| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
6. сураабаанаваг̇г̇о
6. Surāpānavaggo
1. сураабаанасигкаабад̣̇аван̣н̣анаа
1. Surāpānasikkhāpadavaṇṇanā
326-328. сураабаанаваг̇г̇асса батамасигкаабад̣̇з вад̇ияаад̇и г̇аамабаригкзбавад̇ияаа. баал̣ияам̣ бидтасураад̣̇ийсу бидтам̣ бхааж̇анз багкибид̇ваа д̇аж̇ж̇ам̣ уд̣̇агам̣ д̣̇ад̇ваа мад̣̇д̣̇ид̇ваа гад̇аа бидтасураа. звам̣ буувз од̣̇анз жа бхааж̇анз багкибид̇ваа д̇аж̇ж̇ам̣ уд̣̇агам̣ д̣̇ад̇ваа мад̣̇д̣̇ид̇ваа гад̇аа буувасураа од̣̇анасураад̇и жа вужжад̇и. ‘‘гин̣н̣аа’’д̇и бана д̇ассаа сурааяа б̣ийж̇ам̣ вужжад̇и. яз сураамод̣̇агаад̇иби вужжанд̇и, д̇з багкибид̇ваа гад̇аа гин̣н̣абагкид̇д̇аа. харийд̇агийсаасабаад̣̇инаанаасамбхаарзхи сам̣яож̇ид̇аа самбхаарасам̣яуд̇д̇аа.
326-328. Surāpānavaggassa paṭhamasikkhāpade vatiyāti gāmaparikkhepavatiyā. Pāḷiyaṃ piṭṭhasurādīsu piṭṭhaṃ bhājane pakkhipitvā tajjaṃ udakaṃ datvā madditvā katā piṭṭhasurā. Evaṃ pūve odane ca bhājane pakkhipitvā tajjaṃ udakaṃ datvā madditvā katā pūvasurā odanasurāti ca vuccati. ‘‘Kiṇṇā’’ti pana tassā surāya bījaṃ vuccati. Ye surāmodakātipi vuccanti, te pakkhipitvā katā kiṇṇapakkhittā. Harītakīsāsapādinānāsambhārehi saṃyojitā sambhārasaṃyuttā.
мад̇хугад̇ааланаал̣игзраад̣̇ибубпарасо жирабариваасид̇о бубпаасаво. банасаад̣̇ипаларасо палаасаво. муд̣̇д̣̇игаарасо мад̇хваасаво. ужчурасо г̇ул̣аасаво. харийд̇агаамалагагадугабхан̣д̣аад̣̇инаанаасамбхаараанам̣ расо жирабариваасид̇о самбхаарасам̣яуд̇д̇о. б̣ийж̇ад̇о бадтааяаад̇и самбхаарз бадияаад̣̇зд̇ваа жаадияам̣ багкид̇д̇агаалад̇о, д̇ааланаал̣игзраад̣̇ийнам̣ бубпарасасса г̇ахид̇аабхинавагаалад̇оязва жа бадтааяа.
Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo. Harītakāmalakakaṭukabhaṇḍādinānāsambhārānaṃ raso ciraparivāsito sambhārasaṃyutto. Bījato paṭṭhāyāti sambhāre paṭiyādetvā cāṭiyaṃ pakkhittakālato, tālanāḷikerādīnaṃ puppharasassa gahitaabhinavakālatoyeva ca paṭṭhāya.
329. лон̣асовийрагам̣ суд̇д̇ан̃жа анзгзхи бхзсаж̇ж̇зхи абхисан̇кад̇о амаж̇ж̇абхууд̇о аасавависзсо. ваасаг̇г̇аахаабанад̇т̇анд̇и суг̇анд̇хибхааваг̇г̇аахаабанад̇т̇ам̣. ажид̇д̇агам̣ логаваж̇ж̇анд̇и зд̇т̇а яам̣ вад̇д̇аб̣б̣ам̣, д̇ам̣ батамабаарааж̇игаван̣н̣анааяам̣ вуд̇д̇анаязна взд̣̇ид̇аб̣б̣ам̣. сзсамзд̇т̇а уд̇д̇аанамзва. маж̇ж̇абхааво, д̇асса баанан̃жаад̇и имаани банзд̇т̇а д̣̇вз ан̇г̇аани.
329.Loṇasovīrakaṃ suttañca anekehi bhesajjehi abhisaṅkhato amajjabhūto āsavaviseso. Vāsaggāhāpanatthanti sugandhibhāvaggāhāpanatthaṃ. Acittakaṃ lokavajjanti ettha yaṃ vattabbaṃ, taṃ paṭhamapārājikavaṇṇanāyaṃ vuttanayena veditabbaṃ. Sesamettha uttānameva. Majjabhāvo, tassa pānañcāti imāni panettha dve aṅgāni.
сураабаанасигкаабад̣̇аван̣н̣анаа нидтид̇аа.
Surāpānasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. сураабаанаваг̇г̇о • 6. Surāpānavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. сураабаанасигкаабад̣̇аван̣н̣анаа • 1. Surāpānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. сураабаанасигкаабад̣̇а-ад̇т̇аяож̇анаа • 1. Surāpānasikkhāpada-atthayojanā
