| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. суббияад̇т̇зраг̇аат̇ааван̣н̣анаа
2. Suppiyattheragāthāvaṇṇanā
аж̇арам̣ ж̇ийрамаанзнаад̇и ааяасмад̇о суббияад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа аран̃н̃ааяад̇анз васанд̇о д̇ад̇т̇а бхаг̇аванд̇ам̣ д̣̇исваа басаннамаанасо палаапалам̣ ад̣̇ааси, д̇ат̇аа бхигкусан̇гхасса. со д̇зна бун̃н̃агаммзна д̣̇звамануссзсу сам̣саранд̇о гассабасса саммаасамб̣уд̣̇д̇хасса гаалз кад̇д̇ияагулз ниб̣б̣ад̇д̇ид̇ваа ануггамзна вин̃н̃уд̇ам̣ бад̇д̇о галяаан̣амид̇д̇асанниссаязна лад̣̇д̇хасам̣взг̇о саасанз баб̣б̣аж̇ид̇ваа б̣ахуссуд̇о ахоси. ж̇аад̇имад̣̇зна суд̇амад̣̇зна жа ад̇д̇аанам̣ уггам̣сзнд̇о барз жа вамбхзнд̇о вихааси. со имасмим̣ б̣уд̣̇д̇хуббаад̣̇з д̇асса гаммасса ниссанд̣̇зна саавад̇т̇ияам̣ барибхууд̇аруубз сусаанаг̇обагагулз ниб̣б̣ад̇д̇и. суббияод̇исса наамам̣ ахоси. ат̇а вин̃н̃уд̇ам̣ бад̇д̇о ад̇д̇ано сахааяабхууд̇ам̣ собаагад̇т̇зрам̣ убасан̇гамид̇ваа д̇асса санд̇игз д̇хаммам̣ суд̇ваа бадилад̣̇д̇хасам̣взг̇о баб̣б̣аж̇ид̇ваа саммаабадибад̇д̇им̣ буурзд̇ваа ‘‘аж̇арам̣ ж̇ийрамаанзнаа’’д̇и г̇аат̇ам̣ абхааси.
Ajaraṃ jīramānenāti āyasmato suppiyattherassa gāthā. Kā uppatti? So kira padumuttarassa bhagavato kāle kulagehe nibbattitvā tāpasapabbajjaṃ pabbajitvā araññāyatane vasanto tattha bhagavantaṃ disvā pasannamānaso phalāphalaṃ adāsi, tathā bhikkhusaṅghassa. So tena puññakammena devamanussesu saṃsaranto kassapassa sammāsambuddhassa kāle khattiyakule nibbattitvā anukkamena viññutaṃ patto kalyāṇamittasannissayena laddhasaṃvego sāsane pabbajitvā bahussuto ahosi. Jātimadena sutamadena ca attānaṃ ukkaṃsento pare ca vambhento vihāsi. So imasmiṃ buddhuppāde tassa kammassa nissandena sāvatthiyaṃ paribhūtarūpe susānagopakakule nibbatti. Suppiyotissa nāmaṃ ahosi. Atha viññutaṃ patto attano sahāyabhūtaṃ sopākattheraṃ upasaṅkamitvā tassa santike dhammaṃ sutvā paṭiladdhasaṃvego pabbajitvā sammāpaṭipattiṃ pūretvā ‘‘ajaraṃ jīramānenā’’ti gāthaṃ abhāsi.
32. д̇ад̇т̇а аж̇аранд̇и ж̇араарахид̇ам̣, ниб̣б̣аанам̣ санд̇хааяааха. д̇ан̃хи аж̇аад̇ад̇д̇аа над̇т̇и зд̇т̇а ж̇араа, зд̇асмим̣ ваа ад̇хиг̇ад̇з буг̇г̇аласса саа над̇т̇ийд̇и ж̇араабхаавахзд̇уд̇оби аж̇арам̣ наама. ж̇ийрамаанзнаад̇и ж̇ийранд̇зна, кан̣з кан̣з ж̇арам̣ баабун̣анд̇зна. д̇аббамаанзнаад̇и санд̇аббамаанзна, рааг̇аад̣̇ийхи згаад̣̇асахи аг̇г̇ийхи д̣̇аяхамаанзна. ниб̣б̣уд̇инд̇и яат̇аавуд̇д̇асанд̇аабаабхаавад̇о ниб̣б̣уд̇асабхаавам̣ ниб̣б̣аанам̣. нимияанд̇и баривад̇д̇зяяам̣ жзд̇аабзяяам̣. барамам̣ санд̇инд̇и анавасзсагилзсаабхисан̇каарабарил̣аахавуубасамад̇хаммад̇ааяа уд̇д̇амам̣ санд̇им̣. жад̇уухи яог̇зхи анануб̣анд̇хад̇д̇аа яог̇агкзмам̣. ад̇д̇ано уд̇д̇арид̇арасса гассажи абхаавад̇о ануд̇д̇арам̣. аяан̃хзд̇т̇а сан̇кзбад̇т̇о – кан̣з кан̣з ж̇арааяа абхибхуяяамаанад̇д̇аа ж̇ийрамаанзна, д̇ат̇аа рааг̇аг̇г̇иаад̣̇ийхи санд̇аббамаанзна г̇ад̇о звам̣ анижжзна д̣̇угкзна асаарзна саб̣б̣ат̇ааби анубасанд̇асабхаавзна саубад̣̇д̣̇авзна, д̇аббадибагкабхаавад̇о аж̇арам̣ барамубасамабхууд̇ам̣ гзнажи анубад̣̇д̣̇уд̇ам̣ ануд̇д̇арам̣ ниб̣б̣аанам̣ нимияам̣ баривад̇д̇зяяам̣ ‘‘махаа вад̇а мз лаабхо махаа уд̣̇аяо хад̇т̇аг̇ад̇о’’д̇и. яат̇аа хи мануссаа яам̣ гин̃жи бхан̣д̣ам̣ баривад̇д̇знд̇аа нирабзгкаа г̇аяхамаанзна самб̣ахумаанаа хонд̇и, звамаяам̣ т̇зро бахид̇ад̇д̇о вихаранд̇о ад̇д̇ано гааяз жа ж̇ийвид̇з жа нирабзгкад̇ам̣, ниб̣б̣аанам̣ бадибзсид̇ад̇д̇ан̃жа багаасзнд̇о ‘‘нимияам̣ барамам̣ санд̇им̣, яог̇агкзмам̣ ануд̇д̇ара’’нд̇и вад̇ваа д̇амзва бадибад̇д̇им̣ бариб̣руухаяанд̇о вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.52.51-77) –
32. Tattha ajaranti jarārahitaṃ, nibbānaṃ sandhāyāha. Tañhi ajātattā natthi ettha jarā, etasmiṃ vā adhigate puggalassa sā natthīti jarābhāvahetutopi ajaraṃ nāma. Jīramānenāti jīrantena, khaṇe khaṇe jaraṃ pāpuṇantena. Tappamānenāti santappamānena, rāgādīhi ekādasahi aggīhi dayhamānena. Nibbutinti yathāvuttasantāpābhāvato nibbutasabhāvaṃ nibbānaṃ. Nimiyanti parivatteyyaṃ cetāpeyyaṃ. Paramaṃ santinti anavasesakilesābhisaṅkhārapariḷāhavūpasamadhammatāya uttamaṃ santiṃ. Catūhi yogehi ananubandhattā yogakkhemaṃ. Attano uttaritarassa kassaci abhāvato anuttaraṃ. Ayañhettha saṅkhepattho – khaṇe khaṇe jarāya abhibhuyyamānattā jīramānena, tathā rāgaggiādīhi santappamānena gato evaṃ aniccena dukkhena asārena sabbathāpi anupasantasabhāvena saupaddavena, tappaṭipakkhabhāvato ajaraṃ paramupasamabhūtaṃ kenaci anupaddutaṃ anuttaraṃ nibbānaṃ nimiyaṃ parivatteyyaṃ ‘‘mahā vata me lābho mahā udayo hatthagato’’ti. Yathā hi manussā yaṃ kiñci bhaṇḍaṃ parivattentā nirapekkhā gayhamānena sambahumānā honti, evamayaṃ thero pahitatto viharanto attano kāye ca jīvite ca nirapekkhataṃ, nibbānaṃ paṭipesitattañca pakāsento ‘‘nimiyaṃ paramaṃ santiṃ, yogakkhemaṃ anuttara’’nti vatvā tameva paṭipattiṃ paribrūhayanto vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 2.52.51-77) –
‘‘варун̣о наама наамзна, б̣раахман̣о манд̇абаараг̇уу;
‘‘Varuṇo nāma nāmena, brāhmaṇo mantapāragū;
чад̣д̣зд̇ваа д̣̇аса буд̇д̇аани, ванамаж̇жхог̇ахим̣ д̇ад̣̇аа.
Chaḍḍetvā dasa puttāni, vanamajjhogahiṃ tadā.
‘‘ассамам̣ сугад̇ам̣ гад̇ваа, сувибхад̇д̇ам̣ манорамам̣;
‘‘Assamaṃ sukataṃ katvā, suvibhattaṃ manoramaṃ;
бан̣н̣асаалам̣ гарид̇ваана, васаами вибинз ахам̣.
Paṇṇasālaṃ karitvāna, vasāmi vipine ahaṃ.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
мамуд̣̇д̇харид̇угаамо со, ааг̇ажчи мама ассамам̣.
Mamuddharitukāmo so, āgacchi mama assamaṃ.
‘‘яаавад̇аа ванасан̣д̣амхи, обхаасо вибуло аху;
‘‘Yāvatā vanasaṇḍamhi, obhāso vipulo ahu;
б̣уд̣̇д̇хасса аанубхаавзна, баж̇ж̇алий вибинам̣ д̇ад̣̇аа.
Buddhassa ānubhāvena, pajjalī vipinaṃ tadā.
‘‘д̣̇исваана д̇ам̣ баадихийрам̣, б̣уд̣̇д̇хасздтасса д̇аад̣̇ино;
‘‘Disvāna taṃ pāṭihīraṃ, buddhaseṭṭhassa tādino;
бад̇д̇абудам̣ г̇ахзд̇ваана, палзна бууж̇аяим̣ ахам̣.
Pattapuṭaṃ gahetvāna, phalena pūjayiṃ ahaṃ.
‘‘убаг̇анд̇ваана самб̣уд̣̇д̇хам̣, сахакааримад̣̇аасахам̣;
‘‘Upagantvāna sambuddhaṃ, sahakhārimadāsahaṃ;
анугамбааяа мз б̣уд̣̇д̇хо, ид̣̇ам̣ важанамаб̣рави.
Anukampāya me buddho, idaṃ vacanamabravi.
‘‘каарибхаарам̣ г̇ахзд̇ваана, бажчад̇о зхи мз д̇увам̣;
‘‘Khāribhāraṃ gahetvāna, pacchato ehi me tuvaṃ;
барибхуд̇д̇з жа сан̇гхамхи, бун̃н̃ам̣ д̇ава бхависсад̇и.
Paribhutte ca saṅghamhi, puññaṃ tava bhavissati.
‘‘будагам̣ д̇ам̣ г̇ахзд̇ваана, бхигкусан̇гхассад̣̇аасахам̣;
‘‘Puṭakaṃ taṃ gahetvāna, bhikkhusaṅghassadāsahaṃ;
д̇ад̇т̇а жид̇д̇ам̣ басаад̣̇зд̇ваа, д̇усид̇ам̣ убабаж̇ж̇ахам̣.
Tattha cittaṃ pasādetvā, tusitaṃ upapajjahaṃ.
‘‘д̇ад̇т̇а д̣̇иб̣б̣зхи нажжзхи, г̇ийд̇зхи ваад̣̇ид̇зхи жа;
‘‘Tattha dibbehi naccehi, gītehi vāditehi ca;
бун̃н̃агаммзна сам̣яуд̇д̇ам̣, анубхоми сад̣̇аа сукам̣.
Puññakammena saṃyuttaṃ, anubhomi sadā sukhaṃ.
‘‘яам̣ яам̣ яонубабаж̇ж̇аами, д̣̇звад̇д̇ам̣ ат̇а маанусам̣;
‘‘Yaṃ yaṃ yonupapajjāmi, devattaṃ atha mānusaṃ;
бхог̇з мз уунад̇аа над̇т̇и, палад̣̇аанассид̣̇ам̣ палам̣.
Bhoge me ūnatā natthi, phaladānassidaṃ phalaṃ.
‘‘яаавад̇аа жад̇уро д̣̇ийбаа, сасамуд̣̇д̣̇аа сабаб̣б̣ад̇аа;
‘‘Yāvatā caturo dīpā, sasamuddā sapabbatā;
палам̣ б̣уд̣̇д̇хасса д̣̇ад̇ваана, иссарам̣ гаараяаамахам̣.
Phalaṃ buddhassa datvāna, issaraṃ kārayāmahaṃ.
‘‘яаавад̇аа яз багкиг̇ан̣аа, аагаасз уббад̇анд̇и жз;
‘‘Yāvatā ye pakkhigaṇā, ākāse uppatanti ce;
д̇зби мз васаманвзнд̇и, палад̣̇аанассид̣̇ам̣ палам̣.
Tepi me vasamanventi, phaladānassidaṃ phalaṃ.
‘‘яаавад̇аа ванасан̣д̣амхи, яагкаа бхууд̇аа жа рагкасаа;
‘‘Yāvatā vanasaṇḍamhi, yakkhā bhūtā ca rakkhasā;
гумбхан̣д̣аа г̇арул̣аа жааби, баарижарияам̣ убзнд̇и мз.
Kumbhaṇḍā garuḷā cāpi, pāricariyaṃ upenti me.
‘‘гуммаа сон̣аа мад̇хугаараа, д̣ам̣саа жа магасаа убхо;
‘‘Kummā soṇā madhukārā, ḍaṃsā ca makasā ubho;
д̇зби мам̣ васаманвзнд̇и, палад̣̇аанассид̣̇ам̣ палам̣.
Tepi maṃ vasamanventi, phaladānassidaṃ phalaṃ.
‘‘субан̣н̣аа наама сагун̣аа, багкиж̇аад̇аа махаб̣б̣алаа;
‘‘Supaṇṇā nāma sakuṇā, pakkhijātā mahabbalā;
д̇зби мам̣ саран̣ам̣ яанд̇и, палад̣̇аанассид̣̇ам̣ палам̣.
Tepi maṃ saraṇaṃ yanti, phaladānassidaṃ phalaṃ.
‘‘язби д̣̇ийгхааяугаа нааг̇аа, ид̣̇д̇химанд̇о махааяасаа;
‘‘Yepi dīghāyukā nāgā, iddhimanto mahāyasā;
д̇зби мам̣ васаманвзнд̇и, палад̣̇аанассид̣̇ам̣ палам̣.
Tepi maṃ vasamanventi, phaladānassidaṃ phalaṃ.
‘‘сийхаа б̣яаг̇гхаа жа д̣̇ийбий жа, ажчагогад̇аражчагаа;
‘‘Sīhā byagghā ca dīpī ca, acchakokataracchakā;
д̇зби мам̣ васаманвзнд̇и, палад̣̇аанассид̣̇ам̣ палам̣.
Tepi maṃ vasamanventi, phaladānassidaṃ phalaṃ.
‘‘осад̇хий д̇ин̣аваасий жа, яз жа аагаасаваасино;
‘‘Osadhī tiṇavāsī ca, ye ca ākāsavāsino;
саб̣б̣з мам̣ саран̣ам̣ яанд̇и, палад̣̇аанассид̣̇ам̣ палам̣.
Sabbe maṃ saraṇaṃ yanti, phaladānassidaṃ phalaṃ.
‘‘суд̣̇уд̣̇д̣̇асам̣ сунибун̣ам̣, г̇амбхийрам̣ суббагаасид̇ам̣;
‘‘Sududdasaṃ sunipuṇaṃ, gambhīraṃ suppakāsitaṃ;
пассаяид̇ваа вихараами, палад̣̇аанассид̣̇ам̣ палам̣.
Phassayitvā viharāmi, phaladānassidaṃ phalaṃ.
‘‘вимогкз адта пусид̇ваа, вихараами анаасаво;
‘‘Vimokkhe aṭṭha phusitvā, viharāmi anāsavo;
аад̇аабий нибаго жаахам̣, палад̣̇аанассид̣̇ам̣ палам̣.
Ātāpī nipako cāhaṃ, phaladānassidaṃ phalaṃ.
‘‘яз паладтаа б̣уд̣̇д̇хабуд̇д̇аа, кийн̣ад̣̇осаа махааяасаа;
‘‘Ye phalaṭṭhā buddhaputtā, khīṇadosā mahāyasā;
ахаман̃н̃ад̇аро д̇зсам̣, палад̣̇аанассид̣̇ам̣ палам̣.
Ahamaññataro tesaṃ, phaladānassidaṃ phalaṃ.
‘‘абхин̃н̃аабаарамим̣ г̇анд̇ваа, суггамуулзна жод̣̇ид̇о;
‘‘Abhiññāpāramiṃ gantvā, sukkamūlena codito;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
‘‘д̇звиж̇ж̇аа ид̣̇д̇хибад̇д̇аа жа, б̣уд̣̇д̇хабуд̇д̇аа махааяасаа;
‘‘Tevijjā iddhipattā ca, buddhaputtā mahāyasā;
д̣̇иб̣б̣асод̇ам̣ самаабаннаа, д̇зсам̣ ан̃н̃ад̇аро ахам̣.
Dibbasotaṃ samāpannā, tesaṃ aññataro ahaṃ.
‘‘сад̇асахассид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Satasahassito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇вааби д̇амзва г̇аат̇ам̣ ан̃н̃ааб̣яаагаран̣авасзна абхааси.
Arahattaṃ pana patvāpi tameva gāthaṃ aññābyākaraṇavasena abhāsi.
суббияад̇т̇зраг̇аат̇ааван̣н̣анаа нидтид̇аа.
Suppiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. суббияад̇т̇зраг̇аат̇аа • 2. Suppiyattheragāthā
