| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. сураад̇хад̇т̇зраг̇аат̇ааван̣н̣анаа
8. Surādhattheragāthāvaṇṇanā
кийн̣аа хи маяхам̣ ж̇аад̇ийд̇иаад̣̇игаа ааяасмад̇о сураад̇хад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннамаанасо маад̇улун̇г̇апалам̣ ад̣̇ааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з ананд̇арам̣ вуд̇д̇асса раад̇хад̇т̇зрасса ганидто худ̇ваа ниб̣б̣ад̇д̇и, сураад̇ход̇исса наамам̣ ахоси. со ж̇здтабхаад̇ари раад̇хз баб̣б̣аж̇ид̇з саяамби баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.51.68-72) –
Khīṇāhi mayhaṃ jātītiādikā āyasmato surādhattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sikhissa bhagavato kāle kulagehe nibbattitvā viññutaṃ patto ekadivasaṃ satthāraṃ disvā pasannamānaso mātuluṅgaphalaṃ adāsi. So tena puññakammena devaloke nibbattitvā aparāparaṃ puññāni katvā sugatīsuyeva saṃsaranto imasmiṃ buddhuppāde anantaraṃ vuttassa rādhattherassa kaniṭṭho hutvā nibbatti, surādhotissa nāmaṃ ahosi. So jeṭṭhabhātari rādhe pabbajite sayampi pabbajitvā vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 2.51.68-72) –
‘‘ган̣игаарам̣ва ж̇алид̇ам̣, бун̣н̣амааязва жанд̣̇имам̣;
‘‘Kaṇikāraṃva jalitaṃ, puṇṇamāyeva candimaṃ;
ж̇аланд̇ам̣ д̣̇ийбаругкам̣ва, ад̣̇д̣̇асам̣ логанааяагам̣.
Jalantaṃ dīparukkhaṃva, addasaṃ lokanāyakaṃ.
‘‘маад̇улун̇г̇апалам̣ г̇аяха, ад̣̇аасим̣ сад̇т̇уно ахам̣;
‘‘Mātuluṅgaphalaṃ gayha, adāsiṃ satthuno ahaṃ;
д̣̇агкин̣зяяасса вийрасса, басанно сзхи баан̣ибхи.
Dakkhiṇeyyassa vīrassa, pasanno sehi pāṇibhi.
‘‘згад̇им̣сз ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа саасанасса нияяаанигабхаавад̣̇ассанад̇т̇ам̣ ан̃н̃ам̣ б̣яаагаронд̇о ‘‘кийн̣аа хий маяха’’нд̇иаад̣̇инаа г̇аат̇аад̣̇ваяамааха.
Arahattaṃ pana patvā sāsanassa niyyānikabhāvadassanatthaṃ aññaṃ byākaronto ‘‘khīṇā hī mayha’’ntiādinā gāthādvayamāha.
135-6. д̇ад̇т̇а кийн̣аад̇и каяам̣ барияосаанам̣ г̇ад̇аа. ж̇аад̇ийд̇и бхаво бхаваниб̣б̣ад̇д̇и ваа. вусид̇ам̣ ж̇инасаасананд̇и ж̇инасса саммаасамб̣уд̣̇д̇хасса саасанам̣ маг̇г̇аб̣рахмажарияам̣ вудтам̣ баривудтам̣. бахийно ж̇ааласан̇каад̇од̇и сад̇д̇асанд̇аанасса од̇т̇аран̣ад̇о ниссарид̇ум̣ аббад̣̇аанад̇о жа ‘‘ж̇ааласан̇каад̇о’’д̇и жа лад̣̇д̇ханаамаа д̣̇идти авиж̇ж̇аа жа бахийнаа маг̇г̇зна самужчиннаа. бхаванзд̇д̇и самуухад̇аад̇и гаамабхаваад̣̇игасса бхавасса наяанад̇о бавад̇д̇анад̇о бхаванзд̇д̇исан̃н̃ид̇аа д̇ан̣хаа самуг̇гхаадид̇аа. яассад̇т̇ааяа баб̣б̣аж̇ид̇од̇и яасса ад̇т̇ааяа яад̣̇ад̇т̇ам̣ ахам̣ аг̇аарасмаа г̇зхад̇о анаг̇аарияам̣ баб̣б̣аж̇ж̇ам̣ баб̣б̣аж̇ид̇о убаг̇ад̇о. со саб̣б̣зсам̣ орамбхааг̇ияуд̣̇д̇хамбхааг̇ияаббабхзд̣̇аанам̣ сам̣яож̇анаанам̣ б̣анд̇ханаанам̣ каяабхууд̇о ад̇т̇о ниб̣б̣аанасан̇каад̇о барамад̇т̇о арахад̇д̇асан̇каад̇о сад̣̇ад̇т̇о жа маяаа ануббад̇д̇о ад̇хиг̇ад̇од̇и ад̇т̇о.
135-6. Tattha khīṇāti khayaṃ pariyosānaṃ gatā. Jātīti bhavo bhavanibbatti vā. Vusitaṃ jinasāsananti jinassa sammāsambuddhassa sāsanaṃ maggabrahmacariyaṃ vuṭṭhaṃ parivuṭṭhaṃ. Pahīno jālasaṅkhātoti sattasantānassa ottharaṇato nissarituṃ appadānato ca ‘‘jālasaṅkhāto’’ti ca laddhanāmā diṭṭhi avijjā ca pahīnā maggena samucchinnā. Bhavanetti samūhatāti kāmabhavādikassa bhavassa nayanato pavattanato bhavanettisaññitā taṇhā samugghāṭitā. Yassatthāya pabbajitoti yassa atthāya yadatthaṃ ahaṃ agārasmā gehato anagāriyaṃ pabbajjaṃ pabbajito upagato. So sabbesaṃ orambhāgiyuddhambhāgiyappabhedānaṃ saṃyojanānaṃ bandhanānaṃ khayabhūto attho nibbānasaṅkhāto paramattho arahattasaṅkhāto sadattho ca mayā anuppatto adhigatoti attho.
сураад̇хад̇т̇зраг̇аат̇ааван̣н̣анаа нидтид̇аа.
Surādhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. сураад̇хад̇т̇зраг̇аат̇аа • 8. Surādhattheragāthā
