| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๗. สุปฺปวาสาสุตฺตวณฺณนา
7. Suppavāsāsuttavaṇṇanā
๕๗. สตฺตเม ปชฺชนิกนฺติ ตสฺส นิคมสฺส นามํฯ โกลิยานนฺติ โกลราชกุลานํฯ อายุํ โข ปน ทตฺวาติ อายุทานํ ทตฺวาฯ อายุสฺส ภาคินี โหตีติ อายุภาคปฎิลาภินี โหติ, อายุํ วา ภชนิกา โหติ, อายุปฺปฎิลาภินีติ อโตฺถฯ เสสปเทสุปิ เอเสว นโยฯ
57. Sattame pajjanikanti tassa nigamassa nāmaṃ. Koliyānanti kolarājakulānaṃ. Āyuṃ kho pana datvāti āyudānaṃ datvā. Āyussa bhāginī hotīti āyubhāgapaṭilābhinī hoti, āyuṃ vā bhajanikā hoti, āyuppaṭilābhinīti attho. Sesapadesupi eseva nayo.
รสสา อุเปตนฺติ รเสน อุเปตํ รสสมฺปนฺนํฯ อุชฺชุคเตสูติ กายวงฺกาทิรหิตตฺตา อุชุกเมว คเตสุ ขีณาสเวสุฯ จรณูปปเนฺนสูติ ปญฺจทสหิ จรณธเมฺมหิ สมนฺนาคเตสุฯ มหคฺคเตสูติ มหตฺตํ คเตสุฯ ขีณาสวานเญฺญเวตํ นามํฯ ปุเญฺญน ปุญฺญํ สํสนฺทมานาติ ปุเญฺญน สทฺธิํ ปุญฺญํ ฆฎยมานาฯ มหปฺผลา โลกวิทูน วณฺณิตาติ เอวรูปา ทานสงฺขาตา ทกฺขิณา ติวิธโลกํ วิทิตํ กตฺวา ฐิตตฺตา โลกวิทูนํ พุทฺธานํ วณฺณิตา, พุเทฺธหิ ปสตฺถาติ อโตฺถฯ ยญฺญมนุสฺสรนฺตาติ ยญฺญํ ทานํ อนุสฺสรนฺตาฯ เวทชาตาติ ตุฎฺฐิชาตาฯ
Rasasā upetanti rasena upetaṃ rasasampannaṃ. Ujjugatesūti kāyavaṅkādirahitattā ujukameva gatesu khīṇāsavesu. Caraṇūpapannesūti pañcadasahi caraṇadhammehi samannāgatesu. Mahaggatesūti mahattaṃ gatesu. Khīṇāsavānaññevetaṃ nāmaṃ. Puññena puññaṃ saṃsandamānāti puññena saddhiṃ puññaṃ ghaṭayamānā. Mahapphalā lokavidūna vaṇṇitāti evarūpā dānasaṅkhātā dakkhiṇā tividhalokaṃ viditaṃ katvā ṭhitattā lokavidūnaṃ buddhānaṃ vaṇṇitā, buddhehi pasatthāti attho. Yaññamanussarantāti yaññaṃ dānaṃ anussarantā. Vedajātāti tuṭṭhijātā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๗. สุปฺปวาสาสุตฺตํ • 7. Suppavāsāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗-๑๐. สุปฺปวาสาสุตฺตาทิวณฺณนา • 7-10. Suppavāsāsuttādivaṇṇanā
