| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
6. ஸுராபானவக்³கோ³
6. Surāpānavaggo
1. ஸுராபானஸிக்கா²பத³வண்ணனா
1. Surāpānasikkhāpadavaṇṇanā
328. ச²ட்ட²வக்³க³ஸ்ஸ பட²மே பாளியங் கிண்ணபக்கி²த்தாதி பிட்ட²பூவாதி³ங் அபக்கி²பித்வா கிண்ணஸங்கா²தங் த⁴ஞ்ஞங்குராதி³ஸுராபீ³ஜங் பக்கி²பித்வா கதா. ஸம்பா⁴ரஸங்யுத்தாதி ஸாஸபாதி³அனேகஸம்பா⁴ரேஹி ஸஞ்ஞுத்தா.
328. Chaṭṭhavaggassa paṭhame pāḷiyaṃ kiṇṇapakkhittāti piṭṭhapūvādiṃ apakkhipitvā kiṇṇasaṅkhātaṃ dhaññaṅkurādisurābījaṃ pakkhipitvā katā. Sambhārasaṃyuttāti sāsapādianekasambhārehi saññuttā.
மது⁴கதாலனாளிகேராதி³புப்பா²தி³ரஸோ சிரபரிவாஸிதோ புப்பா²ஸவோ நாம. ததா² பனஸாதி³ ப²லாஸவோ. முத்³தி³கரஸோ மத்⁴வாஸவோ. உச்சு²ரஸோ கு³ளாஸவோ. திப²லதிகடுகாதி³னானாஸம்பா⁴ரானங் ரஸோ சிரபரிவாஸிதோ ஸம்பா⁴ரஸங்யுத்தோ. பீ³ஜதோ பட்டா²யாதி யதா²வுத்தானங் பிட்டா²தீ³னங் மஜ்ஜத்தா²ய பா⁴ஜனே பக்கி²த்தகாலதோ பட்டா²ய.
Madhukatālanāḷikerādipupphādiraso ciraparivāsito pupphāsavo nāma. Tathā panasādi phalāsavo. Muddikaraso madhvāsavo. Ucchuraso guḷāsavo. Tiphalatikaṭukādinānāsambhārānaṃ raso ciraparivāsito sambhārasaṃyutto. Bījato paṭṭhāyāti yathāvuttānaṃ piṭṭhādīnaṃ majjatthāya bhājane pakkhittakālato paṭṭhāya.
329. லோணஸோவீரகங் ஸுத்தஞ்ச அனேகேஹி த³ப்³ப³ஸம்பா⁴ரேஹி அபி⁴ஸங்க²தோ பே⁴ஸஜ்ஜவிஸேஸோ. உய்யுத்தஸிக்கா²பதா³னங் அசித்தகலோகவஜ்ஜேஸு லோகவஜ்ஜதா புப்³பே³ வுத்தனயாவாதி தத்த² கிஞ்சிபி அவத்வா இத⁴ தேஹி அஸாதா⁴ரணவத்து²விஸேஸஸித்³தா⁴ய அசித்தகபக்கே²பி அகுஸலசித்ததாய தங் லோகவஜ்ஜதாதி³விஸேஸங் த³ஸ்ஸேதுமேவ ‘‘வத்து²அஜானநதாய செத்தா²’’திஆதி³னா வுத்தந்தி வேதி³தப்³ப³ங். யங் பனெத்த² வத்தப்³ப³ங், தங் பட²மபாராஜிகவண்ணனாயங் வித்தா²ரதோ ஸாரத்த²தீ³பனியங் விரத்³த⁴ட்டா²னவிஸோத⁴னவஸேன வுத்தந்தி தத்தே²வ க³ஹேதப்³ப³ங். மஜ்ஜபா⁴வோ, தஸ்ஸ பானஞ்சாதி இமானெத்த² த்³வே அங்கா³னி.
329.Loṇasovīrakaṃ suttañca anekehi dabbasambhārehi abhisaṅkhato bhesajjaviseso. Uyyuttasikkhāpadānaṃ acittakalokavajjesu lokavajjatā pubbe vuttanayāvāti tattha kiñcipi avatvā idha tehi asādhāraṇavatthuvisesasiddhāya acittakapakkhepi akusalacittatāya taṃ lokavajjatādivisesaṃ dassetumeva ‘‘vatthuajānanatāya cetthā’’tiādinā vuttanti veditabbaṃ. Yaṃ panettha vattabbaṃ, taṃ paṭhamapārājikavaṇṇanāyaṃ vitthārato sāratthadīpaniyaṃ viraddhaṭṭhānavisodhanavasena vuttanti tattheva gahetabbaṃ. Majjabhāvo, tassa pānañcāti imānettha dve aṅgāni.
ஸுராபானஸிக்கா²பத³வண்ணனா நிட்டி²தா.
Surāpānasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுராபானவக்³கோ³ • 6. Surāpānavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 1. ஸுராபானஸிக்கா²பத³வண்ணனா • 1. Surāpānasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. ஸுராபானஸிக்கா²பத³வண்ணனா • 1. Surāpānasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 1. ஸுராபானஸிக்கா²பத³வண்ணனா • 1. Surāpānasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 1. ஸுராபானஸிக்கா²பத³-அத்த²யோஜனா • 1. Surāpānasikkhāpada-atthayojanā
