| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
6. сураабаанаваг̇г̇о
6. Surāpānavaggo
1. сураабаанасигкаабад̣̇аван̣н̣анаа
1. Surāpānasikkhāpadavaṇṇanā
326. сураабаанаваг̇г̇асса батамасигкаабад̣̇з – бхад̣̇д̣̇авад̇игаад̇и зго г̇аамо, со бхад̣̇д̣̇игааяа вад̇ияаа саманнааг̇ад̇ад̇д̇аа зд̇ам̣ наама лабхи. бат̇аавинод̇и ад̣̇д̇хигаа. д̇зж̇асаа д̇зж̇анд̇и ад̇д̇ано д̇зж̇асаа аанубхаавзна нааг̇асса д̇зж̇ам̣. гаабод̇игаад̇и габод̇абаад̣̇асамаван̣н̣арад̇д̇обхаасаа. басаннаад̇и сурааман̣д̣ассзд̇ам̣ ад̇хиважанам̣. ананужчавияам̣ бхигкавз сааг̇ад̇ассаад̇и бан̃жаабхин̃н̃асса сад̇о маж̇ж̇абаанам̣ наама на анужчавияанд̇и вуд̇д̇ам̣ ход̇и.
326. Surāpānavaggassa paṭhamasikkhāpade – bhaddavatikāti eko gāmo, so bhaddikāya vatiyā samannāgatattā etaṃ nāma labhi. Pathāvinoti addhikā. Tejasā tejanti attano tejasā ānubhāvena nāgassa tejaṃ. Kāpotikāti kapotapādasamavaṇṇarattobhāsā. Pasannāti surāmaṇḍassetaṃ adhivacanaṃ. Ananucchaviyaṃ bhikkhave sāgatassāti pañcābhiññassa sato majjapānaṃ nāma na anucchaviyanti vuttaṃ hoti.
328. бубпаасаво наама мад̇хугабубпаад̣̇ийнам̣ расзна гад̇о. палаасаво наама муд̣̇д̣̇игапалаад̣̇ийни мад̣̇д̣̇ид̇ваа д̇зсам̣ расзна гад̇о. мад̇хваасаво наама муд̣̇д̣̇игаанам̣ ж̇аад̇ирасзна гад̇о; магкигамад̇хунааби гарияад̇ийд̇и вад̣̇анд̇и. г̇ул̣аасаво наама ужчурасаад̣̇ийхи гарияад̇и. сураа наама бидтагин̣н̣абагкид̇д̇аа; наал̣игзраад̣̇ийнамби расзна гад̇аа сураад̇взва сан̇кяам̣ г̇ажчад̇и, д̇ассааязва гин̣н̣абагкид̇д̇ааяа ман̣д̣з г̇ахид̇з мзраяод̇взва сан̇кяам̣ г̇ажчад̇ийд̇и вад̣̇анд̇и. анд̇амасо гусаг̇г̇знаби бивад̇ийд̇и зд̇ам̣ сурам̣ ваа мзраяам̣ ваа б̣ийж̇ад̇о бадтааяа гусаг̇г̇зна бивад̇оби баажид̇д̇ияанд̇и ад̇т̇о. згзна бана баяог̇зна б̣ахумби биванд̇асса згаа аабад̇д̇и. вижчинд̣̇ид̇ваа вижчинд̣̇ид̇ваа бивад̇о баяог̇аг̇ан̣анааяа аабад̇д̇ияо.
328.Pupphāsavo nāma madhukapupphādīnaṃ rasena kato. Phalāsavo nāma muddikaphalādīni madditvā tesaṃ rasena kato. Madhvāsavo nāma muddikānaṃ jātirasena kato; makkhikamadhunāpi kariyatīti vadanti. Guḷāsavo nāma ucchurasādīhi kariyati. Surā nāma piṭṭhakiṇṇapakkhittā; nāḷikerādīnampi rasena katā surātveva saṅkhyaṃ gacchati, tassāyeva kiṇṇapakkhittāya maṇḍe gahite merayotveva saṅkhyaṃ gacchatīti vadanti. Antamaso kusaggenapi pivatīti etaṃ suraṃ vā merayaṃ vā bījato paṭṭhāya kusaggena pivatopi pācittiyanti attho. Ekena pana payogena bahumpi pivantassa ekā āpatti. Vicchinditvā vicchinditvā pivato payogagaṇanāya āpattiyo.
329. амаж̇ж̇ан̃жа ход̇и маж̇ж̇аван̣н̣ам̣ маж̇ж̇аг̇анд̇хам̣ маж̇ж̇арасанд̇и лон̣асовийрагам̣ ваа суд̇д̇ам̣ ваа ход̇и. суубасамбаагзд̇и ваасаг̇аахаабанад̇т̇ам̣ ийсагам̣ маж̇ж̇ам̣ багкибид̇ваа суубам̣ бажанд̇и, д̇асмим̣ анаабад̇д̇и. мам̣сасамбаагзби зсзва наяо. д̇злам̣ бана ваад̇абхзсаж̇ж̇ад̇т̇ам̣ маж̇ж̇зна сад̣̇д̇хим̣ бажанд̇и, д̇асмимби анад̇игкид̇д̇амаж̇ж̇зязва анаабад̇д̇и, яам̣ бана ад̇игкид̇д̇амаж̇ж̇ам̣ ход̇и, зд̇т̇а маж̇ж̇асса ван̣н̣аг̇анд̇харасаа бан̃н̃ааяанд̇и, д̇асмим̣ аабад̇д̇иязва. амаж̇ж̇ам̣ аридтанд̇и яо аридто маж̇ж̇ам̣ на ход̇и, д̇асмим̣ анаабад̇д̇и. аамалагаад̣̇ийнам̣язва гира расзна аридтам̣ гаронд̇и, со маж̇ж̇аван̣н̣аг̇анд̇харасоязва ход̇и, на жа маж̇ж̇ам̣; д̇ам̣ санд̇хааязд̇ам̣ вуд̇д̇ам̣. яо бана самбхаарабагкид̇д̇о, со маж̇ж̇ам̣ ход̇и, б̣ийж̇ад̇о бадтааяа на ваддад̇и. сзсамзд̇т̇а уд̇д̇аанамзва. зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, логаваж̇ж̇ам̣, гааяагаммам̣ агусалажид̇д̇ам̣, д̇ивзд̣̇ананд̇и. вад̇т̇уаж̇аананад̇ааяа жзд̇т̇а ажид̇д̇агад̇аа взд̣̇ид̇аб̣б̣аа, агусалзнзва баад̇аб̣б̣ад̇ааяа логаваж̇ж̇ад̇аад̇и.
329.Amajjañca hoti majjavaṇṇaṃ majjagandhaṃ majjarasanti loṇasovīrakaṃ vā suttaṃ vā hoti. Sūpasampāketi vāsagāhāpanatthaṃ īsakaṃ majjaṃ pakkhipitvā sūpaṃ pacanti, tasmiṃ anāpatti. Maṃsasampākepi eseva nayo. Telaṃ pana vātabhesajjatthaṃ majjena saddhiṃ pacanti, tasmimpi anatikkhittamajjeyeva anāpatti, yaṃ pana atikkhittamajjaṃ hoti, ettha majjassa vaṇṇagandharasā paññāyanti, tasmiṃ āpattiyeva. Amajjaṃ ariṭṭhanti yo ariṭṭho majjaṃ na hoti, tasmiṃ anāpatti. Āmalakādīnaṃyeva kira rasena ariṭṭhaṃ karonti, so majjavaṇṇagandharasoyeva hoti, na ca majjaṃ; taṃ sandhāyetaṃ vuttaṃ. Yo pana sambhārapakkhitto, so majjaṃ hoti, bījato paṭṭhāya na vaṭṭati. Sesamettha uttānameva. Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, lokavajjaṃ, kāyakammaṃ akusalacittaṃ, tivedananti. Vatthuajānanatāya cettha acittakatā veditabbā, akusaleneva pātabbatāya lokavajjatāti.
сураабаанасигкаабад̣̇ам̣ батамам̣.
Surāpānasikkhāpadaṃ paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. сураабаанаваг̇г̇о • 6. Surāpānavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. сураабаанасигкаабад̣̇а-ад̇т̇аяож̇анаа • 1. Surāpānasikkhāpada-atthayojanā
