| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
6. сураабаанаваг̇г̇о
6. Surāpānavaggo
1. сураабаанасигкаабад̣̇аван̣н̣анаа
1. Surāpānasikkhāpadavaṇṇanā
бидтаад̣̇ийхи гад̇ам̣ маж̇ж̇ам̣ сураад̇и бидтабууваод̣̇анагин̣н̣асамбхаарзхи гад̇ам̣ маж̇ж̇ам̣ сураад̇и ад̇т̇о. ид̣̇ам̣ вуд̇д̇ам̣ ход̇и – бидтасураа, буувасураа, од̣̇анасураа, гин̣н̣абагкид̇д̇аа, самбхаарасам̣яуд̇д̇аад̇и (баажи. 328) имаани бан̃жа сураа наамаад̇и. д̇ад̇т̇а бидтам̣ бхааж̇анз багкибид̇ваа д̇аж̇ж̇ам̣ уд̣̇агам̣ д̣̇ад̇ваа мад̣̇д̣̇ид̇ваа гад̇аа бидтасураа (саарад̇т̇а. дий. баажид̇д̇ияа 3.326-328). звам̣ сзсаасуби. гин̣н̣аад̇и бана д̇ассаа сурааяа б̣ийж̇ам̣ вужжад̇и. яз ‘‘сураамод̣̇агаа’’д̇иби вужжанд̇и, д̇з багкибид̇ваа гад̇аа гин̣н̣абагкид̇д̇аа. харийд̇агисаасабаад̣̇инаанаасамбхаарзхи сам̣яож̇ид̇аа самбхаарасам̣яуд̇д̇аа.
Piṭṭhādīhikataṃ majjaṃ surāti piṭṭhapūvaodanakiṇṇasambhārehi kataṃ majjaṃ surāti attho. Idaṃ vuttaṃ hoti – piṭṭhasurā, pūvasurā, odanasurā, kiṇṇapakkhittā, sambhārasaṃyuttāti (pāci. 328) imāni pañca surā nāmāti. Tattha piṭṭhaṃ bhājane pakkhipitvā tajjaṃ udakaṃ datvā madditvā katā piṭṭhasurā (sārattha. ṭī. pācittiya 3.326-328). Evaṃ sesāsupi. Kiṇṇāti pana tassā surāya bījaṃ vuccati. Ye ‘‘surāmodakā’’tipi vuccanti, te pakkhipitvā katā kiṇṇapakkhittā. Harītakisāsapādinānāsambhārehi saṃyojitā sambhārasaṃyuttā.
бубпаад̣̇ийхи гад̇о аасаво мзраяанд̇и бубпапаламад̇хуг̇ул̣асамбхаарзхи гад̇о жирабариваасид̇о мзраяанд̇и ад̇т̇о. ид̣̇ам̣ вуд̇д̇ам̣ ход̇и – бубпаасаво, палаасаво, мад̇хваасаво, г̇ул̣аасаво, самбхаарасам̣яуд̇д̇од̇и бан̃жамзраяам̣ наамаад̇и. д̇ад̇т̇а мад̇хугад̇ааланаал̣игзраад̣̇и бубпарасо жирабариваасид̇о бубпаасаво. банасаад̣̇ипаларасо палаасаво. муд̣̇д̣̇игаарасо мад̇хваасаво. саманд̇абаасаад̣̇игааяам̣ бана ‘‘палаасаво наама муд̣̇д̣̇игаапалаад̣̇ийни мад̣̇д̣̇ид̇ваа д̇зсам̣ расзна гад̇о. мад̇хваасаво наама муд̣̇д̣̇игаанам̣ ж̇аад̇ирасзна гад̇о, магкигаамад̇хунааби гарийяад̇ийд̇и вад̣̇анд̇ий’’д̇и (баажи. адта. 328) вуд̇д̇ам̣. ужчурасо г̇ул̣аасаво. харийд̇агаамалагагадугабхан̣д̣аад̣̇инаанаасамбхаараанам̣ расо жирабариваасид̇о самбхаарасам̣яуд̇д̇о. зд̇т̇а жа сурааяа, мзраяасса жа самаанзби самбхаарасам̣яог̇з мад̣̇д̣̇ид̇ваа гад̇аа сураа, жирабариваасид̇амад̇д̇зна мзраяанд̇и звамимзсам̣ наанаагаран̣ам̣ д̣̇адтаб̣б̣ам̣. б̣ийж̇ад̇о бадтааяаад̇и самбхаарз бадияаад̣̇зд̇ваа жаадияам̣ багкид̇д̇агаалад̇о жзва д̇ааланаал̣игзраад̣̇ийнам̣ бубпарасасса абхинавагаалад̇о жа бадтааяа.
Pupphādīhi kato āsavo merayanti pupphaphalamadhuguḷasambhārehi kato ciraparivāsito merayanti attho. Idaṃ vuttaṃ hoti – pupphāsavo, phalāsavo, madhvāsavo, guḷāsavo, sambhārasaṃyuttoti pañcamerayaṃ nāmāti. Tattha madhukatālanāḷikerādi puppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Samantapāsādikāyaṃ pana ‘‘phalāsavo nāma muddikāphalādīni madditvā tesaṃ rasena kato. Madhvāsavo nāma muddikānaṃ jātirasena kato, makkhikāmadhunāpi karīyatīti vadantī’’ti (pāci. aṭṭha. 328) vuttaṃ. Ucchuraso guḷāsavo. Harītakāmalakakaṭukabhaṇḍādinānāsambhārānaṃ raso ciraparivāsito sambhārasaṃyutto. Ettha ca surāya, merayassa ca samānepi sambhārasaṃyoge madditvā katā surā, ciraparivāsitamattena merayanti evamimesaṃ nānākaraṇaṃ daṭṭhabbaṃ. Bījato paṭṭhāyāti sambhāre paṭiyādetvā cāṭiyaṃ pakkhittakālato ceva tālanāḷikerādīnaṃ puppharasassa abhinavakālato ca paṭṭhāya.
лон̣асовийрагам̣ ваа суд̇д̇ам̣ ваад̇и имз д̣̇вз анзгзхи бхзсаж̇ж̇зхи абхисан̇кад̇аа аасавависзсаа. ваасаг̇г̇аахаабанад̇т̇анд̇и суг̇анд̇хабхааваг̇аахаабанад̇т̇ам̣. вад̇т̇ум̣ аж̇аананад̇ааяа жзд̇т̇а ажид̇д̇агад̇аа взд̣̇ид̇аб̣б̣аа. агусалзнзва баад̇аб̣б̣ад̇ааяа логаваж̇ж̇ам̣. яам̣ банзд̇т̇а вад̇д̇аб̣б̣ам̣ сияаа, д̇ам̣ саб̣б̣ам̣ батамабаарааж̇игаван̣н̣анааяа вуд̇д̇анаяамзва.
Loṇasovīrakaṃ vā suttaṃ vāti ime dve anekehi bhesajjehi abhisaṅkhatā āsavavisesā. Vāsaggāhāpanatthanti sugandhabhāvagāhāpanatthaṃ. Vatthuṃ ajānanatāya cettha acittakatā veditabbā. Akusaleneva pātabbatāya lokavajjaṃ. Yaṃ panettha vattabbaṃ siyā, taṃ sabbaṃ paṭhamapārājikavaṇṇanāya vuttanayameva.
сураабаанасигкаабад̣̇аван̣н̣анаа нидтид̇аа.
Surāpānasikkhāpadavaṇṇanā niṭṭhitā.
