe mayhaṃ patī mato;

    маад̇аа бид̇аа жа бхаад̇аа жа, згажид̇агамхи жхааяарз’’д̇и. (аба. т̇зрий 2.2.498) –

    Mātā pitā ca bhātā ca, ekacitakamhi jhāyare’’ti. (apa. therī 2.2.498) –

    вад̇ваа ж̇аад̇аруубзнзва жаранд̇ияаа ‘‘сад̇им̣ бадилабхаахи бхаг̇иний’’д̇и бхаг̇авад̇о важанасамананд̇арамзва уммаад̣̇о вуубасами, д̇ат̇аа суббияааби убаасигаа ад̇д̇анаава ад̇д̇ано ууруяам̣ гад̇зна махааван̣зна вудтаад̇ум̣ асаггонд̇ий саяанабидтз нибаннаа ‘‘ааг̇анд̇ваа мам̣ ванд̣̇ад̇уу’’д̇и важанасамананд̇арамзва ван̣з баагад̇игз ж̇аад̇з саяамзва г̇анд̇ваа бхаг̇аванд̇ам̣ ванд̣̇ийд̇и звамаад̣̇ийни вад̇т̇ууни ид̇ха уд̣̇аахарид̇аб̣б̣аанийд̇и.

    Vatvā jātarūpeneva carantiyā ‘‘satiṃ paṭilabhāhi bhaginī’’ti bhagavato vacanasamanantarameva ummādo vūpasami, tathā suppiyāpi upāsikā attanāva attano ūruyaṃ katena mahāvaṇena vuṭṭhātuṃ asakkontī sayanapiṭṭhe nipannā ‘‘āgantvā maṃ vandatū’’ti vacanasamanantarameva vaṇe pākatike jāte sayameva gantvā bhagavantaṃ vandīti evamādīni vatthūni idha udāharitabbānīti.

    звам̣, бханд̇зд̇и, бханд̇з, яат̇аа бхаг̇аваа сабуд̇д̇ааяа маад̇уяаа арог̇абхаавам̣ аасийсанд̇о ааха – ‘‘сукиний арог̇аа арог̇ам̣ буд̇д̇ам̣ виж̇ааяад̇уу’’д̇и, д̇ам̣ звамзва. на хи гад̣̇аажи б̣уд̣̇д̇хаанам̣ бхаг̇аванд̇аанам̣ важанасса ан̃н̃ат̇аабхаавод̇и ад̇хиббааяо. гзжи бана ‘‘звамад̇т̇уу’’д̇и вад̣̇анд̇и, абарз ‘‘ход̇уу’’д̇и бад̣̇асса ад̇т̇ам̣ аанзд̇ваа ван̣н̣аяанд̇и. абхинанд̣̇ид̇ваад̇и гаравийгаруд̇аман̃ж̇унаа б̣рахмассарзна бхаг̇авад̇аа вужжамаанз д̇асмим̣ важанз бийд̇исоманассабадилаабхад̇о абхимукабхаавзна нанд̣̇ид̇ваа. анумод̣̇ид̇ваад̇и д̇ад̇о бажчааби саммод̣̇анам̣ уббаад̣̇зд̇ваа, жид̇д̇зна ваа абхинанд̣̇ид̇ваа ваажааяа анумод̣̇ид̇ваа, важанасамбад̇д̇ияаа ваа абхинанд̣̇ид̇ваа ад̇т̇асамбад̇д̇ияаа анумод̣̇ид̇ваа. сагам̣ гхарам̣ бажжааяаасийд̇и ад̇д̇ано гхарам̣ бадиг̇ажчи. яз бана ‘‘язна сагам̣ гхара’’нд̇и батанд̇и, д̇зсам̣ яад̣̇иби яа-д̇а-сад̣̇д̣̇аанам̣ самб̣анд̇хабхаавад̇о ‘‘д̇знаа’’д̇и бад̣̇ам̣ вуд̇д̇амзва ход̇и, д̇ат̇ааби ‘‘бадияааяид̇ваа’’д̇и баатасзсо яож̇зд̇аб̣б̣о ход̇и.

    Evaṃ, bhanteti, bhante, yathā bhagavā saputtāya mātuyā arogabhāvaṃ āsīsanto āha – ‘‘sukhinī arogā arogaṃ puttaṃ vijāyatū’’ti, taṃ evameva. Na hi kadāci buddhānaṃ bhagavantānaṃ vacanassa aññathābhāvoti adhippāyo. Keci pana ‘‘evamatthū’’ti vadanti, apare ‘‘hotū’’ti padassa atthaṃ ānetvā vaṇṇayanti. Abhinanditvāti karavīkarutamañjunā brahmassarena bhagavatā vuccamāne tasmiṃ vacane pītisomanassapaṭilābhato abhimukhabhāvena nanditvā. Anumoditvāti tato pacchāpi sammodanaṃ uppādetvā, cittena vā abhinanditvā vācāya anumoditvā, vacanasampattiyā vā abhinanditvā atthasampattiyā anumoditvā. Sakaṃ gharaṃ paccāyāsīti attano gharaṃ paṭigacchi. Ye pana ‘‘yena sakaṃ ghara’’nti paṭhanti, tesaṃ yadipi ya-ta-saddānaṃ sambandhabhāvato ‘‘tenā’’ti padaṃ vuttameva hoti, tathāpi ‘‘paṭiyāyitvā’’ti pāṭhaseso yojetabbo hoti.

    виж̇аад̇анд̇и баж̇аад̇ам̣, басуд̇анд̇и ад̇т̇о. ажчарияанд̇и анд̇хасса баб̣б̣ад̇аароханам̣ вияа нижжам̣ на ход̇ийд̇и ажчарияам̣, аяам̣ д̇аава сад̣̇д̣̇анаяо. адтагат̇аасу бана ‘‘ажчарааяог̇г̇ам̣ ажчарияа’’нд̇и вуд̇д̇ам̣ , ажчарам̣ бахарид̇ум̣ яуд̇д̇анд̇и ад̇т̇о. вад̇аад̇и самбхааванз, ахо ажчарияанд̇и ад̇т̇о. бход̇и д̇хаммаалабанам̣. абхууд̇абуб̣б̣ам̣ бхууд̇анд̇и аб̣бхуд̇ам̣.

    Vijātanti pajātaṃ, pasutanti attho. Acchariyanti andhassa pabbatārohanaṃ viya niccaṃ na hotīti acchariyaṃ, ayaṃ tāva saddanayo. Aṭṭhakathāsu pana ‘‘accharāyoggaṃ acchariya’’nti vuttaṃ , accharaṃ paharituṃ yuttanti attho. Vatāti sambhāvane, aho acchariyanti attho. Bhoti dhammālapanaṃ. Abhūtapubbaṃ bhūtanti abbhutaṃ.

    д̇ат̇ааг̇ад̇ассаад̇и адтахи гааран̣зхи бхаг̇аваа д̇ат̇ааг̇ад̇о – д̇ат̇аа ааг̇ад̇од̇и д̇ат̇ааг̇ад̇о, д̇ат̇аа г̇ад̇од̇и д̇ат̇ааг̇ад̇о, д̇ат̇алагкан̣ам̣ ааг̇ад̇од̇и д̇ат̇ааг̇ад̇о, д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о, д̇ат̇ад̣̇ассид̇ааяа д̇ат̇ааг̇ад̇о, д̇ат̇аваад̣̇ид̇ааяа д̇ат̇ааг̇ад̇о, д̇ат̇аагаарид̇ааяа д̇ат̇ааг̇ад̇о, абхибхаванадтзна д̇ат̇ааг̇ад̇о.

    Tathāgatassāti aṭṭhahi kāraṇehi bhagavā tathāgato – tathā āgatoti tathāgato, tathā gatoti tathāgato, tathalakkhaṇaṃ āgatoti tathāgato, tathadhamme yāthāvato abhisambuddhoti tathāgato, tathadassitāya tathāgato, tathavāditāya tathāgato, tathākāritāya tathāgato, abhibhavanaṭṭhena tathāgato.

    гат̇ам̣ бхаг̇аваа д̇ат̇аа ааг̇ад̇од̇и д̇ат̇ааг̇ад̇о? яат̇аа саб̣б̣алогахид̇ааяа уссуггамаабаннаа буримагаа саммаасамб̣уд̣̇д̇хаа ааг̇ад̇аад̇и. гим̣ вуд̇д̇ам̣ ход̇и? язна абхинийхаарзна д̇з бхаг̇аванд̇о ааг̇ад̇аа, д̇зна адтаг̇ун̣асаманнааг̇ад̇зна аяамби бхаг̇аваа ааг̇ад̇о. яат̇аа жа д̇з бхаг̇аванд̇о д̣̇аанабаарамим̣ буурзд̇ваа сийланзгкаммабан̃н̃аавийрияаканд̇исажжаад̇хидтаанамзд̇д̇ааубзгкаабаарамийд̇и имаа д̣̇аса баарамияо, д̣̇аса убабаарамияо, д̣̇аса барамад̇т̇абаарамияод̇и самад̇им̣са баарамияо буурзд̇ваа бан̃жа махаабарижжааг̇з барижжаж̇ид̇ваа буб̣б̣аяог̇абуб̣б̣ажарияад̇хаммагкаанан̃аад̇ад̇т̇ажарияаад̣̇аяо буурзд̇ваа б̣уд̣̇д̇хижарияааяа годим̣ бад̇ваа ааг̇ад̇аа, д̇ат̇аа аяамби бхаг̇аваа ааг̇ад̇о. яат̇аа жа д̇з бхаг̇аванд̇о жад̇д̇ааро сад̇ибадтаанз…бз… арияам̣ адтан̇г̇игам̣ маг̇г̇ам̣ бхаавзд̇ваа б̣руухзд̇ваа ааг̇ад̇аа, д̇ат̇аа аяамби бхаг̇аваа ааг̇ад̇о. звам̣ д̇ат̇аа ааг̇ад̇од̇и д̇ат̇ааг̇ад̇о.

    Kathaṃ bhagavā tathā āgatoti tathāgato? Yathā sabbalokahitāya ussukkamāpannā purimakā sammāsambuddhā āgatāti. Kiṃ vuttaṃ hoti? Yena abhinīhārena te bhagavanto āgatā, tena aṭṭhaguṇasamannāgatena ayampi bhagavā āgato. Yathā ca te bhagavanto dānapāramiṃ pūretvā sīlanekkhammapaññāvīriyakhantisaccaadhiṭṭhānamettāupekkhāpāramīti imā dasa pāramiyo, dasa upapāramiyo, dasa paramatthapāramiyoti samatiṃsa pāramiyo pūretvā pañca mahāpariccāge pariccajitvā pubbayogapubbacariyadhammakkhānañātatthacariyādayo pūretvā buddhicariyāya koṭiṃ patvā āgatā, tathā ayampi bhagavā āgato. Yathā ca te bhagavanto cattāro satipaṭṭhāne…pe… ariyaṃ aṭṭhaṅgikaṃ maggaṃ bhāvetvā brūhetvā āgatā, tathā ayampi bhagavā āgato. Evaṃ tathā āgatoti tathāgato.

    гат̇ам̣ д̇ат̇аа г̇ад̇од̇и д̇ат̇ааг̇ад̇о? яат̇аа самбад̇иж̇аад̇аа д̇з бхаг̇аванд̇о самзхи баад̣̇зхи бат̇авияам̣ бад̇идтааяа уд̇д̇араабхимукаа сад̇д̇абад̣̇авийд̇ихаарзна г̇ад̇аа, сзд̇ажчад̇д̇з д̇хаарияамаанз саб̣б̣аава д̣̇исаа анувилогзсум̣, аасабхин̃жа ваажам̣ бхаасим̣су логз ад̇д̇ано ж̇здтасздтабхаавам̣ багаасзнд̇аа, д̇ан̃жа нзсам̣ г̇аманам̣ д̇ат̇ам̣ ахоси авид̇ат̇ам̣ анзгзсам̣ висзсаад̇хиг̇амаанам̣ буб̣б̣анимид̇д̇абхаавзна, д̇ат̇аа аяамби бхаг̇аваа г̇ад̇о, д̇ан̃жасса г̇аманам̣ гат̇ам̣ ахоси авид̇ат̇ам̣ д̇зсан̃н̃зва висзсаад̇хиг̇амаанам̣ буб̣б̣анимид̇д̇абхаавзна. звам̣ д̇ат̇аа г̇ад̇од̇и д̇ат̇ааг̇ад̇о.

    Kathaṃ tathā gatoti tathāgato? Yathā sampatijātā te bhagavanto samehi pādehi pathaviyaṃ patiṭṭhāya uttarābhimukhā sattapadavītihārena gatā, setacchatte dhāriyamāne sabbāva disā anuvilokesuṃ, āsabhiñca vācaṃ bhāsiṃsu loke attano jeṭṭhaseṭṭhabhāvaṃ pakāsentā, tañca nesaṃ gamanaṃ tathaṃ ahosi avitathaṃ anekesaṃ visesādhigamānaṃ pubbanimittabhāvena, tathā ayampi bhagavā gato, tañcassa gamanaṃ kathaṃ ahosi avitathaṃ tesaññeva visesādhigamānaṃ pubbanimittabhāvena. Evaṃ tathā gatoti tathāgato.

    яат̇аа ваа д̇з бхаг̇аванд̇о нзгкаммзна гаамажчанд̣̇ам̣ бахааяа г̇ад̇аа, аб̣яаабаад̣̇зна б̣яаабаад̣̇ам̣, аалогасан̃н̃ааяа т̇инамид̣̇д̇хам̣, авигкзбзна уд̣̇д̇хажжагуггужжам̣, д̇хаммававад̇т̇аанзна вижигижчам̣ бахааяа г̇ад̇аа, н̃аан̣зна авиж̇ж̇ам̣ бад̣̇аалзд̇ваа, баамож̇ж̇зна арад̇им̣ винод̣̇зд̇ваа, адтасамаабад̇д̇ийхи адтаарасахи махаавибассанаахи жад̇уухи жа арияамаг̇г̇зхи д̇ам̣ д̇ам̣ бадибагкам̣ бахааяа г̇ад̇аа, звам̣ аяамби бхаг̇аваа г̇ад̇о. звамби д̇ат̇аа г̇ад̇од̇и д̇ат̇ааг̇ад̇о.

    Yathā vā te bhagavanto nekkhammena kāmacchandaṃ pahāya gatā, abyāpādena byāpādaṃ, ālokasaññāya thinamiddhaṃ, avikkhepena uddhaccakukkuccaṃ, dhammavavatthānena vicikicchaṃ pahāya gatā, ñāṇena avijjaṃ padāletvā, pāmojjena aratiṃ vinodetvā, aṭṭhasamāpattīhi aṭṭhārasahi mahāvipassanāhi catūhi ca ariyamaggehi taṃ taṃ paṭipakkhaṃ pahāya gatā, evaṃ ayampi bhagavā gato. Evampi tathā gatoti tathāgato.

    гат̇ам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о? бат̇авийд̇хаад̇уяаа гагкал̣алагкан̣ам̣, аабод̇хаад̇уяаа баг̇гхаран̣алагкан̣ам̣, д̇зж̇од̇хаад̇уяаа ун̣хад̇д̇алагкан̣ам̣, вааяод̇хаад̇уяаа вид̇т̇амбханалагкан̣ам̣, аагаасад̇хаад̇уяаа асампудталагкан̣ам̣, руубасса руббаналагкан̣ам̣, взд̣̇анааяа взд̣̇аяид̇алагкан̣ам̣, сан̃н̃ааяа сан̃ж̇аананалагкан̣ам̣, сан̇каараанам̣ абхисан̇каран̣алагкан̣ам̣, вин̃н̃аан̣асса виж̇аананалагкан̣анд̇и звам̣ бан̃жаннам̣ канд̇хаанам̣, д̣̇ваад̣̇асаннам̣ ааяад̇анаанам̣, адтаарасаннам̣ д̇хаад̇уунам̣, б̣аавийсад̇ияаа инд̣̇рияаанам̣, жад̇уннам̣ сажжаанам̣, д̣̇ваад̣̇асабад̣̇игасса бажжаяаагаарасса, жад̇уннам̣ сад̇ибадтаанаанам̣, жад̇уннам̣ саммаббад̇хаанаанам̣, жад̇уннам̣ ид̣̇д̇хибаад̣̇аанам̣, бан̃жаннам̣ инд̣̇рияаанам̣, бан̃жаннам̣ б̣алаанам̣, сад̇д̇аннам̣ б̣ож̇жхан̇г̇аанам̣, арияасса адтан̇г̇игасса маг̇г̇асса, сад̇д̇аннам̣ висуд̣̇д̇хийнам̣, амад̇ог̇ад̇хасса ниб̣б̣аанассаад̇и звам̣ д̇асса д̇асса д̇хаммасса яам̣ сабхаавасарасалагкан̣ам̣, д̇ам̣ д̇ат̇ам̣ авид̇ат̇ам̣ анан̃н̃ат̇ам̣ лагкан̣ам̣ н̃аан̣аг̇ад̇ияаа ааг̇ад̇о авираж̇жхид̇ваа бад̇д̇о ад̇хиг̇ад̇од̇и д̇ат̇ааг̇ад̇о. звам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о.

    Kathaṃ tathalakkhaṇaṃ āgatoti tathāgato? Pathavīdhātuyā kakkhaḷalakkhaṇaṃ, āpodhātuyā paggharaṇalakkhaṇaṃ, tejodhātuyā uṇhattalakkhaṇaṃ, vāyodhātuyā vitthambhanalakkhaṇaṃ, ākāsadhātuyā asamphuṭṭhalakkhaṇaṃ, rūpassa ruppanalakkhaṇaṃ, vedanāya vedayitalakkhaṇaṃ, saññāya sañjānanalakkhaṇaṃ, saṅkhārānaṃ abhisaṅkharaṇalakkhaṇaṃ, viññāṇassa vijānanalakkhaṇanti evaṃ pañcannaṃ khandhānaṃ, dvādasannaṃ āyatanānaṃ, aṭṭhārasannaṃ dhātūnaṃ, bāvīsatiyā indriyānaṃ, catunnaṃ saccānaṃ, dvādasapadikassa paccayākārassa, catunnaṃ satipaṭṭhānānaṃ, catunnaṃ sammappadhānānaṃ, catunnaṃ iddhipādānaṃ, pañcannaṃ indriyānaṃ, pañcannaṃ balānaṃ, sattannaṃ bojjhaṅgānaṃ, ariyassa aṭṭhaṅgikassa maggassa, sattannaṃ visuddhīnaṃ, amatogadhassa nibbānassāti evaṃ tassa tassa dhammassa yaṃ sabhāvasarasalakkhaṇaṃ, taṃ tathaṃ avitathaṃ anaññathaṃ lakkhaṇaṃ ñāṇagatiyā āgato avirajjhitvā patto adhigatoti tathāgato. Evaṃ tathalakkhaṇaṃ āgatoti tathāgato.

    гат̇ам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о? д̇ат̇ад̇хаммаа наама жад̇д̇аари арияасажжаани. яат̇ааха – ‘‘жад̇д̇ааримаани, бхигкавз, д̇ат̇аани авид̇ат̇аани анан̃н̃ат̇аани. гад̇амаани жад̇д̇аари? ид̣̇ам̣ д̣̇угканд̇и, бхигкавз, д̇ат̇амзд̇ам̣ авид̇ат̇амзд̇ам̣ анан̃н̃ат̇амзд̇а’’нд̇и (сам̣. ни. 5.1090) вид̇т̇ааро. д̇аани жа бхаг̇аваа абхисамб̣уд̣̇д̇хо, д̇асмаа д̇ат̇аанам̣ абхисамб̣уд̣̇д̇хад̇д̇аа д̇ат̇ааг̇ад̇о.

    Kathaṃ tathadhamme yāthāvato abhisambuddhoti tathāgato? Tathadhammā nāma cattāri ariyasaccāni. Yathāha – ‘‘cattārimāni, bhikkhave, tathāni avitathāni anaññathāni. Katamāni cattāri? Idaṃ dukkhanti, bhikkhave, tathametaṃ avitathametaṃ anaññathameta’’nti (saṃ. ni. 5.1090) vitthāro. Tāni ca bhagavā abhisambuddho, tasmā tathānaṃ abhisambuddhattā tathāgato.

    абижа ж̇араамаран̣асса ж̇аад̇ибажжаяасамбхууд̇асамуд̣̇ааг̇ад̇адто д̇ат̇о авид̇ат̇о анан̃н̃ат̇о…бз… сан̇каараанам̣ авиж̇ж̇аабажжаяасамбхууд̇асамуд̣̇ааг̇ад̇адто д̇ат̇о авид̇ат̇о анан̃н̃ат̇о, д̇ат̇аа авиж̇ж̇ааяа сан̇каараанам̣ бажжаяадто…бз... ж̇аад̇ияаа ж̇араамаран̣асса бажжаяадто д̇ат̇о авид̇ат̇о анан̃н̃ат̇о, д̇ам̣ саб̣б̣ам̣ бхаг̇аваа абхисамб̣уд̣̇д̇хо, д̇асмааби д̇ат̇аанам̣ абхисамб̣уд̣̇д̇хад̇д̇аа д̇ат̇ааг̇ад̇о. абхисамб̣уд̣̇д̇хад̇т̇о хи зд̇т̇а г̇ад̇асад̣̇д̣̇од̇и. звам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о.

    Apica jarāmaraṇassa jātipaccayasambhūtasamudāgataṭṭho tatho avitatho anaññatho…pe… saṅkhārānaṃ avijjāpaccayasambhūtasamudāgataṭṭho tatho avitatho anaññatho, tathā avijjāya saṅkhārānaṃ paccayaṭṭho…pe... jātiyā jarāmaraṇassa paccayaṭṭho tatho avitatho anaññatho, taṃ sabbaṃ bhagavā abhisambuddho, tasmāpi tathānaṃ abhisambuddhattā tathāgato. Abhisambuddhattho hi ettha gatasaddoti. Evaṃ tathadhamme yāthāvato abhisambuddhoti tathāgato.

    гат̇ам̣ д̇ат̇ад̣̇ассид̇ааяа д̇ат̇ааг̇ад̇о? яам̣ сад̣̇звагз…бз… сад̣̇звамануссааяа баж̇ааяа абаримаан̣аасу логад̇хаад̇уусу абаримаан̣аанам̣ сад̇д̇аанам̣ жагкуд̣̇ваарз аабаат̇амааг̇ажчанд̇ам̣ руубаарамман̣ам̣ наама ад̇т̇и, д̇ам̣ бхаг̇аваа саб̣б̣аагаарад̇о ж̇аанаад̇и бассад̇и. звам̣ ж̇аанад̇аа бассад̇аа жа д̇зна д̇ам̣ идтаанидтаад̣̇ивасзна ваа д̣̇идтасуд̇амуд̇авин̃н̃аад̇зсу лаб̣бхамаанагабад̣̇авасзна ваа ‘‘гад̇амам̣ д̇ам̣ руубам̣ руубааяад̇анам̣ , яам̣ руубам̣ жад̇уннам̣ махаабхууд̇аанам̣ убаад̣̇ааяа ван̣н̣анибхаа санид̣̇ассанам̣ саббадигхам̣ нийлам̣ бийд̇ага’’нд̇иаад̣̇инаа (д̇ха. са. 616) наязна анзгзхи наамзхи д̇зрасахи ваарзхи д̣̇вибан̃н̃аасааяа наязхи вибхаж̇ж̇амаанам̣ д̇ат̇амзва ход̇и, вид̇ат̇ам̣ над̇т̇и. зса наяо сод̇ад̣̇ваараад̣̇ийсу аабаат̇амааг̇ажчанд̇зсу сад̣̇д̣̇аад̣̇ийсу. вуд̇д̇ан̃хзд̇ам̣ бхаг̇авад̇аа –

    Kathaṃ tathadassitāya tathāgato? Yaṃ sadevake…pe… sadevamanussāya pajāya aparimāṇāsu lokadhātūsu aparimāṇānaṃ sattānaṃ cakkhudvāre āpāthamāgacchantaṃ rūpārammaṇaṃ nāma atthi, taṃ bhagavā sabbākārato jānāti passati. Evaṃ jānatā passatā ca tena taṃ iṭṭhāniṭṭhādivasena vā diṭṭhasutamutaviññātesu labbhamānakapadavasena vā ‘‘katamaṃ taṃ rūpaṃ rūpāyatanaṃ , yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītaka’’ntiādinā (dha. sa. 616) nayena anekehi nāmehi terasahi vārehi dvipaññāsāya nayehi vibhajjamānaṃ tathameva hoti, vitathaṃ natthi. Esa nayo sotadvārādīsu āpāthamāgacchantesu saddādīsu. Vuttañhetaṃ bhagavatā –

    ‘‘яам̣ , бхигкавз, сад̣̇звагасса логасса…бз… сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, д̇амахам̣ ж̇аанаами, д̇амахам̣ аб̣бхан̃н̃аасим̣, д̇ам̣ д̇ат̇ааг̇ад̇асса вид̣̇ид̇ам̣, д̇ам̣ д̇ат̇ааг̇ад̇о на убадтаасий’’д̇и (а. ни. 4.24).

    ‘‘Yaṃ , bhikkhave, sadevakassa lokassa…pe… sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, tamahaṃ jānāmi, tamahaṃ abbhaññāsiṃ, taṃ tathāgatassa viditaṃ, taṃ tathāgato na upaṭṭhāsī’’ti (a. ni. 4.24).

    звам̣ д̇ат̇ад̣̇ассид̇ааяа д̇ат̇ааг̇ад̇о . д̇ад̇т̇а д̇ат̇ад̣̇ассийад̇т̇з д̇ат̇ааг̇ад̇од̇и бад̣̇асамбхаво взд̣̇ид̇аб̣б̣о.

    Evaṃ tathadassitāya tathāgato . Tattha tathadassīatthe tathāgatoti padasambhavo veditabbo.

    гат̇ам̣ д̇ат̇аваад̣̇ид̇ааяа д̇ат̇ааг̇ад̇о? яам̣ рад̇д̇им̣ бхаг̇аваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяи, зд̇т̇анд̇арз бан̃жажад̇д̇аалийсавассабаримаан̣агаалам̣ яам̣ бхаг̇авад̇аа бхаасид̇ам̣ лабид̇ам̣ суд̇д̇аг̇зяяаад̣̇и, саб̣б̣ам̣ д̇ам̣ барисуд̣̇д̇хам̣ барибун̣н̣ам̣ рааг̇амад̣̇аад̣̇иниммат̇анам̣ згасад̣̇исам̣ д̇ат̇ам̣ авид̇ат̇ам̣. д̇знааха –

    Kathaṃ tathavāditāya tathāgato? Yaṃ rattiṃ bhagavā anuttaraṃ sammāsambodhiṃ abhisambuddho, yañca rattiṃ anupādisesāya nibbānadhātuyā parinibbāyi, etthantare pañcacattālīsavassaparimāṇakālaṃ yaṃ bhagavatā bhāsitaṃ lapitaṃ suttageyyādi, sabbaṃ taṃ parisuddhaṃ paripuṇṇaṃ rāgamadādinimmathanaṃ ekasadisaṃ tathaṃ avitathaṃ. Tenāha –

    ‘‘яан̃жа, жунд̣̇а, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, яам̣ зд̇асмим̣ анд̇арз бхаасад̇и лабад̇и нид̣̇д̣̇исад̇и, саб̣б̣ам̣ д̇ам̣ д̇ат̇зва ход̇и, но ан̃н̃ат̇аа, д̇асмаа ‘д̇ат̇ааг̇ад̇о’д̇и вужжад̇ий’’д̇и (д̣̇ий. ни. 3.188).

    ‘‘Yañca, cunda, rattiṃ tathāgato anuttaraṃ sammāsambodhiṃ abhisambujjhati, yañca rattiṃ anupādisesāya nibbānadhātuyā parinibbāyati, yaṃ etasmiṃ antare bhāsati lapati niddisati, sabbaṃ taṃ tatheva hoti, no aññathā, tasmā ‘tathāgato’ti vuccatī’’ti (dī. ni. 3.188).

    г̇ад̣̇аад̇т̇о зд̇т̇а г̇ад̇асад̣̇д̣̇о. звам̣ д̇ат̇аваад̣̇ид̇ааяа д̇ат̇ааг̇ад̇о.

    Gadaattho ettha gatasaddo. Evaṃ tathavāditāya tathāgato.

    абижа ааг̇ад̣̇анам̣ ааг̇ад̣̇о, важананд̇и ад̇т̇о. д̇ат̇о авид̇ат̇о авибарийд̇о ааг̇ад̣̇о ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и звамзд̇т̇а бад̣̇асид̣̇д̇хи взд̣̇ид̇аб̣б̣аа.

    Apica āgadanaṃ āgado, vacananti attho. Tatho avitatho aviparīto āgado assāti dakārassa takāraṃ katvā tathāgatoti evamettha padasiddhi veditabbā.

    гат̇ам̣ д̇ат̇аагаарид̇ааяа д̇ат̇ааг̇ад̇о? бхаг̇авад̇о хи ваажааяа гааяо ануломзд̇и, гааяассаби ваажаа, д̇асмаа яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий жа ход̇и. звам̣бхууд̇асса жасса яат̇ааваажаа, гааяоби д̇ат̇аа г̇ад̇о бавад̇д̇од̇и ад̇т̇о. яат̇аа жа гааяо, ваажааби д̇ат̇аа г̇ад̇аа бавад̇д̇аад̇и д̇ат̇ааг̇ад̇о. д̇знааха –

    Kathaṃ tathākāritāya tathāgato? Bhagavato hi vācāya kāyo anulometi, kāyassapi vācā, tasmā yathāvādī tathākārī, yathākārī tathāvādī ca hoti. Evaṃbhūtassa cassa yathāvācā, kāyopi tathā gato pavattoti attho. Yathā ca kāyo, vācāpi tathā gatā pavattāti tathāgato. Tenāha –

    ‘‘яат̇ааваад̣̇ий , бхигкавз, д̇ат̇ааг̇ад̇о д̇ат̇аагаарий, яат̇аагаарий д̇ат̇ааваад̣̇ий. ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий. д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23).

    ‘‘Yathāvādī , bhikkhave, tathāgato tathākārī, yathākārī tathāvādī. Iti yathāvādī tathākārī, yathākārī tathāvādī. Tasmā ‘tathāgato’ti vuccatī’’ti (a. ni. 4.23).

    звам̣ д̇ат̇аагаарид̇ааяа д̇ат̇ааг̇ад̇о.

    Evaṃ tathākāritāya tathāgato.

    гат̇ам̣ абхибхаванадтзна д̇ат̇ааг̇ад̇о? яасмаа убари бхаваг̇г̇ам̣ хздтаа авийжим̣ барияанд̇ам̣ гарид̇ваа д̇ирияам̣ абаримаан̣аасу логад̇хаад̇уусу саб̣б̣асад̇д̇з абхибхавад̇и сийлзнаби самаад̇хинааби бан̃н̃ааяаби вимуд̇д̇ияааби вимуд̇д̇ин̃аан̣ад̣̇ассанзнаби , на д̇асса д̇улаа ваа бамаан̣ам̣ ваа ад̇т̇и, ат̇а ко ад̇уло аббамзяяо ануд̇д̇аро д̣̇звад̣̇зво саггаанам̣ ад̇исагго, б̣рахмаанам̣ ад̇иб̣рахмаа саб̣б̣асад̇д̇уд̇д̇амо, д̇асмаа д̇ат̇ааг̇ад̇о. д̇знааха –

    Kathaṃ abhibhavanaṭṭhena tathāgato? Yasmā upari bhavaggaṃ heṭṭhā avīciṃ pariyantaṃ karitvā tiriyaṃ aparimāṇāsu lokadhātūsu sabbasatte abhibhavati sīlenapi samādhināpi paññāyapi vimuttiyāpi vimuttiñāṇadassanenapi , na tassa tulā vā pamāṇaṃ vā atthi, atha kho atulo appameyyo anuttaro devadevo sakkānaṃ atisakko, brahmānaṃ atibrahmā sabbasattuttamo, tasmā tathāgato. Tenāha –

    ‘‘сад̣̇звагз, бхигкавз, логз…бз… сад̣̇звамануссааяа д̇ат̇ааг̇ад̇о абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇и, д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23).

    ‘‘Sadevake, bhikkhave, loke…pe… sadevamanussāya tathāgato abhibhū anabhibhūto aññadatthudaso vasavatti, tasmā ‘tathāgato’ti vuccatī’’ti (a. ni. 4.23).

    д̇ад̇рааяам̣ бад̣̇асид̣̇д̇хи – аг̇ад̣̇о вияа аг̇ад̣̇о, д̣̇зсанаавилаасо жзва бун̃н̃уссаяо жа. д̇зна со махаанубхааво бхисагго вияа д̣̇иб̣б̣ааг̇ад̣̇зна саббз саб̣б̣абараббаваад̣̇ино сад̣̇зваган̃жа логам̣ абхибхавад̇и. ид̇и саб̣б̣алогаабхибхаванз д̇ат̇о авид̇ат̇о авибарийд̇о яат̇аавуд̇д̇ова аг̇ад̣̇о зд̇ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и взд̣̇ид̇аб̣б̣о. звам̣ абхибхаванадтзна д̇ат̇ааг̇ад̇о.

    Tatrāyaṃ padasiddhi – agado viya agado, desanāvilāso ceva puññussayo ca. Tena so mahānubhāvo bhisakko viya dibbāgadena sappe sabbaparappavādino sadevakañca lokaṃ abhibhavati. Iti sabbalokābhibhavane tatho avitatho aviparīto yathāvuttova agado etassāti dakārassa takāraṃ katvā tathāgatoti veditabbo. Evaṃ abhibhavanaṭṭhena tathāgato.

    абижа д̇ат̇ааяа г̇ад̇од̇и д̇ат̇ааг̇ад̇о, д̇ат̇ам̣ г̇ад̇од̇и д̇ат̇ааг̇ад̇о. д̇ад̇т̇а сагалалогам̣ д̇ийран̣абарин̃н̃ааяа д̇ат̇ааяа г̇ад̇о аваг̇ад̇од̇и д̇ат̇ааг̇ад̇о. логасамуд̣̇аяам̣ бахаанабарин̃н̃ааяа д̇ат̇ааяа г̇ад̇о ад̇ийд̇од̇и д̇ат̇ааг̇ад̇о. логанирод̇хам̣ сажчигирияааяа д̇ат̇ааяа г̇ад̇о ад̇хиг̇ад̇од̇и д̇ат̇ааг̇ад̇о. логанирод̇хаг̇ааминим̣ бадибад̣̇ам̣ д̇ат̇ам̣ г̇ад̇о бадибаннод̇и д̇ат̇ааг̇ад̇о. вуд̇д̇ан̃хзд̇ам̣ бхаг̇авад̇аа –

    Apica tathāya gatoti tathāgato, tathaṃ gatoti tathāgato. Tattha sakalalokaṃ tīraṇapariññāya tathāya gato avagatoti tathāgato. Lokasamudayaṃ pahānapariññāya tathāya gato atītoti tathāgato. Lokanirodhaṃ sacchikiriyāya tathāya gato adhigatoti tathāgato. Lokanirodhagāminiṃ paṭipadaṃ tathaṃ gato paṭipannoti tathāgato. Vuttañhetaṃ bhagavatā –

    ‘‘лого, бхигкавз, д̇ат̇ааг̇ад̇зна абхисамб̣уд̣̇д̇хо, логасмаа д̇ат̇ааг̇ад̇о висам̣яуд̇д̇о. логасамуд̣̇аяо, бхигкавз, д̇ат̇ааг̇ад̇зна абхисамб̣уд̣̇д̇хо, логасамуд̣̇аяо д̇ат̇ааг̇ад̇асса бахийно, логанирод̇хо, бхигкавз, д̇ат̇ааг̇ад̇зна абхисамб̣уд̣̇д̇хо, логанирод̇хо д̇ат̇ааг̇ад̇асса сажчигад̇о. логанирод̇хаг̇ааминий бадибад̣̇аа , бхигкавз, д̇ат̇ааг̇ад̇зна абхисамб̣уд̣̇д̇хаа , логанирод̇хаг̇ааминий бадибад̣̇аа д̇ат̇ааг̇ад̇асса бхаавид̇аа. яам̣, бхигкавз , сад̣̇звагасса логасса…бз… саб̣б̣ам̣ д̇ам̣ д̇ат̇ааг̇ад̇зна абхисамб̣уд̣̇д̇хам̣. д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23).

    ‘‘Loko, bhikkhave, tathāgatena abhisambuddho, lokasmā tathāgato visaṃyutto. Lokasamudayo, bhikkhave, tathāgatena abhisambuddho, lokasamudayo tathāgatassa pahīno, lokanirodho, bhikkhave, tathāgatena abhisambuddho, lokanirodho tathāgatassa sacchikato. Lokanirodhagāminī paṭipadā , bhikkhave, tathāgatena abhisambuddhā , lokanirodhagāminī paṭipadā tathāgatassa bhāvitā. Yaṃ, bhikkhave , sadevakassa lokassa…pe… sabbaṃ taṃ tathāgatena abhisambuddhaṃ. Tasmā ‘tathāgato’ti vuccatī’’ti (a. ni. 4.23).

    абарзхиби адтахи гааран̣зхи бхаг̇аваа д̇ат̇ааг̇ад̇о – д̇ат̇ааяа ааг̇ад̇од̇и д̇ат̇ааг̇ад̇о, д̇ат̇ааяа г̇ад̇од̇и д̇ат̇ааг̇ад̇о, д̇ат̇аани ааг̇ад̇од̇и д̇ат̇ааг̇ад̇о, д̇ат̇аа г̇ад̇од̇и д̇ат̇ааг̇ад̇о, д̇ат̇аавид̇ход̇и д̇ат̇ааг̇ад̇о, д̇ат̇аа бавад̇д̇ид̇од̇и д̇ат̇ааг̇ад̇о, д̇ат̇зхи аг̇ад̇од̇и д̇ат̇ааг̇ад̇о, д̇ат̇аа г̇ад̇абхаавзна д̇ат̇ааг̇ад̇о.

    Aparehipi aṭṭhahi kāraṇehi bhagavā tathāgato – tathāya āgatoti tathāgato, tathāya gatoti tathāgato, tathāni āgatoti tathāgato, tathā gatoti tathāgato, tathāvidhoti tathāgato, tathā pavattitoti tathāgato, tathehi agatoti tathāgato, tathā gatabhāvena tathāgato.

    гат̇ам̣ д̇ат̇ааяа ааг̇ад̇од̇и д̇ат̇ааг̇ад̇о? яаа саа бхаг̇авад̇аа сумзд̇хабхууд̇зна д̣̇ийбан̇гарад̣̇асаб̣аласса баад̣̇амуулз –

    Kathaṃ tathāya āgatoti tathāgato? Yā sā bhagavatā sumedhabhūtena dīpaṅkaradasabalassa pādamūle –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣,

    ‘‘Manussattaṃ liṅgasampatti, hetu satthāradassanaṃ,

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;

    Pabbajjā guṇasampatti, adhikāro ca chandatā;

    адтад̇хаммасамод̇хаанаа, абхинийхааро самиж̇жхад̇ий’’д̇и. (б̣у. вам̣. 2.59) –

    Aṭṭhadhammasamodhānā, abhinīhāro samijjhatī’’ti. (bu. vaṃ. 2.59) –

    звам̣ вуд̇д̇ам̣ адтан̇г̇асаманнааг̇ад̇ам̣ абхинийхаарам̣ самбаад̣̇знд̇зна ‘‘ахам̣ сад̣̇звагам̣ логам̣ д̇ин̣н̣о д̇аарзссаами, муд̇д̇о можзссаами, д̣̇анд̇о д̣̇амзссаами, санд̇о самзссаами, ассад̇т̇о ассаасзссаами, бариниб̣б̣уд̇о бариниб̣б̣аабзссаами, б̣уд̣̇д̇хо б̣од̇хзссаамий’’д̇и махаабадин̃н̃аа бавад̇д̇ид̇аа. вуд̇д̇ан̃хзд̇ам̣ –

    Evaṃ vuttaṃ aṭṭhaṅgasamannāgataṃ abhinīhāraṃ sampādentena ‘‘ahaṃ sadevakaṃ lokaṃ tiṇṇo tāressāmi, mutto mocessāmi, danto damessāmi, santo samessāmi, assattho assāsessāmi, parinibbuto parinibbāpessāmi, buddho bodhessāmī’’ti mahāpaṭiññā pavattitā. Vuttañhetaṃ –

    ‘‘гим̣ мз згзна д̇ин̣н̣зна, бурисзна т̇аамад̣̇ассинаа;

    ‘‘Kiṃ me ekena tiṇṇena, purisena thāmadassinā;

    саб̣б̣ан̃н̃уд̇ам̣ баабун̣ид̇ваа, санд̇аарзссам̣ сад̣̇звагам̣.

    Sabbaññutaṃ pāpuṇitvā, santāressaṃ sadevakaṃ.

    ‘‘иминаа мз ад̇хигаарзна, гад̇зна бурисуд̇д̇амз;

    ‘‘Iminā me adhikārena, katena purisuttame;

    саб̣б̣ан̃н̃уд̇ам̣ баабун̣ид̇ваа, д̇аарзми ж̇анад̇ам̣ б̣ахум̣.

    Sabbaññutaṃ pāpuṇitvā, tāremi janataṃ bahuṃ.

    ‘‘сам̣саарасод̇ам̣ чинд̣̇ид̇ваа, вид̣̇д̇хам̣сзд̇ваа д̇аяо бхавз;

    ‘‘Saṃsārasotaṃ chinditvā, viddhaṃsetvā tayo bhave;

    д̇хамманаавам̣ самааруяха, санд̇аарзссам̣ сад̣̇звагам̣.

    Dhammanāvaṃ samāruyha, santāressaṃ sadevakaṃ.

    ‘‘гим̣ мз ан̃н̃аад̇авзсзна, д̇хаммам̣ сажчигад̇знид̇ха;

    ‘‘Kiṃ me aññātavesena, dhammaṃ sacchikatenidha;

    саб̣б̣ан̃н̃уд̇ам̣ баабун̣ид̇ваа, б̣уд̣̇д̇хо хзссам̣ сад̣̇звагз’’д̇и. (б̣у. вам̣. 2.55-58);

    Sabbaññutaṃ pāpuṇitvā, buddho hessaṃ sadevake’’ti. (bu. vaṃ. 2.55-58);

    д̇ам̣ банзд̇ам̣ махаабадин̃н̃ам̣ сагалассааби б̣уд̣̇д̇хагарад̇хаммасамуд̣̇ааяасса бавижаяа бажжавзгкан̣асамаад̣̇аанаанам̣ гааран̣абхууд̇ам̣ ависам̣ваад̣̇зд̇ваа логанааяаго яасмаа махаагаббаанам̣ сад̇асахассаад̇хигаани жад̇д̇аари асан̇кязяяаани саггажжам̣ ниранд̇арам̣ ниравасзсад̇о д̣̇аанабаарамиаад̣̇аяо самад̇им̣сабаарамияо буурзд̇ваа, ан̇г̇абарижжааг̇аад̣̇аяо бан̃жа махаабарижжааг̇з барижжаж̇ид̇ваа, сажжаад̇хидтаанаад̣̇ийни жад̇д̇аари ад̇хидтаанаани бариб̣руухзд̇ваа, бун̃н̃ан̃аан̣асамбхаарз самбхарид̇ваа, буб̣б̣аяог̇абуб̣б̣ажарияад̇хаммагкаанан̃аад̇ад̇т̇ажарияаад̣̇аяо уггам̣саабзд̇ваа, б̣уд̣̇д̇хижарияам̣ барамагодим̣ баабзд̇ваа, ануд̇д̇арам̣ саммаасамб̣од̇хим̣ абхисамб̣уж̇жхи, д̇асмаа д̇ассзва саа махаабадин̃н̃аа д̇ат̇аа авид̇ат̇аа анан̃н̃ат̇аа, на д̇асса ваалаг̇г̇амад̇д̇амби вид̇ат̇ам̣ ад̇т̇и. д̇ат̇аа хи д̣̇ийбан̇гарад̣̇асаб̣ало гон̣д̣ан̃н̃о ман̇г̇ало…бз… гассабо бхаг̇аваад̇и имз жад̇увийсад̇и саммаасамб̣уд̣̇д̇хаа бадибаадияаа уббаннаа ‘‘б̣уд̣̇д̇хо бхависсад̇ий’’д̇и б̣яаагарим̣су. звам̣ жад̇увийсад̇ияаа б̣уд̣̇д̇хаанам̣ санд̇игз лад̣̇д̇хаб̣яаагаран̣о яз д̇з гад̇аабхинийхаарзхи б̣од̇хисад̇д̇зхи лад̣̇д̇хаб̣б̣аа аанисам̣саа, д̇з лабхид̇ваава ааг̇ад̇од̇и д̇ааяа яат̇аавуд̇д̇ааяа махаабадин̃н̃ааяа д̇ат̇ааяа абхисамб̣уд̣̇д̇хабхаавам̣ ааг̇ад̇о ад̇хиг̇ад̇од̇и д̇ат̇ааг̇ад̇о. звам̣ д̇ат̇ааяа ааг̇ад̇од̇и д̇ат̇ааг̇ад̇о.

    Taṃ panetaṃ mahāpaṭiññaṃ sakalassāpi buddhakaradhammasamudāyassa pavicaya paccavekkhaṇasamādānānaṃ kāraṇabhūtaṃ avisaṃvādetvā lokanāyako yasmā mahākappānaṃ satasahassādhikāni cattāri asaṅkhyeyyāni sakkaccaṃ nirantaraṃ niravasesato dānapāramiādayo samatiṃsapāramiyo pūretvā, aṅgapariccāgādayo pañca mahāpariccāge pariccajitvā, saccādhiṭṭhānādīni cattāri adhiṭṭhānāni paribrūhetvā, puññañāṇasambhāre sambharitvā, pubbayogapubbacariyadhammakkhānañātatthacariyādayo ukkaṃsāpetvā, buddhicariyaṃ paramakoṭiṃ pāpetvā, anuttaraṃ sammāsambodhiṃ abhisambujjhi, tasmā tasseva sā mahāpaṭiññā tathā avitathā anaññathā, na tassa vālaggamattampi vitathaṃ atthi. Tathā hi dīpaṅkaradasabalo koṇḍañño maṅgalo…pe… kassapo bhagavāti ime catuvīsati sammāsambuddhā paṭipāṭiyā uppannā ‘‘buddho bhavissatī’’ti byākariṃsu. Evaṃ catuvīsatiyā buddhānaṃ santike laddhabyākaraṇo ye te katābhinīhārehi bodhisattehi laddhabbā ānisaṃsā, te labhitvāva āgatoti tāya yathāvuttāya mahāpaṭiññāya tathāya abhisambuddhabhāvaṃ āgato adhigatoti tathāgato. Evaṃ tathāya āgatoti tathāgato.

    гат̇ам̣ д̇ат̇ааяа г̇ад̇од̇и д̇ат̇ааг̇ад̇о? яааяа махаагарун̣ааяа логанаат̇о махаад̣̇угкасамб̣аад̇хаббадибаннам̣ сад̇д̇анигааяам̣ д̣̇исваа ‘‘д̇асса над̇т̇ан̃н̃о гожи бадиссаран̣ам̣, ахамзва намид̇о сам̣саарад̣̇угкад̇о муд̇д̇о можзссаамий’’д̇и самуссаахид̇амаанасо махаабхинийхаарамагааси. гад̇ваа жа яат̇аабан̣ид̇хаанам̣ сагалалогахид̇асамбаад̣̇анааяа уссуггамаабанно ад̇д̇ано гааяаж̇ийвид̇анирабзгко барзсам̣ сод̇абат̇ааг̇аманамад̇д̇знаби жид̇д̇уд̇раасасамуббаад̣̇игаа ад̇ид̣̇уггараа д̣̇уггаражарияаа самаажаранд̇о яат̇аа махааб̣од̇хияаа бадибад̇д̇и хаанабхааг̇ияаа сам̣гилзсабхааг̇ияаа тид̇ибхааг̇ияаа ваа на ход̇и, ат̇а ко уд̇д̇аруд̇д̇ари висзсабхааг̇ияаава ход̇и, д̇ат̇аа бадибаж̇ж̇амаано анубуб̣б̣зна ниравасзсз б̣од̇хисамбхаарз самбаад̣̇зд̇ваа абхисамб̣од̇хим̣ баабун̣и. д̇ад̇о баран̃жа д̇ааязва махаагарун̣ааяа сан̃жод̣̇ид̇амаанасо бавивзгарад̇им̣ бараман̃жа санд̇ам̣ вимогкасукам̣ бахааяа б̣аалаж̇анаб̣ахулз логз д̇зхи самуббаад̣̇ид̇ам̣ саммаанаавамаанавиббагаарам̣ аг̇ан̣зд̇ваа винзяяаж̇анасса винаяанзна ниравасзсам̣ б̣уд̣̇д̇хагижжам̣ нидтабзси. д̇ад̇т̇а яо бхаг̇авад̇о сад̇д̇зсу махаагарун̣ааяа самоггаманаагааро, со барад̇о аавибхависсад̇и. яат̇аа жа б̣уд̣̇д̇хабхууд̇асса логанаат̇асса сад̇д̇зсу махаагарун̣аа, звам̣ б̣од̇хисад̇д̇абхууд̇ассаби махаабхинийхаарагаалаад̣̇ийсууд̇и саб̣б̣ад̇т̇а саб̣б̣ад̣̇аа жа згасад̣̇исад̇ааяа д̇ат̇аа авид̇ат̇аа анан̃н̃ат̇аа, д̇асмаа д̇ийсуби авад̇т̇аасу саб̣б̣асад̇д̇зсу самаанарасааяа д̇ат̇ааяа махаагарун̣ааяа сагалалогахид̇ааяа г̇ад̇о бадибаннод̇и д̇ат̇ааг̇ад̇о. звам̣ д̇ат̇ааяа г̇ад̇од̇и д̇ат̇ааг̇ад̇о.

    Kathaṃ tathāya gatoti tathāgato? Yāya mahākaruṇāya lokanātho mahādukkhasambādhappaṭipannaṃ sattanikāyaṃ disvā ‘‘tassa natthañño koci paṭissaraṇaṃ, ahameva namito saṃsāradukkhato mutto mocessāmī’’ti samussāhitamānaso mahābhinīhāramakāsi. Katvā ca yathāpaṇidhānaṃ sakalalokahitasampādanāya ussukkamāpanno attano kāyajīvitanirapekkho paresaṃ sotapathāgamanamattenapi cittutrāsasamuppādikā atidukkarā dukkaracariyā samācaranto yathā mahābodhiyā paṭipatti hānabhāgiyā saṃkilesabhāgiyā ṭhitibhāgiyā vā na hoti, atha kho uttaruttari visesabhāgiyāva hoti, tathā paṭipajjamāno anupubbena niravasese bodhisambhāre sampādetvā abhisambodhiṃ pāpuṇi. Tato parañca tāyeva mahākaruṇāya sañcoditamānaso pavivekaratiṃ paramañca santaṃ vimokkhasukhaṃ pahāya bālajanabahule loke tehi samuppāditaṃ sammānāvamānavippakāraṃ agaṇetvā vineyyajanassa vinayanena niravasesaṃ buddhakiccaṃ niṭṭhapesi. Tattha yo bhagavato sattesu mahākaruṇāya samokkamanākāro, so parato āvibhavissati. Yathā ca buddhabhūtassa lokanāthassa sattesu mahākaruṇā, evaṃ bodhisattabhūtassapi mahābhinīhārakālādīsūti sabbattha sabbadā ca ekasadisatāya tathā avitathā anaññathā, tasmā tīsupi avatthāsu sabbasattesu samānarasāya tathāya mahākaruṇāya sakalalokahitāya gato paṭipannoti tathāgato. Evaṃ tathāya gatoti tathāgato.

    гат̇ам̣ д̇ат̇аани ааг̇ад̇од̇и д̇ат̇ааг̇ад̇о? д̇ат̇аани наама жад̇д̇аари арияамаг̇г̇ан̃аан̣аани. д̇аани хи ид̣̇ам̣ д̣̇угкам̣, аяам̣ д̣̇угкасамуд̣̇аяо, аяам̣ д̣̇угканирод̇хо, аяам̣ д̣̇угканирод̇хаг̇ааминий бадибад̣̇аад̇и звам̣ саб̣б̣ан̃зяяад̇хаммасан̇г̇аахагаанам̣ бавад̇д̇инивад̇д̇ид̇ад̣̇убхаяахзд̇убхууд̇аанам̣ жад̇уннам̣ арияасажжаанам̣ д̣̇угкасса бийл̣анадто сан̇кад̇адто санд̇аабадто вибарин̣аамадто, самуд̣̇аяасса ааяууханадто нид̣̇аанадто сам̣яог̇адто балиб̣од̇хадто, нирод̇хасса ниссаран̣адто вивзгадто асан̇кад̇адто амад̇адто, маг̇г̇асса нияяаанадто хзд̇вадто д̣̇ассанадто аад̇хибад̇зяяадтод̇иаад̣̇ийнам̣ д̇аб̣б̣ибхааг̇аанан̃жа яат̇аабхууд̇асабхаавааваб̣од̇хавиб̣анд̇хагасса сам̣гилзсабагкасса самужчинд̣̇анзна бадилад̣̇д̇хааяа д̇ад̇т̇а асаммохаабхисамаяасан̇каад̇ааяа авибарийд̇аагаараббавад̇д̇ияаа д̇хаммаанам̣ сабхаавасарасалагкан̣асса ависам̣ваад̣̇анад̇о д̇ат̇аани авид̇ат̇аани анан̃н̃ат̇аани, д̇аани бхаг̇аваа анан̃н̃анзяяо саяамзва ааг̇ад̇о ад̇хиг̇ад̇о, д̇асмаа д̇ат̇аани ааг̇ад̇од̇и д̇ат̇ааг̇ад̇о.

    Kathaṃ tathāni āgatoti tathāgato? Tathāni nāma cattāri ariyamaggañāṇāni. Tāni hi idaṃ dukkhaṃ, ayaṃ dukkhasamudayo, ayaṃ dukkhanirodho, ayaṃ dukkhanirodhagāminī paṭipadāti evaṃ sabbañeyyadhammasaṅgāhakānaṃ pavattinivattitadubhayahetubhūtānaṃ catunnaṃ ariyasaccānaṃ dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho, samudayassa āyūhanaṭṭho nidānaṭṭho saṃyogaṭṭho palibodhaṭṭho, nirodhassa nissaraṇaṭṭho vivekaṭṭho asaṅkhataṭṭho amataṭṭho, maggassa niyyānaṭṭho hetvaṭṭho dassanaṭṭho ādhipateyyaṭṭhotiādīnaṃ tabbibhāgānañca yathābhūtasabhāvāvabodhavibandhakassa saṃkilesapakkhassa samucchindanena paṭiladdhāya tattha asammohābhisamayasaṅkhātāya aviparītākārappavattiyā dhammānaṃ sabhāvasarasalakkhaṇassa avisaṃvādanato tathāni avitathāni anaññathāni, tāni bhagavā anaññaneyyo sayameva āgato adhigato, tasmā tathāni āgatoti tathāgato.

    яат̇аа жа маг̇г̇ан̃аан̣аани, звам̣ бхаг̇авад̇о д̇ийсу гаалзсу аббадихад̇ан̃аан̣аани жад̇убадисамбхид̣̇аан̃аан̣аани жад̇увзсаараж̇ж̇ан̃аан̣аани бан̃жаг̇ад̇ибарижчзд̣̇ан̃аан̣аани чаасаад̇хааран̣ан̃аан̣аани сад̇д̇аб̣ож̇жхан̇г̇авибхааванан̃аан̣аани адтамаг̇г̇ан̇г̇авибхааванан̃аан̣аани наваанубуб̣б̣авихаарасамаабад̇д̇ин̃аан̣аани д̣̇асаб̣алан̃аан̣аани жа д̇ат̇абхаавз взд̣̇ид̇аб̣б̣аани.

    Yathā ca maggañāṇāni, evaṃ bhagavato tīsu kālesu appaṭihatañāṇāni catupaṭisambhidāñāṇāni catuvesārajjañāṇāni pañcagatiparicchedañāṇāni chaasādhāraṇañāṇāni sattabojjhaṅgavibhāvanañāṇāni aṭṭhamaggaṅgavibhāvanañāṇāni navānupubbavihārasamāpattiñāṇāni dasabalañāṇāni ca tathabhāve veditabbāni.

    д̇ад̇рааяам̣ вибхааванаа – яан̃хи гин̃жи абаримаан̣аасу логад̇хаад̇уусу абаримаан̣аанам̣ сад̇д̇аанам̣ хийнаад̣̇ибхзд̣̇абхиннаасу ад̇ийд̇аасу канд̇хааяад̇анад̇хаад̇уусу сабхаавагижжаад̣̇и авад̇т̇аависзсаад̣̇и канд̇хаббадиб̣ад̣̇д̇ханаамаг̇од̇д̇аад̣̇и жа ж̇аанид̇аб̣б̣ам̣. анинд̣̇рияаб̣ад̣̇д̇хзсу жа ад̇исукумад̇ирохид̇авид̣̇уурад̣̇зсзсуби руубад̇хаммзсу яо д̇ам̣д̇ам̣бажжаяависзсзхи сад̣̇д̇хим̣ бажжаяуббаннаанам̣ ван̣н̣асан̣таанаг̇анд̇харасапассаад̣̇ивисзсо, д̇ад̇т̇а саб̣б̣ад̇т̇зва хад̇т̇ад̇алз табид̇ааамалагз вияа бажжагкад̇о аббадихад̇ам̣ бхаг̇авад̇о н̃аан̣ам̣ бавад̇д̇ад̇и, д̇ат̇аа анааг̇ад̇аасу бажжуббаннаасу жаад̇и имаани д̇ийсу гаалзсу аббадихад̇ан̃аан̣аани наама. яат̇ааха –

    Tatrāyaṃ vibhāvanā – yañhi kiñci aparimāṇāsu lokadhātūsu aparimāṇānaṃ sattānaṃ hīnādibhedabhinnāsu atītāsu khandhāyatanadhātūsu sabhāvakiccādi avatthāvisesādi khandhappaṭibaddhanāmagottādi ca jānitabbaṃ. Anindriyabaddhesu ca atisukhumatirohitavidūradesesupi rūpadhammesu yo taṃtaṃpaccayavisesehi saddhiṃ paccayuppannānaṃ vaṇṇasaṇṭhānagandharasaphassādiviseso, tattha sabbattheva hatthatale ṭhapitaāmalake viya paccakkhato appaṭihataṃ bhagavato ñāṇaṃ pavattati, tathā anāgatāsu paccuppannāsu cāti imāni tīsu kālesu appaṭihatañāṇāni nāma. Yathāha –

    ‘‘ад̇ийд̇ам̣сз б̣уд̣̇д̇хасса бхаг̇авад̇о аббадихад̇ам̣ н̃аан̣ам̣, анааг̇ад̇ам̣сз б̣уд̣̇д̇хасса бхаг̇авад̇о аббадихад̇ам̣ н̃аан̣ам̣, бажжуббаннам̣сз б̣уд̣̇д̇хасса бхаг̇авад̇о аббадихад̇ам̣ н̃аан̣а’’нд̇и (бади. ма. 3.5).

    ‘‘Atītaṃse buddhassa bhagavato appaṭihataṃ ñāṇaṃ, anāgataṃse buddhassa bhagavato appaṭihataṃ ñāṇaṃ, paccuppannaṃse buddhassa bhagavato appaṭihataṃ ñāṇa’’nti (paṭi. ma. 3.5).

    д̇аани банзд̇аани д̇ад̇т̇а д̇ад̇т̇а д̇хаммаанам̣ сабхаавасарасалагкан̣асса ависам̣ваад̣̇анад̇о д̇ат̇аани авид̇ат̇аани анан̃н̃ат̇аани, д̇аани бхаг̇аваа саяамбхуун̃аан̣зна ад̇хиг̇ан̃чийд̇и. звамби д̇ат̇аани ааг̇ад̇од̇и д̇ат̇ааг̇ад̇о.

    Tāni panetāni tattha tattha dhammānaṃ sabhāvasarasalakkhaṇassa avisaṃvādanato tathāni avitathāni anaññathāni, tāni bhagavā sayambhūñāṇena adhigañchīti. Evampi tathāni āgatoti tathāgato.

    д̇ат̇аа ад̇т̇аббадисамбхид̣̇аа д̇хаммаббадисамбхид̣̇аа нируд̇д̇иббадисамбхид̣̇аа бадибхаанаббадисамбхид̣̇аад̇и жад̇ассо бадисамбхид̣̇аа. д̇ад̇т̇а ад̇т̇аббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ ад̇т̇аббабхзд̣̇аг̇ад̇ам̣ н̃аан̣ам̣ ад̇т̇аббадисамбхид̣̇аа. д̇хаммаббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ д̇хаммаббабхзд̣̇аг̇ад̇ам̣ н̃аан̣ам̣ д̇хаммаббадисамбхид̣̇аа. нируд̇д̇иббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ нируд̇д̇аабхилаабз бабхзд̣̇аг̇ад̇ам̣ н̃аан̣ам̣ нируд̇д̇иббадисамбхид̣̇аа. бадибхаанаббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ бадибхаанаббабхзд̣̇аг̇ад̇ам̣ н̃аан̣ам̣ бадибхаанаббадисамбхид̣̇аа. вуд̇д̇ан̃хзд̇ам̣ –

    Tathā atthappaṭisambhidā dhammappaṭisambhidā niruttippaṭisambhidā paṭibhānappaṭisambhidāti catasso paṭisambhidā. Tattha atthappabhedassa sallakkhaṇavibhāvanavavatthānakaraṇasamatthaṃ atthappabhedagataṃ ñāṇaṃ atthappaṭisambhidā. Dhammappabhedassa sallakkhaṇavibhāvanavavatthānakaraṇasamatthaṃ dhammappabhedagataṃ ñāṇaṃ dhammappaṭisambhidā. Niruttippabhedassa sallakkhaṇavibhāvanavavatthānakaraṇasamatthaṃ niruttābhilāpe pabhedagataṃ ñāṇaṃ niruttippaṭisambhidā. Paṭibhānappabhedassa sallakkhaṇavibhāvanavavatthānakaraṇasamatthaṃ paṭibhānappabhedagataṃ ñāṇaṃ paṭibhānappaṭisambhidā. Vuttañhetaṃ –

    ‘‘ад̇т̇з н̃аан̣ам̣ ад̇т̇аббадисамбхид̣̇аа, д̇хаммз н̃аан̣ам̣ д̇хаммаббадисамбхид̣̇аа, д̇ад̇ра д̇хамманируд̇д̇аабхилаабз н̃аан̣ам̣ нируд̇д̇иббадисамбхид̣̇аа, н̃аан̣зсу н̃аан̣ам̣ бадибхаанаббадисамбхид̣̇аа’’д̇и (вибха. 718-721).

    ‘‘Atthe ñāṇaṃ atthappaṭisambhidā, dhamme ñāṇaṃ dhammappaṭisambhidā, tatra dhammaniruttābhilāpe ñāṇaṃ niruttippaṭisambhidā, ñāṇesu ñāṇaṃ paṭibhānappaṭisambhidā’’ti (vibha. 718-721).

    зд̇т̇а жа хзд̇уанусаарзна аран̣ийяад̇о ад̇хиг̇анд̇аб̣б̣ад̇о жа сан̇кзбад̇о хзд̇упалам̣ ад̇т̇о наама. бабхзд̣̇ад̇о бана яам̣ гин̃жи бажжаяуббаннам̣, ниб̣б̣аанам̣ , бхаасид̇ад̇т̇о, вибааго, гирияаад̇и имз бан̃жа д̇хаммаа ад̇т̇о. д̇ам̣ ад̇т̇ам̣ бажжавзгканд̇асса д̇асмим̣ ад̇т̇з бабхзд̣̇аг̇ад̇ам̣ н̃аан̣ам̣ ад̇т̇аббадисамбхид̣̇аа. д̇хаммод̇и сан̇кзбад̇о бажжаяо. со хи яасмаа д̇ам̣ д̇ам̣ ад̇т̇ам̣ вид̣̇ахад̇и бавад̇д̇зд̇и жзва баабзд̇и жа, д̇асмаа д̇хаммод̇и вужжад̇и, бабхзд̣̇ад̇о бана яо гожи паланиб̣б̣ад̇д̇анаго хзд̇у арияамаг̇г̇о бхаасид̇ам̣ гусалам̣ агусаланд̇и имз бан̃жа д̇хаммаа д̇хаммо, д̇ам̣ д̇хаммам̣ бажжавзгканд̇асса д̇асмим̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммаббадисамбхид̣̇аа. вуд̇д̇амби жзд̇ам̣ –

    Ettha ca hetuanusārena araṇīyato adhigantabbato ca saṅkhepato hetuphalaṃ attho nāma. Pabhedato pana yaṃ kiñci paccayuppannaṃ, nibbānaṃ , bhāsitattho, vipāko, kiriyāti ime pañca dhammā attho. Taṃ atthaṃ paccavekkhantassa tasmiṃ atthe pabhedagataṃ ñāṇaṃ atthappaṭisambhidā. Dhammoti saṅkhepato paccayo. So hi yasmā taṃ taṃ atthaṃ vidahati pavatteti ceva pāpeti ca, tasmā dhammoti vuccati, pabhedato pana yo koci phalanibbattanako hetu ariyamaggo bhāsitaṃ kusalaṃ akusalanti ime pañca dhammā dhammo, taṃ dhammaṃ paccavekkhantassa tasmiṃ dhamme pabhedagataṃ ñāṇaṃ dhammappaṭisambhidā. Vuttampi cetaṃ –

    ‘‘д̣̇угкз н̃аан̣ам̣ ад̇т̇аббадисамбхид̣̇аа, д̣̇угкасамуд̣̇аяз н̃аан̣ам̣ д̇хаммаббадисамбхид̣̇аа, д̣̇угканирод̇хз н̃аан̣ам̣ ад̇т̇аббадисамбхид̣̇аа, д̣̇угканирод̇хаг̇ааминияаа бадибад̣̇ааяа н̃аан̣ам̣ д̇хаммаббадисамбхид̣̇аа’’д̇и (вибха. 719).

    ‘‘Dukkhe ñāṇaṃ atthappaṭisambhidā, dukkhasamudaye ñāṇaṃ dhammappaṭisambhidā, dukkhanirodhe ñāṇaṃ atthappaṭisambhidā, dukkhanirodhagāminiyā paṭipadāya ñāṇaṃ dhammappaṭisambhidā’’ti (vibha. 719).

    ат̇а ваа хзд̇умхи н̃аан̣ам̣ д̇хаммаббадисамбхид̣̇аа, хзд̇упалз н̃аан̣ам̣ ад̇т̇аббадисамбхид̣̇аа. яз д̇хаммаа ж̇аад̇аа бхууд̇аа сан̃ж̇аад̇аа ниб̣б̣ад̇д̇аа абхиниб̣б̣ад̇д̇аа баад̇убхууд̇аа, имзсу д̇хаммзсу н̃аан̣ам̣ ад̇т̇аббадисамбхид̣̇аа. яамхаа д̇хаммаа д̇з д̇хаммаа ж̇аад̇аа бхууд̇аа сан̃ж̇аад̇аа ниб̣б̣ад̇д̇аа абхиниб̣б̣ад̇д̇аа баад̇убхууд̇аа, д̇зсу д̇хаммзсу н̃аан̣ам̣ д̇хаммаббадисамбхид̣̇аа. ж̇араамаран̣з н̃аан̣ам̣ ад̇т̇аббадисамбхид̣̇аа, ж̇араамаран̣асамуд̣̇аяз н̃аан̣ам̣ д̇хаммаббадисамбхид̣̇аа. ж̇араамаран̣анирод̇хз н̃аан̣ам̣ ад̇т̇аббадисамбхид̣̇аа, ж̇араамаран̣анирод̇хаг̇ааминияаа бадибад̣̇ааяа н̃аан̣ам̣ д̇хаммаббадисамбхид̣̇аа. ж̇аад̇ияаа, бхавз, убаад̣̇аанз, д̇ан̣хааяа, взд̣̇анааяа, пассз, сал̣ааяад̇анз, наамаруубз, вин̃н̃аан̣з, сан̇каарзсу н̃аан̣ам̣ ад̇т̇аббадисамбхид̣̇аа, сан̇каарасамуд̣̇аяз н̃аан̣ам̣ д̇хаммаббадисамбхид̣̇аа. сан̇кааранирод̇хз н̃аан̣ам̣ ад̇т̇аббадисамбхид̣̇аа, сан̇кааранирод̇хаг̇ааминияаа бадибад̣̇ааяа н̃аан̣ам̣ д̇хаммаббадисамбхид̣̇аа.

    Atha vā hetumhi ñāṇaṃ dhammappaṭisambhidā, hetuphale ñāṇaṃ atthappaṭisambhidā. Ye dhammā jātā bhūtā sañjātā nibbattā abhinibbattā pātubhūtā, imesu dhammesu ñāṇaṃ atthappaṭisambhidā. Yamhā dhammā te dhammā jātā bhūtā sañjātā nibbattā abhinibbattā pātubhūtā, tesu dhammesu ñāṇaṃ dhammappaṭisambhidā. Jarāmaraṇe ñāṇaṃ atthappaṭisambhidā, jarāmaraṇasamudaye ñāṇaṃ dhammappaṭisambhidā. Jarāmaraṇanirodhe ñāṇaṃ atthappaṭisambhidā, jarāmaraṇanirodhagāminiyā paṭipadāya ñāṇaṃ dhammappaṭisambhidā. Jātiyā, bhave, upādāne, taṇhāya, vedanāya, phasse, saḷāyatane, nāmarūpe, viññāṇe, saṅkhāresu ñāṇaṃ atthappaṭisambhidā, saṅkhārasamudaye ñāṇaṃ dhammappaṭisambhidā. Saṅkhāranirodhe ñāṇaṃ atthappaṭisambhidā, saṅkhāranirodhagāminiyā paṭipadāya ñāṇaṃ dhammappaṭisambhidā.

    ‘‘ид̇ха бхигку д̇хаммам̣ ж̇аанаад̇и суд̇д̇ам̣ г̇зяяам̣…бз… взд̣̇аллам̣, аяам̣ вужжад̇и д̇хаммаббадисамбхид̣̇аа. со д̇асса д̇ассзва бхаасид̇асса ад̇т̇ам̣ ж̇аанаад̇и ‘аяам̣ имасса бхаасид̇асса ад̇т̇о, аяам̣ имасса бхаасид̇асса ад̇т̇о’д̇и, аяам̣ вужжад̇и ад̇т̇аббадисамбхид̣̇аа.

    ‘‘Idha bhikkhu dhammaṃ jānāti suttaṃ geyyaṃ…pe… vedallaṃ, ayaṃ vuccati dhammappaṭisambhidā. So tassa tasseva bhāsitassa atthaṃ jānāti ‘ayaṃ imassa bhāsitassa attho, ayaṃ imassa bhāsitassa attho’ti, ayaṃ vuccati atthappaṭisambhidā.

    ‘‘гад̇амз д̇хаммаа гусалаа? яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇и соманассасахаг̇ад̇ам̣ н̃аан̣асамбаяуд̇д̇ам̣ руубаарамман̣ам̣ ваа…бз… д̇хаммаарамман̣ам̣ ваа яам̣ яам̣ ваа банаараб̣бха, д̇асмим̣ самаяз пассо ход̇и…бз… авигкзбо ход̇и…бз… имз д̇хаммаа гусалаа. имзсу д̇хаммзсу н̃аан̣ам̣ д̇хаммаббадисамбхид̣̇аа, д̇зсам̣ вибаагз н̃аан̣ам̣ ад̇т̇аббадисамбхид̣̇аа’’д̇иаад̣̇и (вибха. 724-725) вид̇т̇ааро.

    ‘‘Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇasampayuttaṃ rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā kusalā. Imesu dhammesu ñāṇaṃ dhammappaṭisambhidā, tesaṃ vipāke ñāṇaṃ atthappaṭisambhidā’’tiādi (vibha. 724-725) vitthāro.

    яаа банзд̇асмим̣ ад̇т̇з жа д̇хаммз жа сабхааванируд̇д̇и аб̣яабхижааравохааро абхилаабо, д̇асмим̣ сабхааванируд̇д̇аабхилаабз мааг̇ад̇хигааяа саб̣б̣асад̇д̇аанам̣ муулабхаасааяа ‘‘аяам̣ сабхааванируд̇д̇и, аяам̣ асабхааванируд̇д̇ий’’д̇и бабхзд̣̇аг̇ад̇ам̣ н̃аан̣ам̣ нируд̇д̇иббадисамбхид̣̇аа. яат̇аавуд̇д̇зсу д̇зсу н̃аан̣зсу г̇ожарагижжад̇о вид̇т̇аарад̇о бавад̇д̇ам̣ саб̣б̣амби д̇ам̣ н̃аан̣ам̣ аарамман̣ам̣ гад̇ваа бажжавзгканд̇асса д̇асмим̣ н̃аан̣з бабхзд̣̇аг̇ад̇ам̣ н̃аан̣ам̣ бадибхаанаббадисамбхид̣̇аа. ид̇и имаани жад̇д̇аари бадисамбхид̣̇аан̃аан̣аани саяамзва бхаг̇авад̇аа ад̇хиг̇ад̇аани ад̇т̇ад̇хаммаад̣̇игз д̇асмим̣ д̇асмим̣ ад̇д̇ано висаяз ависам̣ваад̣̇анавасзна авибарийд̇аагаараббавад̇д̇ияаа д̇ат̇аани авид̇ат̇аани анан̃н̃ат̇аани. звамби бхаг̇аваа д̇ат̇аани ааг̇ад̇од̇и д̇ат̇ааг̇ад̇о.

    Yā panetasmiṃ atthe ca dhamme ca sabhāvanirutti abyabhicāravohāro abhilāpo, tasmiṃ sabhāvaniruttābhilāpe māgadhikāya sabbasattānaṃ mūlabhāsāya ‘‘ayaṃ sabhāvanirutti, ayaṃ asabhāvaniruttī’’ti pabhedagataṃ ñāṇaṃ niruttippaṭisambhidā. Yathāvuttesu tesu ñāṇesu gocarakiccato vitthārato pavattaṃ sabbampi taṃ ñāṇaṃ ārammaṇaṃ katvā paccavekkhantassa tasmiṃ ñāṇe pabhedagataṃ ñāṇaṃ paṭibhānappaṭisambhidā. Iti imāni cattāri paṭisambhidāñāṇāni sayameva bhagavatā adhigatāni atthadhammādike tasmiṃ tasmiṃ attano visaye avisaṃvādanavasena aviparītākārappavattiyā tathāni avitathāni anaññathāni. Evampi bhagavā tathāni āgatoti tathāgato.

    д̇ат̇аа яам̣гин̃жи н̃зяяам̣ наама, саб̣б̣ам̣ д̇ам̣ бхаг̇авад̇аа саб̣б̣аагаарзна н̃аад̇ам̣ д̣̇идтам̣ ад̇хиг̇ад̇ам̣ абхисамб̣уд̣̇д̇хам̣. д̇ат̇аа хисса абхин̃н̃зяяаа д̇хаммаа абхин̃н̃зяяад̇о б̣уд̣̇д̇хаа, барин̃н̃зяяаа д̇хаммаа барин̃н̃зяяад̇о, бахаад̇аб̣б̣аа д̇хаммаа бахаад̇аб̣б̣ад̇о, сажчигаад̇аб̣б̣аа д̇хаммаа сажчигаад̇аб̣б̣ад̇о, бхаавзд̇аб̣б̣аа д̇хаммаа бхаавзд̇аб̣б̣ад̇о, яад̇о нам̣ гожи саман̣о ваа б̣раахман̣о ваа д̣̇зво ваа мааро ваа б̣рахмаа ваа ‘‘имз наама д̇з д̇хаммаа анабхисамб̣уд̣̇д̇хаа’’д̇и саха д̇хаммзна ануяун̃ж̇ид̇ум̣ самад̇т̇о над̇т̇и.

    Tathā yaṃkiñci ñeyyaṃ nāma, sabbaṃ taṃ bhagavatā sabbākārena ñātaṃ diṭṭhaṃ adhigataṃ abhisambuddhaṃ. Tathā hissa abhiññeyyā dhammā abhiññeyyato buddhā, pariññeyyā dhammā pariññeyyato, pahātabbā dhammā pahātabbato, sacchikātabbā dhammā sacchikātabbato, bhāvetabbā dhammā bhāvetabbato, yato naṃ koci samaṇo vā brāhmaṇo vā devo vā māro vā brahmā vā ‘‘ime nāma te dhammā anabhisambuddhā’’ti saha dhammena anuyuñjituṃ samattho natthi.

    яам̣гин̃жи бахаад̇аб̣б̣ам̣ наама, саб̣б̣ам̣ д̇ам̣ бхаг̇авад̇о анавасзсад̇о б̣од̇химуулзязва бахийнам̣ ануббад̇д̇ид̇хаммам̣ , на д̇асса бахаанааяа уд̇д̇ари гаран̣ийяам̣ ад̇т̇и. д̇ат̇аа хисса лобхад̣̇осамохавибарийд̇аманасигаараахиригаанод̇д̇аббат̇инамид̣̇д̇хагод̇хуубанааха- магкабалаасаиссаамажчарияамааяаасаатзяяат̇амбхасаарамбхамаанаад̇имаанамад̣̇аббамаад̣̇ад̇ивид̇хаа- гусаламуулад̣̇ужжарид̇ависамавибарийд̇асан̃н̃аа- малавид̇аггабабан̃жазсанаад̇ан̣хаажад̇уб̣б̣ид̇хавибариязсааасаваг̇ант̇а- огхаяог̇ааг̇ад̇ид̇ан̣хубаад̣̇аанабан̃жаабхинанд̣̇ананийваран̣ажзд̇окилажзд̇асовиниб̣анд̇ха- чавиваад̣̇амууласад̇д̇аанусаяаадтамижчад̇д̇анавааагхаад̇авад̇т̇уд̇ан̣хаа- муулагад̣̇асаагусалагаммабат̇азгавийсад̇и анзсанад̣̇ваасадтид̣̇идтиг̇ад̇аадтасад̇ад̇ан̣хаавижарид̇аад̣̇иббабхзд̣̇ам̣ д̣̇ияад̣дхагилзсасахассам̣ саха ваасанааяа бахийнам̣ самужчиннам̣ самуухад̇ам̣, яад̇о нам̣ гожи саман̣о ваа…бз… б̣рахмаа ваа ‘‘имз наама д̇з гилзсаа аббахийнаа’’д̇и саха д̇хаммзна ануяун̃ж̇ид̇ум̣ самад̇т̇о над̇т̇и.

    Yaṃkiñci pahātabbaṃ nāma, sabbaṃ taṃ bhagavato anavasesato bodhimūleyeva pahīnaṃ anuppattidhammaṃ , na tassa pahānāya uttari karaṇīyaṃ atthi. Tathā hissa lobhadosamohaviparītamanasikāraahirikānottappathinamiddhakodhūpanāha- makkhapalāsaissāmacchariyamāyāsāṭheyyathambhasārambhamānātimānamadappamādatividhā- kusalamūladuccaritavisamaviparītasaññā- malavitakkapapañcaesanātaṇhācatubbidhavipariyesaāsavagantha- oghayogāgatitaṇhupādānapañcābhinandananīvaraṇacetokhilacetasovinibandha- chavivādamūlasattānusayaaṭṭhamicchattanavaāghātavatthutaṇhā- mūlakadasaakusalakammapathaekavīsati anesanadvāsaṭṭhidiṭṭhigataaṭṭhasatataṇhāvicaritādippabhedaṃ diyaḍḍhakilesasahassaṃ saha vāsanāya pahīnaṃ samucchinnaṃ samūhataṃ, yato naṃ koci samaṇo vā…pe… brahmā vā ‘‘ime nāma te kilesā appahīnā’’ti saha dhammena anuyuñjituṃ samattho natthi.

    яз жимз бхаг̇авад̇аа гаммавибаагагилзсуубаваад̣̇ааан̣аавийд̇иггамаббабхзд̣̇аа анд̇арааяигаа вуд̇д̇аа, аламзва д̇з бадисзвад̇о зганд̇зна анд̇арааяааяа. яад̇о нам̣ гожи саман̣о ваа…бз… б̣рахмаа ваа ‘‘наалам̣ д̇з бадисзвад̇о анд̇арааяааяаа’’д̇и саха д̇хаммзна ануяун̃ж̇ид̇ум̣ самад̇т̇о над̇т̇и.

    Ye cime bhagavatā kammavipākakilesūpavādaāṇāvītikkamappabhedā antarāyikā vuttā, alameva te paṭisevato ekantena antarāyāya. Yato naṃ koci samaṇo vā…pe… brahmā vā ‘‘nālaṃ te paṭisevato antarāyāyā’’ti saha dhammena anuyuñjituṃ samattho natthi.

    яо жа бхаг̇авад̇аа ниравасзсаваддад̣̇угканиссаран̣ааяа сийласамаад̇хибан̃н̃ааяа сан̇г̇ахо сад̇д̇агодтаасиго сад̇д̇ад̇им̣саббабхзд̣̇о арияамаг̇г̇абуб̣б̣ан̇г̇амо ануд̇д̇аро нияяааниго д̇хаммо д̣̇зсид̇о, со зганд̇знзва нияяаад̇и, бадибаннасса ваддад̣̇угкад̇о могкааяа ход̇и, яад̇о нам̣ гожи саман̣о ваа…бз… б̣рахмаа ваа ‘‘нияяааниго д̇хаммод̇и д̇аяаа д̣̇зсид̇о на нияяаад̇ий’’д̇и саха д̇хаммзна ануяун̃ж̇ид̇ум̣ самад̇т̇о над̇т̇ийд̇и. вуд̇д̇ан̃хзд̇ам̣ – ‘‘саммаасамб̣уд̣̇д̇хасса д̇з бадиж̇аанад̇о имз д̇хаммаа анабхисамб̣уд̣̇д̇хаа’’д̇и (ма. ни. 1.150) вид̇т̇ааро. звамзд̇аани ад̇д̇ано н̃аан̣аббахаанад̣̇зсанаависзсаанам̣ авид̇ат̇абхаавааваб̣од̇ханад̇о авибарийд̇аагаараббавад̇д̇ид̇аани бхаг̇авад̇о жад̇увзсаараж̇ж̇ан̃аан̣аани д̇ат̇аани авид̇ат̇аани анан̃н̃ат̇аани. звамби бхаг̇аваа д̇ат̇аани ааг̇ад̇од̇и д̇ат̇ааг̇ад̇о.

    Yo ca bhagavatā niravasesavaṭṭadukkhanissaraṇāya sīlasamādhipaññāya saṅgaho sattakoṭṭhāsiko sattatiṃsappabhedo ariyamaggapubbaṅgamo anuttaro niyyāniko dhammo desito, so ekanteneva niyyāti, paṭipannassa vaṭṭadukkhato mokkhāya hoti, yato naṃ koci samaṇo vā…pe… brahmā vā ‘‘niyyāniko dhammoti tayā desito na niyyātī’’ti saha dhammena anuyuñjituṃ samattho natthīti. Vuttañhetaṃ – ‘‘sammāsambuddhassa te paṭijānato ime dhammā anabhisambuddhā’’ti (ma. ni. 1.150) vitthāro. Evametāni attano ñāṇappahānadesanāvisesānaṃ avitathabhāvāvabodhanato aviparītākārappavattitāni bhagavato catuvesārajjañāṇāni tathāni avitathāni anaññathāni. Evampi bhagavā tathāni āgatoti tathāgato.

    д̇ат̇аа нираяаг̇ад̇и, д̇иражчаанаг̇ад̇и, бзд̇аг̇ад̇и, мануссаг̇ад̇и, д̣̇зваг̇ад̇ийд̇и бан̃жа г̇ад̇ияо, д̇аасу сан̃ж̇ийваад̣̇аяо адта махаанираяаа, гуггул̣аад̣̇аяо сол̣аса уссад̣̇анираяаа, логанд̇ариганираяод̇и саб̣б̣збимз зганд̇ад̣̇угкад̇ааяа нирассаад̣̇адтзна нираяаа, яат̇аагаммунаа г̇анд̇аб̣б̣ад̇о г̇ад̇и жаад̇и нираяаг̇ад̇и, д̇иб̣б̣анд̇хагаарасийд̇анарагааби зд̇зсвзва анд̇ог̇ад̇хаа. гимигийдасарийсабабагкисон̣асин̇г̇аалаад̣̇аяо д̇ирияам̣ ан̃чид̇абхаавзна д̇иражчаанаа, д̇з зва г̇ад̇ийд̇и д̇иражчаанаг̇ад̇и. куббибаасид̇ад̇д̇аа барад̣̇ад̇д̇уубаж̇ийвиниж̇жхаамад̇ан̣хигаад̣̇аяо д̣̇угкаб̣ахулад̇ааяа баагадасукад̇о ид̇аа виг̇ад̇аад̇и бзд̇аа, д̇з зва г̇ад̇ийд̇и бзд̇аг̇ад̇и, гаалаган̃жигаад̣̇иасурааби зд̇зсвзванд̇ог̇ад̇хаа. барид̇д̇ад̣̇ийбаваасийхи сад̣̇д̇хим̣ ж̇амб̣уд̣̇ийбаад̣̇ижад̇умахаад̣̇ийбаваасино манасо уссаннад̇ааяа мануссаа, д̇з зва г̇ад̇ийд̇и мануссаг̇ад̇и. жаад̇умахаарааж̇игад̇о бадтааяа яаава нзвасан̃н̃аанаасан̃н̃ааяад̇ануубаг̇аад̇и имз чаб̣б̣ийсад̇и д̣̇званигааяаа д̣̇иб̣б̣анд̇и ад̇д̇ано ид̣̇д̇хаанубхаавзна гийл̣анд̇и ж̇од̇анд̇и жаад̇и д̣̇зваа, д̇з зва г̇ад̇ийд̇и д̣̇зваг̇ад̇и.

    Tathā nirayagati, tiracchānagati, petagati, manussagati, devagatīti pañca gatiyo, tāsu sañjīvādayo aṭṭha mahānirayā, kukkuḷādayo soḷasa ussadanirayā, lokantarikanirayoti sabbepime ekantadukkhatāya nirassādaṭṭhena nirayā, yathākammunā gantabbato gati cāti nirayagati, tibbandhakārasītanarakāpi etesveva antogadhā. Kimikīṭasarīsapapakkhisoṇasiṅgālādayo tiriyaṃ añchitabhāvena tiracchānā, te eva gatīti tiracchānagati. Khuppipāsitattā paradattūpajīvinijjhāmataṇhikādayo dukkhabahulatāya pākaṭasukhato itā vigatāti petā, te eva gatīti petagati, kālakañcikādiasurāpi etesvevantogadhā. Parittadīpavāsīhi saddhiṃ jambudīpādicatumahādīpavāsino manaso ussannatāya manussā, te eva gatīti manussagati. Cātumahārājikato paṭṭhāya yāva nevasaññānāsaññāyatanūpagāti ime chabbīsati devanikāyā dibbanti attano iddhānubhāvena kīḷanti jotanti cāti devā, te eva gatīti devagati.

    д̇аа банзд̇аа г̇ад̇ияо яасмаа д̇ам̣д̇ам̣гамманиб̣б̣ад̇д̇о убабад̇д̇ибхавависзсо, д̇асмаа ад̇т̇ад̇о вибаагагканд̇хаа гадад̇д̇аа жа руубам̣. д̇ад̇т̇а ‘‘аяам̣ наама г̇ад̇и иминаа наама гаммунаа ж̇ааяад̇и, д̇асса жа гаммасса бажжаяависзсзхи звам̣ вибхааг̇абхиннад̇д̇аа висум̣ зд̇з сад̇д̇анигааяаа звам̣ вибхааг̇абхиннаа’’д̇и яат̇аасагам̣ хзд̇упалавибхааг̇абарижчинд̣̇анавасзна таанасо хзд̇усо бхаг̇авад̇о н̃аан̣ам̣ бавад̇д̇ад̇и. д̇знааха бхаг̇аваа –

    Tā panetā gatiyo yasmā taṃtaṃkammanibbatto upapattibhavaviseso, tasmā atthato vipākakkhandhā kaṭattā ca rūpaṃ. Tattha ‘‘ayaṃ nāma gati iminā nāma kammunā jāyati, tassa ca kammassa paccayavisesehi evaṃ vibhāgabhinnattā visuṃ ete sattanikāyā evaṃ vibhāgabhinnā’’ti yathāsakaṃ hetuphalavibhāgaparicchindanavasena ṭhānaso hetuso bhagavato ñāṇaṃ pavattati. Tenāha bhagavā –

    ‘‘бан̃жа ко имаа, саарибуд̇д̇а, г̇ад̇ияо. гад̇амаа бан̃жа? нираяо, д̇иражчаанаяони, бзд̇д̇ивисаяо, мануссаа, д̣̇зваа. нираяан̃жаахам̣, саарибуд̇д̇а, баж̇аанаами нираяаг̇аамин̃жа маг̇г̇ам̣ нираяаг̇ааминин̃жа бадибад̣̇ам̣, яат̇аа бадибанно жа гааяасса бхзд̣̇аа бараммаран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ан̃жа баж̇аанаамий’’д̇иаад̣̇и (ма. ни. 1.153).

    ‘‘Pañca kho imā, sāriputta, gatiyo. Katamā pañca? Nirayo, tiracchānayoni, pettivisayo, manussā, devā. Nirayañcāhaṃ, sāriputta, pajānāmi nirayagāmiñca maggaṃ nirayagāminiñca paṭipadaṃ, yathā paṭipanno ca kāyassa bhedā parammaraṇā apāyaṃ duggatiṃ vinipātaṃ nirayaṃ upapajjati, tañca pajānāmī’’tiādi (ma. ni. 1.153).

    д̇аани банзд̇аани бхаг̇авад̇о н̃аан̣аани д̇асмим̣ д̇асмим̣ висаяз авибарийд̇аагаараббавад̇д̇ияаа ависам̣ваад̣̇анад̇о д̇ат̇аани авид̇ат̇аани анан̃н̃ат̇аани. звамби бхаг̇аваа д̇ат̇аани ааг̇ад̇од̇и д̇ат̇ааг̇ад̇о.

    Tāni panetāni bhagavato ñāṇāni tasmiṃ tasmiṃ visaye aviparītākārappavattiyā avisaṃvādanato tathāni avitathāni anaññathāni. Evampi bhagavā tathāni āgatoti tathāgato.

    д̇ат̇аа яам̣ сад̇д̇аанам̣ сад̣̇д̇хаад̣̇ияог̇авигалаавигалабхаавааваб̣од̇ханзна аббараж̇агкамахаараж̇агкад̇аад̣̇ивисзсавибхааванам̣ бан̃н̃аасааяа аагаарзхи бавад̇д̇ам̣ бхаг̇авад̇о инд̣̇рияабаробарияад̇д̇ан̃аан̣ам̣. вуд̇д̇ан̃хзд̇ам̣ – ‘‘сад̣̇д̇хо буг̇г̇ало аббараж̇агко, ассад̣̇д̇хо буг̇г̇ало махаараж̇агко’’д̇и (бади. ма. 1.111) вид̇т̇ааро.

    Tathā yaṃ sattānaṃ saddhādiyogavikalāvikalabhāvāvabodhanena apparajakkhamahārajakkhatādivisesavibhāvanaṃ paññāsāya ākārehi pavattaṃ bhagavato indriyaparopariyattañāṇaṃ. Vuttañhetaṃ – ‘‘saddho puggalo apparajakkho, assaddho puggalo mahārajakkho’’ti (paṭi. ma. 1.111) vitthāro.

    яан̃жа ‘‘аяам̣ буг̇г̇ало аббараж̇агко, аяам̣ сассад̇ад̣̇идтиго, аяам̣ ужчзд̣̇ад̣̇идтиго, аяам̣ ануломигааяам̣ канд̇ияам̣ тид̇о, аяам̣ яат̇аабхууд̇ан̃аан̣з тид̇о, аяам̣ гаамаасаяо, на нзгкаммаад̣̇иаасаяо, аяам̣ нзгкаммаасаяо, на гаамаад̣̇иаасаяо’’д̇иаад̣̇инаа ‘‘имасса гаамарааг̇о ад̇ивияа т̇аамаг̇ад̇о, на бадигхаад̣̇иго, имасса бадигхо ад̇ивияа т̇аамаг̇ад̇о, на гаамарааг̇аад̣̇иго’’д̇иаад̣̇инаа ‘‘имасса бун̃н̃аабхисан̇кааро ад̇хиго, на абун̃н̃аабхисан̇кааро на аанзн̃ж̇аабхисан̇кааро, имасса абун̃н̃аабхисан̇кааро ад̇хиго, на бун̃н̃аабхисан̇кааро на аанзн̃ж̇аабхисан̇кааро, имасса аанзн̃ж̇аабхисан̇кааро ад̇хиго, на бун̃н̃аабхисан̇кааро на абун̃н̃аабхисан̇кааро. имасса гааяасужарид̇ам̣ ад̇хигам̣, имасса важийсужарид̇ам̣, имасса маносужарид̇ам̣, аяам̣ хийнаад̇химуд̇д̇иго, аяам̣ бан̣ийд̇аад̇химуд̇д̇иго, аяам̣ гаммааваран̣зна саманнааг̇ад̇о, аяам̣ гилзсааваран̣зна саманнааг̇ад̇о, аяам̣ вибаагааваран̣зна саманнааг̇ад̇о, аяам̣ на гаммааваран̣зна саманнааг̇ад̇о, на гилзсааваран̣зна саманнааг̇ад̇о, на вибаагааваран̣зна саманнааг̇ад̇о’’д̇иаад̣̇инаа жа сад̇д̇аанам̣ аасаяаад̣̇ийнам̣ яат̇аабхууд̇ам̣ вибхааванаагаараббавад̇д̇ам̣ бхаг̇авад̇о аасаяаанусаяан̃аан̣ам̣. яам̣ санд̇хааяа вуд̇д̇ам̣ –

    Yañca ‘‘ayaṃ puggalo apparajakkho, ayaṃ sassatadiṭṭhiko, ayaṃ ucchedadiṭṭhiko, ayaṃ anulomikāyaṃ khantiyaṃ ṭhito, ayaṃ yathābhūtañāṇe ṭhito, ayaṃ kāmāsayo, na nekkhammādiāsayo, ayaṃ nekkhammāsayo, na kāmādiāsayo’’tiādinā ‘‘imassa kāmarāgo ativiya thāmagato, na paṭighādiko, imassa paṭigho ativiya thāmagato, na kāmarāgādiko’’tiādinā ‘‘imassa puññābhisaṅkhāro adhiko, na apuññābhisaṅkhāro na āneñjābhisaṅkhāro, imassa apuññābhisaṅkhāro adhiko, na puññābhisaṅkhāro na āneñjābhisaṅkhāro, imassa āneñjābhisaṅkhāro adhiko, na puññābhisaṅkhāro na apuññābhisaṅkhāro. Imassa kāyasucaritaṃ adhikaṃ, imassa vacīsucaritaṃ, imassa manosucaritaṃ, ayaṃ hīnādhimuttiko, ayaṃ paṇītādhimuttiko, ayaṃ kammāvaraṇena samannāgato, ayaṃ kilesāvaraṇena samannāgato, ayaṃ vipākāvaraṇena samannāgato, ayaṃ na kammāvaraṇena samannāgato, na kilesāvaraṇena samannāgato, na vipākāvaraṇena samannāgato’’tiādinā ca sattānaṃ āsayādīnaṃ yathābhūtaṃ vibhāvanākārappavattaṃ bhagavato āsayānusayañāṇaṃ. Yaṃ sandhāya vuttaṃ –

    ‘‘ид̇ха д̇ат̇ааг̇ад̇о сад̇д̇аанам̣ аасаяам̣ ж̇аанаад̇и, анусаяам̣ ж̇аанаад̇и, жарид̇ам̣ ж̇аанаад̇и, ад̇химуд̇д̇им̣ ж̇аанаад̇и, бхаб̣б̣аабхаб̣б̣з сад̇д̇з ж̇аанаад̇ий’’д̇иаад̣̇и (бади. ма. 1.113).

    ‘‘Idha tathāgato sattānaṃ āsayaṃ jānāti, anusayaṃ jānāti, caritaṃ jānāti, adhimuttiṃ jānāti, bhabbābhabbe satte jānātī’’tiādi (paṭi. ma. 1.113).

    яан̃жа убаримахздтимабуримабажчимагааязхи д̣̇агкин̣аваамаагкиган̣н̣асод̇анаасигасод̇аам̣сагуудахад̇т̇абаад̣̇зхи ан̇г̇улиан̇г̇уланд̇арзхи ломагуубзхи жа аг̇г̇игканд̇хууд̣̇агад̇хаараабавад̇д̇анам̣ анан̃н̃асаад̇хааран̣ам̣ вивид̇хавигуб̣б̣анид̣̇д̇хиниммаабанагам̣ бхаг̇авад̇о яамагабаадихаарияан̃аан̣ам̣. яам̣ санд̇хааяа вуд̇д̇ам̣ –

    Yañca uparimaheṭṭhimapurimapacchimakāyehi dakkhiṇavāmaakkhikaṇṇasotanāsikasotaaṃsakūṭahatthapādehi aṅguliaṅgulantarehi lomakūpehi ca aggikkhandhūdakadhārāpavattanaṃ anaññasādhāraṇaṃ vividhavikubbaniddhinimmāpanakaṃ bhagavato yamakapāṭihāriyañāṇaṃ. Yaṃ sandhāya vuttaṃ –

    ‘‘ид̇ха д̇ат̇ааг̇ад̇о яамагабаадихаарияам̣ гарод̇и асаад̇хааран̣ам̣ саавагзхи, убаримагааяад̇о аг̇г̇игканд̇хо бавад̇д̇ад̇и, хздтимагааяад̇о уд̣̇агад̇хаараа бавад̇д̇ад̇и. хздтимагааяад̇о аг̇г̇игканд̇хо бавад̇д̇ад̇и, убаримагааяад̇о уд̣̇агад̇хаараа бавад̇д̇ад̇ий’’д̇иаад̣̇и (бади. ма. 1.116).

    ‘‘Idha tathāgato yamakapāṭihāriyaṃ karoti asādhāraṇaṃ sāvakehi, uparimakāyato aggikkhandho pavattati, heṭṭhimakāyato udakadhārā pavattati. Heṭṭhimakāyato aggikkhandho pavattati, uparimakāyato udakadhārā pavattatī’’tiādi (paṭi. ma. 1.116).

    яан̃жа рааг̇аад̣̇ийхи ж̇аад̇иаад̣̇ийхи жа анзгзхи д̣̇угкад̇хаммзхи убад̣̇д̣̇уд̇ам̣ сад̇д̇анигааяам̣ д̇ад̇о нийхарид̇угаамад̇аавасзна наанаанаязхи бавад̇д̇асса бхаг̇авад̇о махаагарун̣оггаманасса бажжаяабхууд̇ам̣ махаагарун̣аасамаабад̇д̇ин̃аан̣ам̣. яат̇ааха (бади. ма. 1.117-118) –

    Yañca rāgādīhi jātiādīhi ca anekehi dukkhadhammehi upaddutaṃ sattanikāyaṃ tato nīharitukāmatāvasena nānānayehi pavattassa bhagavato mahākaruṇokkamanassa paccayabhūtaṃ mahākaruṇāsamāpattiñāṇaṃ. Yathāha (paṭi. ma. 1.117-118) –

    ‘‘гад̇амам̣ д̇ат̇ааг̇ад̇асса махаагарун̣аасамаабад̇д̇ияаа н̃аан̣ам̣? б̣ахугзхи аагаарзхи бассанд̇аанам̣ б̣уд̣̇д̇хаанам̣ бхаг̇аванд̇аанам̣ сад̇д̇зсу махаагарун̣аа оггамад̇и, аад̣̇ид̇д̇о логасанниваасод̇и бассанд̇аанам̣ б̣уд̣̇д̇хаанам̣ бхаг̇аванд̇аанам̣ сад̇д̇зсу махаагарун̣аа оггамад̇и. уяяуд̇д̇о, баяаад̇о, гуммаг̇г̇аббадибанно, убанийяад̇и лого ад̣̇д̇хуво, ад̇аан̣о лого анабхиссаро , ассаго лого, саб̣б̣ам̣ бахааяа г̇аманийяам̣, ууно лого ад̇ид̇д̇о д̇ан̣хаад̣̇аасод̇и бассанд̇аанам̣ б̣уд̣̇д̇хаанам̣ бхаг̇аванд̇аанам̣ сад̇д̇зсу махаагарун̣аа оггамад̇и.

    ‘‘Katamaṃ tathāgatassa mahākaruṇāsamāpattiyā ñāṇaṃ? Bahukehi ākārehi passantānaṃ buddhānaṃ bhagavantānaṃ sattesu mahākaruṇā okkamati, āditto lokasannivāsoti passantānaṃ buddhānaṃ bhagavantānaṃ sattesu mahākaruṇā okkamati. Uyyutto, payāto, kummaggappaṭipanno, upanīyati loko addhuvo, atāṇo loko anabhissaro , assako loko, sabbaṃ pahāya gamanīyaṃ, ūno loko atitto taṇhādāsoti passantānaṃ buddhānaṃ bhagavantānaṃ sattesu mahākaruṇā okkamati.

    ‘‘ад̇ааяано логасанниваасо, алзн̣о, асаран̣о, асаран̣ийбхууд̇о. уд̣̇д̇хад̇о лого авуубасанд̇о, сасалло логасанниваасо вид̣̇д̇хо бут̇усаллзхи, авиж̇ж̇анд̇хагаарааваран̣о гилзсабан̃ж̇арабагкид̇д̇о, авиж̇ж̇ааг̇ад̇о логасанниваасо ан̣д̣абхууд̇о барияонад̣̇д̇хо д̇анд̇аагулагаж̇аад̇о гулаг̇ун̣д̣игаж̇аад̇о мун̃ж̇абаб̣б̣аж̇абхууд̇о абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇и, авиж̇ж̇аависад̣̇осасам̣лид̇д̇о, гилзсагалалийбхууд̇о, рааг̇ад̣̇осамохаж̇адааж̇адид̇о.

    ‘‘Atāyano lokasannivāso, aleṇo, asaraṇo, asaraṇībhūto. Uddhato loko avūpasanto, sasallo lokasannivāso viddho puthusallehi, avijjandhakārāvaraṇo kilesapañjarapakkhitto, avijjāgato lokasannivāso aṇḍabhūto pariyonaddho tantākulakajāto kulaguṇḍikajāto muñjapabbajabhūto apāyaṃ duggatiṃ vinipātaṃ saṃsāraṃ nātivattati, avijjāvisadosasaṃlitto, kilesakalalībhūto, rāgadosamohajaṭājaṭito.

    ‘‘д̇ан̣хаасан̇гхаадабадимугго, д̇ан̣хааж̇аалзна од̇т̇адо, д̇ан̣хаасод̇зна вуяхад̇и, д̇ан̣хаасан̃н̃ож̇анзна сам̣яуд̇д̇о, д̇ан̣хаанусаязна анусадо, д̇ан̣хаасанд̇аабзна санд̇аббад̇и, д̇ан̣хаабарил̣аахзна барид̣аяхад̇и.

    ‘‘Taṇhāsaṅghāṭapaṭimukko, taṇhājālena otthaṭo, taṇhāsotena vuyhati, taṇhāsaññojanena saṃyutto, taṇhānusayena anusaṭo, taṇhāsantāpena santappati, taṇhāpariḷāhena pariḍayhati.

    ‘‘д̣̇идтисан̇гхаадабадимугго, д̣̇идтиж̇аалзна од̇т̇адо, д̣̇идтисод̇зна вуяхад̇и, д̣̇идтисан̃н̃ож̇анзна сам̣яуд̇д̇о, д̣̇идтаанусаязна анусадо, д̣̇идтисанд̇аабзна санд̇аббад̇и, д̣̇идтибарил̣аахзна барид̣аяхад̇и.

    ‘‘Diṭṭhisaṅghāṭapaṭimukko, diṭṭhijālena otthaṭo, diṭṭhisotena vuyhati, diṭṭhisaññojanena saṃyutto, diṭṭhānusayena anusaṭo, diṭṭhisantāpena santappati, diṭṭhipariḷāhena pariḍayhati.

    ‘‘ж̇аад̇ияаа ануг̇ад̇о, ж̇арааяа анусадо, б̣яаад̇хинаа абхибхууд̇о, маран̣зна аб̣бхаахад̇о, д̣̇угкз бад̇идтид̇о.

    ‘‘Jātiyā anugato, jarāya anusaṭo, byādhinā abhibhūto, maraṇena abbhāhato, dukkhe patiṭṭhito.

    ‘‘д̇ан̣хааяа уд̣д̣ид̇о, ж̇араабаагаарабаригкид̇д̇о, мажжубаасзна баригкид̇д̇о, махааб̣анд̇ханаб̣ад̣̇д̇хо, рааг̇аб̣анд̇ханзна д̣̇осамохамаанад̣̇идтигилзсад̣̇ужжарид̇аб̣анд̇ханзна б̣ад̣̇д̇хо, махаасамб̣аад̇хаббадибанно, махаабалиб̣од̇хзна балиб̣уд̣̇д̇хо, махаабабаад̇з бад̇ид̇о, махааганд̇аараббадибанно, махаасам̣саараббадибанно, махаавид̣̇уг̇г̇з самбаривад̇д̇ад̇и, махаабалибз балибанно.

    ‘‘Taṇhāya uḍḍito, jarāpākāraparikkhitto, maccupāsena parikkhitto, mahābandhanabaddho, rāgabandhanena dosamohamānadiṭṭhikilesaduccaritabandhanena baddho, mahāsambādhappaṭipanno, mahāpalibodhena palibuddho, mahāpapāte patito, mahākantārappaṭipanno, mahāsaṃsārappaṭipanno, mahāvidugge samparivattati, mahāpalipe palipanno.

    ‘‘аб̣бхаахад̇о логасанниваасо, аад̣̇ид̇д̇о логасанниваасо рааг̇аг̇г̇инаа д̣̇осаг̇г̇инаа мохаг̇г̇инаа ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, уннийд̇аго логасанниваасо хан̃н̃ад̇и нижжамад̇аан̣о бад̇д̇ад̣̇ан̣д̣о д̇аггаро, важ̇ж̇аб̣анд̇ханаб̣ад̣̇д̇хо аагхаад̇анабажжубадтид̇о, анаат̇о логасанниваасо барамагаарун̃н̃аббад̇д̇о, д̣̇угкаабхид̇унно жирарад̇д̇ам̣ бийл̣ид̇о, г̇ад̇хид̇о нижжам̣ бибаасид̇о.

    ‘‘Abbhāhato lokasannivāso, āditto lokasannivāso rāgagginā dosagginā mohagginā jātiyā jarāya maraṇena sokehi paridevehi dukkhehi domanassehi upāyāsehi, unnītako lokasannivāso haññati niccamatāṇo pattadaṇḍo takkaro, vajjabandhanabaddho āghātanapaccupaṭṭhito, anātho lokasannivāso paramakāruññappatto, dukkhābhitunno cirarattaṃ pīḷito, gadhito niccaṃ pipāsito.

    ‘‘анд̇хо ажагкуго, хад̇анзд̇д̇о абарин̣ааяаго, вибат̇абагканд̣̇о ан̃ж̇асаабарад̣̇д̇хо, махогхабагканд̣̇о.

    ‘‘Andho acakkhuko, hatanetto apariṇāyako, vipathapakkhando añjasāparaddho, mahoghapakkhando.

    ‘‘д̣̇вийхи д̣̇идтиг̇ад̇зхи барияудтид̇о, д̇ийхи д̣̇ужжарид̇зхи виббадибанно, жад̇уухи яог̇зхи яож̇ид̇о, жад̇уухи г̇ант̇зхи г̇ант̇ид̇о, жад̇уухи убаад̣̇аанзхи убаад̣̇ияад̇и, бан̃жаг̇ад̇исамаарул̣хо, бан̃жахи гаамаг̇ун̣зхи раж̇ж̇ад̇и, бан̃жахи нийваран̣зхи од̇т̇адо, чахи виваад̣̇амуулзхи вивад̣̇ад̇и, чахи д̇ан̣хаагааязхи раж̇ж̇ад̇и, чахи д̣̇идтиг̇ад̇зхи барияудтид̇о, сад̇д̇ахи анусаязхи анусадо, сад̇д̇ахи сан̃н̃ож̇анзхи сам̣яуд̇д̇о, сад̇д̇ахи маанзхи уннад̇о, адтахи логад̇хаммзхи самбаривад̇д̇ад̇и, адтахи мижчад̇д̇зхи нияяаад̇о, адтахи бурисад̣̇осзхи д̣̇уссад̇и, навахи аагхаад̇авад̇т̇уухи аагхаад̇ид̇о, нававид̇хамаанзхи уннад̇о, навахи д̇ан̣хаамуулагзхи д̇хаммзхи раж̇ж̇ад̇и, д̣̇асахи гилзсавад̇т̇уухи гилиссад̇и, д̣̇асахи аагхаад̇авад̇т̇уухи аагхаад̇ид̇о, д̣̇асахи агусалагаммабат̇зхи саманнааг̇ад̇о, д̣̇асахи сам̣яож̇анзхи сам̣яуд̇д̇о, д̣̇асахи мижчад̇д̇зхи нияяаад̇о, д̣̇асавад̇т̇угааяа мижчаад̣̇идтияаа саманнааг̇ад̇о, д̣̇асавад̇т̇угааяа анд̇аг̇г̇аахигааяа д̣̇идтияаа саманнааг̇ад̇о, адтасад̇ад̇ан̣хаабабан̃жзхи бабан̃жид̇о, д̣̇ваасадтияаа д̣̇идтиг̇ад̇зхи барияудтид̇о, логасанниваасод̇и бассанд̇аанам̣ б̣уд̣̇д̇хаанам̣ бхаг̇аванд̇аанам̣ сад̇д̇зсу махаагарун̣аа оггамад̇и.

    ‘‘Dvīhi diṭṭhigatehi pariyuṭṭhito, tīhi duccaritehi vippaṭipanno, catūhi yogehi yojito, catūhi ganthehi ganthito, catūhi upādānehi upādiyati, pañcagatisamāruḷho, pañcahi kāmaguṇehi rajjati, pañcahi nīvaraṇehi otthaṭo, chahi vivādamūlehi vivadati, chahi taṇhākāyehi rajjati, chahi diṭṭhigatehi pariyuṭṭhito, sattahi anusayehi anusaṭo, sattahi saññojanehi saṃyutto, sattahi mānehi unnato, aṭṭhahi lokadhammehi samparivattati, aṭṭhahi micchattehi niyyāto, aṭṭhahi purisadosehi dussati, navahi āghātavatthūhi āghātito, navavidhamānehi unnato, navahi taṇhāmūlakehi dhammehi rajjati, dasahi kilesavatthūhi kilissati, dasahi āghātavatthūhi āghātito, dasahi akusalakammapathehi samannāgato, dasahi saṃyojanehi saṃyutto, dasahi micchattehi niyyāto, dasavatthukāya micchādiṭṭhiyā samannāgato, dasavatthukāya antaggāhikāya diṭṭhiyā samannāgato, aṭṭhasatataṇhāpapañcehi papañcito, dvāsaṭṭhiyā diṭṭhigatehi pariyuṭṭhito, lokasannivāsoti passantānaṃ buddhānaṃ bhagavantānaṃ sattesu mahākaruṇā okkamati.

    ‘‘ахан̃жамхи д̇ин̣н̣о, лого жа ад̇ин̣н̣о. ахан̃жамхи муд̇д̇о, лого жа амуд̇д̇о. ахан̃жамхи д̣̇анд̇о, лого жа ад̣̇анд̇о. ахан̃жамхи санд̇о, лого жа асанд̇о. ахан̃жамхи ассад̇т̇о, лого жа анассад̇т̇о. ахан̃жамхи бариниб̣б̣уд̇о, лого жа абариниб̣б̣уд̇о. бахоми кваахам̣ д̇ин̣н̣о д̇аарзд̇ум̣, муд̇д̇о можзд̇ум̣, д̣̇анд̇о д̣̇амзд̇ум̣, санд̇о самзд̇ум̣, ассад̇т̇о ассаасзд̇ум̣, бариниб̣б̣уд̇о бариниб̣б̣аабзд̇унд̇и бассанд̇аанам̣ б̣уд̣̇д̇хаанам̣ бхаг̇аванд̇аанам̣ сад̇д̇зсу махаагарун̣аа оггамад̇ий’’д̇и (бади. ма. 1.117-118).

    ‘‘Ahañcamhi tiṇṇo, loko ca atiṇṇo. Ahañcamhi mutto, loko ca amutto. Ahañcamhi danto, loko ca adanto. Ahañcamhi santo, loko ca asanto. Ahañcamhi assattho, loko ca anassattho. Ahañcamhi parinibbuto, loko ca aparinibbuto. Pahomi khvāhaṃ tiṇṇo tāretuṃ, mutto mocetuṃ, danto dametuṃ, santo sametuṃ, assattho assāsetuṃ, parinibbuto parinibbāpetunti passantānaṃ buddhānaṃ bhagavantānaṃ sattesu mahākaruṇā okkamatī’’ti (paṭi. ma. 1.117-118).

    звам̣ згуунанавуд̇ияаа аагаарзхи вибхаж̇анам̣ гад̇ам̣.

    Evaṃ ekūnanavutiyā ākārehi vibhajanaṃ kataṃ.

    яам̣ бана яаавад̇аа д̇хаммад̇хаад̇уяаа яад̇д̇агам̣ н̃аад̇аб̣б̣ам̣ сан̇кад̇аасан̇кад̇аад̣̇игасса саб̣б̣асса баробад̣̇зсанирабзгкам̣ саб̣б̣аагаарзна бадивиж̇жханасамад̇т̇ам̣ ааган̇камад̇д̇аббадиб̣ад̣̇д̇хавуд̇д̇ианан̃н̃асаад̇хааран̣ам̣ бхаг̇авад̇о н̃аан̣ам̣ саб̣б̣ат̇аа анавасзсасан̇кад̇аасан̇кад̇асаммуд̇исажжааваб̣од̇хад̇о саб̣б̣ан̃н̃уд̇ан̃н̃аан̣ам̣ д̇ад̇т̇ааваран̣аабхаавад̇о ниссан̇г̇аббавад̇д̇имубаад̣̇ааяа анааваран̣ан̃аан̣анд̇и вужжад̇и. згамзва хи д̇ам̣ н̃аан̣ам̣ висаяаббавад̇д̇имукзна ан̃н̃зхи асаад̇хааран̣абхаавад̣̇ассанад̇т̇ам̣ д̣̇увид̇хзна уд̣̇д̣̇идтам̣. ан̃н̃ат̇аа саб̣б̣ан̃н̃уд̇аанааваран̣ан̃аан̣аанам̣ саад̇хааран̣ад̇аа саб̣б̣ависаяад̇аа аабаж̇ж̇зяяум̣, на жа д̇ам̣ яуд̇д̇ам̣ гин̃жааби имааяа яуд̇д̇ияаа. аяан̃хзд̇т̇а баал̣и –

    Yaṃ pana yāvatā dhammadhātuyā yattakaṃ ñātabbaṃ saṅkhatāsaṅkhatādikassa sabbassa paropadesanirapekkhaṃ sabbākārena paṭivijjhanasamatthaṃ ākaṅkhamattappaṭibaddhavuttianaññasādhāraṇaṃ bhagavato ñāṇaṃ sabbathā anavasesasaṅkhatāsaṅkhatasammutisaccāvabodhato sabbaññutaññāṇaṃ tatthāvaraṇābhāvato nissaṅgappavattimupādāya anāvaraṇañāṇanti vuccati. Ekameva hi taṃ ñāṇaṃ visayappavattimukhena aññehi asādhāraṇabhāvadassanatthaṃ duvidhena uddiṭṭhaṃ. Aññathā sabbaññutānāvaraṇañāṇānaṃ sādhāraṇatā sabbavisayatā āpajjeyyuṃ, na ca taṃ yuttaṃ kiñcāpi imāya yuttiyā. Ayañhettha pāḷi –

    ‘‘саб̣б̣ам̣ сан̇кад̇амасан̇кад̇ам̣ анавасзсам̣ ж̇аанаад̇ийд̇и саб̣б̣ан̃н̃уд̇ан̃н̃аан̣ам̣, д̇ад̇т̇а ааваран̣ам̣ над̇т̇ийд̇и анааваран̣ан̃аан̣ам̣. ад̇ийд̇ам̣ саб̣б̣ам̣ ж̇аанаад̇ийд̇и саб̣б̣ан̃н̃уд̇ан̃н̃аан̣ам̣, д̇ад̇т̇а ааваран̣ам̣ над̇т̇ийд̇и анааваран̣ан̃аан̣ам̣. анааг̇ад̇ам̣ саб̣б̣ам̣ ж̇аанаад̇ийд̇и саб̣б̣ан̃н̃уд̇ан̃н̃аан̣ам̣, д̇ад̇т̇а ааваран̣ам̣ над̇т̇ийд̇и анааваран̣ан̃аан̣ам̣. бажжуббаннам̣ саб̣б̣ам̣ ж̇аанаад̇ийд̇и саб̣б̣ан̃н̃уд̇ан̃н̃аан̣ам̣, д̇ад̇т̇а ааваран̣ам̣ над̇т̇ийд̇и анааваран̣ан̃аан̣а’’нд̇и (бади. ма. 1.119-120) вид̇т̇ааро.

    ‘‘Sabbaṃ saṅkhatamasaṅkhataṃ anavasesaṃ jānātīti sabbaññutaññāṇaṃ, tattha āvaraṇaṃ natthīti anāvaraṇañāṇaṃ. Atītaṃ sabbaṃ jānātīti sabbaññutaññāṇaṃ, tattha āvaraṇaṃ natthīti anāvaraṇañāṇaṃ. Anāgataṃ sabbaṃ jānātīti sabbaññutaññāṇaṃ, tattha āvaraṇaṃ natthīti anāvaraṇañāṇaṃ. Paccuppannaṃ sabbaṃ jānātīti sabbaññutaññāṇaṃ, tattha āvaraṇaṃ natthīti anāvaraṇañāṇa’’nti (paṭi. ma. 1.119-120) vitthāro.

    звамзд̇аани бхаг̇авад̇о чаасаад̇хааран̣ан̃аан̣аани авибарийд̇аагаараббавад̇д̇ияаа яат̇аасагависаяасса ависам̣ваад̣̇анад̇о д̇ат̇аани авид̇ат̇аани анан̃н̃ат̇аани. звамби бхаг̇аваа д̇ат̇аани ааг̇ад̇од̇и д̇ат̇ааг̇ад̇о.

    Evametāni bhagavato chaasādhāraṇañāṇāni aviparītākārappavattiyā yathāsakavisayassa avisaṃvādanato tathāni avitathāni anaññathāni. Evampi bhagavā tathāni āgatoti tathāgato.

    д̇ат̇аа –

    Tathā –

    ‘‘сад̇д̇имз, бхигкавз, б̣ож̇жхан̇г̇аа – сад̇исамб̣ож̇жхан̇г̇о, д̇хаммавижаяасамб̣ож̇жхан̇г̇о, вийрияасамб̣ож̇жхан̇г̇о, бийд̇исамб̣ож̇жхан̇г̇о, бассад̣̇д̇хисамб̣ож̇жхан̇г̇о, самаад̇хисамб̣ож̇жхан̇г̇о, убзгкаасамб̣ож̇жхан̇г̇о’’д̇и (бади. ма. 2.17; сам̣. ни. 5.185) звам̣ саруубад̇о, ‘‘яааяам̣ логуд̇д̇арамаг̇г̇агкан̣з уббаж̇ж̇амаанаа лийнуд̣̇д̇хажжабад̇идтаанааяууханагаамасукаллигад̇д̇агиламат̇аануяог̇аужчзд̣̇асассад̇аабхинивзсаад̣̇ийнам̣ анзгзсам̣ убад̣̇д̣̇аваанам̣ бадибагкабхууд̇аа сад̇иаад̣̇ибхзд̣̇аа д̇хаммасаамаг̇г̇ий, яааяа арияасааваго б̣уж̇жхад̇и гилзсанид̣̇д̣̇ааяа удтахад̇и, жад̇д̇аари ваа арияасажжаани бадивиж̇жхад̇и, ниб̣б̣аанамзва ваа сажчигарод̇ийд̇и, саа д̇хаммасаамаг̇г̇ий б̣од̇хийд̇и вужжад̇и. д̇ассаа ‘б̣од̇хияаа ан̇г̇аад̇и б̣ож̇жхан̇г̇аа, арияасааваго ваа яат̇аавуд̇д̇ааяа д̇хаммасаамаг̇г̇ияаа б̣уж̇жхад̇ийд̇и гад̇ваа б̣од̇хийд̇и вужжад̇и, д̇асса б̣од̇хисса ан̇г̇аад̇иби б̣ож̇жхан̇г̇аа’’д̇и звам̣ сааман̃н̃алагкан̣ад̇о. ‘‘убадтааналагкан̣о сад̇исамб̣ож̇жхан̇г̇о, бавижаяалагкан̣о д̇хаммавижаяасамб̣ож̇жхан̇г̇о, баг̇г̇ахалагкан̣о вийрияасамб̣ож̇жхан̇г̇о, паран̣алагкан̣о бийд̇исамб̣ож̇жхан̇г̇о, убасамалагкан̣о бассад̣̇д̇хисамб̣ож̇жхан̇г̇о, авигкзбалагкан̣о самаад̇хисамб̣ож̇жхан̇г̇о, бадисан̇кааналагкан̣о убзгкаасамб̣ож̇жхан̇г̇о’’д̇и звам̣ висзсалагкан̣ад̇о.

    ‘‘Sattime, bhikkhave, bojjhaṅgā – satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo’’ti (paṭi. ma. 2.17; saṃ. ni. 5.185) evaṃ sarūpato, ‘‘yāyaṃ lokuttaramaggakkhaṇe uppajjamānā līnuddhaccapatiṭṭhānāyūhanakāmasukhallikattakilamathānuyogaucchedasassatābhinivesādīnaṃ anekesaṃ upaddavānaṃ paṭipakkhabhūtā satiādibhedā dhammasāmaggī, yāya ariyasāvako bujjhati kilesaniddāya uṭṭhahati, cattāri vā ariyasaccāni paṭivijjhati, nibbānameva vā sacchikarotīti, sā dhammasāmaggī bodhīti vuccati. Tassā ‘bodhiyā aṅgāti bojjhaṅgā, ariyasāvako vā yathāvuttāya dhammasāmaggiyā bujjhatīti katvā bodhīti vuccati, tassa bodhissa aṅgātipi bojjhaṅgā’’ti evaṃ sāmaññalakkhaṇato. ‘‘Upaṭṭhānalakkhaṇo satisambojjhaṅgo, pavicayalakkhaṇo dhammavicayasambojjhaṅgo, paggahalakkhaṇo vīriyasambojjhaṅgo, pharaṇalakkhaṇo pītisambojjhaṅgo, upasamalakkhaṇo passaddhisambojjhaṅgo, avikkhepalakkhaṇo samādhisambojjhaṅgo, paṭisaṅkhānalakkhaṇo upekkhāsambojjhaṅgo’’ti evaṃ visesalakkhaṇato.

    ‘‘д̇ад̇т̇а гад̇амо сад̇исамб̣ож̇жхан̇г̇о? ид̇ха, бхигку , сад̇имаа ход̇и барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ход̇и ануссарид̇аа’’д̇иаад̣̇инаа (вибха. 467) сад̇д̇аннам̣ б̣ож̇жхан̇г̇аанам̣ ан̃н̃аман̃н̃обагааравасзна згагкан̣з бавад̇д̇ид̣̇ассанад̇о, ‘‘д̇ад̇т̇а гад̇амо сад̇исамб̣ож̇жхан̇г̇о? ад̇т̇и аж̇жхад̇д̇ам̣, бхигкавз, д̇хаммзсу сад̇и, ад̇т̇и б̣ахид̣̇д̇хаа д̇хаммзсу сад̇ий’’д̇иаад̣̇инаа д̇зсам̣ висаяавибхааг̇зна бавад̇д̇ид̣̇ассанад̇о. ‘‘д̇ад̇т̇а гад̇амо сад̇исамб̣ож̇жхан̇г̇о? ид̇ха, бхигкавз, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аами’’нд̇иаад̣̇инаа (вибха. 471) бхааванаавид̇хид̣̇ассанад̇о. ‘‘д̇ад̇т̇а гад̇амз сад̇д̇а б̣ож̇жхан̇г̇аа? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и…бз… д̇асмим̣ самаяз сад̇д̇а б̣ож̇жхан̇г̇аа хонд̇и сад̇исамб̣ож̇жхан̇г̇о…бз… убзгкаасамб̣ож̇жхан̇г̇о. д̇ад̇т̇а гад̇амо сад̇исамб̣ож̇жхан̇г̇о? яаа сад̇и…бз… ануссад̇ий’’д̇иаад̣̇инаа (вибха. 478-479) чаннавуд̇ияаа наяасахассавибхааг̇зхийд̇и звам̣ наанаагаарад̇о бавад̇д̇аани бхаг̇авад̇о самб̣ож̇жхан̇г̇авибхааванан̃аан̣аани д̇асса д̇асса ад̇т̇асса ависам̣ваад̣̇анад̇о д̇ат̇аани авид̇ат̇аани анан̃н̃ат̇аани. звамби бхаг̇аваа д̇ат̇аани ааг̇ад̇од̇и д̇ат̇ааг̇ад̇о.

    ‘‘Tattha katamo satisambojjhaṅgo? Idha, bhikkhu , satimā hoti paramena satinepakkena samannāgato, cirakatampi cirabhāsitampi saritā hoti anussaritā’’tiādinā (vibha. 467) sattannaṃ bojjhaṅgānaṃ aññamaññopakāravasena ekakkhaṇe pavattidassanato, ‘‘tattha katamo satisambojjhaṅgo? Atthi ajjhattaṃ, bhikkhave, dhammesu sati, atthi bahiddhā dhammesu satī’’tiādinā tesaṃ visayavibhāgena pavattidassanato. ‘‘Tattha katamo satisambojjhaṅgo? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmi’’ntiādinā (vibha. 471) bhāvanāvidhidassanato. ‘‘Tattha katame satta bojjhaṅgā? Idha bhikkhu yasmiṃ samaye lokuttaraṃ jhānaṃ bhāveti…pe… tasmiṃ samaye satta bojjhaṅgā honti satisambojjhaṅgo…pe… upekkhāsambojjhaṅgo. Tattha katamo satisambojjhaṅgo? Yā sati…pe… anussatī’’tiādinā (vibha. 478-479) channavutiyā nayasahassavibhāgehīti evaṃ nānākārato pavattāni bhagavato sambojjhaṅgavibhāvanañāṇāni tassa tassa atthassa avisaṃvādanato tathāni avitathāni anaññathāni. Evampi bhagavā tathāni āgatoti tathāgato.

    д̇ат̇аа –

    Tathā –

    ‘‘д̇ад̇т̇а гад̇амам̣ д̣̇угканирод̇хаг̇ааминий бадибад̣̇аа арияасажжам̣? аяамзва арияо адтан̇г̇иго маг̇г̇о. сзяяат̇ид̣̇ам̣, саммаад̣̇идти…бз… саммаасамаад̇хий’’д̇и (вибха. 205) звам̣ саруубад̇о. саб̣б̣агилзсзхи аарагад̇д̇аа арияабхаавагарад̇д̇аа арияапалаббадилаабхагарад̇д̇аа жа арияо, адтавид̇хад̇д̇аа ниб̣б̣аанаад̇хиг̇амааяа зганд̇агааран̣ад̇д̇аа жа адтан̇г̇иго. гилзсз маарзнд̇о г̇ажчад̇и, ниб̣б̣аанад̇т̇игзхи маг̇г̇ийяад̇и, саяам̣ ваа ниб̣б̣аанам̣ маг̇г̇ад̇ийд̇и маг̇г̇од̇и звам̣ сааман̃н̃алагкан̣ад̇о. ‘‘саммаа д̣̇ассаналагкан̣аа саммаад̣̇идти, саммаа абхиниробаналагкан̣о саммаасан̇габбо, саммаа бариг̇г̇ахан̣алагкан̣аа саммааваажаа, саммаа самудтааналагкан̣о саммаагамманд̇о, саммаа вод̣̇ааналагкан̣о саммааааж̇ийво, саммаа баг̇г̇ахалагкан̣о саммаавааяаамо, саммаа убадтааналагкан̣аа саммаасад̇и, саммаа авигкзбалагкан̣о саммаасамаад̇хий’’д̇и звам̣ висзсалагкан̣ад̇о . саммаад̣̇идти ан̃н̃зхиби ад̇д̇ано бажжанийгагилзсзхи сад̣̇д̇хим̣ мижчаад̣̇идтим̣ баж̇ахад̇и, ниб̣б̣аанам̣ аарамман̣ам̣ гарод̇и, д̇аббадижчаад̣̇агамохавид̇хаманзна асаммохад̇о самбаяуд̇д̇ад̇хаммз жа бассад̇и. д̇ат̇аа саммаасан̇габбаад̣̇аяоби мижчаасан̇габбаад̣̇ийни баж̇аханд̇и, ниб̣б̣аанан̃жа аарамман̣ам̣ гаронд̇и, сахаж̇аад̇ад̇хаммаанам̣ саммааабхиниробанабариг̇г̇ахан̣асамудтаанавод̣̇аанабаг̇г̇ахаубадтаанасамаад̣̇аханаани жа гаронд̇ийд̇и звам̣ гижжавибхааг̇ад̇о. саммаад̣̇идти буб̣б̣абхааг̇з наанагкан̣аа висум̣ висум̣ д̣̇угкаад̣̇иаарамман̣аа худ̇ваа маг̇г̇агаалз згагкан̣аа ниб̣б̣аанамзва аарамман̣ам̣ гад̇ваа гижжад̇о ‘‘д̣̇угкз н̃аан̣а’’нд̇иаад̣̇ийни жад̇д̇аари наамаани лабхад̇и, саммаасан̇габбаад̣̇аяоби буб̣б̣абхааг̇з наанагкан̣аа наанаарамман̣аа маг̇г̇агаалз згагкан̣аа згаарамман̣аа.

    ‘‘Tattha katamaṃ dukkhanirodhagāminī paṭipadā ariyasaccaṃ? Ayameva ariyo aṭṭhaṅgiko maggo. Seyyathidaṃ, sammādiṭṭhi…pe… sammāsamādhī’’ti (vibha. 205) evaṃ sarūpato. Sabbakilesehi ārakattā ariyabhāvakarattā ariyaphalappaṭilābhakarattā ca ariyo, aṭṭhavidhattā nibbānādhigamāya ekantakāraṇattā ca aṭṭhaṅgiko. Kilese mārento gacchati, nibbānatthikehi maggīyati, sayaṃ vā nibbānaṃ maggatīti maggoti evaṃ sāmaññalakkhaṇato. ‘‘Sammā dassanalakkhaṇā sammādiṭṭhi, sammā abhiniropanalakkhaṇo sammāsaṅkappo, sammā pariggahaṇalakkhaṇā sammāvācā, sammā samuṭṭhānalakkhaṇo sammākammanto, sammā vodānalakkhaṇo sammāājīvo, sammā paggahalakkhaṇo sammāvāyāmo, sammā upaṭṭhānalakkhaṇā sammāsati, sammā avikkhepalakkhaṇo sammāsamādhī’’ti evaṃ visesalakkhaṇato. Sammādiṭṭhi aññehipi attano paccanīkakilesehi saddhiṃ micchādiṭṭhiṃ pajahati, nibbānaṃ ārammaṇaṃ karoti, tappaṭicchādakamohavidhamanena asammohato sampayuttadhamme ca passati. Tathā sammāsaṅkappādayopi micchāsaṅkappādīni pajahanti, nibbānañca ārammaṇaṃ karonti, sahajātadhammānaṃ sammāabhiniropanapariggahaṇasamuṭṭhānavodānapaggahaupaṭṭhānasamādahanāni ca karontīti evaṃ kiccavibhāgato. Sammādiṭṭhi pubbabhāge nānakkhaṇā visuṃ visuṃ dukkhādiārammaṇā hutvā maggakāle ekakkhaṇā nibbānameva ārammaṇaṃ katvā kiccato ‘‘dukkhe ñāṇa’’ntiādīni cattāri nāmāni labhati, sammāsaṅkappādayopi pubbabhāge nānakkhaṇā nānārammaṇā maggakāle ekakkhaṇā ekārammaṇā.

    д̇зсу саммаасан̇габбо гижжад̇о нзгкаммасан̇габбод̇иаад̣̇ийни д̇ийн̣и наамаани лабхад̇и, саммааваажаад̣̇аяо д̇аяо буб̣б̣абхааг̇з мусааваад̣̇аавзраман̣ийд̇иаад̣̇ивибхааг̇аа вирад̇ияоби жзд̇анааяоби худ̇ваа маг̇г̇агкан̣з вирад̇ияова, саммаавааяаамасад̇ияо гижжад̇о саммаббад̇хаанасад̇ибадтаанавасзна жад̇д̇аари наамаани лабханд̇и. саммаасамаад̇хи бана маг̇г̇агкан̣зби батамаж̇жхаанаад̣̇ивасзна наанаа зваад̇и звам̣ буб̣б̣абхааг̇абарабхааг̇зсу бавад̇д̇ивибхааг̇ад̇о, ‘‘ид̇ха, бхигкавз, бхигку саммаад̣̇идтим̣ бхаавзд̇и вивзганиссид̇а’’нд̇иаад̣̇инаа (вибха. 489) бхааванаавид̇хид̇о, ‘‘д̇ад̇т̇а гад̇амо адтан̇г̇иго маг̇г̇о? ид̇ха, бхигку, яасмим̣ самаяз логуд̇д̇арам̣ жхаанам̣ бхаавзд̇и…бз… д̣̇угкаабадибад̣̇ам̣ д̣̇анд̇хаабхин̃н̃ам̣, д̇асмим̣ самаяз адтан̇г̇иго маг̇г̇о ход̇и саммаад̣̇идти саммаасан̇габбо’’д̇иаад̣̇инаа (вибха. 499) жад̇ураасийд̇ияаа наяасахассавибхааг̇зхийд̇и звам̣ анзгаагаарад̇о бавад̇д̇аани бхаг̇авад̇о арияамаг̇г̇авибхааванан̃аан̣аани ад̇т̇асса ависам̣ваад̣̇анад̇о саб̣б̣ааниби д̇ат̇аани авид̇ат̇аани анан̃н̃ат̇аани. звамби бхаг̇аваа д̇ат̇аани ааг̇ад̇од̇и д̇ат̇ааг̇ад̇о.

    Tesu sammāsaṅkappo kiccato nekkhammasaṅkappotiādīni tīṇi nāmāni labhati, sammāvācādayo tayo pubbabhāge musāvādāveramaṇītiādivibhāgā viratiyopi cetanāyopi hutvā maggakkhaṇe viratiyova, sammāvāyāmasatiyo kiccato sammappadhānasatipaṭṭhānavasena cattāri nāmāni labhanti. Sammāsamādhi pana maggakkhaṇepi paṭhamajjhānādivasena nānā evāti evaṃ pubbabhāgaparabhāgesu pavattivibhāgato, ‘‘idha, bhikkhave, bhikkhu sammādiṭṭhiṃ bhāveti vivekanissita’’ntiādinā (vibha. 489) bhāvanāvidhito, ‘‘tattha katamo aṭṭhaṅgiko maggo? Idha, bhikkhu, yasmiṃ samaye lokuttaraṃ jhānaṃ bhāveti…pe… dukkhāpaṭipadaṃ dandhābhiññaṃ, tasmiṃ samaye aṭṭhaṅgiko maggo hoti sammādiṭṭhi sammāsaṅkappo’’tiādinā (vibha. 499) caturāsītiyā nayasahassavibhāgehīti evaṃ anekākārato pavattāni bhagavato ariyamaggavibhāvanañāṇāni atthassa avisaṃvādanato sabbānipi tathāni avitathāni anaññathāni. Evampi bhagavā tathāni āgatoti tathāgato.

    д̇ат̇аа батамаж̇жхаанасамаабад̇д̇и яаа жа нирод̇хасамаабад̇д̇ийд̇и зд̇аасу анубадибаадияаа вихарид̇аб̣б̣адтзна самаабаж̇ж̇ид̇аб̣б̣адтзна жа анубуб̣б̣авихаарасамаабад̇д̇ийсу самбаад̣̇анабажжавзгкан̣аад̣̇ивасзна яат̇аарахам̣ самбаяог̇авасзна жа бавад̇д̇аани бхаг̇авад̇о н̃аан̣аани д̇ад̣̇ад̇т̇асид̣̇д̇хияаа д̇ат̇аани авид̇ат̇аани анан̃н̃ат̇аани . д̇ат̇аа ‘‘ид̣̇ам̣ имасса таанам̣, ид̣̇ам̣ адтаана’’нд̇и авибарийд̇ам̣ д̇асса д̇асса паласса гааран̣аагааран̣аж̇аананам̣, д̇зсам̣ д̇зсам̣ сад̇д̇аанам̣ ад̇ийд̇аад̣̇ибхзд̣̇абхиннасса гаммасамаад̣̇аанасса анавасзсад̇о яат̇аабхууд̇ам̣ вибааганд̇араж̇аананам̣, ааяууханагкан̣зязва д̇асса д̇асса сад̇д̇асса ‘‘аяам̣ нираяаг̇ааминий бадибад̣̇аа…бз… аяам̣ ниб̣б̣аанаг̇ааминий бадибад̣̇аа’’д̇и яаат̇аавад̇о саасаваанаасавагаммавибхааг̇аж̇аананам̣, 0.канд̇хааяад̇анаад̣̇ийнам̣ убаад̣̇иннаанубаад̣̇иннаад̣̇ианзгасабхаавам̣ наанаасабхааван̃жа д̇асса логасса ‘‘имааяа наама д̇хаад̇уяаа уссаннад̇д̇аа имасмим̣ д̇хаммаббаб̣анд̇хз аяам̣ висзсо ж̇ааяад̇ий’’д̇иаад̣̇инаа наязна яат̇аабхууд̇ам̣ д̇хаад̇унаанад̇д̇аж̇аананам̣, анавасзсад̇о сад̇д̇аанам̣ хийнаад̣̇иаж̇жхаасаяаад̇химуд̇д̇иж̇аананам̣, сад̣̇д̇хаад̣̇иинд̣̇рияаанам̣ д̇игкамуд̣̇уд̇ааж̇аананам̣, сам̣гилзсаад̣̇ийхи сад̣̇д̇хим̣ жхаанавимогкаад̣̇ивисзсаж̇аананам̣ , сад̇д̇аанам̣ абаримаан̣аасу ж̇аад̇ийсу д̇аббадиб̣анд̇хзна сад̣̇д̇хим̣ анавасзсад̇о буб̣б̣знивуд̇т̇агканд̇хасанд̇ад̇иж̇аананам̣, хийнаад̣̇ивибхааг̇зхи сад̣̇д̇хим̣ жуд̇ибадисанд̇хиж̇аананам̣, ‘‘ид̣̇ам̣ д̣̇угка’’нд̇иаад̣̇инаа хздтаа вуд̇д̇анаязнзва жад̇усажжаж̇аанананд̇и имаани бхаг̇авад̇о д̣̇асаб̣алан̃аан̣аани авираж̇жхид̇ваа яат̇аасагам̣ висаяааваг̇ааханад̇о яат̇аад̇хиббзд̇ад̇т̇асаад̇ханад̇о жа яат̇аабхууд̇авуд̇д̇ияаа д̇ат̇аани авид̇ат̇аани анан̃н̃ат̇аани. вуд̇д̇ан̃хзд̇ам̣ –

    Tathā paṭhamajjhānasamāpatti yā ca nirodhasamāpattīti etāsu anupaṭipāṭiyā viharitabbaṭṭhena samāpajjitabbaṭṭhena ca anupubbavihārasamāpattīsu sampādanapaccavekkhaṇādivasena yathārahaṃ sampayogavasena ca pavattāni bhagavato ñāṇāni tadatthasiddhiyā tathāni avitathāni anaññathāni . Tathā ‘‘idaṃ imassa ṭhānaṃ, idaṃ aṭṭhāna’’nti aviparītaṃ tassa tassa phalassa kāraṇākāraṇajānanaṃ, tesaṃ tesaṃ sattānaṃ atītādibhedabhinnassa kammasamādānassa anavasesato yathābhūtaṃ vipākantarajānanaṃ, āyūhanakkhaṇeyeva tassa tassa sattassa ‘‘ayaṃ nirayagāminī paṭipadā…pe… ayaṃ nibbānagāminī paṭipadā’’ti yāthāvato sāsavānāsavakammavibhāgajānanaṃ, 0.khandhāyatanādīnaṃ upādinnānupādinnādianekasabhāvaṃ nānāsabhāvañca tassa lokassa ‘‘imāya nāma dhātuyā ussannattā imasmiṃ dhammappabandhe ayaṃ viseso jāyatī’’tiādinā nayena yathābhūtaṃ dhātunānattajānanaṃ, anavasesato sattānaṃ hīnādiajjhāsayādhimuttijānanaṃ, saddhādiindriyānaṃ tikkhamudutājānanaṃ, saṃkilesādīhi saddhiṃ jhānavimokkhādivisesajānanaṃ , sattānaṃ aparimāṇāsu jātīsu tappaṭibandhena saddhiṃ anavasesato pubbenivutthakkhandhasantatijānanaṃ, hīnādivibhāgehi saddhiṃ cutipaṭisandhijānanaṃ, ‘‘idaṃ dukkha’’ntiādinā heṭṭhā vuttanayeneva catusaccajānananti imāni bhagavato dasabalañāṇāni avirajjhitvā yathāsakaṃ visayāvagāhanato yathādhippetatthasādhanato ca yathābhūtavuttiyā tathāni avitathāni anaññathāni. Vuttañhetaṃ –

    ‘‘ид̇ха д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇ий’’д̇иаад̣̇и (вибха. 809; а. ни. 10.21).

    ‘‘Idha tathāgato ṭhānañca ṭhānato aṭṭhānañca aṭṭhānato yathābhūtaṃ pajānātī’’tiādi (vibha. 809; a. ni. 10.21).

    звамби бхаг̇аваа д̇ат̇аани ааг̇ад̇од̇и д̇ат̇ааг̇ад̇о.

    Evampi bhagavā tathāni āgatoti tathāgato.

    яат̇аа жзд̇зсам̣ н̃аан̣аанам̣ васзна, звам̣ яат̇аавуд̇д̇аанам̣ сад̇ибадтаанасаммаббад̇хаанавибхааванан̃аан̣аад̣̇ийнам̣ ананд̇аабаримзяяабхзд̣̇аанам̣ анан̃н̃асаад̇хааран̣аанам̣ бан̃н̃аависзсаанам̣ васзна бхаг̇аваа д̇ат̇аани н̃аан̣аани ааг̇ад̇о ад̇хиг̇ад̇од̇и д̇ат̇ааг̇ад̇о. звамби д̇ат̇аани ааг̇ад̇од̇и д̇ат̇ааг̇ад̇о.

    Yathā cetesaṃ ñāṇānaṃ vasena, evaṃ yathāvuttānaṃ satipaṭṭhānasammappadhānavibhāvanañāṇādīnaṃ anantāparimeyyabhedānaṃ anaññasādhāraṇānaṃ paññāvisesānaṃ vasena bhagavā tathāni ñāṇāni āgato adhigatoti tathāgato. Evampi tathāni āgatoti tathāgato.

    гат̇ам̣ д̇ат̇аа г̇ад̇од̇и д̇ат̇ааг̇ад̇о? яаа саа бхаг̇авад̇о абхиж̇аад̇и абхисамб̣од̇хи д̇хаммавинаяабан̃н̃аабанаа анубаад̣̇исзсаниб̣б̣аанад̇хаад̇у, саа д̇ат̇аа. гим̣ вуд̇д̇ам̣ ход̇и? яад̣̇ад̇т̇ам̣ логанаат̇зна абхисамб̣од̇хи бад̇т̇ид̇аа бавад̇д̇ид̇аа жа, д̇ад̣̇ад̇т̇асса зганд̇асид̣̇д̇хияаа ависам̣ваад̣̇анад̇о авибарийд̇ад̇т̇авуд̇д̇ияаа д̇ат̇аа авид̇ат̇аа анан̃н̃ат̇аа. д̇ат̇аа хи аяам̣ бхаг̇аваа б̣од̇хисад̇д̇абхууд̇о самад̇им̣сабаарамибарибууран̣аад̣̇игам̣ вуд̇д̇аббабхзд̣̇ам̣ саб̣б̣ам̣ б̣уд̣̇д̇хад̇д̇ахзд̇ум̣ самбаад̣̇зд̇ваа д̇усид̇абурз тид̇ова б̣уд̣̇д̇хаголаахалам̣ суд̇ваа д̣̇асасахассажаггаваал̣ад̣̇звад̇аахи згад̇о саннибад̇ид̇аахи убасан̇гамид̇ваа –

    Kathaṃ tathā gatoti tathāgato? Yā sā bhagavato abhijāti abhisambodhi dhammavinayapaññāpanā anupādisesanibbānadhātu, sā tathā. Kiṃ vuttaṃ hoti? Yadatthaṃ lokanāthena abhisambodhi patthitā pavattitā ca, tadatthassa ekantasiddhiyā avisaṃvādanato aviparītatthavuttiyā tathā avitathā anaññathā. Tathā hi ayaṃ bhagavā bodhisattabhūto samatiṃsapāramiparipūraṇādikaṃ vuttappabhedaṃ sabbaṃ buddhattahetuṃ sampādetvā tusitapure ṭhitova buddhakolāhalaṃ sutvā dasasahassacakkavāḷadevatāhi ekato sannipatitāhi upasaṅkamitvā –

    ‘‘гаало д̣̇зва махаавийра, уббаж̇ж̇а маад̇угужчияам̣;

    ‘‘Kālo deva mahāvīra, uppajja mātukucchiyaṃ;

    сад̣̇звагам̣ д̇аараяанд̇о, б̣уж̇жхассу амад̇ам̣ бад̣̇а’’нд̇и. (б̣у. вам̣. 1.67) –

    Sadevakaṃ tārayanto, bujjhassu amataṃ pada’’nti. (bu. vaṃ. 1.67) –

    ааяаажид̇о уббаннабуб̣б̣анимид̇д̇о бан̃жа махаавилоганаани вилогзд̇ваа ‘‘ид̣̇аанаахам̣ мануссаяонияам̣ уббаж̇ж̇ид̇ваа абхисамб̣уж̇жхиссаамий’’д̇и аасаал̣хибун̣н̣амааяа сагяарааж̇агулз махаамааяааяа д̣̇звияаа гужчимхи бадисанд̇хим̣ г̇ахзд̇ваа д̣̇аса маасз д̣̇звамануссзхи махад̇аа барихаарзна барихарияамаано висаакабун̣н̣амааяа бажжуусасамаяз абхиж̇аад̇им̣ баабун̣и.

    Āyācito uppannapubbanimitto pañca mahāvilokanāni viloketvā ‘‘idānāhaṃ manussayoniyaṃ uppajjitvā abhisambujjhissāmī’’ti āsāḷhipuṇṇamāya sakyarājakule mahāmāyāya deviyā kucchimhi paṭisandhiṃ gahetvā dasa māse devamanussehi mahatā parihārena parihariyamāno visākhapuṇṇamāya paccūsasamaye abhijātiṃ pāpuṇi.

    абхиж̇аад̇игкан̣з банасса бадисанд̇хиг̇г̇ахан̣агкан̣з вияа д̣̇вад̇д̇им̣сабуб̣б̣анимид̇д̇аани баад̇урахзсум̣. аяан̃хи д̣̇асасахассий логад̇хаад̇у гамби сан̇гамби самбагамби самбавзд̇хи, д̣̇асасу жаггаваал̣асахассзсу аббамаан̣о обхаасо пари, д̇асса д̇ам̣ сирим̣ д̣̇адтугаамаа вияа ж̇ажжанд̇хаа жагкууни бадилабхим̣су, б̣ад̇хираа сад̣̇д̣̇ам̣ сун̣им̣су. мууг̇аа самаалабим̣су, куж̇ж̇аа уж̇уг̇ад̇д̇аа ахзсум̣, бан̇г̇улаа бад̣̇асаа г̇аманам̣ бадилабхим̣су, б̣анд̇ханаг̇ад̇аа саб̣б̣асад̇д̇аа анд̣̇уб̣анд̇ханаад̣̇ийхи мужжим̣су, саб̣б̣анираязсу аг̇г̇и ниб̣б̣ааяи, бзд̇д̇ивисаяз куббибаасаа вуубасами, д̇иражчаанаанам̣ бхаяам̣ наахоси, саб̣б̣асад̇д̇аанам̣ рог̇о вуубасами, саб̣б̣асад̇д̇аа бияам̣вад̣̇аа ахзсум̣, мад̇хурзнаагаарзна ассаа хасим̣су, вааран̣аа г̇аж̇ж̇им̣су, саб̣б̣ад̇уурияаани сагам̣ сагам̣ ниннаад̣̇ам̣ мун̃жим̣су, агхаддид̇аани зва мануссаанам̣ хад̇т̇уубаг̇аад̣̇ийни аабхаран̣аани мад̇хурзнаагаарзна равим̣су, саб̣б̣ад̣̇исаа виббасаннаа ахзсум̣, сад̇д̇аанам̣ сукам̣ уббаад̣̇аяамаано муд̣̇усийд̇алаваад̇о вааяи, агааламзгхо васси, бат̇авид̇оби уд̣̇агам̣ уб̣бхиж̇ж̇ид̇ваа виссанд̣̇и, багкино аагаасаг̇аманам̣ виж̇ахим̣су, над̣̇ияо асанд̣̇амаанаа адтам̣су, махаасамуд̣̇д̣̇з мад̇хурам̣ уд̣̇агам̣ ахоси, убаггилзсавимуд̇д̇з суурияз д̣̇иссамаанз зва аагаасаг̇ад̇аа саб̣б̣аа ж̇од̇ияо ж̇алим̣су , табзд̇ваа аруубааважарз д̣̇звз авасзсаа саб̣б̣з д̣̇зваа саб̣б̣зби нзраяигаа д̣̇иссамаанаруубаа ахзсум̣, д̇аругуддагаваадасзлаад̣̇аяо анааваран̣абхууд̇аа ахзсум̣, сад̇д̇аанам̣ жуд̇уубабаад̇аа наахзсум̣, саб̣б̣ам̣ анидтаг̇анд̇хам̣ абхибхавид̇ваа д̣̇иб̣б̣аг̇анд̇хо вааяи, саб̣б̣з палуубаг̇аа ругкаа палад̇хараа самбаж̇ж̇им̣су, махаасамуд̣̇д̣̇о саб̣б̣ад̇т̇агамзва бан̃жаван̣н̣зхи бад̣̇умзхи сан̃чаннад̇ало ахоси, т̇алаж̇аж̇алаж̇аад̣̇ийни саб̣б̣абубпаани бубпим̣су, ругкаанам̣ канд̇хзсу канд̇хабад̣̇умаани, саакаасу саакабад̣̇умаани, лад̇аасу лад̇аабад̣̇умаани бубпим̣су, махийд̇алз силаад̇алаани бхинд̣̇ид̇ваа убаруубари сад̇д̇а сад̇д̇а худ̇ваа д̣̇ан̣д̣абад̣̇умаани наама нигкамим̣су, аагаасз оламб̣агабад̣̇умаани ниб̣б̣ад̇д̇им̣су, саманд̇ад̇о бубпавассам̣ васси, аагаасз д̣̇иб̣б̣ад̇уурияаани важ̇ж̇им̣су, сагалад̣̇асасахассий логад̇хаад̇у ваддзд̇ваа виссадтамаалааг̇ул̣ам̣ вияа уббийл̣зд̇ваа б̣ад̣̇д̇хамаалаагалаабо вияа алан̇гад̇аббадияад̇д̇ам̣ маалаасанам̣ вияа жа згамаалаамаалиний вибпуранд̇аваал̣аб̣ийж̇аний бубпад̇хуубаг̇анд̇хабариваасид̇аа барамасобхаг̇г̇аббад̇д̇аа ахоси, д̇аани жа буб̣б̣анимид̇д̇аани убари ад̇хиг̇ад̇аанам̣ анзгзсам̣ висзсаад̇хиг̇амаанам̣ нимид̇д̇абхууд̇аани зва ахзсум̣. звам̣ анзгажчарияабаад̇убхааваббадиман̣д̣ид̇аа жааяам̣ абхиж̇аад̇и яад̣̇ад̇т̇ам̣ анзна абхисамб̣од̇хи бад̇т̇ид̇аа, д̇ассаа абхисамб̣од̇хияаа зганд̇асид̣̇д̇хияаа д̇ат̇аава ахоси авид̇ат̇аа анан̃н̃ат̇аа.

    Abhijātikkhaṇe panassa paṭisandhiggahaṇakkhaṇe viya dvattiṃsapubbanimittāni pāturahesuṃ. Ayañhi dasasahassī lokadhātu kampi saṅkampi sampakampi sampavedhi, dasasu cakkavāḷasahassesu appamāṇo obhāso phari, tassa taṃ siriṃ daṭṭhukāmā viya jaccandhā cakkhūni paṭilabhiṃsu, badhirā saddaṃ suṇiṃsu. Mūgā samālapiṃsu, khujjā ujugattā ahesuṃ, paṅgulā padasā gamanaṃ paṭilabhiṃsu, bandhanagatā sabbasattā andubandhanādīhi mucciṃsu, sabbanirayesu aggi nibbāyi, pettivisaye khuppipāsā vūpasami, tiracchānānaṃ bhayaṃ nāhosi, sabbasattānaṃ rogo vūpasami, sabbasattā piyaṃvadā ahesuṃ, madhurenākārena assā hasiṃsu, vāraṇā gajjiṃsu, sabbatūriyāni sakaṃ sakaṃ ninnādaṃ muñciṃsu, aghaṭṭitāni eva manussānaṃ hatthūpagādīni ābharaṇāni madhurenākārena raviṃsu, sabbadisā vippasannā ahesuṃ, sattānaṃ sukhaṃ uppādayamāno mudusītalavāto vāyi, akālamegho vassi, pathavitopi udakaṃ ubbhijjitvā vissandi, pakkhino ākāsagamanaṃ vijahiṃsu, nadiyo asandamānā aṭṭhaṃsu, mahāsamudde madhuraṃ udakaṃ ahosi, upakkilesavimutte sūriye dissamāne eva ākāsagatā sabbā jotiyo jaliṃsu , ṭhapetvā arūpāvacare deve avasesā sabbe devā sabbepi nerayikā dissamānarūpā ahesuṃ, tarukuṭṭakavāṭaselādayo anāvaraṇabhūtā ahesuṃ, sattānaṃ cutūpapātā nāhesuṃ, sabbaṃ aniṭṭhagandhaṃ abhibhavitvā dibbagandho vāyi, sabbe phalūpagā rukkhā phaladharā sampajjiṃsu, mahāsamuddo sabbatthakameva pañcavaṇṇehi padumehi sañchannatalo ahosi, thalajajalajādīni sabbapupphāni pupphiṃsu, rukkhānaṃ khandhesu khandhapadumāni, sākhāsu sākhapadumāni, latāsu latāpadumāni pupphiṃsu, mahītale silātalāni bhinditvā uparūpari satta satta hutvā daṇḍapadumāni nāma nikkhamiṃsu, ākāse olambakapadumāni nibbattiṃsu, samantato pupphavassaṃ vassi, ākāse dibbatūriyāni vajjiṃsu, sakaladasasahassī lokadhātu vaṭṭetvā vissaṭṭhamālāguḷaṃ viya uppīḷetvā baddhamālākalāpo viya alaṅkatappaṭiyattaṃ mālāsanaṃ viya ca ekamālāmālinī vipphurantavāḷabījanī pupphadhūpagandhaparivāsitā paramasobhaggappattā ahosi, tāni ca pubbanimittāni upari adhigatānaṃ anekesaṃ visesādhigamānaṃ nimittabhūtāni eva ahesuṃ. Evaṃ anekacchariyapātubhāvappaṭimaṇḍitā cāyaṃ abhijāti yadatthaṃ anena abhisambodhi patthitā, tassā abhisambodhiyā ekantasiddhiyā tathāva ahosi avitathā anaññathā.

    д̇ат̇аа яз б̣уд̣̇д̇хавзнзяяаа б̣од̇ханзяяаб̣анд̇хаваа, д̇з саб̣б̣зби анавасзсад̇о саяамзва бхаг̇авад̇аа винийд̇аа. яз жа саавагавзнзяяаа д̇хаммавзнзяяаа жа, д̇зби саавагаад̣̇ийхи винийд̇аа винаяам̣ г̇ажчанд̇и г̇амиссанд̇и жаад̇и яад̣̇ад̇т̇ам̣ бхаг̇авад̇аа абхисамб̣од̇хи абхибад̇т̇ид̇аа, д̇ад̣̇ад̇т̇асса зганд̇асид̣̇д̇хияаа абхисамб̣од̇хи д̇ат̇аа авид̇ат̇аа анан̃н̃ат̇аа.

    Tathā ye buddhaveneyyā bodhaneyyabandhavā, te sabbepi anavasesato sayameva bhagavatā vinītā. Ye ca sāvakaveneyyā dhammaveneyyā ca, tepi sāvakādīhi vinītā vinayaṃ gacchanti gamissanti cāti yadatthaṃ bhagavatā abhisambodhi abhipatthitā, tadatthassa ekantasiddhiyā abhisambodhi tathā avitathā anaññathā.

    абижа яасса яасса н̃зяяад̇хаммасса яо яо сабхааво б̣уж̇жхид̇аб̣б̣о, со со хад̇т̇ад̇алз табид̇ааамалагам̣ вияа ааваж̇ж̇анамад̇д̇аббадиб̣ад̣̇д̇хзна ад̇д̇ано н̃аан̣зна авибарийд̇ам̣ анавасзсад̇о бхаг̇авад̇аа абхисамб̣уд̣̇д̇ход̇и звамби абхисамб̣од̇хи д̇ат̇аа авид̇ат̇аа анан̃н̃ат̇аа.

    Apica yassa yassa ñeyyadhammassa yo yo sabhāvo bujjhitabbo, so so hatthatale ṭhapitaāmalakaṃ viya āvajjanamattappaṭibaddhena attano ñāṇena aviparītaṃ anavasesato bhagavatā abhisambuddhoti evampi abhisambodhi tathā avitathā anaññathā.

    д̇ат̇аа д̇зсам̣ д̇зсам̣ д̇хаммаанам̣ д̇ат̇аа д̇ат̇аа д̣̇зсзд̇аб̣б̣аббагаарам̣ д̇зсам̣ д̇зсан̃жа сад̇д̇аанам̣ аасаяаанусаяажарид̇аад̇химуд̇д̇им̣ саммад̣̇зва ологзд̇ваа д̇хаммад̇ам̣ авиж̇аханд̇знзва бан̃н̃ад̇д̇инаяавохаарамаг̇г̇ам̣ анад̇ид̇хааванд̇знзва жа д̇хаммад̇ам̣ вибхааванд̇зна яат̇аабараад̇хам̣ яат̇ааж̇жхаасаяам̣ яат̇аад̇хамман̃жа анусаасанд̇зна бхаг̇авад̇аа взнзяяаа винийд̇аа арияабхуумим̣ самбаабид̇аад̇и д̇хаммавинаяабан̃н̃аабанаабисса д̇ад̣̇ад̇т̇асид̣̇д̇хияаа яат̇аабхууд̇авуд̇д̇ияаа жа д̇ат̇аа авид̇ат̇аа анан̃н̃ат̇аа.

    Tathā tesaṃ tesaṃ dhammānaṃ tathā tathā desetabbappakāraṃ tesaṃ tesañca sattānaṃ āsayānusayacaritādhimuttiṃ sammadeva oloketvā dhammataṃ avijahanteneva paññattinayavohāramaggaṃ anatidhāvanteneva ca dhammataṃ vibhāvantena yathāparādhaṃ yathājjhāsayaṃ yathādhammañca anusāsantena bhagavatā veneyyā vinītā ariyabhūmiṃ sampāpitāti dhammavinayapaññāpanāpissa tadatthasiddhiyā yathābhūtavuttiyā ca tathā avitathā anaññathā.

    д̇ат̇аа яаа саа бхаг̇авад̇аа ануббад̇д̇аа бат̇авияаад̣̇ипассавзд̣̇анаад̣̇ируубааруубасабхаававинимуд̇д̇аа луж̇ж̇анабхааваабхаавад̇о логасабхааваад̇ийд̇аа д̇амасаа висам̣садтад̇д̇аа гзнажи анобхаасанийяаа логасабхааваабхаавад̇о зва г̇ад̇иаад̣̇ибхааварахид̇аа аббад̇идтаа анаарамман̣аа амад̇амахааниб̣б̣аанад̇хаад̇у канд̇хасан̇каад̇аанам̣ убаад̣̇ийнам̣ лзсамад̇д̇ассаби абхаавад̇о анубаад̣̇исзсаад̇и вужжад̇и, яам̣ санд̇хааяа вуд̇д̇ам̣ –

    Tathā yā sā bhagavatā anuppattā pathaviyādiphassavedanādirūpārūpasabhāvavinimuttā lujjanabhāvābhāvato lokasabhāvātītā tamasā visaṃsaṭṭhattā kenaci anobhāsanīyā lokasabhāvābhāvato eva gatiādibhāvarahitā appatiṭṭhā anārammaṇā amatamahānibbānadhātu khandhasaṅkhātānaṃ upādīnaṃ lesamattassapi abhāvato anupādisesāti vuccati, yaṃ sandhāya vuttaṃ –

    ‘‘ад̇т̇и, бхигкавз, д̇ад̣̇ааяад̇анам̣, яад̇т̇а нзва бат̇авий на аабо на д̇зж̇о на вааяо на аагаасаанан̃жааяад̇анам̣ на вин̃н̃аан̣ан̃жааяад̇анам̣ на аагин̃жан̃н̃ааяад̇анам̣ на нзвасан̃н̃аанаасан̃н̃ааяад̇анам̣ нааяам̣ лого на баро лого на жа убхо жанд̣̇имасуурияаа, д̇ад̇раабаахам̣, бхигкавз, нзва ааг̇ад̇им̣ вад̣̇аами на г̇ад̇им̣ на тид̇им̣ на жуд̇им̣ на убабад̇д̇им̣, аббад̇идтам̣ аббавад̇д̇ам̣ анаарамман̣амзвзд̇ам̣, зсзванд̇о д̣̇угкассаа’’д̇и (уд̣̇аа. 71).

    ‘‘Atthi, bhikkhave, tadāyatanaṃ, yattha neva pathavī na āpo na tejo na vāyo na ākāsānañcāyatanaṃ na viññāṇañcāyatanaṃ na ākiñcaññāyatanaṃ na nevasaññānāsaññāyatanaṃ nāyaṃ loko na paro loko na ca ubho candimasūriyā, tatrāpāhaṃ, bhikkhave, neva āgatiṃ vadāmi na gatiṃ na ṭhitiṃ na cutiṃ na upapattiṃ, appatiṭṭhaṃ appavattaṃ anārammaṇamevetaṃ, esevanto dukkhassā’’ti (udā. 71).

    саа саб̣б̣зсамби убаад̣̇аанагканд̇хаанам̣ ад̇т̇ан̇г̇амо, саб̣б̣асан̇каараанам̣ самат̇о, саб̣б̣уубад̇хийнам̣ бадиниссаг̇г̇о, саб̣б̣ад̣̇угкаанам̣ вуубасамо, саб̣б̣аалаяаанам̣ самуг̇гхаад̇о, саб̣б̣аваддаанам̣ убажчзд̣̇о, ажжанд̇асанд̇илагкан̣од̇и яат̇аавуд̇д̇асабхаавасса гад̣̇аажиби ависам̣ваад̣̇анад̇о д̇ат̇аа авид̇ат̇аа анан̃н̃ат̇аа. звамзд̇аа абхиж̇аад̇иаад̣̇игаа д̇ат̇аа г̇ад̇о убаг̇ад̇о ад̇хиг̇ад̇о бадибанно бад̇д̇од̇и д̇ат̇ааг̇ад̇о. звам̣ бхаг̇аваа д̇ат̇аа г̇ад̇од̇и д̇ат̇ааг̇ад̇о.

    Sā sabbesampi upādānakkhandhānaṃ atthaṅgamo, sabbasaṅkhārānaṃ samatho, sabbūpadhīnaṃ paṭinissaggo, sabbadukkhānaṃ vūpasamo, sabbālayānaṃ samugghāto, sabbavaṭṭānaṃ upacchedo, accantasantilakkhaṇoti yathāvuttasabhāvassa kadācipi avisaṃvādanato tathā avitathā anaññathā. Evametā abhijātiādikā tathā gato upagato adhigato paṭipanno pattoti tathāgato. Evaṃ bhagavā tathā gatoti tathāgato.

    гат̇ам̣ д̇ат̇аавид̇ход̇и д̇ат̇ааг̇ад̇о? яат̇аавид̇хаа буримагаа саммаасамб̣уд̣̇д̇хаа, аяамби бхаг̇аваа д̇ат̇аавид̇хо. гим̣ вуд̇д̇ам̣ ход̇и? яат̇аавид̇хаа д̇з бхаг̇аванд̇о маг̇г̇асийлзна паласийлзна саб̣б̣знаби логияалогуд̇д̇арасийлзна, маг̇г̇асамаад̇хинаа паласамаад̇хинаа саб̣б̣знаби логияалогуд̇д̇арасамаад̇хинаа, маг̇г̇абан̃н̃ааяа палабан̃н̃ааяа саб̣б̣ааяаби логияалогуд̇д̇арабан̃н̃ааяа, д̣̇звасигам̣ валан̃ж̇ид̇аб̣б̣зхи жад̇увийсад̇игодисад̇асахассасамаабад̇д̇ивихаарзхи, д̇ад̣̇ан̇г̇авимуд̇д̇ияаа, вигкамбханавимуд̇д̇ияаа, самужчзд̣̇авимуд̇д̇ияаа, бадиббассад̣̇д̇хивимуд̇д̇ияаа, ниссаран̣авимуд̇д̇ияаад̇и сан̇кзбад̇о. вид̇т̇аарад̇о бана ананд̇аабаримаан̣абхзд̣̇зхи ажинд̇зяяаанубхаавзхи сагаласаб̣б̣ан̃н̃уг̇ун̣зхи, аяамби амхаагам̣ бхаг̇аваа д̇ат̇аавид̇хо. саб̣б̣зсан̃хи саммаасамб̣уд̣̇д̇хаанам̣ ааяувзмад̇д̇ам̣, сарийраббамаан̣авзмад̇д̇ам̣, гулавзмад̇д̇ам̣, д̣̇уггаражарияаавзмад̇д̇ам̣, расмивзмад̇д̇анд̇и, имзхи бан̃жахи взмад̇д̇зхи сияаа взмад̇д̇ам̣, на бана сийлависуд̣̇д̇хияаад̣̇ийсу висуд̣̇д̇хийсу самат̇авибассанаабадибад̇д̇ияам̣ ад̇д̇анаа бадилад̣̇д̇хаг̇ун̣зсу жа гин̃жи наанаагаран̣ам̣ ад̇т̇и. ат̇а ко маж̇жхз бхиннасуван̣н̣ам̣ вияа ан̃н̃аман̃н̃ам̣ ниб̣б̣исзсаа д̇з б̣уд̣̇д̇хаа бхаг̇аванд̇о. д̇асмаа яат̇аавид̇хаа буримагаа саммаасамб̣уд̣̇д̇хаа, аяамби бхаг̇аваа д̇ат̇аавид̇хо. звам̣ д̇ат̇аавид̇ход̇и д̇ат̇ааг̇ад̇о. вид̇хад̇т̇о жзд̇т̇а г̇ад̇асад̣̇д̣̇о, д̇ат̇аа хи логияаа вид̇хаяуд̇д̇аг̇ад̇асад̣̇д̣̇з багаарад̇т̇з вад̣̇анд̇и.

    Kathaṃ tathāvidhoti tathāgato? Yathāvidhā purimakā sammāsambuddhā, ayampi bhagavā tathāvidho. Kiṃ vuttaṃ hoti? Yathāvidhā te bhagavanto maggasīlena phalasīlena sabbenapi lokiyalokuttarasīlena, maggasamādhinā phalasamādhinā sabbenapi lokiyalokuttarasamādhinā, maggapaññāya phalapaññāya sabbāyapi lokiyalokuttarapaññāya, devasikaṃ valañjitabbehi catuvīsatikoṭisatasahassasamāpattivihārehi, tadaṅgavimuttiyā, vikkhambhanavimuttiyā, samucchedavimuttiyā, paṭippassaddhivimuttiyā, nissaraṇavimuttiyāti saṅkhepato. Vitthārato pana anantāparimāṇabhedehi acinteyyānubhāvehi sakalasabbaññuguṇehi, ayampi amhākaṃ bhagavā tathāvidho. Sabbesañhi sammāsambuddhānaṃ āyuvemattaṃ, sarīrappamāṇavemattaṃ, kulavemattaṃ, dukkaracariyāvemattaṃ, rasmivemattanti, imehi pañcahi vemattehi siyā vemattaṃ, na pana sīlavisuddhiyādīsu visuddhīsu samathavipassanāpaṭipattiyaṃ attanā paṭiladdhaguṇesu ca kiñci nānākaraṇaṃ atthi. Atha kho majjhe bhinnasuvaṇṇaṃ viya aññamaññaṃ nibbisesā te buddhā bhagavanto. Tasmā yathāvidhā purimakā sammāsambuddhā, ayampi bhagavā tathāvidho. Evaṃ tathāvidhoti tathāgato. Vidhattho cettha gatasaddo, tathā hi lokiyā vidhayuttagatasadde pakāratthe vadanti.

    гат̇ам̣ д̇ат̇аа бавад̇д̇ид̇од̇и д̇ат̇ааг̇ад̇о? анан̃н̃асаад̇хааран̣зна ид̣̇д̇хаанубхаавзна саманнааг̇ад̇ад̇д̇аа ад̇т̇аббадисамбхид̣̇аад̣̇ийнам̣ уггам̣сабаарамиббад̇д̇ияаа анааваран̣ан̃аан̣аббадилаабхзна жа бхаг̇авад̇о гааяаббавад̇д̇ияаад̣̇ийнам̣ гад̇т̇ажи бадигхаад̇аабхаавад̇о яат̇аа ружи д̇ат̇аа г̇ад̇ам̣ г̇ад̇и г̇аманам̣ гааяаважийжид̇д̇аббавад̇д̇и зд̇ассаад̇и д̇ат̇ааг̇ад̇о. звам̣ д̇ат̇аа бавад̇д̇ид̇од̇и д̇ат̇ааг̇ад̇о.

    Kathaṃ tathā pavattitoti tathāgato? Anaññasādhāraṇena iddhānubhāvena samannāgatattā atthappaṭisambhidādīnaṃ ukkaṃsapāramippattiyā anāvaraṇañāṇappaṭilābhena ca bhagavato kāyappavattiyādīnaṃ katthaci paṭighātābhāvato yathā ruci tathā gataṃ gati gamanaṃ kāyavacīcittappavatti etassāti tathāgato. Evaṃ tathā pavattitoti tathāgato.

    гат̇ам̣ д̇ат̇зхи аг̇ад̇од̇и д̇ат̇ааг̇ад̇о? б̣од̇хисамбхаарасамбхаран̣з д̇аббадибагкаббавад̇д̇исан̇каад̇ам̣ над̇т̇и зд̇асса г̇ад̇анд̇и аг̇ад̇о. со банасса аг̇ад̇абхааво мажчзрад̣̇аанабаарамиаад̣̇ийсу авибарийд̇ам̣ аад̣̇ийнаваанисам̣сабажжавзгкан̣аад̣̇инаяаббавад̇д̇зхи н̃аан̣зхийд̇и д̇ат̇зхи н̃аан̣зхи аг̇ад̇од̇и д̇ат̇ааг̇ад̇о.

    Kathaṃ tathehi agatoti tathāgato? Bodhisambhārasambharaṇe tappaṭipakkhappavattisaṅkhātaṃ natthi etassa gatanti agato. So panassa agatabhāvo maccheradānapāramiādīsu aviparītaṃ ādīnavānisaṃsapaccavekkhaṇādinayappavattehi ñāṇehīti tathehi ñāṇehi agatoti tathāgato.

    ат̇а ваа гилзсаабхисан̇каараббавад̇д̇исан̇каад̇ам̣ канд̇хаббавад̇д̇исан̇каад̇амзва ваа бан̃жасуби г̇ад̇ийсу г̇ад̇ам̣ г̇аманам̣ зд̇асса над̇т̇ийд̇и аг̇ад̇о. саубаад̣̇исзсаанубаад̣̇исзсаниб̣б̣аанаббад̇д̇ияаа свааяамасса аг̇ад̇абхааво д̇ат̇зхи арияамаг̇г̇ан̃аан̣зхийд̇и звамби бхаг̇аваа д̇ат̇зхи аг̇ад̇од̇и д̇ат̇ааг̇ад̇о.

    Atha vā kilesābhisaṅkhārappavattisaṅkhātaṃ khandhappavattisaṅkhātameva vā pañcasupi gatīsu gataṃ gamanaṃ etassa natthīti agato. Saupādisesaanupādisesanibbānappattiyā svāyamassa agatabhāvo tathehi ariyamaggañāṇehīti evampi bhagavā tathehi agatoti tathāgato.

    гат̇ам̣ д̇ат̇аа г̇ад̇абхаавзна д̇ат̇ааг̇ад̇о? д̇ат̇аа г̇ад̇абхаавзнаад̇и жа д̇ат̇ааг̇ад̇асса саб̣бхаавзна ад̇т̇ид̇ааяаад̇и ад̇т̇о. го банзса д̇ат̇ааг̇ад̇о, яасса ад̇т̇ид̇ааяа бхаг̇аваа д̇ат̇ааг̇ад̇од̇и вужжад̇ийд̇и? сад̣̇д̇хаммо. сад̣̇д̇хаммо хи арияамаг̇г̇о д̇аава яат̇аа яуг̇анад̣̇д̇хасамат̇авибассанааб̣алзна анавасзсад̇о гилзсабагкам̣ самуухананд̇зна самужчзд̣̇аббахаанавасзна г̇анд̇аб̣б̣ам̣ , д̇ат̇аа г̇ад̇о. палад̇хаммо яат̇аа ад̇д̇ано маг̇г̇аануруубам̣ бадиббассад̣̇д̇хибахаанавасзна г̇анд̇аб̣б̣ам̣, д̇ат̇аа г̇ад̇о бавад̇д̇о. ниб̣б̣аанад̇хаммо бана яат̇аа г̇ад̇о бан̃н̃ааяа бадивид̣̇д̇хо сагалаваддад̣̇угкавуубасамааяа самбаж̇ж̇ад̇и, б̣уд̣̇д̇хаад̣̇ийхи д̇ат̇аа г̇ад̇о сажчигад̇од̇и д̇ат̇ааг̇ад̇о. барияад̇д̇ид̇хаммоби яат̇аа буримаб̣уд̣̇д̇хзхи суд̇д̇аг̇зяяаад̣̇ивасзна бавад̇д̇иаад̣̇иббагаасанавасзна жа взнзяяаанам̣ аасаяаад̣̇иануруубам̣ бавад̇д̇ид̇о, амхаагамби бхаг̇авад̇аа д̇ат̇аа г̇ад̇о г̇ад̣̇ид̇о бавад̇д̇ид̇од̇и ваа д̇ат̇ааг̇ад̇о. яат̇аа бхаг̇авад̇аа д̣̇зсид̇о, д̇ат̇аа бхаг̇авад̇о саавагзхи г̇ад̇о аваг̇ад̇од̇и д̇ат̇ааг̇ад̇о. звам̣ саб̣б̣оби сад̣̇д̇хаммо д̇ат̇ааг̇ад̇о. д̇знааха сагго д̣̇зваанаминд̣̇о – ‘‘д̇ат̇ааг̇ад̇ам̣ д̣̇звамануссабууж̇ид̇ам̣, д̇хаммам̣ намассаама сувад̇т̇и ход̇уу’’д̇и (ку. баа. 6.17; су. ни. 240). сваасса ад̇т̇ийд̇и бхаг̇аваа д̇ат̇ааг̇ад̇о.

    Kathaṃ tathā gatabhāvena tathāgato? Tathā gatabhāvenāti ca tathāgatassa sabbhāvena atthitāyāti attho. Ko panesa tathāgato, yassa atthitāya bhagavā tathāgatoti vuccatīti? Saddhammo. Saddhammo hi ariyamaggo tāva yathā yuganaddhasamathavipassanābalena anavasesato kilesapakkhaṃ samūhanantena samucchedappahānavasena gantabbaṃ , tathā gato. Phaladhammo yathā attano maggānurūpaṃ paṭippassaddhipahānavasena gantabbaṃ, tathā gato pavatto. Nibbānadhammo pana yathā gato paññāya paṭividdho sakalavaṭṭadukkhavūpasamāya sampajjati, buddhādīhi tathā gato sacchikatoti tathāgato. Pariyattidhammopi yathā purimabuddhehi suttageyyādivasena pavattiādippakāsanavasena ca veneyyānaṃ āsayādianurūpaṃ pavattito, amhākampi bhagavatā tathā gato gadito pavattitoti vā tathāgato. Yathā bhagavatā desito, tathā bhagavato sāvakehi gato avagatoti tathāgato. Evaṃ sabbopi saddhammo tathāgato. Tenāha sakko devānamindo – ‘‘tathāgataṃ devamanussapūjitaṃ, dhammaṃ namassāma suvatthi hotū’’ti (khu. pā. 6.17; su. ni. 240). Svāssa atthīti bhagavā tathāgato.

    яат̇аа жа д̇хаммо, звам̣ арияасан̇гхоби яат̇аа ад̇д̇ахид̇ааяа барахид̇ааяа жа бадибаннзхи сувисуд̣̇д̇хам̣ буб̣б̣абхааг̇асамат̇авибассанаабадибад̣̇ам̣ бурагкад̇ваа д̇зна д̇зна маг̇г̇зна г̇анд̇аб̣б̣ам̣, д̇ам̣ д̇ам̣ д̇ат̇аа г̇ад̇од̇и д̇ат̇ааг̇ад̇о. яат̇аа ваа бхаг̇авад̇аа сажжабадижжасамуббаад̣̇аад̣̇аяо д̣̇зсид̇аа, д̇ат̇аава б̣уд̣̇д̇хад̇д̇аа д̇ат̇аа г̇ад̣̇анад̇о жа д̇ат̇ааг̇ад̇о. д̇знааха сагго д̣̇зварааж̇аа – ‘‘д̇ат̇ааг̇ад̇ам̣ д̣̇звамануссабууж̇ид̇ам̣, сан̇гхам̣ намассаама сувад̇т̇и ход̇уу’’д̇и. сваасса саавагабхууд̇о ад̇т̇ийд̇и бхаг̇аваа д̇ат̇ааг̇ад̇о. звам̣ д̇ат̇ааг̇ад̇абхаавзна д̇ат̇ааг̇ад̇од̇и.

    Yathā ca dhammo, evaṃ ariyasaṅghopi yathā attahitāya parahitāya ca paṭipannehi suvisuddhaṃ pubbabhāgasamathavipassanāpaṭipadaṃ purakkhatvā tena tena maggena gantabbaṃ, taṃ taṃ tathā gatoti tathāgato. Yathā vā bhagavatā saccapaṭiccasamuppādādayo desitā, tathāva buddhattā tathā gadanato ca tathāgato. Tenāha sakko devarājā – ‘‘tathāgataṃ devamanussapūjitaṃ, saṅghaṃ namassāma suvatthi hotū’’ti. Svāssa sāvakabhūto atthīti bhagavā tathāgato. Evaṃ tathāgatabhāvena tathāgatoti.

    ид̣̇амби жа д̇ат̇ааг̇ад̇асса д̇ат̇ааг̇ад̇абхаавад̣̇ийбанз мукамад̇д̇агамзва, саб̣б̣аагаарзна бана д̇ат̇ааг̇ад̇ова д̇ат̇ааг̇ад̇асса д̇ат̇ааг̇ад̇абхаавам̣ ван̣н̣зяяа. ид̣̇ан̃хи д̇ат̇ааг̇ад̇абад̣̇ам̣ махад̇т̇ам̣ махааг̇ад̇игам̣ махаависаяам̣, д̇асса аббамаад̣̇абад̣̇асса вияа д̇збидагамби б̣уд̣̇д̇хаважанам̣ яуд̇д̇ид̇о ад̇т̇абхаавзна аахаранд̇о ‘‘ад̇ид̇т̇зна д̇хаммагат̇иго багканд̣̇о’’д̇и на вад̇д̇аб̣б̣од̇и.

    Idampi ca tathāgatassa tathāgatabhāvadīpane mukhamattakameva, sabbākārena pana tathāgatova tathāgatassa tathāgatabhāvaṃ vaṇṇeyya. Idañhi tathāgatapadaṃ mahatthaṃ mahāgatikaṃ mahāvisayaṃ, tassa appamādapadassa viya tepiṭakampi buddhavacanaṃ yuttito atthabhāvena āharanto ‘‘atitthena dhammakathiko pakkhando’’ti na vattabboti.

    д̇ад̇т̇зд̇ам̣ вужжад̇и –

    Tatthetaṃ vuccati –

    ‘‘яат̇зва логз буримаа махзсино,

    ‘‘Yatheva loke purimā mahesino,

    саб̣б̣ан̃н̃убхаавам̣ мунаяо ид̇хааг̇ад̇аа;

    Sabbaññubhāvaṃ munayo idhāgatā;

    д̇ат̇аа аяам̣ сагяамунийби ааг̇ад̇о,

    Tathā ayaṃ sakyamunīpi āgato,

    д̇ат̇ааг̇ад̇о вужжад̇и д̇зна жагкумаа.

    Tathāgato vuccati tena cakkhumā.

    ‘‘бахааяа гаамаад̣̇ималз асзсад̇о,

    ‘‘Pahāya kāmādimale asesato,

    самаад̇хин̃аан̣зхи яат̇аа г̇ад̇аа ж̇инаа;

    Samādhiñāṇehi yathā gatā jinā;

    бураад̇анаа сагяамуний ж̇уд̇инд̇харо,

    Purātanā sakyamunī jutindharo,

    д̇ат̇аа г̇ад̇о д̇зна д̇ат̇ааг̇ад̇о мад̇о.

    Tathā gato tena tathāgato mato.

    ‘‘д̇ат̇ан̃жа д̇хаад̇ааяад̇анаад̣̇илагкан̣ам̣,

    ‘‘Tathañca dhātāyatanādilakkhaṇaṃ,

    сабхаавасааман̃н̃авибхааг̇абхзд̣̇ад̇о;

    Sabhāvasāmaññavibhāgabhedato;

    саяамбхун̃аан̣зна ж̇инояамааг̇ад̇о,

    Sayambhuñāṇena jinoyamāgato,

    д̇ат̇ааг̇ад̇о вужжад̇и сагяабун̇г̇аво.

    Tathāgato vuccati sakyapuṅgavo.

    ‘‘д̇ат̇аани сажжаани саманд̇ажагкунаа,

    ‘‘Tathāni saccāni samantacakkhunā,

    д̇ат̇аа ид̣̇аббажжаяад̇аа жа саб̣б̣асо;

    Tathā idappaccayatā ca sabbaso;

    анан̃н̃анзяяаа наяад̇о вибхаавид̇аа,

    Anaññaneyyā nayato vibhāvitā,

    д̇ат̇аа г̇ад̇о д̇зна ж̇ино д̇ат̇ааг̇ад̇о.

    Tathā gato tena jino tathāgato.

    ‘‘анзгабхзд̣̇аасуби логад̇хаад̇усу,

    ‘‘Anekabhedāsupi lokadhātusu,

    ж̇инасса руубааяад̇анаад̣̇иг̇ожарз;

    Jinassa rūpāyatanādigocare;

    вижид̇д̇абхзд̣̇з д̇ат̇амзва д̣̇ассанам̣,

    Vicittabhede tathameva dassanaṃ,

    д̇ат̇ааг̇ад̇о д̇зна саманд̇аложано.

    Tathāgato tena samantalocano.

    ‘‘яад̇о жа д̇хаммам̣ д̇ат̇амзва бхаасад̇и,

    ‘‘Yato ca dhammaṃ tathameva bhāsati,

    гарод̇и ваажааяа нуруубамад̇д̇ано;

    Karoti vācāya nurūpamattano;

    г̇ун̣зхи логам̣ абхибхуяяирийяад̇и,

    Guṇehi lokaṃ abhibhuyyirīyati,

    д̇ат̇ааг̇ад̇о д̇знаби логанааяаго.

    Tathāgato tenapi lokanāyako.

    ‘‘д̇ат̇аа барин̃н̃ааяа д̇ат̇ааяа саб̣б̣асо,

    ‘‘Tathā pariññāya tathāya sabbaso,

    авзд̣̇и логам̣ бабхавам̣ ад̇иггами;

    Avedi lokaṃ pabhavaṃ atikkami;

    г̇ад̇о жа бажжагкагирияааяа ниб̣б̣уд̇им̣,

    Gato ca paccakkhakiriyāya nibbutiṃ,

    арийяамаг̇г̇ан̃жа г̇ад̇о д̇ат̇ааг̇ад̇о.

    Arīyamaggañca gato tathāgato.

    ‘‘д̇ат̇аа бадин̃н̃ааяа д̇ат̇ааяа саб̣б̣асо,

    ‘‘Tathā paṭiññāya tathāya sabbaso,

    хид̇ааяа логасса яад̇ояамааг̇ад̇о;

    Hitāya lokassa yatoyamāgato;

    д̇ат̇ааяа наат̇о гарун̣ааяа саб̣б̣ад̣̇аа,

    Tathāya nātho karuṇāya sabbadā,

    г̇ад̇о жа д̇знааби ж̇ино д̇ат̇ааг̇ад̇о.

    Gato ca tenāpi jino tathāgato.

    ‘‘д̇ат̇аани н̃аан̣аани яад̇ояамааг̇ад̇о,

    ‘‘Tathāni ñāṇāni yatoyamāgato,

    яат̇аасабхаавам̣ висаяааваб̣од̇хад̇о;

    Yathāsabhāvaṃ visayāvabodhato;

    д̇ат̇аабхиж̇аад̇иббабхуд̇ий д̇ат̇ааг̇ад̇о,

    Tathābhijātippabhutī tathāgato,

    д̇ад̣̇ад̇т̇асамбаад̣̇анад̇о д̇ат̇ааг̇ад̇о.

    Tadatthasampādanato tathāgato.

    ‘‘яат̇аавид̇хаа д̇з буримаа махзсино,

    ‘‘Yathāvidhā te purimā mahesino,

    д̇ат̇аавид̇хояамби д̇ат̇аа яат̇ааружи;

    Tathāvidhoyampi tathā yathāruci;

    бавад̇д̇аваажаа д̇анужид̇д̇абхаавад̇о,

    Pavattavācā tanucittabhāvato,

    д̇ат̇ааг̇ад̇о вужжад̇и аг̇г̇абуг̇г̇ало.

    Tathāgato vuccati aggapuggalo.

    ‘‘самб̣од̇хисамбхааравибагкад̇о бурз,

    ‘‘Sambodhisambhāravipakkhato pure,

    г̇ад̇ам̣ на сам̣саараг̇ад̇амби д̇асса ваа;

    Gataṃ na saṃsāragatampi tassa vā;

    на жад̇т̇и наат̇асса бхаванд̇ад̣̇ассино,

    Na catthi nāthassa bhavantadassino,

    д̇ат̇зхи д̇асмаа аг̇ад̇о д̇ат̇ааг̇ад̇о.

    Tathehi tasmā agato tathāgato.

    ‘‘д̇ат̇ааг̇ад̇о д̇хаммаваро махзсинаа,

    ‘‘Tathāgato dhammavaro mahesinā,

    яат̇аа бахаад̇аб̣б̣амалам̣ бахийяад̇и;

    Yathā pahātabbamalaṃ pahīyati;

    д̇ат̇ааг̇ад̇о арияаг̇ан̣оби сад̇т̇уно,

    Tathāgato ariyagaṇopi satthuno,

    д̇ат̇ааг̇ад̇о д̇зна саман̇г̇ибхаавад̇о’’д̇и.

    Tathāgato tena samaṅgibhāvato’’ti.

    махид̣̇д̇хигад̇аад̇и барамзна жид̇д̇авасийбхаавзна жа ид̣̇д̇хивид̇хаяог̇зна д̇хаммаанубхааван̃н̃ат̇ад̇д̇анибпаад̣̇анасамад̇т̇ад̇аасан̇каад̇ааяа махад̇ияаа ид̣̇д̇хияаа саманнааг̇амо махид̣̇д̇хигад̇аа. жирагааласамбхууд̇зна сувид̣̇уураббадибагкзна ижчид̇ад̇т̇анибпад̇д̇ихзд̇убхууд̇зна махааж̇уд̇игзна бун̃н̃ад̇зж̇зна саманнааг̇амо махаанубхаавад̇аа. яад̇раад̇и ажчарияабасам̣саагод̇ухалахаасабасаад̣̇иго бажжад̇д̇ад̇т̇з нибаад̇о. д̇зна яуд̇д̇ад̇д̇аа виж̇ааяиссад̇ийд̇и анааг̇ад̇агаалаважанам̣, ад̇т̇о бана ад̇ийд̇агаалоязва. аяан̃хзд̇т̇а ад̇т̇о – яаа хи наама аяам̣ суббаваасаа д̇ат̇аа д̣̇угканимуг̇г̇аа гижчаабаннаа бхаг̇авад̇о важанасамагааламзва сукиний арог̇аа арог̇ам̣ буд̇д̇ам̣ виж̇ааяийд̇и. ад̇д̇аманод̇и сагамано, бхаг̇авад̇и басаад̣̇зна гилзсарахид̇ажид̇д̇од̇и ад̇т̇о. гилзсабарияудтид̇ан̃хи жид̇д̇ам̣ васз авад̇д̇анад̇о ад̇д̇аманод̇и на саггаа вад̇д̇унд̇и. ад̇д̇аманод̇и ваа бийд̇исоманассзхи г̇ахид̇амано. бамуд̣̇ид̇од̇и баамож̇ж̇зна яуд̇д̇о. бийд̇исоманассаж̇аад̇од̇и ж̇аад̇аб̣алавабийд̇исоманассо. ат̇аад̇и бажчаа, д̇ад̇о гад̇ибаахасса ажжаязна. сад̇д̇абхад̇д̇аанийд̇и сад̇д̇асу д̣̇ивасзсу д̣̇аад̇аб̣б̣абхад̇д̇аани. сваад̇анааяаад̇и сваад̇анабун̃н̃ад̇т̇ам̣, яам̣ свз б̣уд̣̇д̇хаббамукасса сан̇гхасса д̣̇аанавасзна баяирубаасанавасзна жа бхависсад̇и бун̃н̃ам̣ д̇ад̣̇ад̇т̇ам̣.

    Mahiddhikatāti paramena cittavasībhāvena ca iddhividhayogena dhammānubhāvaññathattanipphādanasamatthatāsaṅkhātāya mahatiyā iddhiyā samannāgamo mahiddhikatā. Cirakālasambhūtena suvidūrappaṭipakkhena icchitatthanipphattihetubhūtena mahājutikena puññatejena samannāgamo mahānubhāvatā. Yatrāti acchariyapasaṃsākotuhalahāsapasādiko paccattatthe nipāto. Tena yuttattā vijāyissatīti anāgatakālavacanaṃ, attho pana atītakāloyeva. Ayañhettha attho – yā hi nāma ayaṃ suppavāsā tathā dukkhanimuggā kicchāpannā bhagavato vacanasamakālameva sukhinī arogā arogaṃ puttaṃ vijāyīti. Attamanoti sakamano, bhagavati pasādena kilesarahitacittoti attho. Kilesapariyuṭṭhitañhi cittaṃ vase avattanato attamanoti na sakkā vattunti. Attamanoti vā pītisomanassehi gahitamano. Pamuditoti pāmojjena yutto. Pītisomanassajātoti jātabalavapītisomanasso. Athāti pacchā, tato katipāhassa accayena. Sattabhattānīti sattasu divasesu dātabbabhattāni. Svātanāyāti svātanapuññatthaṃ, yaṃ sve buddhappamukhassa saṅghassa dānavasena payirupāsanavasena ca bhavissati puññaṃ tadatthaṃ.

    ат̇а ко бхаг̇аваа ааяасманд̇ам̣ махаамог̇г̇аллаанам̣ ааманд̇зсийд̇и гасмаа ааманд̇зси? суббаваасааяа саамигасса басаад̣̇арагкан̣ад̇т̇ам̣. суббаваасаа бана ажалаббасаад̣̇аава, убаасагасса бана басаад̣̇арагкан̣ам̣ махаамог̇г̇аллаанад̇т̇зрасса бхааро. д̇знааха ‘‘д̇уяхзсо убадтааго’’д̇и. д̇ад̇т̇а д̇уяхзсод̇и д̇уяхам̣ зсо. д̇ин̣н̣ам̣ д̇хаммаанам̣ баадибхог̇од̇и мама бхог̇аад̣̇ийнам̣ д̇ин̣н̣ам̣ д̇хаммаанам̣ ахаанияаа авинаасааяа аяяо махаамог̇г̇аллаано яад̣̇и баадибхог̇о яад̣̇и бад̇ибхуу, ид̇о сад̇д̇а д̣̇ивасз ад̇иггамид̇ваа мама саггаа д̣̇аанам̣ д̣̇аад̇унд̇и яад̣̇и аяязна н̃аад̇анд̇и д̣̇ийбзд̇и. т̇зроби д̇асса д̇зсу д̣̇ивасзсу бхог̇аанам̣ ж̇ийвид̇асса жа анубад̣̇д̣̇авам̣ бассид̇ваа ааха – ‘‘д̣̇виннам̣ ко нзсам̣, аавусо, д̇хаммаанам̣ баадибхог̇о бхог̇аанан̃жа ж̇ийвид̇асса жаа’’д̇и. сад̣̇д̇хаа банасса жид̇д̇аббадиб̣ад̣̇д̇хаад̇и д̇ассзва бхаарам̣ гаронд̇о ‘‘сад̣̇д̇хааяа бана д̇ван̃н̃зва баадибхог̇о’’д̇и ааха. аби жа со убаасаго д̣̇идтасажжо, д̇асса сад̣̇д̇хааяа ан̃н̃ат̇аабхааво над̇т̇ийд̇и д̇ат̇аа вуд̇д̇ам̣. д̇знзва жа гааран̣зна бхаг̇авад̇аа ‘‘бажчааби д̇вам̣ гариссасийд̇и сан̃н̃аабзхий’’д̇и вуд̇д̇ам̣. убаасагоби сад̇т̇ари т̇зрз жа г̇ааравзна суб̣б̣ажад̇ааяа д̇ассаа жа бун̃н̃зна вад̣дхим̣ ижчанд̇о ‘‘гарод̇у суббаваасаа голияад̇хийд̇аа сад̇д̇а бхад̇д̇аани, бажчаахам̣ гариссаамий’’д̇и ануж̇аани.

    Atha kho bhagavā āyasmantaṃ mahāmoggallānaṃ āmantesīti kasmā āmantesi? Suppavāsāya sāmikassa pasādarakkhaṇatthaṃ. Suppavāsā pana acalappasādāva, upāsakassa pana pasādarakkhaṇaṃ mahāmoggallānattherassa bhāro. Tenāha ‘‘tuyheso upaṭṭhāko’’ti. Tattha tuyhesoti tuyhaṃ eso. Tiṇṇaṃ dhammānaṃ pāṭibhogoti mama bhogādīnaṃ tiṇṇaṃ dhammānaṃ ahāniyā avināsāya ayyo mahāmoggallāno yadi pāṭibhogo yadi patibhū, ito satta divase atikkamitvā mama sakkā dānaṃ dātunti yadi ayyena ñātanti dīpeti. Theropi tassa tesu divasesu bhogānaṃ jīvitassa ca anupaddavaṃ passitvā āha – ‘‘dvinnaṃ kho nesaṃ, āvuso, dhammānaṃ pāṭibhogo bhogānañca jīvitassa cā’’ti. Saddhā panassa cittappaṭibaddhāti tasseva bhāraṃ karonto ‘‘saddhāya pana tvaññeva pāṭibhogo’’ti āha. Api ca so upāsako diṭṭhasacco, tassa saddhāya aññathābhāvo natthīti tathā vuttaṃ. Teneva ca kāraṇena bhagavatā ‘‘pacchāpi tvaṃ karissasīti saññāpehī’’ti vuttaṃ. Upāsakopi satthari there ca gāravena subbacatāya tassā ca puññena vaḍḍhiṃ icchanto ‘‘karotu suppavāsā koliyadhītā satta bhattāni, pacchāhaṃ karissāmī’’ti anujāni.

    д̇ан̃жа д̣̇аараганд̇и виж̇аад̇ад̣̇ивасад̇о бадтааяа згаад̣̇асамам̣ д̣̇ивасам̣ ад̇иггамид̇ваа д̇ад̇о барам̣ сад̇д̇аахам̣ б̣уд̣̇д̇хаббамукам̣ бхигкусан̇гхам̣ бхож̇зд̇ваа сад̇д̇амз д̣̇ивасз д̇ам̣ сад̇д̇авассигам̣ д̣̇аарагам̣ бхаг̇аванд̇ам̣ бхигкусан̇гхан̃жа ванд̣̇аабзси. сад̇д̇а мз вассаанийд̇и сад̇д̇а мз сам̣важчараани, ажжанд̇асам̣яог̇авасзна жзд̇ам̣ убаяог̇аважанам̣. лохид̇агумбхияам̣ вуд̇т̇аанийд̇и маад̇угужчияам̣ ад̇д̇ано г̇аб̣бхаваасад̣̇угкам̣ санд̇хааяа вад̣̇ад̇и. ан̃н̃ааниби зваруубаани сад̇д̇а буд̇д̇аанийд̇и ‘‘ан̃н̃зби зваруубз сад̇д̇а буд̇д̇з’’д̇и вад̇д̇аб̣б̣з лин̇г̇авибаллаасавасзна вуд̇д̇ам̣ ‘‘зваруубааний’’д̇и. звам̣ сад̇д̇а вассаани г̇аб̣бхад̇хааран̣авасзна сад̇д̇аахам̣ муул̣хаг̇аб̣бхад̇ааяа жа маханд̇ам̣ д̣̇угкам̣ баабзд̇ваа уббаж̇ж̇анагабуд̇д̇зд̇и ад̇т̇о. зд̇зна маад̇уг̇аамаанам̣ буд̇д̇алолад̇ааяа буд̇д̇алаабхзна д̇ид̇д̇и над̇т̇ийд̇и д̣̇ассзд̇и.

    Tañca dārakanti vijātadivasato paṭṭhāya ekādasamaṃ divasaṃ atikkamitvā tato paraṃ sattāhaṃ buddhappamukhaṃ bhikkhusaṅghaṃ bhojetvā sattame divase taṃ sattavassikaṃ dārakaṃ bhagavantaṃ bhikkhusaṅghañca vandāpesi. Satta me vassānīti satta me saṃvaccharāni, accantasaṃyogavasena cetaṃ upayogavacanaṃ. Lohitakumbhiyaṃ vutthānīti mātukucchiyaṃ attano gabbhavāsadukkhaṃ sandhāya vadati. Aññānipi evarūpāni satta puttānīti ‘‘aññepi evarūpe satta putte’’ti vattabbe liṅgavipallāsavasena vuttaṃ ‘‘evarūpānī’’ti. Evaṃ satta vassāni gabbhadhāraṇavasena sattāhaṃ mūḷhagabbhatāya ca mahantaṃ dukkhaṃ pāpetvā uppajjanakaputteti attho. Etena mātugāmānaṃ puttalolatāya puttalābhena titti natthīti dasseti.

    зд̇амад̇т̇ам̣ вид̣̇ид̇ваад̇и зд̇ам̣ сад̇д̇ад̣̇ивасаад̇хигаани сад̇д̇а сам̣важчараани г̇аб̣бхад̇хааран̣аад̣̇ивасзна бавад̇д̇ам̣ маханд̇ам̣ д̣̇угкам̣ згабад̣̇з висарид̇ваа буд̇д̇алолад̇аавасзна д̇ааяа вуд̇д̇амад̇т̇ам̣ вид̣̇ид̇ваа. имам̣ уд̣̇аананд̇и имам̣ жид̇д̇асукаббамад̇д̇о вияа бамад̇д̇абуг̇г̇алз идтаагаарзна ван̃жзд̇ваа д̇ан̣хаасинзхасса махаанад̇т̇агарабхаавад̣̇ийбагам̣ уд̣̇аанам̣ уд̣̇аанзси.

    Etamatthaṃ viditvāti etaṃ sattadivasādhikāni satta saṃvaccharāni gabbhadhāraṇādivasena pavattaṃ mahantaṃ dukkhaṃ ekapade visaritvā puttalolatāvasena tāya vuttamatthaṃ viditvā. Imaṃ udānanti imaṃ cittasukhappamatto viya pamattapuggale iṭṭhākārena vañcetvā taṇhāsinehassa mahānatthakarabhāvadīpakaṃ udānaṃ udānesi.

    д̇ад̇т̇а асаад̇анд̇и амад̇хурам̣ асунд̣̇арам̣ анидтам̣. саад̇аруубзнаад̇и идтасабхаавзна. бияаруубзнаад̇и бияааяид̇аб̣б̣абхаавзна. сукасса руубзнаад̇и сукасабхаавзна. ид̣̇ам̣ вуд̇д̇ам̣ ход̇и – яасмаа асаад̇ам̣ аббияам̣ д̣̇угкамзва самаанам̣ сагаламби ваддаг̇ад̇ам̣ сан̇каараж̇аад̇ам̣ аббахийнавибаллаасад̇д̇аа аяонисоманасигаарзна идтам̣ вияа бияам̣ вияа сукам̣ вияа жа худ̇ваа убадтахамаанам̣ сад̇ивиббаваасзна бамад̇д̇абуг̇г̇алам̣ ад̇ивад̇д̇ад̇и абхибхавад̇и аж̇жход̇т̇арад̇и, д̇асмаа имамби суббаваасам̣ бунаби сад̇д̇агкад̇д̇ум̣ зваруубам̣ асаад̇ам̣ аббияам̣ д̣̇угкам̣ саад̇аад̣̇ибад̇ируубагзна д̣̇угкзна буд̇д̇асан̇каад̇абзмавад̇т̇усукзна аж̇жход̇т̇арад̇ийд̇и.

    Tattha asātanti amadhuraṃ asundaraṃ aniṭṭhaṃ. Sātarūpenāti iṭṭhasabhāvena. Piyarūpenāti piyāyitabbabhāvena. Sukhassa rūpenāti sukhasabhāvena. Idaṃ vuttaṃ hoti – yasmā asātaṃ appiyaṃ dukkhameva samānaṃ sakalampi vaṭṭagataṃ saṅkhārajātaṃ appahīnavipallāsattā ayonisomanasikārena iṭṭhaṃ viya piyaṃ viya sukhaṃ viya ca hutvā upaṭṭhahamānaṃ sativippavāsena pamattapuggalaṃ ativattati abhibhavati ajjhottharati, tasmā imampi suppavāsaṃ punapi sattakkhattuṃ evarūpaṃ asātaṃ appiyaṃ dukkhaṃ sātādipatirūpakena dukkhena puttasaṅkhātapemavatthusukhena ajjhottharatīti.

    адтамасуд̇д̇аван̣н̣анаа нидтид̇аа.

    Aṭṭhamasuttavaṇṇanā niṭṭhitā.




    Next: 9. висаакаасуд̇д̇аван̣н̣анаа • 9. Visākhāsuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 8. суббаваасаасуд̇д̇ам̣ • 8. Suppavāsāsuttaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact