| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
9. абааяимхаваг̇г̇о
9. Apāyimhavaggo
[81] 1. сураабаанаж̇аад̇агаван̣н̣анаа
[81] 1. Surāpānajātakavaṇṇanā
абааяимха анажжимхаад̇и ид̣̇ам̣ сад̇т̇аа госамб̣им̣ убаниссааяа гхосид̇аараамз вихаранд̇о сааг̇ад̇ад̇т̇зрам̣ аараб̣бха гат̇зси. бхаг̇авад̇и хи саавад̇т̇ияам̣ вассам̣ васид̇ваа жааригааг̇аманзна бхад̣̇д̣̇авад̇игам̣ наама ниг̇амам̣ самбад̇д̇з г̇обаалагаа басубаалагаа гассагаа бат̇аавино жа сад̇т̇аарам̣ д̣̇исваа ванд̣̇ид̇ваа ‘‘маа, бханд̇з, бхаг̇аваа амб̣ад̇ид̇т̇ам̣ аг̇амааси, амб̣ад̇ид̇т̇з ж̇адиласса ассамз амб̣ад̇ид̇т̇аго наама нааг̇о аасийвисо гхорависо, со бхаг̇аванд̇ам̣ вихзтзяяаа’’д̇и ваараяим̣су. бхаг̇авааби д̇зсам̣ гат̇ам̣ асун̣анд̇о вияа д̇зсу яаавад̇ад̇ияам̣ ваараяамаанзсуби аг̇амаасиязва.
Apāyimhaanaccimhāti idaṃ satthā kosambiṃ upanissāya ghositārāme viharanto sāgatattheraṃ ārabbha kathesi. Bhagavati hi sāvatthiyaṃ vassaṃ vasitvā cārikāgamanena bhaddavatikaṃ nāma nigamaṃ sampatte gopālakā pasupālakā kassakā pathāvino ca satthāraṃ disvā vanditvā ‘‘mā, bhante, bhagavā ambatitthaṃ agamāsi, ambatitthe jaṭilassa assame ambatitthako nāma nāgo āsīviso ghoraviso, so bhagavantaṃ viheṭheyyā’’ti vārayiṃsu. Bhagavāpi tesaṃ kathaṃ asuṇanto viya tesu yāvatatiyaṃ vārayamānesupi agamāsiyeva.
д̇ад̇ра суд̣̇ам̣ бхаг̇аваа бхад̣̇д̣̇авад̇игааяа авид̣̇уурз ан̃н̃ад̇арасмим̣ ванасан̣д̣з вихарад̇и. д̇зна ко бана самаязна б̣уд̣̇д̇хуубадтааго сааг̇ад̇о наама т̇зро бот̇уж̇ж̇анигааяа ид̣̇д̇хияаа саманнааг̇ад̇о д̇ам̣ ассамам̣ убасан̇гамид̇ваа д̇асса нааг̇арааж̇асса васанадтаанз д̇ин̣асант̇аарагам̣ бан̃н̃аабзд̇ваа баллан̇гзна нисийд̣̇и. нааг̇о магкам̣ асахамаано д̇хуумааяи, т̇зроби д̇хуумааяи. нааг̇о баж̇ж̇али, т̇зроби баж̇ж̇али. нааг̇асса д̇зж̇о т̇зрам̣ на б̣аад̇хад̇и, т̇зрасса д̇зж̇о нааг̇ам̣ б̣аад̇хад̇и. звам̣ со кан̣зна д̇ам̣ нааг̇арааж̇аанам̣ д̣̇амзд̇ваа саран̣зсу жа сийлзсу жа бад̇идтаабзд̇ваа сад̇т̇у санд̇игам̣ аг̇амааси.
Tatra sudaṃ bhagavā bhaddavatikāya avidūre aññatarasmiṃ vanasaṇḍe viharati. Tena kho pana samayena buddhūpaṭṭhāko sāgato nāma thero pothujjanikāya iddhiyā samannāgato taṃ assamaṃ upasaṅkamitvā tassa nāgarājassa vasanaṭṭhāne tiṇasanthārakaṃ paññāpetvā pallaṅkena nisīdi. Nāgo makkhaṃ asahamāno dhūmāyi, theropi dhūmāyi. Nāgo pajjali, theropi pajjali. Nāgassa tejo theraṃ na bādhati, therassa tejo nāgaṃ bādhati. Evaṃ so khaṇena taṃ nāgarājānaṃ dametvā saraṇesu ca sīlesu ca patiṭṭhāpetvā satthu santikaṃ agamāsi.
сад̇т̇аа бхад̣̇д̣̇авад̇игааяам̣ яат̇аабхиранд̇ам̣ вихарид̇ваа госамб̣им̣ аг̇амааси. сааг̇ад̇ад̇т̇зрзна нааг̇асса д̣̇амид̇абхааво сагалаж̇анабад̣̇ам̣ бад̇т̇ари. госамб̣инаг̇араваасино сад̇т̇у бажжуг̇г̇аманам̣ гад̇ваа сад̇т̇аарам̣ ванд̣̇ид̇ваа сааг̇ад̇ад̇т̇зрасса санд̇игам̣ г̇анд̇ваа ванд̣̇ид̇ваа згаманд̇ам̣ тид̇аа звамаахам̣су ‘‘бханд̇з, яам̣ д̇умхаагам̣ д̣̇уллабхам̣, д̇ам̣ вад̣̇зяяаат̇а, д̇ад̣̇зва маяам̣ бадияаад̣̇зссаамаа’’д̇и. т̇зро д̇ун̣хий ахоси. чаб̣б̣аг̇г̇ияаа банаахам̣су ‘‘аавусо, баб̣б̣аж̇ид̇аанам̣ наама гаабод̇игаа сураа д̣̇уллабхаа жзва манаабаа жа. сажз д̇умхз т̇зрасса басаннаа, гаабод̇игам̣ сурам̣ бадияаад̣̇зт̇аа’’д̇и. д̇з ‘‘саад̇хуу’’д̇и самбадижчид̇ваа сад̇т̇аарам̣ сваад̇анааяа ниманд̇зд̇ваа наг̇арам̣ бависид̇ваа ад̇д̇ано ад̇д̇ано г̇зхз ‘‘т̇зрасса д̣̇ассаамаа’’д̇и гаабод̇игам̣ сурам̣ басаннам̣ бадияаад̣̇зд̇ваа т̇зрам̣ ниманд̇зд̇ваа гхарз гхарз басаннам̣ сурам̣ ад̣̇ам̣су. т̇зро бивид̇ваа сураамад̣̇амад̇д̇о наг̇арад̇о нигкаманд̇о д̣̇вааранд̇арз бад̇ид̇ваа вилабамаано нибаж̇ж̇и.
Satthā bhaddavatikāyaṃ yathābhirantaṃ viharitvā kosambiṃ agamāsi. Sāgatattherena nāgassa damitabhāvo sakalajanapadaṃ patthari. Kosambinagaravāsino satthu paccuggamanaṃ katvā satthāraṃ vanditvā sāgatattherassa santikaṃ gantvā vanditvā ekamantaṃ ṭhitā evamāhaṃsu ‘‘bhante, yaṃ tumhākaṃ dullabhaṃ, taṃ vadeyyātha, tadeva mayaṃ paṭiyādessāmā’’ti. Thero tuṇhī ahosi. Chabbaggiyā panāhaṃsu ‘‘āvuso, pabbajitānaṃ nāma kāpotikā surā dullabhā ceva manāpā ca. Sace tumhe therassa pasannā, kāpotikaṃ suraṃ paṭiyādethā’’ti. Te ‘‘sādhū’’ti sampaṭicchitvā satthāraṃ svātanāya nimantetvā nagaraṃ pavisitvā attano attano gehe ‘‘therassa dassāmā’’ti kāpotikaṃ suraṃ pasannaṃ paṭiyādetvā theraṃ nimantetvā ghare ghare pasannaṃ suraṃ adaṃsu. Thero pivitvā surāmadamatto nagarato nikkhamanto dvārantare patitvā vilapamāno nipajji.
сад̇т̇аа гад̇абхад̇д̇агижжо наг̇араа нигкаманд̇о т̇зрам̣ д̇знаагаарзна нибаннам̣ д̣̇исваа ‘‘г̇ан̣хат̇а, бхигкавз, сааг̇ад̇а’’нд̇и г̇аахаабзд̇ваа аараамам̣ аг̇амааси . бхигкуу т̇зрасса сийсам̣ д̇ат̇ааг̇ад̇асса баад̣̇амуулз гад̇ваа д̇ам̣ нибаж̇ж̇аабзсум̣, со баривад̇д̇ид̇ваа баад̣̇з д̇ат̇ааг̇ад̇аабхимукз гад̇ваа нибаж̇ж̇и. сад̇т̇аа бхигкуу бадибужчи ‘‘гим̣ ну ко, бхигкавз, яам̣ буб̣б̣з сааг̇ад̇асса маяи г̇ааравам̣, д̇ам̣ ид̣̇аани ад̇т̇ий’’д̇и? ‘‘над̇т̇и, бханд̇з’’д̇и. ‘‘бхигкавз, амб̣ад̇ид̇т̇агам̣ нааг̇арааж̇аанам̣ го д̣̇амзсий’’д̇и. ‘‘сааг̇ад̇о, бханд̇з’’д̇и. ‘‘гим̣ банзд̇арахи, бхигкавз, сааг̇ад̇о уд̣̇агад̣̇зд̣д̣уубхагамби д̣̇амзд̇ум̣ саггун̣зяяаа’’д̇и. ‘‘но хзд̇ам̣, бханд̇з’’. ‘‘аби ну ко, бхигкавз, зваруубам̣ баад̇ум̣ яуд̇д̇ам̣, яам̣ бивид̇ваа звам̣висан̃н̃ий ход̇ий’’д̇и. ‘‘аяуд̇д̇ам̣, бханд̇з’’д̇и. ат̇а ко бхаг̇аваа т̇зрам̣ г̇арахид̇ваа бхигкуу ааманд̇зд̇ваа ‘‘сураамзраяабаанз баажид̇д̇ияа’’нд̇и (баажи. 327) сигкаабад̣̇ам̣ бан̃н̃аабзд̇ваа удтааяаасанаа г̇анд̇хагудим̣ баависи.
Satthā katabhattakicco nagarā nikkhamanto theraṃ tenākārena nipannaṃ disvā ‘‘gaṇhatha, bhikkhave, sāgata’’nti gāhāpetvā ārāmaṃ agamāsi . Bhikkhū therassa sīsaṃ tathāgatassa pādamūle katvā taṃ nipajjāpesuṃ, so parivattitvā pāde tathāgatābhimukhe katvā nipajji. Satthā bhikkhū paṭipucchi ‘‘kiṃ nu kho, bhikkhave, yaṃ pubbe sāgatassa mayi gāravaṃ, taṃ idāni atthī’’ti? ‘‘Natthi, bhante’’ti. ‘‘Bhikkhave, ambatitthakaṃ nāgarājānaṃ ko damesī’’ti. ‘‘Sāgato, bhante’’ti. ‘‘Kiṃ panetarahi, bhikkhave, sāgato udakadeḍḍūbhakampi dametuṃ sakkuṇeyyā’’ti. ‘‘No hetaṃ, bhante’’. ‘‘Api nu kho, bhikkhave, evarūpaṃ pātuṃ yuttaṃ, yaṃ pivitvā evaṃvisaññī hotī’’ti. ‘‘Ayuttaṃ, bhante’’ti. Atha kho bhagavā theraṃ garahitvā bhikkhū āmantetvā ‘‘surāmerayapāne pācittiya’’nti (pāci. 327) sikkhāpadaṃ paññāpetvā uṭṭhāyāsanā gandhakuṭiṃ pāvisi.
д̇хаммасабхааяам̣ саннибад̇ид̇аа бхигкуу сураабаанасса аван̣н̣ам̣ гат̇аяим̣су ‘‘яаава махаад̣̇осан̃жзд̇ам̣, аавусо, сураабаанам̣ наама, д̇аава бан̃н̃аасамбаннам̣ наама ид̣̇д̇химанд̇ам̣ сааг̇ад̇ам̣ яат̇аа сад̇т̇у г̇ун̣амад̇д̇амби на ж̇аанаад̇и, д̇ат̇аа агаасий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва сурам̣ бивид̇ваа баб̣б̣аж̇ид̇аа висан̃н̃ино хонд̇и, буб̣б̣зби ахзсум̣язваа’’д̇и вад̇ваа ад̇ийд̇ам̣ аахари.
Dhammasabhāyaṃ sannipatitā bhikkhū surāpānassa avaṇṇaṃ kathayiṃsu ‘‘yāva mahādosañcetaṃ, āvuso, surāpānaṃ nāma, tāva paññāsampannaṃ nāma iddhimantaṃ sāgataṃ yathā satthu guṇamattampi na jānāti, tathā akāsī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva suraṃ pivitvā pabbajitā visaññino honti, pubbepi ahesuṃyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз уд̣̇ижжаб̣раахман̣агулз ниб̣б̣ад̇д̇ид̇ваа ваяаббад̇д̇о исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа уббаад̣̇зд̇ваа жхаанагийл̣ам̣ гийл̣анд̇о химаванд̇аббад̣̇зсз васад̇и бан̃жахи анд̇зваасигасад̇зхи баривуд̇о. ат̇а нам̣ вассаанасамаяз самбад̇д̇з анд̇зваасигаа аахам̣су ‘‘аажарияа, мануссабат̇ам̣ г̇анд̇ваа лон̣амб̣илам̣ сзвид̇ваа ааг̇ажчаамаа’’д̇и. ‘‘аавусо, ахам̣ ид̇хзва васиссаами, д̇умхз бана г̇анд̇ваа сарийрам̣ санд̇аббзд̇ваа вассам̣ вийд̇инаамзд̇ваа ааг̇ажчат̇аа’’д̇и. д̇з ‘‘саад̇хуу’’д̇и аажарияам̣ ванд̣̇ид̇ваа б̣аараан̣асим̣ г̇анд̇ваа рааж̇уяяаанз васид̇ваа бунад̣̇ивасз б̣ахид̣̇ваараг̇аамзязва бхигкааяа жарид̇ваа сухид̇аа худ̇ваа бунад̣̇ивасз наг̇арам̣ бависим̣су. мануссаа самбияааяамаанаа бхигкам̣ ад̣̇ам̣су. гад̇ибаахажжаязна жа ран̃н̃оби аарожзсум̣ ‘‘д̣̇зва, химаванд̇ад̇о бан̃жасад̇аа исаяо ааг̇анд̇ваа уяяаанз васанд̇и гхорад̇абаа барамад̇хид̇инд̣̇рияаа сийлаванд̇о’’д̇и. рааж̇аа д̇зсам̣ г̇ун̣з суд̇ваа уяяаанам̣ г̇анд̇ваа ванд̣̇ид̇ваа гад̇абадисант̇ааро вассаанам̣ жад̇умаасам̣ д̇ад̇т̇зва васанад̇т̇ааяа бадин̃н̃ам̣ г̇ахзд̇ваа ниманд̇зси, д̇з д̇ад̇о бадтааяа рааж̇аг̇зхзязва бхун̃ж̇ид̇ваа уяяаанз васанд̇и.
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe udiccabrāhmaṇakule nibbattitvā vayappatto isipabbajjaṃ pabbajitvā abhiññā ca samāpattiyo ca uppādetvā jhānakīḷaṃ kīḷanto himavantappadese vasati pañcahi antevāsikasatehi parivuto. Atha naṃ vassānasamaye sampatte antevāsikā āhaṃsu ‘‘ācariya, manussapathaṃ gantvā loṇambilaṃ sevitvā āgacchāmā’’ti. ‘‘Āvuso, ahaṃ idheva vasissāmi, tumhe pana gantvā sarīraṃ santappetvā vassaṃ vītināmetvā āgacchathā’’ti. Te ‘‘sādhū’’ti ācariyaṃ vanditvā bārāṇasiṃ gantvā rājuyyāne vasitvā punadivase bahidvāragāmeyeva bhikkhāya caritvā suhitā hutvā punadivase nagaraṃ pavisiṃsu. Manussā sampiyāyamānā bhikkhaṃ adaṃsu. Katipāhaccayena ca raññopi ārocesuṃ ‘‘deva, himavantato pañcasatā isayo āgantvā uyyāne vasanti ghoratapā paramadhitindriyā sīlavanto’’ti. Rājā tesaṃ guṇe sutvā uyyānaṃ gantvā vanditvā katapaṭisanthāro vassānaṃ catumāsaṃ tattheva vasanatthāya paṭiññaṃ gahetvā nimantesi, te tato paṭṭhāya rājageheyeva bhuñjitvā uyyāne vasanti.
ат̇згад̣̇ивасам̣ наг̇арз сураанагкад̇д̇ам̣ наама ахоси. рааж̇аа ‘‘баб̣б̣аж̇ид̇аанам̣ сураа д̣̇уллабхаа’’д̇и б̣ахум̣ уд̇д̇амасурам̣ д̣̇аабзси. д̇аабасаа сурам̣ бивид̇ваа уяяаанам̣ г̇анд̇ваа сураамад̣̇амад̇д̇аа худ̇ваа згажжз удтааяа нажжим̣су, згажжз г̇ааяим̣су, нажжид̇ваа г̇ааяид̇ваа кааригаад̣̇ийни авад̇т̇арид̇ваа нид̣̇д̣̇ааяид̇ваа сураамад̣̇з чиннз баб̣уж̇жхид̇ваа д̇ам̣ ад̇д̇ано виббагаарам̣ д̣̇исваа ‘‘на амхзхи баб̣б̣аж̇ид̇асааруббам̣ гад̇а’’нд̇и род̣̇ид̇ваа барид̣̇звид̇ваа ‘‘маяам̣ аажариязна винаабхууд̇ад̇д̇аа зваруубам̣ баабагаммам̣ гаримхаа’’д̇и д̇ан̇кан̣ан̃н̃зва уяяаанам̣ бахааяа химаванд̇ам̣ г̇анд̇ваа бадисаамид̇абаригкаараа аажарияам̣ ванд̣̇ид̇ваа нисийд̣̇ид̇ваа ‘‘гим̣ ну ко, д̇аад̇аа, мануссабат̇з бхигкааяа агиламамаанаа сукам̣ васид̇т̇а, самаг̇г̇аваасан̃жа бана васид̇т̇аа’’д̇и бужчид̇аа ‘‘аажарияа, сукам̣ васимха, абижа ко бана маяам̣ абаад̇аб̣б̣аяуд̇д̇агам̣ бивид̇ваа висан̃н̃ийбхууд̇аа сад̇им̣ бажжубадтаабзд̇ум̣ асаггонд̇аа нажжимха жзва г̇ааяимха жаа’’д̇и зд̇амад̇т̇ам̣ аарожзнд̇аа имам̣ г̇аат̇ам̣ самудтаабзд̇ваа аахам̣су –
Athekadivasaṃ nagare surānakkhattaṃ nāma ahosi. Rājā ‘‘pabbajitānaṃ surā dullabhā’’ti bahuṃ uttamasuraṃ dāpesi. Tāpasā suraṃ pivitvā uyyānaṃ gantvā surāmadamattā hutvā ekacce uṭṭhāya nacciṃsu, ekacce gāyiṃsu, naccitvā gāyitvā khārikādīni avattharitvā niddāyitvā surāmade chinne pabujjhitvā taṃ attano vippakāraṃ disvā ‘‘na amhehi pabbajitasāruppaṃ kata’’nti roditvā paridevitvā ‘‘mayaṃ ācariyena vinābhūtattā evarūpaṃ pāpakammaṃ karimhā’’ti taṅkhaṇaññeva uyyānaṃ pahāya himavantaṃ gantvā paṭisāmitaparikkhārā ācariyaṃ vanditvā nisīditvā ‘‘kiṃ nu kho, tātā, manussapathe bhikkhāya akilamamānā sukhaṃ vasittha, samaggavāsañca pana vasitthā’’ti pucchitā ‘‘ācariya, sukhaṃ vasimha, apica kho pana mayaṃ apātabbayuttakaṃ pivitvā visaññībhūtā satiṃ paccupaṭṭhāpetuṃ asakkontā naccimha ceva gāyimha cā’’ti etamatthaṃ ārocentā imaṃ gāthaṃ samuṭṭhāpetvā āhaṃsu –
81.
81.
‘‘абааяимха анажжимха, аг̇ааяимха руд̣̇имха жа;
‘‘Apāyimha anaccimha, agāyimha rudimha ca;
висан̃н̃ийгаран̣им̣ бид̇ваа, д̣̇идтаа наахумха ваанараа’’д̇и.
Visaññīkaraṇiṃ pitvā, diṭṭhā nāhumha vānarā’’ti.
д̇ад̇т̇а абааяимхаад̇и сурам̣ бивимха. анажжимхаад̇и д̇ам̣ бивид̇ваа хад̇т̇абаад̣̇з лаал̣знд̇аа нажжимха. аг̇ааяимхаад̇и мукам̣ виварид̇ваа ааяад̇агзна сарзна г̇ааяимха. руд̣̇имха жаад̇и буна виббадисаарино ‘‘зваруубам̣ наама амхзхи гад̇а’’нд̇и род̣̇имха жа. висан̃н̃ийгаран̣им̣ бид̇ваа, д̣̇идтаа наахумха ваанараад̇и зваруубам̣ сан̃н̃аавинаасанад̇о висан̃н̃ийгаран̣им̣ сурам̣ бивид̇ваа ‘‘зд̇ад̣̇зва саад̇ху, яам̣ ваанараа наахумхаа’’д̇и. звам̣ д̇з ад̇д̇ано аг̇ун̣ам̣ гат̇зсум̣.
Tattha apāyimhāti suraṃ pivimha. Anaccimhāti taṃ pivitvā hatthapāde lāḷentā naccimha. Agāyimhāti mukhaṃ vivaritvā āyatakena sarena gāyimha. Rudimha cāti puna vippaṭisārino ‘‘evarūpaṃ nāma amhehi kata’’nti rodimha ca. Visaññīkaraṇiṃ pitvā, diṭṭhā nāhumha vānarāti evarūpaṃ saññāvināsanato visaññīkaraṇiṃ suraṃ pivitvā ‘‘etadeva sādhu, yaṃ vānarā nāhumhā’’ti. Evaṃ te attano aguṇaṃ kathesuṃ.
б̣од̇хисад̇д̇о ‘‘г̇арусам̣ваасарахид̇аанам̣ наама зваруубам̣ ход̇иязваа’’д̇и д̇з д̇аабасз г̇арахид̇ваа ‘‘буна зваруубам̣ маагарид̇т̇аа’’д̇и д̇зсам̣ оваад̣̇ам̣ д̣̇ад̇ваа абарихийнаж̇жхаано б̣рахмалогабарааяан̣о ахоси.
Bodhisatto ‘‘garusaṃvāsarahitānaṃ nāma evarūpaṃ hotiyevā’’ti te tāpase garahitvā ‘‘puna evarūpaṃ mākaritthā’’ti tesaṃ ovādaṃ datvā aparihīnajjhāno brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси. ид̇о бадтааяа хи ‘‘анусанд̇хим̣ гхадзд̇ваа’’д̇и ид̣̇амби на вагкаама. д̇ад̣̇аа исиг̇ан̣о б̣уд̣̇д̇хабарисаа ахоси, г̇ан̣асад̇т̇аа бана ахамзва ахосинд̇и.
Satthā imaṃ dhammadesanaṃ āharitvā jātakaṃ samodhānesi. Ito paṭṭhāya hi ‘‘anusandhiṃ ghaṭetvā’’ti idampi na vakkhāma. Tadā isigaṇo buddhaparisā ahosi, gaṇasatthā pana ahameva ahosinti.
сураабаанаж̇аад̇агаван̣н̣анаа батамаа.
Surāpānajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 81. сураабаанаж̇аад̇агам̣ • 81. Surāpānajātakaṃ
