| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
6. сураабаанаваг̇г̇о
6. Surāpānavaggo
1. сураабаанасигкаабад̣̇а-ад̇т̇аяож̇анаа
1. Surāpānasikkhāpada-atthayojanā
326. сураабаанаваг̇г̇асса батамз бхад̣̇д̣̇аа вад̇и зд̇т̇аад̇и бхад̣̇д̣̇авад̇игаад̇и жа, бхад̣̇д̣̇аа вад̇и бхад̣̇д̣̇авад̇и, саа зд̇т̇а ад̇т̇ийд̇и бхад̣̇д̣̇авад̇игаад̇и жа ад̇т̇ам̣ д̣̇ассзнд̇о ааха ‘‘со’’д̇иаад̣̇и. сод̇и г̇аамо лабхийд̇и самб̣анд̇хо. бат̇ам̣ г̇ажчанд̇ийд̇и бат̇аавинод̇и гад̇з ад̣̇д̇хигааязваад̇и ааха ‘‘ад̣̇д̇хигаа’’д̇и. ад̣̇д̇хам̣ г̇ажчанд̇ийд̇и ад̣̇д̇хигаа. ‘‘бат̇игаа’’д̇иби баато, аяамзвад̇т̇о. ‘‘д̇зж̇асаа д̇зж̇а’’нд̇ибад̣̇аани самб̣анд̇хаабзгкаани жа хонд̇и , бад̣̇аанам̣ самаанад̇д̇аа самб̣анд̇хо жа самаанод̇и ман̃н̃ид̇ум̣ саггун̣зяяаа жа хонд̇и, д̇асмаа д̇зсам̣ самб̣анд̇хан̃жа д̇асса асамаанад̇ан̃жа д̣̇ассзд̇ум̣ вуд̇д̇ам̣ ‘‘ад̇д̇ано д̇зж̇асаа нааг̇асса д̇зж̇а’’нд̇и. ‘‘аанубхаавзнаа’’д̇ииминаа бана д̇зж̇асад̣̇д̣̇асса ад̇т̇ам̣ д̣̇ассзд̇и. габод̇асса баад̣̇о габод̇о убажаарзна, д̇асса зсо гаабод̇о, ван̣н̣о. гаабод̇о вияа ван̣н̣о ассаад̇и гаабод̇игаад̇и д̣̇ассзнд̇о ааха ‘‘габод̇абаад̣̇асамаван̣н̣арад̇д̇обхаасаа’’д̇и. басаннасад̣̇д̣̇асса басаад̣̇асад̣̇д̇хаад̣̇аяо нивад̇д̇зд̇ум̣ ‘‘сурааман̣д̣ассзд̇ам̣ ад̇хиважана’’нд̇и вуд̇д̇ам̣. бан̃жаабхин̃н̃асса сад̇од̇и бан̃жаабхин̃н̃асса самаанасса сааг̇ад̇ассаад̇и яож̇анаа.
326. Surāpānavaggassa paṭhame bhaddā vati etthāti bhaddavatikāti ca, bhaddā vati bhaddavati, sā ettha atthīti bhaddavatikāti ca atthaṃ dassento āha ‘‘so’’tiādi. Soti gāmo labhīti sambandho. Pathaṃ gacchantīti pathāvinoti kate addhikāyevāti āha ‘‘addhikā’’ti. Addhaṃ gacchantīti addhikā. ‘‘Pathikā’’tipi pāṭho, ayamevattho. ‘‘Tejasā teja’’ntipadāni sambandhāpekkhāni ca honti , padānaṃ samānattā sambandho ca samānoti maññituṃ sakkuṇeyyā ca honti, tasmā tesaṃ sambandhañca tassa asamānatañca dassetuṃ vuttaṃ ‘‘attano tejasā nāgassa teja’’nti. ‘‘Ānubhāvenā’’tiiminā pana tejasaddassa atthaṃ dasseti. Kapotassa pādo kapoto upacārena, tassa eso kāpoto, vaṇṇo. Kāpoto viya vaṇṇo assāti kāpotikāti dassento āha ‘‘kapotapādasamavaṇṇarattobhāsā’’ti. Pasannasaddassa pasādasaddhādayo nivattetuṃ ‘‘surāmaṇḍassetaṃ adhivacana’’nti vuttaṃ. Pañcābhiññassa satoti pañcābhiññassa samānassa sāgatassāti yojanā.
328. ‘‘мад̇хугабубпаад̣̇ийнам̣ расзна гад̇о’’д̇ииминаа бубпаанам̣ расзна гад̇о аасаво бубпаасавод̇и важанад̇т̇ам̣ д̣̇ассзд̇и. зса наяо ‘‘палаасаво’’д̇иаад̣̇ийсуби. сураамзраяаанам̣ висзсам̣ д̣̇ассзд̇ум̣ вуд̇д̇ам̣ ‘‘сураа наамаа’’д̇иаад̣̇и. бидтагин̣н̣абагкид̇д̇аад̇и бидтзна жа гин̣н̣зна жа багкид̇д̇аа гад̇аа ваарун̣ийд̇и самб̣анд̇хо. гин̣н̣аад̇и жа сурааяа б̣ийж̇ам̣. д̇ан̃хи гиранд̇и наанаасамбхаараани миссийбхаванд̇и зд̇т̇аад̇и гин̣н̣аад̇и вужжад̇и. д̇ассааязва ман̣д̣зд̇и яож̇анаа. суранаамагзна згзна ванажарагзна гад̇аад̇и сураа. мад̣̇ам̣ ж̇анзд̇ийд̇и мзраяам̣.
328. ‘‘Madhukapupphādīnaṃ rasena kato’’tiiminā pupphānaṃ rasena kato āsavo pupphāsavoti vacanatthaṃ dasseti. Esa nayo ‘‘phalāsavo’’tiādīsupi. Surāmerayānaṃ visesaṃ dassetuṃ vuttaṃ ‘‘surā nāmā’’tiādi. Piṭṭhakiṇṇapakkhittāti piṭṭhena ca kiṇṇena ca pakkhittā katā vāruṇīti sambandho. Kiṇṇāti ca surāya bījaṃ. Tañhi kiranti nānāsambhārāni missībhavanti etthāti kiṇṇāti vuccati. Tassāyeva maṇḍeti yojanā. Suranāmakena ekena vanacarakena katāti surā. Madaṃ janetīti merayaṃ.
329. лон̣асовийраганд̇и звам̣наамагам̣ баанам̣. суд̇д̇анд̇иби звамзва. д̇асминд̇и суубасам̣баагз. д̇злам̣ бана бажанд̇ийд̇и самб̣анд̇хо. над̇т̇и д̇икин̣ам̣ маж̇ж̇ам̣ зд̇т̇аад̇и ад̇икин̣амаж̇ж̇ам̣, ад̇икин̣амаж̇ж̇з д̇асмим̣язва д̇злзд̇и ад̇т̇о. яам̣ банаад̇и д̇злам̣ бана. д̇икин̣ам̣ маж̇ж̇ам̣ имасса д̇злассаад̇и д̇икин̣амаж̇ж̇ам̣. яад̇т̇аад̇и д̇злз. аридтод̇и звам̣наамагам̣ бхзсаж̇ж̇ам̣. д̇анд̇и аридтам̣, ‘‘санд̇хааяаа’’д̇ибад̣̇з авуд̇д̇агаммам̣. зд̇анд̇и ‘‘амаж̇ж̇ам̣ аридта’’нд̇иважанам̣, ‘‘вуд̇д̇а’’нд̇ибад̣̇з вуд̇д̇агамманд̇и. батамам̣.
329.Loṇasovīrakanti evaṃnāmakaṃ pānaṃ. Suttantipi evameva. Tasminti sūpasaṃpāke. Telaṃ pana pacantīti sambandho. Natthi tikhiṇaṃ majjaṃ etthāti atikhiṇamajjaṃ, atikhiṇamajje tasmiṃyeva teleti attho. Yaṃ panāti telaṃ pana. Tikhiṇaṃ majjaṃ imassa telassāti tikhiṇamajjaṃ. Yatthāti tele. Ariṭṭhoti evaṃnāmakaṃ bhesajjaṃ. Tanti ariṭṭhaṃ, ‘‘sandhāyā’’tipade avuttakammaṃ. Etanti ‘‘amajjaṃ ariṭṭha’’ntivacanaṃ, ‘‘vutta’’ntipade vuttakammanti. Paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. сураабаанаваг̇г̇о • 6. Surāpānavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
