| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. සුපුටකපූජකත්‌ථෙරඅපදානං
7. Supuṭakapūjakattheraapadānaṃ
26.
26.
‘‘දිවාවිහාරා නික්‌ඛන්‌තො, විපස්‌සී ලොකනායකො;
‘‘Divāvihārā nikkhanto, vipassī lokanāyako;
භික්‌ඛාය විචරන්‌තො සො, මම සන්‌තිකුපාගමි.
Bhikkhāya vicaranto so, mama santikupāgami.
27.
27.
‘‘තතො පතීතො සුමනො, බුද්‌ධසෙට්‌ඨස්‌ස තාදිනො;
‘‘Tato patīto sumano, buddhaseṭṭhassa tādino;
ලොණසුපුටකං දත්‌වා, කප්‌පං සග්‌ගම්‌හි මොදහං.
Loṇasupuṭakaṃ datvā, kappaṃ saggamhi modahaṃ.
28.
28.
‘‘එකනවුතිතො කප්‌පෙ, යං පුටකමදාසහං;
‘‘Ekanavutito kappe, yaṃ puṭakamadāsahaṃ;
දුග්‌ගතිං නාභිජානාමි, පුටකස්‌ස ඉදං ඵලං.
Duggatiṃ nābhijānāmi, puṭakassa idaṃ phalaṃ.
29.
29.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සුපුටකපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā supuṭakapūjako thero imā gāthāyo abhāsitthāti.
සුපුටකපූජකත්‌ථෙරස්‌සාපදානං සත්‌තමං.
Supuṭakapūjakattherassāpadānaṃ sattamaṃ.
